Пешачки зони и помали плоштади (општо)

Малиот Ринг е преголем и премногу хетероген за да се оди на таква унификација во поплочување. Пред се би било премногу монотоно. Исто така би било несоодветно да се стави еднаквост помеѓу поплочување околу Даут-Пашин Амам и поплочување околу телекомот на пример. Унифицираност е корисен концепт за други работи... во случајов дефинитивно не.

ЌЕ ОСТАНЕ ЛИ ИДЕЈАТА НА ТОДОРОВИЌ САМО ДОБРА ЖЕЛБА
Центар сака да ги разубави улиците околу плоштадот

Роза Петкова

Уличките што водат кон градскиот плоштад в година ќе се разубавуваат и комплетно ќе се уредат, по примерот на улицата Македонија, а иницијативата е на градоначалникот на општина Центар, Владимир Тодоровиќ. Идејата градоначалникот ја соопшти во дискусија со советниците од општината, на една од седниците на која, меѓу другото, се постави прашање и за тоа кој проект би го одбележал актуелниот мандат на Советот и на Општината. - Предлог е ние да ја почнеме жичницата на Водно. Да имаме нешто што ќе даде белег за општината за овој мандат, а не капитален објект во програмата да биде покривање на канал на улицата Салвадор Аљенде. Друг капитален проект во моментов не гледам - рече Љубомир Тасев, советник од ЛДП.
На прашањето на советникот, Тодоровиќ одговори дека засега мостот „Око“ на Вардар е еден капитален објект, кој целосно го гради Општината. - Мислам дека улиците-краци што одат кон плоштадот можат да се уредат слично како улица Македонија. Ќе се внимава и на пешачкиот и на сообраќајниот дел и ќе им се даде еден естетски изглед, а не како што изгледаат сега. Сметам дека тоа е добро, в година би можеле да ги направиме - предложи градоначалникот на Центар.
Освен улицата Македонија на која две делници се пешачка зона, а по третата се вози, другите улички што гравитираат кон плоштадот се користат и за сообраќај. Тоа се улицата Никола Вапцаров покрај „Тренд“, улицата 27 Март на која се наоѓаат неколку амбасади, Максим Горки, како и улицата покрај ЕВН Македонија, каде што се паркираат таксисти.
Досега е инвестирано само во улицата Македонија и во Максим Горки, а другите изгледаат несредено. Улиците 27 Март и Осма ударна бригада на кои се наоѓаат Шпанската и Норвешката амбасада целосно се узурпирани со блокатори, со кои се резервираат места за паркирање, па тие и воопшто не личат на пешачка зона. Хаос настанува и на Никола Вапцаров, која служи како паркиралиште на таксисти и на службени возила, а тротоарите на оваа улица се во катастрофална состојба и речиси во секое време тука може да се види некоја раскопана и набрзина закопана дупка.
Улицата Македонија, како централна пешачка зона беше целосно реконструирана во мандатот на Виолета Аларова и стана своевидна гордост на општината и знак на препознатливост. Со проектот што траеше неколку години, се изгради водоводна мрежа и атмосферска канализација на еден потег, се поплочи пешачката зона, се поставија нови канделабри, клупи, канти за ѓубре и се засадија дрвца. Улицата Максим Горки, пак, се разубави со дрвца на јапонски цреши, кои станаа нејзин препознатлив знак.


Поправени девет улици


Општината од почетокот на годинава целосно реконструирала девет улици. Станува збор за Васил Ѓорѓов, која се работеше заедно со Град Скопје, Герман, Рајко Жинзифов, Педесетта дивизија, Петар Поп Арсов, Васил Стефановски, Роза Луксенбург, Славејко Арсов и крак на улицата Пролет. Во тек се работите на улиците Дане Крапчев, Благоја Давков, Радњанска, Црвена Вода, Атанас Каратошо и Глигор Прличев. Исто така, за санирање на ударни дупки се потрошени 200 тони асфалт, а во план е да се искористат уште сто тони асфалт за градежните работи што се во тек.

http://www.vreme.com.mk/DesktopDefault.aspx?tabindex=0&tabid=1&EditionID=2175&ArticleID=152114

Општина Струмица ќе гради три пристапни патеки до Габровскиот водопад
Петок, 12 Ноември 2010 11:30
Share
Советот на општина Струмица усвои инфраструктурна платформа за развој на руралниот туризам во селото Габрово.


Со овој проект, покрај постојната патека до првиот Габровски водопад, се планира да бидат изградени пристапни патеки и до останатите три слапови кои го комплетираат четирислојниот систем на овој беласички катаракт.

- Со изградбата на целокупниот систем од патеки и уредување на околината, дефинитивно ќе го заокружиме Габровскиот водопад како туристички локалитет и тој ќе стане исто толку атрактивен за гостите и посетителите како што се Колешинскиот и Смоларскиот водопад.

Досега е комплетно уредена само патеката до првиот, а планираме да изградиме пристапни патеки и до вториот, третиот и четвртиот водопад кои се лоцирани подлабокот во планината Беласица. Исто така, ќе биде завршена целата инфраструктура за обезбедување неопходни услови за потенцијален развој на туризмот во Габрово, изјави градоначалникот на Струмица, Зоран Заев.

