Јавен автобуски превоз (општо)

^

Па по мене.. Мишко требаше да си даде оставка, не откако се испокршија туку откако, не презеде ништо по однос на скршените дувалки, ишкртани автобуси и слично.. покрај камери во автобус.

Така да, целиот овој период наваму му е бонус, без кредибилитет.

Во случајов кога очигледно бил контактиран од новинаров (што е за поздравување, пошто можело и без тоа да излезе статијава), требало да ја извади стратегијата на маса и да читаме за неа тука. Пр. 2010-2020 Јавен сообраќаен превоз. А не да се напињаме тука и да погодуваме што можеби ќе биде, што можеби не и на база на претпоставки да цениме дали некој добро работи или не зеза.

Да, но порано патниците се возеа како компири, а сега како достоинствени граѓани.

Претпоставувам некој ќе ми рече што е достоинствено на немање место и бутање пошто наводно немало доволно место за сите.

Дали се сите 302 автобуси стигнати? - Ако не се лажам, не се.

Дали покрај 302 ќе се користат и некои од старите ама релативно понови? - Најверојатно ако има потреба.

Дали ако капацитетот не ги задоволува потребите, треба да се нарачаат дополнителни автобуси (земајќи во предвид нови автобуси + евентуално дел од старите во подобра состојба)? - Најверојатно ако нема друг превоз предвидено.

Дали имаме добра анализа за капацитетот во однос на потребите, особено земајќи во предвид фрекфентност во поедини интервали? - Не сум баш сигурен.

Се димензионира дополнителен транспорт, трамвај (тролејбус !?). Како би се одразил на моменталниот капацитет, како дополнителен капацитет и дали интервенции како набавка на дополнителни автобуси е баш неопходна? Да не се заборави динамика по години, раст на потребите со раст на бројноста на население и расположив транспортен капацитет.

ДАЛИ НАВИСТИНА НЕКОЈ МИСЛИ ДЕКА СО ЕДНА РЕЧЕНИЦА СЕ КАЖАЛ? (пред се мислам на статијава). Се работи за стратегија, за пристап, не за еднократна набавка и толку. Барем би требало, а и така ми личи, тогаш зашто пред да и се пристапи не се направи една посеопфатна анализа.

Дали набавката на новите автобуси заради замена на стариот возен парк е лош чекор? - НИ ПОД РАЗНО.

Ако капацитетот е единствен услов тогаш не е проблем да ги извадат сите седишта и превозот да се врши исклучиво во стоечка положба. Така и 100.000 ќе превезат.

Можат и системи за греење и ладење да отстранат, така уште подобра зделка ќе направиме. Ќе се намалат трошоците, ама ќе скокне незадоволството (некомерцијалниот елемент, но само ако патниците ги прифатат како такви и не се намали користењето, читај Северна Кореја. Ако се намали и се појави револт и незадоволство, па од тука и намалување на користењето, тогаш ќе се одрази и на приходот.)

Се подразбира ако и рампата за инвалиди се тргне, кој ќе е како нас.

Сума сумарум, враќајќи се вака наназад, ќе се запрашаме зашто воопшто купивме нови. Тогаш значи можевме истите стари со овие (непостоечки) перформанси да ги користиме и нели ќе бевме среќни. Наместо клима уред, имавме автобус со >> без кров во обид << (почнал да се цепи) и тоа без никакви трошоци за демонтажа на истиот.

Инаку не е на одмет да се проанализира чинот со пензионерите. Можно е во добар дел да ја саботираат цела операција.

Еве едно прашање:

Дали кога би се направил секој ден да биде бесплатен за нив, навистина и тогаш би се возеле секој ден Или само проценетиот сегашен обем со евентуално мало зголемување би се поделил уште на 5 дена (неделно вкупно 7 со сегашните 2) со што би се намалила натрупаноста по ден (конкретно на сегашните 2) што не е лошо.

