Пешачки зони и помали плоштади (општо)

Заврши втората фаза во која се поставуваа рабници на постоечките патеки, а се изградија и нови. Инсталиран е и систем за наводнување. Со него ќе се полеваат 30 проценти од површината на паркот. 

„На влезот од Градскиот парк кај управната зграда на ЈКП Дервен, се донесени околу 100 камиони со земја за да се подигне теренот бидејќи поради близината на реката Вардар, на ова подрачје се јавуваат подземни води", изјави Ѓорѓи Коџабашиев, директор на ЈКП Дервен. 

Од почетокот на идната недела ќе почне и последната фаза која треба да му даде нов лик на паркот. Веќе е засадена трева на четири парцели а ќе се постават и различни цветни насади. 

„Ќе се засадат ниско грмушести зимзелени растенија што подразбира садници од видот хамаципа, разни видови на птуи и друг цветен материјал а ќе се постави и соодветен декор од камен", изјави Татијана Стојанова, раководител на РЕ Паркови и зеленило. 

На стартот на реконструкцијата на Градскиот парк беа пресечени старите деградирани дрвја, им беа извадени корените а земјиштето беше обработено во длабочина од половина метар. 

„Во текот на јуни ќе заврши третата фаза, а комплетниот лик паркот ќе го добие во септември кога ќе се зафатат и високо стеблестите зелени растенија", изјави Коџобашиев, директор на ЈКП Дервен. 

Градскиот парк има и трим патека. Таа е покрај самиот брег на реката Вардар. Околу неа ќе се обновуви постоечкото зеленило, велат од Дервен.

На парцелите каде веќе се засадени рози поставен е систем за наводнување. Овде ќе се коси тревата и ќе се постави „мулч" (дрвен декор) околу растенијата.

По завршувањето на озеленувањето на паркот веќе формираните патеки ќе бидат послани со соодветен материјал. 

Колку ќе чини реконструкцијата  на паркот сеуште не се знае бидејки работните активности сеуште се на пола. Некаде кон крајот на летото ќе може да се зборува и за финансиската конструкција.

Досега се расчистуваше теренот од трупци, корењa, деградирана оргада, искршени клупи и корпи за отпадоци.

Сега откако теренот е чист екипите од работната единица Паркови и зеленило,  запонаа со подготовка на почвата за пролетното садење. 

„Во втората фаза од реконструкцијата ќе се врши дефинирање и уредување на патеките, како и сеење на трева по тревниците , во третата фаза ќе се започне со хортикултурното уредување на паркот", вели Тодорка Пенкова Андреевска портпарол на ЈКП Дервен. 

Претходно паркот бил упропастен поради влезот на тешката механизација со која се изнесувале трупците од големите дрва кои поради опасноста од паѓање беа исечени,велат надлежните. 

Градскиот парк во Велес постои шест децении. Досега во повеќе случаи бил обновуван, но ова е прва целосна реконструкција. Од Дервен очекуваат дека сите работи ќе се завршат оваа пролет.

Од Дервен денеска информираа дека проектот „7000 рози за Велес" е завршен и според првичните проценки истиот е успешен.

Одлични фотки од кејот. Одлично изгледа а и вард е прилично полн, се надевам и релативно чист со оглед дека извира на само 4-5 километри од Гостивар.