Општинската администрација ја изготви целокупната проектна документација, а покрај средства од општинскиот буџет, средства за реализација на овој зафат ќе бидат побарани и од Бирото за регионален развој.

http://www.time.mk/read/ae4d33dca8/98a20a6c76/index.html

ЗАПОЧНА ИЗГРАДБАТА НА ПЕШАЧКАТА ПАТЕКА ВО СТАР ДОЈРАН

На 01.11.2010 година официјално започна првата фаза од изградбата на крајбрежната пешачка патека во Стар Дојран со должина од 3,5 км. Во првата фаза ке бидат опфатени 379 метри почнувајќи од

Градското пазариште па се до хотелот Престиж и се планира да се зафрши до крајот на месец Мај 2011 година. Инвеститор на проектот е "Министерството за транспорт и врски на РМ" а изведувач е градежната фирма "ВИА" ДОО Вевчани. Патеката е дел од проектот „Изградба на пешачки патеки, хортикултурно уредување и осветлување околу езерата во Република Македонија“ на Министерството за транспорт и врски на РМ. За тековните градежни активности на патеката може да погледнете во галеријата подолу.

http://www.dojran-info.com

Парк пред Основниот суд - Прилеп

Со цел амбиентално вклопување на новата зграда на Oсновниот суд  Локалната самоуправа со проект од ЈП за ПУП  изгради парк со повеќе содржини: езерца, детски игралишта, пешачка патека, и специјално уредени места за починка.


http://www.prilep.gov.mk

Се враќа сјајот на Тумбе-кафе

По тридецениска запуштеност на познатото битолско Тумбе-кафе, локалната власт одлучи да му го врати стариот сјај. Веќе неколку месеци се во тек активности за ревитализација на најубавата зелена пешачка зона во градот. Местото наречено Тумбе-кафе, на кое некогаш турските аги и бегови уживале да го пијат кафето, се осветлува со канделабри, се заменуваат старите клупи со нови, се поплочуваат трим-патеките, се средува бујната вегетација... Местото е на добар пат да стане едно од најпријатните катчиња за рекреација и прошетка на битолчани.

- Се враќа меракот на тумбето, каде што до неодамна кога ќе паднеше мрак, дури и лете, не можеше да прошеташ. Сега тука се' повеќе се шетаат и постари и млади, врвица од пензионери, од мајки со деца, парови... Некои се преку ден на работа, а со осветлувањето може да се рекреираат и подоцна - коментираат битолчани.

Од Општината велат дека градежните работи за ревитализација на постојните и за изградба на новите содржини на ова некогаш традиционално место за рекреација на битолчани влегуваат во завршна фаза. Тумбето се очекува комплетно да го добие новиот лик до крајот на ноември. Изграден е и мини-амфитеатар кој особено во летните месеци треба да биде пријатно место за културни манифестации. Се најавуваат и угостителски содржини, со што ќе се вратат старите ноќни седенки.

- Во најголемиот дел досега правевме реконструкција, обнова, санирање. Но, овој пат се работи за нови содржини, па мислам дека Тумбе-кафе ќе биде исклучителна придобивка за граѓаните. Во идниот период ќе завршиме и една процедура која Општина Битола ја почна, а тоа е средување на просторот околу стариот ресторан. Тој не е на Општина Битола, но ги правиме сите подготовки најдоцна до идната година и тоа да се среди. Ќе распишиме јавен повик некој да направи место за граѓаните кои сакаат да седнат, да се освежат, да се напијат сок - изјави градоначалникот Владимир Талески.

Паралелно со Тумбе-кафе локалната самоуправа работи и на доуредување на градскиот парк, каде што веќе е поплочена најдолната делница, а поставени се и нови клупи. Освен тоа ќе се реновира покривот и дограмата на Домот на АРМ, со што потегот од Широк сокак до Тумбе-кафе треба да претставува одлично место за одмор и рекреација. Инаку Тумбе-кафе е составен дел од пешачката магистрала, која почнува од чаршијата и Безистенот, продолжува низ Широк сокак, корзото, шеталиштето и завршува кај античкиот локалитет Хераклеја. Малку се градовите како Битола кои може да се пофалат со сложени шетачки целини.

Освен активностите за ревитализација на локацијата, се преземаат и мерки за заштита на обновеното зашто местото често беше цел на вандали. Тие ги кршеа канделабрите, клупите, дивееја врз засадените дрвца. Вработени се неколкумина чувари да внимаваат на редот и мирот почнувајќи од градскиот часовник, па се' до Тумбе-кафе. Иако досега во неколку наврати беше најавуван видеонадзор, камери не се поставени.

