Возен парк (ЈСП - двокатни автобуси)

Originally posted by mitatos Зарем овие од ЈСП не чуваат ниеден ваков автобус за реконструкција? навистина тоа ке беше атракција......се велеше дека ги однеле во босна сараево, ваљда не биле сите исправни за таму ?? или можеби таму се наога некој па да го земем од таму  за реконструкција колку да го поседуваме во нашата Скопска историја =)

според мене најприфатлива идеа доколку некој сакал да врати некаков дух
навистина
најдобро ќе беше да се реконструираат два - три лејланди и тие да вртат низ центарот на градот како музејски експонати, а не вака да ни го касапат превозот
и впрочем, што се однесува на сите оние со ставот „па сепак добро ќе си функционираат и двокатниве автобуси, а и подобри се од постарите“, не е работата на градот да му дадеш само нешто што не му штети, туку нешто што најмногу му е потребно и му одговара, за што кај нас воопшто не се размислува, туку се трга од непотребни носталгии и фантазии во нечиј ум

 
Во неодамнешно интервју на премиерот Груевски во дневната емисија на една македонска национална и сателитска телевизија (намерно не ги спомнувам за да не им правам бесплатно рекламирање), Груевски спомна дека за колку автобуси ќе плати владата, толку автобуси и ќе пристигнат.
 
Кинески Јутонг може да ги достави сите останати 200 двокатни градски автобуси уште сега во 2011, но владата не може да си дозволи да потроши толку многу пари истовремено, па затоа, после првиве 2 двокатни градски автобуси кои што пристигнаа, треба да пристигнат уште 65 до крајот на годинава, Груевски спомна најверојатно октомври или ноември, други 67 до крајот на 2012, и последните 68 до крајот на 2013.
 
Во која пратка ќе пристигнат тие двата двокатни градски автобуси со отворен покрив за туристички обиколки, едниот за Скопје, а другиот за Охрид, не знам.
 
Исто така не знам дали сите двокатни градски автобуси од годинешната пратка ќе пристигнат истовремено или во повеќе помали пратки со по неколку автобуси во секоја помала пратка.
 
Моја претпоставка е дека сите двокатни градски автобуси од годинешната пратка за 2011, а најверојатно и за 2012 и за 2013, ќе пристигнат истовремено, бидејќи треба преку брод да бидат транспортирани, а тоа чини и пари и време.


Edited by Dexter26 - 05-Mar-2011 at 18:59

Originally posted by Dave Gahan Може некогаш претерувам, ама стварно, што ни направија неколку „стари“ Скопјани со нивната носталгија за све непрактично и селско што го имало Скопје пред 63та - еве им оддаваме почит со 200 look-alike кинези за да ги поминат интересно пензионерските денови трчајќи се по нивните скали...

И ти некад ќе бидеш стар па ќе го сакаш тоа скопје во кое ти поминала младоста. Секој си копнее за младоста и нормално дека ова им враќа многу спомени. И ти тоа што го викаш селско Скопје, било многу посредено и почисто него денешново калливо Скопје. Изгледа не ти раскажувале многу приказни за старо Скопје. Гледај ја некад култната серија Досие Скопје.

Морам да забележам дека таблите со линијата на стариве двокатни изгледаат далеку подобро од картончињата што се моментално во употреба

