Криза е, а железницата во добивка!

„Македонска железница“ во делот на транспортот на стоки и патници лани остварила добивка од 52, 270 милиони денари!

Информацијата за остварените финансиски резултати деновиве била разгледана на управниот одбор на МЖ-транспорт АД Скопје. За тоа како е остварена добивката, во годината на економска криза и намалени производствени активности во земјава во компанијата не даваат детални информации. Во железничкиот транспорт во Македонија се чувствува намалениот обем на размена со европските земји, кој главно се одвива преку вардарскиот коридор односно со солунското пристаниште. На оваа состојба дополнително се одрази и кризата во Грција, со која македонските компании остваруваа значаен железнички промет, велат неофицијални извори во МЖ-транспорт. Но, и покрај видливиот застој, поголеми финансиски проблеми не се чувствуваат во одржувањето на тековниот транспорт, а особено во делот на редовната исплата на плати.

- Последната исплатена плата е за јануари годинава. Се надеваме и февруарската плата ќе биде исплатена по 15 март, кога е терминот за исплата на месечните примања. Се чувствува недостиг од работа и до кога ќе биде така не може да прогнозираме. Доколку продолжи долгорочно ваквата состојба, може да се почувствува и на финансиски план - ни изјавија од синдикалната организација во „Македонски железници“.

Минатата година поради две неисплатени плати синдикалните организации од транспорт и инфраструктура одржаа протести во кругот на претпријатијата. Незадоволството на железничарите беше „покриено“ со исплата на дополнителна финансиска помош од македонската влада. По реорганизација на „Македонски железници“ се изврши поделба на имотот и вработените во две друштва „Транспорт“ и „Инфраструктура“. Во двете фирми сега работат по 1.500 работници.

Економската криза негативно се одрази на работата во националните железници во повеќето земји од регионот. Во „Романски железници“ од почетокот на годината беа отпуштени неколку илјади работници, а со големи проблеми се соочува и железничката компанија во Србија.

http://www.novamakedonija.com.mk/NewsDetal.asp?vest=310101022445&id=10&setIzdanie=21930

Ова информација многу ме збуни, од каде железница со добивка во 2009 година?!?

Веројатно се работи за некакви субвенции од државата, кои претпријатието не знаело како да ги искористи!!!

Санкции и откази за комисијата од железница 05.05.2010    Миле Јанакиески Санкции и откази за комисијата од железница што ги утврдува причините за несреќите. Откако напишаа дека нема виновник за излетувањето на вагоните полни со луѓе, министерот Јанакиески им го врати назад извештајот и побара нов со кој ќе ја лоцираат вината. Ако за два дена не биде утврдено кој е виновен, комисијата ќе биде разрешена и формирана нова. „Доколку не го добијам до петок, ќе формирам посебна комисија од министерството за транспорт и врски, а ќе побарам санкција за оние што не направија релевантен извештај, бидејќи во извештајот што го добив, стоеше дека не можат да утврдат вина, затоа го вратив назад на доработка“, вели Миле Јанакиески. http://www.a1.com.mk/vesti/default.aspx?VestID=122842

Потврдено и потцртано!!! Можам да потврдам, ама за Кичево. Си останаа патници во петокот по станиците. Во петокот накај Кичево имаше околу 400 патници во 3 вагони, а во вчера вечер околу 250 патници во 2 вагони. Менгеле систем, правец Треблинка! 

Извештајот за железничката несреќа бил вратен на доработка Автор: Сузана Лазаревска 27 април 2010, 11:46 Македонија Извештајот за железничката несреќа бил доставен до Министерството за транспорт и врски, потврди министерот Миле Јанкиески, но во него стоело дека не може да се утврди вината и од министерството го вратиле на доработка. Извештајот треба да биде готов до почетокот на наредната недела кога Јанакиески очекува тој да се повторно достави до министерството по направената дополнителната анализа. „Вклучени се дополнителни експерти“, денеска потврди Јанакиески. Во средината на март патничкиот воз 6904 удри во одрон од земја и камења на пругата Гостивар-Кичево. Од силината на ударот, локомотивата излета од шините, а осуммина патници поминаа со полесни повреди. Извор: Макфакс http://www.makfax.com.mk/_home/home#105846

Уште поважно, маневарките ги разместуваат вагоните во депоата и во ранжирните станици и составуваат и расклопуваат композиции.

маневарка = за маневрирање, на пример од депо ќе донесе вагони на железничка, кои со локомотива ќе патуваат до Скопје, а маневарката си останува назад во депо за слични маневарски работи. Ваљда добро објаснив.  

Edited by SkyBoy - 19-Apr-2010 at 00:14

Маневарките се помали локомотиви (кои воедно трошат помалку), и се користат за аранжирање на композиции. Значи наместо голема локомотива наменета за транспорт на тешки композиции која троши премногу нафта да ги носи вагоните од ранжирната станица до железничката станица, или од еден колосек на друг, тоа го прави помала локомотива која троши помалку. И после се прикачува локомотивата која ќе ја влечи композицијата.

Edited by гитардемон - 18-Apr-2010 at 23:26

Се полнат и возовите

Се' пополни со патници се и возовите што сообраќаат на железничката линија Велес - Штип - Кочани, единствената во источниот регион. По тригодишна пауза, патничките возови на оваа пруга беа повторно активирани во 2007 години. И покрај тоа што македонските возови возат бавно и што кон Штип и Кочани од Скопје и обратно дневно сообраќаат само два пара воза, бројот на патниците е во пораст.

Раководителот на кочанската Железничка станица, Иван Лефков, вели дека месечно во Кочани се купуваат 3.000 билети, кои се со двојно пониски цени од автобуските.

- Во секој воз од Штип се качуваат, во просек, по околу 40 патници. Цената на билетот од Штип до Скопје е 132 денара, а на повратниот само 211. Возењето од Штип до Кочани чини 54 денари, двапати помалку отколку со автобус. Освен тоа, за студенти, ученици и за пензионери имаме 30 отсто попуст. Да не е станицата на периферијата на Штип, сигурно ќе имаме многу повеќе патници - вели Мите Николов, раководител на штипската Железничка станица.

Izvor: Dnevnik, http://www.dnevnik.com.mk/?ItemID=57858ABBAC2C324793CD58DDF84FF48F

Текст на Дневник за малиот број на автобуски и железнички врски за студентите на универзитетот во Штип. Да се надеваме дека некој ќе реагира.

Штета што на ни еден барем симболичен начин не е обележани овие 137 години на постоење на МАКЕДОНСКИ ЖЕЛЕЗНИЦИ.

Еве еден пример како некој други тоа го прават


Фото: Torsten Köhler

честито