Се обновува црквата во Ростуше

СЕ ГРАДИ ПОТПОРЕН ЅИД НА ИСТОЧНИОТ ГРЕБЕН НА ГА­ЛИ­ЧИ­ЦА

Манастирот "Света Петка" нема да падне

Преклани две карпи, на кои лежи црковниот комплекс, напукнале, па опасноста да се сруши манастирот е голема, оцениле стручњаците кои сметаат дека карпите напукнале од минирањето во еден ка­ме­но­лом на неколку километри од манастирот

Ле­то­во интензивно се работи на изградба на потпорен ѕид за да не се сру­ши еден од најпосетуваните манастири во Македонија "Св. Петка" на Галичица, кај Охрид. Уште преклани две карпи, на кои лежи овој значаен црковен објект, напукнале, па опасноста да се сруши е го­ле­ма, оцениле стручњаците кои сметаат дека карпите напукнале од ми­ни­ра­ње­то во еден каменолом на неколку километри од манастирот.
"Ми­нис­терс­тво­то за култура обезбеди 50-60 илјади евра за санирање на напукнатите карпи", вели Наум Латкоски, еден од луѓето што ги ра­ко­во­ди работите околу заштитата на црковниот комплекс. Латкоски до­да­ва дека оваа санација е повеќе од превентивен карактер, така што ќе не­ма никаков проблем на 7 и 8 август, кога е патрониот ден, манастирот да биде масовно посетен од туристи од земјата и од странство.
"Ѕи­дот е широк, долг и висок десетина метри. Досега се потрошени сто­ти­на кубици камен, железо и бетон. Работите речиси се завршени, но се­пак ќе траат до крајот на октомври", вели еден од мајсторите на гра­деж­на­та фирма "Бокоп" од струшкото село Боровец, која како спе­ци­ја­ли­зи­ра­на за вакви санации го добила тендерот.
За една недела ќе биле готови и платото и целиот комплекс пред ма­нас­ти­рот каде што на 12 и 13 август треба да се одржат "Живковите ве­че­ри", во чест на познатиот македонски раскажувач, романсиер и дра­ма­тург Живко Чинго, кој потекнува токму од овој крај. Манастирот датира од 19 век и еден од најубавите во Охридско и во цела Дебарско - ки­чев­ска епархија.

Но­ва фасада за конакот на Лешочкиот манастир

Пред еден месец започна обновата на фасадата на конакот на ма­нас­ти­рот "Свети Атанасие" во тетовското село Лешок. Освен мал­те­ри­су­ва­ње­то на целата фасада, ќе бидат сменети старите олуци во должина од 230 метри и ќе бидат заменети стаклата на повеќе од 100-тина про­зор­ци.
"До­бив­ме голема помош од Полошко-кумановската епархија", вели игу­ме­нот Теодосие. Конакот има 600 квадратни метри. Во него се наоѓа спо­мен-соба со предмети и реликвии од животот на просветителот и пре­род­бе­ник Кирил Пејчиновиќ, кој бил игумен на Манастирот од 1817 го­ди­на. Има и мала капела за богослужби во зимскиот период, која е пос­ве­те­на на сесловенските просветители светите Кирил и Методиј. Пр­ви­от конак го изградил полошкиот епископ Никанор во 1641 година.
Об­но­ва­та на конаците треба да заврши до 28 август, до православниот праз­ник Света Богородица.