Спортско рекреативниот комплекс Тумбе-кафе е проект што локалната самоуправа го реализира по барање на граѓаните, а со поддршка на Швајцарската агенција за развој и соработка и чини околу 10 милиони денари.

http://dnevnik.com.mk/?ItemID=5020AA4C33BC9D44829E19CF94A4E7FC

svajcarija ja izgradi istotaka noviot plostad vo kicevo

Без разлика за што се користи буџетот, тоа не е прашање сега. Неможе по сопствени мераци на трети проекти да заземаме позиции за про и контра полнење буџет. Плоштад секако дека не треба да е кочина, но мора да се има разбирање дека е динамична површина што треба да се користи за манифестации. Еден ден после настан да се брза со револт за замрсена плочка е апсурдно. Неможеме хасап да воведеме со години, секој ден деца се трујат по сендвичари, а ние да се фаќаме за мрсната плочка е смешно. Другиот дел од текстот и не ме дирна, колку што ова ме испровоцира.

виноскоп навистина не го биваше оваа година и сепак би требало да ја сменат локацијата, особено сега, кога цел плоштад е заграден
и што ако пунел буџет? каде одат тие пари? ретко да се потрошат на нешто паметно

патем најголем проблем во овој град е што ништо не се одржува, реновира или освежува, како ќе се уништи, така останува со години и години...

Писмо на читател на Утрински весник. Темелно се осврнал на редица проблеми на пешачките зони во центарот на Скопје.

Се води ли сметка за гранитните плочи на плоштад? Сима Петровиќ Се обраќам со ова мое писмо со надеж дека ќе го прочитаат и градоначалникот на Скопје, Коце Трајановски, и градоначалникот на Општина Центар, Владимир Тодоровиќ, па нешто најпосле ќе преземат, бидејќи сите мои досегашни писма испратени до нив не дадоа плод. Еве ги проблемите што треба да ги знаат и да ги решат што поскоро посочените градоначалници. Во неделава што измина на плоштадот „Македонија“ се одржа „Виноскоп“, кој, патем, личеше на селски панаѓур. По завршувањето на „Виноскоп“ на плоштадот во близината на споменикот, веднаш до тревата кај бившиот Офицерски дом, гранитните плочи останаа прекриени со масло од скарите и сега тешко дека ќе можат да се исчистат. Штетата што ја направија на раскопаните коцки и плочи е ненадоместлива. Во иднина би требало да се организираат вакви манифестации, на пример, на паркинг-плацот кај хотелот „Холидеј ин“. И натаму останува проблемот со искршените и извадени гранитни плочи на плоштадот „Македонија“, кој и кога некогаш случајно ќе биде нешто поправено се прави многу лошо и бидејќи не се нивелираат остануваат големи влабднатини. Најизразен пример за тоа е околу споменикот на Гоце Делчев и кај новата винарница на „Сковин“ спроти ресторанот „Дал-мет-фу“. За извадените и оштетени канделабри на плоштадот веќе не вреди да се пишува, бидејќи никој не презема нешто да ги замени отстранетите канделабри. Коцките на кејот „13 Ноември“ веќе се во очајна состојба и не може нормално да се помине кога ќе заврне дожд. Во продолжение на кејот „13 Ноември“ спроти „Дрводекор“, а и на самиот кеј клупите се 90 отсто уништени и никој не ги поправа.Толку нови клупи набави градот, ама таму изгледа не поминал никој да ги види постојните во каква состојба се. Исто така, поминаа неколку акции „Ден на дрвото“, а на плоштадот „Македонија“ не се засадија нови дрва на местото на исушените каде што моментално има некој ниски зимзелени грмушки и дрвца. Патем, сите нови дрвца што се садат на фреквентни места треба да се обезбедат со метални огради што можат да се земат и од други места каде што дрвцата се веќе доволно големи и не можат да се оштетат. Сакам да знам што ќе биде и со летните тераси на плоштадот „Македонија“. Место веќе да почнат да се отстрануваат, бидејќи според законот, можат да стојат до 30 октомври, најнова злоупотреба е тоа што на кафулето „Астро“ спроти „Тренд“ е поставена и дрвена платформа што е законски најстрого забрането. Сакам да видам дали оваа година ќе биде отстранета терасата на „Тренд“, а и на „Астро“, која навистина го нагрдува цел плоштад , заземајќи стотина квадрати од плоштадот, па со тоа ја нагрдува целата околина на плоштадот и на Ристиќева палата. И на крај сакам да прашам кога ќе бидат отстранети бетонските столбови на влезот во ГТЦ , веднаш до новата продавница на „Најк“ во Лумикс, кои служат за лепење плакати и кои ја нагрдуваат целата околина. И зошто веќе еднаш не се покрие влезот на ГТЦ. Тука би сакал да ги прашам градоначалниците, што стана со најавуваното поплочување на просторот околу „Лумикс“ со кој плоштадот ќе се нивелираше до влезот на ГТЦ и што беше обврска на инвеститорот на "Лумикс". Вака сега се оди по една неприродна косина од плоштадот до влезот во ГТЦ. Сосема за крај , би ги потсетил градоначалниците дека е крајно време да се поправат тротоарите на „Партизанска“ и да се стават метални столпчиња за паркирање коли зашто буквално не може да се помине, а исто така и тротоарот пред „Акрон“ спроти слаткарницата „Апче“ во правец на кафулето „Броз“ би требало да се поправи, бидејќи изгледа неубаво.

http://www.utrinski.com.mk/?ItemID=89DE50ECA5835C4E8346B7D4D7EBADA0