Ем автобус ем на два ката

Првите двокатни англиски автобуси "лејланди" во Скопје пристигнале 1956 година

Пишува: Данило Коцевски

Деновиве, појавувањето на првиот двокатен автобус во Скопје предизвика сензација. Особено кај младите скопјани, но и кај постарите генерации, кои се потсетија на детството и на младоста од пред земјотресот, кога токму ваквите автобуси му даваа особена убавина на градот.
Првите двокатни автобуси кои крстосуваа низ градот беа набавени во 1953 година. Тие беа од марката АЕЦ, со капацитет од 60 седишта. Малку е познато, а тоа е вистински куриозитет, дека тие автобуси беа - со дрвена конструкција. Дури во 1956 год. беа набавени првите метални англиски "лејланди".
Меѓутоа, тоа не беа првите автобуси во градот. По војната, ситуацијата со јавниот превоз била многу тешка. Според сведоштвата, се започнало со само пет-шест автобуси, меѓу кои биле марките "џемс" и "шкода", возила кои биле запленети во Втората светска војна. Подоцна биле добиени и десет нови автобуси од француската марка "рено", преку воена репарација. Во 1957 год., поради униформирањето на возниот парк, беа укинати двокатните автобуси и во сообраќајот беа воведени нови ФАП-ови еднокатни возила, кои го преживеаја земјотресот и беа во употреба сe до 1964 год. Интересно е кои сe марки на автобуси се споменуваат во Скопје. Тоа се: "клокнер", "шкода", "рено", "штојфер", "берљет", "круп" и "фиат". Градското претпријатие за автотранспорт беше формирано уште во 1947 год., со решение донесено од Градскиот народен одбор.
Сепак, најголема атракција во Скопје беа двокатните англиски "лејланди" во педесеттите години. Најславна беше "двојката" на релација Автокоманда, Плоштад, Парк, Техничко училиште. Во документацијата постои дека таа тогаш била единствена и сообраќала на релација во должина од шест километри. Од Автокоманда минуваше низ улиците Брегалничка, Кеј 13 Ноември, Димитар Влахов, Илинденска, сe до Градскиот парк. Постоеше и линија со бројот 3, од Автокоманда до Водно. Подоцна беа воведени и нови линии на двокатните автобуси, за општо задоволство на граѓаните. Во 1956 год. беа воведени девет нови релации, а вкупно сообраќаа околу педесет возила.
Многу интересни нешта се поврзани со функционирањето на двокатните автобуси.
Постарите возачи и механичари се сеќаваат дека на почетокот немаше обука за нив или дека таа беше многу тешка. Немаше ниту доволно возачи. Дури и трактористите беа оспособувани за управување со автобусите. Освен возач, постоеше и кондуктер за наплата на билети од два до пет динари. Секој возач си носеше торба со алатки со себе. Ако се расипеше автобусот, сам да го поправи. Поради големината, тие не можеа да се репарираат во гаража, туку надвор, на отворено.
Еден од постарите возачи кој од почетокот беше во ЈСП, Бојан Спасовски, вака се сеќава на тие времиња: "Возачите мораа да бидат во униформа, чисти, средени, избричени. Поради специфичните услови во кои работевме, имаше многу необични и интересни случки. Една од нив беше кога поради невнимание на возачот, двокатниот автобус закачи во подвозник. За среќа, немаше патници на горниот кат. И покрај напорната работа, проблемите или несогласувањата, секој ден го завршувавме со чаша пиво во кафеаната што се наоѓаше во близина. Тоа навистина беа убави времиња".
И уште еден податок, кој денес изгледа како куриозитет. Имено, тој зборува за културата која тогаш владеела при возењето и однесувањето во овие автобуси. Еве дел од сеќавањата на Перо Цветковски, механичар: "Она по што тогашната работа се разликуваше од сегашната е тоа што возачите и кондуктерите беа униформирани. Кондуктерите мораа да ја најавуваат секоја станица. На тој начин тие ширеа една култура меѓу патниците, што, од друга страна, предизвикуваше особена почит кон тие професии".
Постоеја толку големи љубов и заинтересираност на граѓаните за овие двокатни автобуси, така што до денешен ден се зачувани повеќе анегдоти. Еве некои од нив.
Една анегдота - Скопјанец го гледа големиот двокатен автобус и го прашува возачот: "Каде оди овој автобус?" - "За Автокоманда", одговара возачот. - "А овој вториот?"
Друга анегдота - "Не знам што е ова што се случува во градот", му вели еден граѓанин на својот пријател. "Што им е на луѓево? Качиле еден автобус врз друг, па така се возат низ градот!"
За пробното возење на кинескиот автобус, се потсекуваа гранките од некои дрвореди на булеварите. Тоа нe потсети на двокатниот автобус од педесеттите години, кој нe носеше кон Паркот и Зоолошката градина. Гранките од дрворедите на Илинденска удираа во горниот кат создавајќи една необична, весела музика, која до ден-денес ни е останата во сеќавање.
Така, се случи еден необичен ден во Скопје - едни се возбудуваа од новата глетка, а други од спомените кои неочекувано оживеаја во нив.

