Улица Орце Николов

До каде е проектов, само најави има со години..
Дали знае некој дали се планира некое решение за паркирање во Дебар маало, бидејќи со овој проект ќе се намалат двојно паркинг местата(се спомнуваше паркинг кај министерство за одбрана и катна гаража кај паркингот на Градежен/Архитектонски факултет, кој се надевам ќе му текне на некој да го обнови или подобро изгради порепрезентативен објект..

Што означува љиљаковата боја? Дали е нешто офарбано само во софтверот кајшто е работен проектот, или е такви стварно ќе се фарбаат раскрниците?

Веќе има некави прекопи, можеби поврзани со проектов. Но 24 месеци е сулуд рок. Веројатно ќе пробаат до избори да го завршат.

Тротоарите на улицата „Орце Николов“ ќе се ослободат од автомобили и бандери

Општина Центар ќе започне со реконструкцијата на улицата „ Орце Николов“, на потегот од булеварот „Климент Охридски“ до улицата „Франклин Рузвелт“, со воведување на нов сообраќаен режим (кружен тек и пешачки патеки), реконструкција на тротоарите и улично осветлување.

Како што информираше Кире Секуловски, раководител на Секторот за уредување на градежно земјиште, за заштита на животната средина и комунална инфраструктура во Општина Центар, станува збор за делница во должина од 1.020 метри.

Тој објасни дека реконструкцијата на оваа сообраќајница што ќе стартува од јануари идната година, ќе опфати отворање на нови џебови за паркирање по целата должина на улицата, со што ќе се создадат 75 нови паркинг-места, а тротоарите ќе се ослободат за пешаци, мајки со количка итн.

– Покрај тоа што тротоарите ќе се ослободат од автомобили, ќе се ослободат и од бандерите, со тоа што целата надземна инфраструктура ќе биде поставена под земја, активност што се одвива во моментов, како подготовка за реконструкцијата. Освен тоа, ќе се изградат велосипедски патеки во двете насоки, како и кружен тек на клучната раскрсница помеѓу „Аминта Трети“, односно по старо „Ленинова“ и „Орце Николов“ – информираше Секуловски.

Исто така, ќе се обликуваат двата постојни острови кои го раздвојуваат движењето на сообраќајот, едниот кај бараките на Општина Центар, додека другиот кај Министерството за одбрана. Покрај тоа, по целата должина на улицата ќе бидат поставени лед-светилки.

Според распишаниот тендер, заинтересираните фирми понудите треба да ги достават најдоцна до 21.12.2020 година во 10 часот, кога и ќе се спроведе нивното јавно отворање.

Според Секуловски, изборот на фирмата со најповолна понуда ќе биде извршен по Нова година, а потоа веднаш или на крајот на јануари ќе започнат градежните активности на терен.

Договорот со избраната фирма е во времетраење од 24 месеци, односно две години. Реализацијата на проектот ќе чини околу 77 милиони денари.

https://www.vecer.press/тротоарите-на-улицата-орце-николов/

Многу ослободен изгледа тротоарот на сликата.        

Техничкиот сервис не е нацртан во Карпош, него улицаа Орце Николов беше продолжена пред само десетина години во некаква форма после раскрницата со улица Никола Тесла во Карпош. Вистинското прашање може да биде само дали на новите стамбени згради кај електро факултет им треба влез/излез од булевар 8ми септември или не, и толку.

Почна спуштањето на надземната инсталација под земја





Општина Центар, во соработка со ЕВН Македонија, на улицата „Орце Николов“, во Дебар Маало започна со спуштање на надземната инсталација под земја.

Како што информираат општинските власти, овој зафат, со вкупна должина од 1 километар е почеток на подготовките на Општината за реконструкцијата на една од најфреквентните улици во градот, улицата „Орце Николов“.

https://www.vecer.press/почна-спуштањето-на-надземната-инста/

Фино. Наводно се работат проекти и за Ленинова и Ѓуро Ѓаковиќ: twitter.com.

Едвај сум возбуден да видам што ќе направат. Дебар Маало е катастрофа, буквално треба да одиш по улица бидејќи тротоарите се зафатени.

Ако вака ги направат велосипедските патеки во комбинација со пешачките тогаш секоја чест (нешто ќе биде налик Холандија).