Надградба на Министерството за транспорт

ТРАНСПОРТ НИКАКО ДА СЕ ОБНОВИ ВО БАРОК Од Министерството за транспорт и врски не кажуваат кога ќе биде готова зградата и зошто толку се доцни со нејзината реконструкција Никако да заврши реновирањето на зградата на Министерството за транспорт и врски. Три години се реновира фасадата и се уредува внатрешноста на објектот, иако според најавите тоа требаше да заврши за околу половина година откако почнаа. Најпрво, градежните работи се одложија поради статиката на објектот, а поради проблеми со темелите на објектот. Од Министерството за транспорт и врски не кажуваат зошто толку се доцни со реновирањето, кога ќе биде готов објектот и кога вработените ќе се преселат во зградата. Од таму само дадоа објаснување што во моментов се работи. "Во моментот северозападната фасада се изработува од камен со постојана хомогена структура, константна боја и отпорност на атмосферски влијанија со камени плочи. Југоисточната фасада финално се обработува со фасадна боја изработена врз база на синтетички смоли и растворувачи. Извршена е целокупна санација на бетонските јадра и зајакнати се темелните плочи на објектот. Зградата е надградена за дополнителни 2 ката со челична конструкција. Во моментот во финална фаза на изведба се гипсарските работи и фасадерската обработка", велат од Министерството за транспорт и врски. Зградата на Транспорт почна да се реновира во ноември 2012 година. Според проектот зградата треба да добие фасада во барок стил. Освен менувањето на фасадата, објектот треба да се надгради за два ката, комплетно да се реновираат и канцелариите, ходниците и салите за состаноци. На фасадата ќе бидат поставени 10 скулптури, ќе бидат изведени релјефи и ќе се монтира монитор. Реновирањето на зградата досега чини 5,6 милиони евра. Поради градежните работи, вработените се преселени во старата зграда на Министерството за надворешни работи.

http://www.vest.mk/default.asp?ItemID=18E7A840766CB6409715EBDC1B18C132

Ова може да изгледа пристојно од преднава страна, ама чувствувам пак ќе заебат со прозорците.

ги чекаат скулптурите да дојдат, инаку се е во ред, нема причина за паника

МИНИСТЕРСТВО ЗА ТРАНСПОРТ И ВРСКИ - НЕМА АБЕР ОД СТАРО-НОВАТА ЗГРАДА

Aбер нема од завршување на старо-новата зграда на Министерството за транспорт и врски, која е дел од „Скопје 2014“ преку Камен мост. Изминуваат речиси две години откако објектот требаше да биде реконструиран, но, се чини ќе помине уште долго време дури зградата стане функционална. Едвај тројца работници вчера работеа на фасадата на објектот, на која допрва треба да се ставаат скулптури, релјефи и други декоративни елементи. Иако на терен не се оддава впечаток дека на завршување на зградата се работи забрзано, од Министерството тврдат дека во моментот се преземаат неколку зафати.

„Во моментот на управната зграда се изведуваат градежно-занаетски работи, односно паралелно се работи на малтерисување, гипсирање, фасадерски камен, електро инсталации, поставување на плочки во тоалети и други градежни работи“, одговараат кусо од Министерството. Не сакаат да откријат чии скулптури ќе надвиснуваат на фасадата, ниту, пак, какви мотиви ќе имаат релјефите кои ќе го красат надворешниот лик на објектот.

Единствено се знае, и тоа од објавениот договор за изведба на фасадата, дека таа ќе чини околу 650.000 евра и дека освен скулптури и релјефи, на зградата ќе има и други дополнителни декоративни елементи.

Предвидено е од северозападната страна да бидат поставени вкупно 10 скулптури на кота од 12 метри по должина на објектот. Таа фасада се изработува од камен со постојана хомогена структура, константна боја и со камени плочи. Југоисточната фасада е контактна фасада и се обработува со фасадна боја.

Инаку, досега, во текот на тригодишната обнова, зградата доби нов главен влез, приземје со влезен хол, пријавница за чекање и два лифта за движење кон горните катови. Објектот е надграден за дополнителни 2 ката со челична конструкција, а извршена е и целокупна санација на бетонските јадра и зајакнати се темелните плочи на објектот.

Реконструкцијата, всушност, како што неколкупати беше кажано, доцни поради проблемот со статиката, а рокот за изведба беше пробиен и поради проблеми со темелите на објектот.

До конечната изградба на објектот, административците ќе продолжат да работат во канцелариите во некогашното Министерство за надворешни работи. Во план е покрај Министерството за транспорт и врски, во старо-новата зграда да се смести и Државниот инспекторат за градежништво и урбанизам, Државниот инспекторат за транспорт, Државниот комунален инспекторат и Агенцијата за сигурност во железничкиот систем. На овој начин, како што објаснуваа од Министерството, ќе се овозможи сите сектори и органи на ресорот транспорт и врски да бидат на едно место, наместо како што е сега на повеќе локации во Скопје. Досега за реконструкција на објектот се потпишани договори во вредност од речиси 6 милиони евра.

http://www.utrinski.mk/?ItemID=AC0DC602D5A6124594332C9B9EB672BD

Originally posted by kultuzin Ova dukanceto desno na fotografijata interesno e kako seuste postoi. Iskreno meine ne mi preci mnogu duri i interesno deluva.

Твојот вкус и естетски перференции се добро познати тука.
Иначе станува збор за композиција од дуќани.

VAF27288 by FOSM, on Flickr

Знаев дека неможе да постигнат за 1 месец се да завршат, незнам само со кој памет пуштаат ваква "водичка"

Така се крадат државни пари, имењак. Сто слики онде, десет скулптури овде, пет фонтани таму, уште десет споменици ваму, ете ти неколку милиончиња што ќе се поделат меѓу главните и споредните актери. А општините немаат пари за обнова на улици и булевари, за одржување основна чистота, за зеленило да не почнуваме...

Edited by Џоле - 03-Mar-2015 at 23:07