Плоштад во Аеродром - Јане Сандански

Плоштад и парк на булевар Србија

Општина Аеродром распиша тендер за изградба на нов голем зелен парк со плоштад на аголот меѓу булеварите Јане Сандански и Србија.

Градоначалникот на Општина Аеродром, Ивица Коневски, изјави дека со изградбата на паркот граѓаните не само што ќе добијат ново зелено катче за рекреација туку и место на кое ќе можат да се одржуваат разни манифестации. Според проектот, во централниот дел на паркот ќе биде поставен споменик на македонскиот револуционер Јане Сандански.

- Паркот ќе се простира на околу 4.000 квадратни метри, од кои околу 1.600 квадрати ќе бидат изградени пешачки патеки, ќе има 3 езерца и еден водопад. Во паркот се предвидени и мултимедијална бина со платно, клупи, канти за отпадоци и друга урбана опрема. Ќе има тревни површини и, што е најважно, паркот ќе има сопствен бунар што ќе се користи за полевање. Паркот ќе го одржуваат екипи од општината и од Јавното претпријатие „Паркови и зеленило“, изјави Коневски.

Градоначалникот Коневски додаде дека се очекува изградба на паркот да почне во март и да заврши во септември, кога и официјално треба да биде пуштен во употреба.

http://www.dnevnik.com.mk/?ItemID=0ACCCAE782FF824A8A8180F17756F307

Голема благодарност до Прилеп. Сега нас ни е ред.

 41°59'0.03"N 21°28'15.70"E 

Тука 

Ова е локацијата каде што порано се предвидуваше изградба на стаклено-бетонската коцкеста црква?

Што знам ова со ќош меѓу булевари колку ќе личи и колку ќе се спореди, особено што е во нормалните текови на луѓето, па единствено ќе биде некоја пивтијада што ќе донесе гужва. Зеленило како отскочна даска има. Само ме чуди што тука не се предвидело до сега кружен тек, а има маневарски простор за 80 метарски радиус надворешен и 70 метарски внатрешен прстен простор кој може да биде плоштад-парк со 15 илјади метри квадратни површина.

Страшна офанзива! Властиве зипуваат и раруваат плоштади и споменици. Со ова темпо за 5, ќе надокнадат 35 години застој! Толку квантитет гарант ќе испродуцира и (се надевам, делумен) неквалитет.
Што да се каже, нека има компетиција. Следната власт ќе се труди (уште) повеќе. Тоа е логика на дијалектиката и развојот!
Нека е со среќа новиот плоштад!


Edited by OKA - 03-Nov-2010 at 19:28

НАСКОРО ВО АЕРОДРОМ Плоштад со езерца спроти "Бисер" Во центарот на првиот плоштад во Општината ќе стои споменикот на ма­ке­дон­ски­от револуционер Јане Сандански В година, за првпат Општина Аеродром ќе добие плоштад. Ќе се гради на ќо­ше­то меѓу булеварите Јане Сандански и Србија каде што треба да се пос­та­ви и споменикот на македонскиот револуционер Јане Сандански. Спо­ред зацртаното во проектот, зеленилото околу новиот плош­тад ќе се уреди со патеки, клупи и со неколку езерца. Пла­ни­ра­но е да има и бина, на која Аеродром ќе организира културни и за­бав­ни манифестации. "Во тек се подготовки за уредување на овој простор спроти трговскиот цен­тар 'Бисер'. Во центарот на плоштадот ќе го поставиме и коњаникот, за кој е во тек тендер за избор на фирма која ќе го изработува постаментот и ос­вет­лението на споменикот", велат од Општина Аеродром. Ли­кот на Јане Снадански, кој наскоро ќе се постави на оваа локација ќе се лее во бронза во српска леарница, но за­се­га од Општината не го откриваат нејзиното име. Спо­ред проектот на авторот, максимална висина на споменикот ќе биде 8,5 мет­ри. Постаментот ќе биде висок 3,5 метри, додека скулптурата на Ја­не Сандански, качен на коњ, ќе изнесува до 5 метри. (М.Ѓ.) http://www.vest.com.mk/?ItemID=B729F4C89F814445A81D2D6775C06BCF

Edited by La Linea - 03-Nov-2010 at 16:32