Edited by Suprise - 28-Dec-2011 at 14:57

Небулози! Ова е неверојатно!!

Новите автобуси потесни, но поискористени

Бројот на патници расте од месец на месец и во ноември бил за осум проценти поголем отколку во октомври



ЈСП капацитетот на возилата го пресметува по бројот на превезени патници

Новите автобуси му донесоа зголемен број патници за ЈСП, иако граѓаните реагираат дека двокатните возила се потесни и со помал капацитет. Трендот на пораст на патниците трае веќе неколку месеци и се очекува да продолжи и понатаму, и покрај новите поскапи цени на јавниот превоз.

Според податоците на претпријатието, бројот на патници во ноември бил за осум проценти поголем отколку во октомври, додека во октомври имало 11 проценти повеќе патници отколку во септември. Директорот на ЈСП, Мишо Николов, вели дека ситуацијата сега е многу подобра, бидејќи порано не биле сигурни дали возилата ќе излезат на улица затоа што голем дел од нив биле дефектни.

- Автобусите секое утро излегуваат на улица, а ни стигнуваат значително помалку поплаки за неизвршен превоз. Подобрената ситуација може да се потврди и затоа што изминатиов период имаме значително зголемен број на патници. Метеж во автобусите се создава само во вторник и во петок, односно во деновите кога за возрасните граѓани е бесплатен превозот. За да го средиме тој проблем заедно со градот правиме анализи на состојбата. Сметам дека наскоро ќе се коригира ваквата ситуација. Како краткорочно решение на проблемот планираме на најфреквентните линии како „2“, „5“, „41“ и „57“ да бидат пуштени дополнителни автобуси, особено во вторник и во петок - објаснува Николов.

Од друга страна, математиката, пак, покажува дека новите возила се со помал капацитет од старите. Според нашата анализа*, новите автобуси имаат капацитет да соберат вкупно 24.160 патници, за разлика од старите, кои во истиот број би собрале 56.400 патници. Вкупниот капацитет на ЈСП пред да се набават новите автобуси беше 45.200 патници, а сега собира само половина од поранешната бројка. Директорот Николов потврдува дека новите автобуси имаат помал капацитет на патници, но претпријатието, капацитетот на возилата го пресметува по бројот на превезени патници, а не според тоа колку патници собира во еден автобус.

- Иако во старите автобуси имаше место за повеќе патници, ние немавме никаква придобивка од тоа, затоа што тие многу често се расипуваа и се враќаа празни во гаража. Сега имаа помалку место, но сите капацитети се секогаш исполнети. Сметам дека капацитетите на возилата сега се поголеми, затоа што бројот на патниците ни е зголемен, за разлика од порано - нагласува Николов.**

И граѓаните се среќни што добиле нови и убави автобуси, иако дел од нив се жалат дека има помалку места за седење и за стоење. Проблемот е најголем во двокатните автобуси, каде во шпицовите може да се забележат патници што стојат на вториот кат, иако тоа е забрането.

- Автобусите изгледаат прекрасно, но за да може така да се чувствуваме кога се возиме во нив би требало возилата да доаѓаат во пократок временски период и да не се пуштаат повеќе патници отколку што е дозволената бројка. Иако е забрането стоење во двокатните автобуси, средношколците редовно стојат и не можеме да поминеме од нив, ниту да седнеме, ниту, пак, да се симнеме на првиот кат ако сакаме да излеземе од возилото. Најголем проблем имаме во вторник и во петок - коментираат патници.
Поплаки има и за автобуската линија „24“, која сообраќа кон Кисела Вода, бидејќи, како што тврдат жителите, автобусот доаѓа на еден час и се прави огромен метеж. Од ЈСП тврдат дека проблемот со овој автобус е од поодамна и негово решение гледаат во изградбата на Првомајска.***



http://www.novamakedonija.com.mk/NewsDetal.asp?vest=122611650185&id=14&setIzdanie=22465

* „Нивната“ анализа ја постирав во април. Си играле малку весела математика и заклучокот за капацитетот по пристигнување на сите нарачани автобуси го претставиле како веќе постигната ситуација. Но добро, барем форумов им служи на новинарите.
** Само ти вози Мишко, на форумов никогаш не ни е доста од твоите шашави изјави
*** „24“ воопшто не вози по Првомајска.