Текстот е прочитан 304 пати.

http://www.time.mk/read/NONE/7b87a2b525/index.html

Abe nemoj janza da te jade aj da ja opraime! sto te janzosue?

Originally posted by гитардемон А од кај испадна дизајнот па сега наш? Дизајнот на скопските е кинески, додека во Лондон е англиски/британски/комонвелтски (судејќи по Индиецот) Не знам зошто воопшто почнавте дискусија кога ниту еден Македонец немаше збор во дизајнирањето на автобусот, освен премиерот кога ги постави условите во тендерот.

Не мора да е наш, иако можеше и наши стручни лица да го креираат дизајнот. Туку тежината беше буквално на стилот, без разлика на потеклото на креирање. И ете еден македонец бил пресуден сепак ние сме нарачатели.

А од кај испадна дизајнот па сега наш?

Дизајнот на скопските е кинески, додека во Лондон е англиски/британски/комонвелтски (судејќи по Индиецот)

Не знам зошто воопшто почнавте дискусија кога ниту еден Македонец немаше збор во дизајнирањето на автобусот, освен премиерот кога ги постави условите во тендерот.

Во право си. Поефикасен, пофункционален е двокатниот автобус во Берлин отколку во Скопје. Тука се сложувам. Но состојабата и ситуацијата и можностите со јавниот превоз е многу поразлична кај нас за разлика од Берлин или Лондон. Нас ни е повеќе важен, барем во моментов квантитетот, отколку квалитетот. Но може да испадне нашиве и да не бидат толку лоши, вака на прв изглед имаат солиден квалитет, дури и подобри од лазовите. Зашто нашиот јавен превоз не е толку флексибилен па да компензираме за подобар клавитет, помал број на автобуси. Лондон или Берлин со метро, приградски железници, ЛРТ, и многу повеќе автобуси од Скопје, можат и годишно да купуваат и по само 10-20 автобуси (со исклучок на Лондон, кој од руги причини набавува вакви автобуси), како освежување, а од друга страна нивните стари автобуси се неповеќе од 10 години стари, што за нас се нови . И баш поради тоа и квалитетот на нивните автобуси ќе биде поголем. Ние имаме суштински проблем, кој ако не се реши, какви автобуси и да се земат, нека бидат најсовршени, пак нема да се решат сите проблеми.

Originally posted by Buliwyf Токму за тоа зборам Фосил, баш дефицитот на фантазија, креативност, уникатност...се недостаток кај нас. Еве јас лично мислам дека е баш жално што одиме на ретро стил кога можностите се буквално неограничени. Зошто да се навраќаме по секоја цена на нешто што поминало? Зарем и ние како млади генерации треба да сме заложници на нечие време и нечиј тогашен уникат и своевремен раритет. Стварно ретро стилот е убав и уникатен, но повеќе за во музеј а не за потребите на едно модерно општество со драстично различен начин на живот и потреби. Сепак тоа е мој личен став

Ретро дизајнот е полн погодок затоа што не верувам дека в наредните 20 години ќе имамем средства да го менуваме комплетниот возен парк. Она што денес се вика модерен дизајн после 5 годни е дизајнерски ВИЦ додека ретродизајнот има многу подолгорочна вредност. Освен тоа нашите автобуси се правени и дизајнирани по порачка што ќе рече дека се уникати. Е сега убави или не тоа е до вкусот но онаа што е факт е тоа дека никого не остават рамнодушен.