Св.Јоаким Осоговски, изградена во 2002, преубава, камбанаријата уште нее завршена истотака просторот за свештеници до лани не беше завршен до лани, оваа година несум бил таму

Џамијата во Горна Белица ќе се урива

 

02.01.2009 - Локацијата за новиот православен храм во Тетово, градбата на црквата во селото Отушиште

и осветувањето на црковни трпезарии беа настаните кои на верски план и дадоа белег на годината што измина. Минатата година ќе остане запаметена и по лошите, вести, по неколкуте разбојништва во црквите во тетовскиот крај.

20-тина благочестиви православни семејства од селото Отушиште направија неверојатен подвиг - за неполни два месеци ја подигнаа црквата посветена на Свети Николај Мирлекијскиот Чудотворец. Со поддршка од иселените жители камен - темлникот на новиот храм беше положен два дена пред Успението на Пресвета Богородица.

На верски план друг голем настан беше одобрението за градба на нова црква во Тетово. Минатиот месец општината даде зелено светло новиот храм посветен на Сите Македонски светители, Светиот Великомаченик Георгиј и Преподобен Сисое Велики да се гради во урбан блок 29, зад Спортско - рекреативниот центар во Тетово. За многумина верници најсоодветна беше локацијата во Жена паркот, но таа идеја не беше прифатена од локалните и централните власти. Веста за градба на нова црква во Тетово по 80 години за Митрополитот Господин Кирил е ново воскресение на потшарпланинските простори.

Со новиот импозантен крст висок три местри се поднови Соборниот храм "Свети Свети Кирил и Методиј" во Тетово. Симболот на православието беше подарок на вработените во АД "Алумина", а поставувањето го помогнаа и бројни верници од градот. По осумдесет години Соборниот храм го разубавува нов заштитник на православието. Заменет беше стариот крст поставен во 1929 та година од страна на тогашниот свештеник Владе Атанасов.
Со Света архиерејска литургија на 3-ти јули, на празникот посветен на Свети Наум Охридскиот Чудотворец се изврши големото осветување на манастирската црква на Попова Шапка.
Светиот и историски чин беше извршен во чест на 50 годишнината од обновувањето на Охридската архиепископија во лицето на МПЦ. Малото осветување на манастирската црква беше извршено во далечната 1993-та година.
Лани во ноември православните жители на селото Непроштено ја осветија трпезаријата во една од најстарите цркви во полошкиот крај подигната во чест на Свети Архангел Михаил која датира од 13-от век.
Со несебичен ангажман речиси две години мештаните ја градеа трпезаријата при црквата. Желбата и оваа црква да има трпезарија ги водеше мештаните со свои средства и потпомогнати од неколку благочестиви донатори да ја изградат и осветат.
На празникот посветен на седумте маченици Макавеи во црквата во Глоѓи посветена на Свети Атанасиј Велики се положија темелите за градба на крстилница.
А на иницијатива на Месната заедница од селото Жилче и со донација од општина Јегтуновце се поплочи патот до црквата "Свети Никола".
Минатата година ќе остане запаметена и по лошите, вести, по неколкуте разбојништва во црквите во тетовскиот крај. По втор пат за три години разбојниците го украдоа црковното ѕвоно тешко стотици килограми од црквата Света Богородица во селото Џепчиште.

На мета на крадците лани беа и црквите во наслените места Лавце, Волковија и во Шемшово и црквата и "Света Богородица" во Тетово.
Арамиите во потрага по пари причинија и материјални штети во самите храмови.

ПОСТАВЕН КАМЕН ТЕМЕЛНИК НА ФОНТАНА ВО ЦРКВАТА „СВЕТИ ПЕТАР И ПАВЛЕ“

Денеска, 28.5.2010 година, со поставување камен-темелник свечено беше одбележан почетокот на изградбата на нова фонтана во дворот на цркавата „Св. Петар и Павле“ во Горно Лисиче.

Фонтаната ќе биде со димензии 21 метар на 4 метри и ќе биде изработена од еден од најпознатите градетели на фонтани во цркви во Република Македонија.