Јас би рекол само трамвај и тоа 30-50 % од трасата под земја,другите решениа паѓаат во вода,пред да ги купеа автобусиве хммм можевме да ставиме тролејбуси али од кога ги земавме сега веќе не пали да има автобуски превоз + автобуски превоз, едино не правам многу разлика помеѓу тролејбус и градски автобус ,исто име имаат различно се нарекува,а е за ист вид на транспорт,идејата за тролејбус е многу,многу погрешна,ЛРТ трамвајот е едино решени за друг превозен транспорт во Скопје, дури потребни се 2-3 моста на вардар да помине овој трамвај.

Декстер веќе во секој пост почна да ја споменуваш таа небулоза. Од македонска страна имаше мало каснење, а од нивна исто имаше каснење (мислам на 2 пати) за што да те потсетам си плаќаа и пенали. Така да муабетот кој е сериозен, а кој не е мислам дека во погрешна насока го тераш. И нормално дека ќе бидат задоволни од третманот во Скопје, во време кога секој купувач и пазар е битен, не може второкласна фирма како ЛАЗ да пребира со кој ќе соработува. Напротив, треба да не молат за уште некој автобус да ни продадат или еве како што е случај сега, да не убедуваат за тролејбуси.

Не би се сложил со тебе, очигледно е дека украинците се задоволни од третманот што го добиле во Скопје. Не би се допаѓа тоа што инсистираат на тролејбус, можеме да дебатираме за и против различни видови на превозни средства, но воведување на тролејбус во Скопје е најголемата лудост што можеме да ја направиме.

Originally posted by tomi_z Не сме Британија, ама се сложуваме дека да сме, ќе имаше одговорност, така? Тоа сакав да го чујам

Таман работа да немаше....ама да сме Британија!

Fresno прилично добро го кажа.

Томи треба на широко да се зборува за проблемот и тоа нашироко во насока да се оствари промена на набавката, а тоа последната реченица е многу погршено извртена. Мешањето на политика во дискусијава настана во истиот момент кога почна дискусија за политичка одговорност, а не за темата која е автобуси. Македонија нема да стане Британија преку ноќ, туку чекор по чекор, а ако првите чекори на поле на одговорност не ги сакаме и дочекуваме на одобрување нема да ги има ни вторите ни натамошните.

Кога ќе дојдат, ако дојдат, еднокатните ќе го препокријат во голем дел, можеби не целосно, загубата која е од досегашните двокатни и на макро ниво јсп нема да биде претпријатие со загуба. И има една друга работа што годишно претпријатието зема 2 милиони субвенција од гардскиот буџет, а приватниците работат со постар возен парк и поевтина цена што нема никакво логично објаснување, освен ако се земат пензионерите, средношколците и месечните карти, ама сепак ни од далеку нема простор за оправдување.


Edited by lslcrew - 14-Dec-2011 at 00:32

Информацијава не ми се верува дека е точна, иако добро би било да е. А кога веќе зборите за одговорност, веројатно знаете дека за кривична не може да стане збор бидејќи купувањето двокатни автобуси не е забрането во Македонија. Така да претпоставувам дека барате политичка одговорност, а мешање политика на форумов освен што е досадно за читање, мене и ме иритира.

Друга работа е што и да е вистинита информацијава, набавката на овие 66 автобуси може да ја оправдаат со подобрување на имиџот на градов, туристичка атракција итн., што и држи вода, но не го подобрува јавниот превоз. Затоа и навивам да се смени набавката, а за одговорноста си има избори.