Со 1.460 вработени нема превработеност, туку е потребно преструктуирање, смета првиот човек на Компанијата. Сега е потребно осовременување, но и пари за тоа.

- Неопходни се минимум пет гарнитури возови – комбинирани: 3 дизелмоторни и 2 електромоторни. Се очекува поддршката од државата. Компанијата ќе бара кредит, конкретно од финансиската институција ЕуроФима која ги финансира проектите на сите железници.

- Овие проекти одат со кредитирање преку Европската инвестициска банка или преку финансиската организација ЕуроФима која е специјализирана за финансиска помош на сите железници. И ние тоа ќе го направиме, вели Деркоски.

Во меѓувреме завршува проектот со Светска банка. Модернизирани се 4 дизел и 2 електрични локомотиви, а во тек е набавката на 36 товарни вагони од “Гоша” Загреб.

Македонија очекува многу и од неодамнешното приклучување во проектот во товарниот транспорт што го почнаа словенечките железници, а со нив основачи се хрватските и српските железници.

-Македонската страна е вклучена во управувачките органи на компанијата “Карго 10” наскоро ќе се формира, а првиот воз се очекува да тргне во почетокот на октомври од Параќин Србија кон Сежана Словенија. Ќе има траси во кои ќе бидат вклучени и македонскиот товарен железнички транспорт и инфраструктурата. Македонија добива зашто во иднина, реципрочно железниците ќе разменуваат локомотиви и вагони , па ќе донесе поволно работење за нашиот железнички транспорт, истакнува директорот на ММакедонски железници А.Д. Транспорт.

Македонски железници во проектот пристапија со неодамнешниот договор потпишан во Загреб, а тука ќе бидат и босанските и железниците на Република Српска.