Граде се нов манастир на Тиквешкото езеро, Заветен на Св.Илија.

Карпата и натаму опасност за црквата Св. Пантелејмон  

МПЦ - ТРИНГЕН - ШВАЈЦАРИЈА

Македонската православна црковна општина "Св. Наум Охридски" од Тринген

Свети Наум Охридски Чудотворец

http://www.mpc-evropa.de

ВО ЖИВО:
http://www.mpc-svetinaum.ch/vebcam1.htm

Слики од градењето:

http://www.mpc-svetinaum.ch/

 

Edited by Makedonij - 25-May-2010 at 14:54

Edited by Makedonij - 12-Jun-2010 at 17:22

Во реонот на Расадник ќе се гради црква “Света Недела”

20.10.2006 Жителите од Кисела Вода ќе добијат нов црковен објект на празниот простор кај спортската сала Расадник. Црквата ќе се вика “Света Недела”, а нејзината изградба, во најголем дел ќе ја финансира бизнис секторот од подрачјето на Кисела Вода, делумно со финансии ќе учествува Општината, а најави за парични прилози има и од верниците. Општинарите, кои заедно со граѓаните се иницијатори на изградбата на храмот, се уште го одбираат најсоодветниот проект за објектот. Одлуката ќе ја донесе иницијативниот одбор за изградба на новата црква, што надлежните го формираа неодамна. Претседател на одборот е градоначалникот, а во него покрај заинтересираните донатори за изградба на храмот, членуваат и 15 граѓани од Општината. -Црквата ќе биде еден вид соборен храм за сите жители на Општината, така што планираме и нејзината големина да биде соодветна за таа намена. Се надевам дека целата процедура, а потоа и изградбата на храмот ќе се заврши во најскоро време, за жителите на Кисела Вода конечно да добијат голем верски објект, вели градоначалникот на Кисела Вода, Џорџе Арсов.  Тој е убеден дека “Света Недела” ќе биде изградена најмногу за две години, односно дека нема да се појави застој на градежните активности, бидејќи начелно била заокружена потребната финансиска конструкција за храмот. Црквата е предвидена и во Деталниот урбанистички план, односно за неа е вцртана маркичка.

http://www.kiselavoda.gov.mk


КАМИОНЏИИ ГО ЗАПОСЕДНАА ПРОСТОРОТ ОКОЛУ САЛАТА РАСАДНИК

Див пазар место црква во Кисела Вода

Иако според најавите на локалните власти изградбата на црква "Света Недела" требаше да почне минатата пролет, Општината сe уште нема абер да почне да гради,па на слободниот простор се распослани камиони со зеленчук и овошје

Место да се гради црква на слободниот простор кај салата Расадник во Општина Кисела Вода, со месеци тука работи див пазар.Иако според најавите на локалните власти минатата пролет требаше да стартува изградба на црква "Света Недела", Општината со уште нема абер да почне да гради. На слободниот простор, на кој според планот треба да има верски објект, секој ден пристигаат камиони натоварени со зеленчук и овошје. Преку ден пазарџиите се изнаседнати на кутии пред камионите и ги продаваат своите производи, а навечер влегуваат во возилата за да преспијат. Утредента пак се распостилаат и им ги нудат производите на минувачите.
"Пред салата со години има див пазар. И во лето и во зима на слободниот простор има паркирани камиони, па во кое и време да посакаш, можеш да си купиш зеленчук и други производи. Не ни пречи пазарот, но ни треба црква, бидејќи во близина нема ниту една. Општината само ја најавува изградбата, но никако да почне да работи", се жалат жителите од околните згради.
Инспекциските служби досега многупати реагирале, но и покрај казните, камионџиите пак се враќаат да продаваат.
Изградба на црквата ја најави и градоначалникот Марјан Ѓорчев,за која вети дека се издвоени општински пари. Најави за парична помош имаше и од верници и од бизнис секторот во Кисела Вода, но од тоа досега нема ништо. Од Општината сеуште не кажуваат кога ќе почне изградбата на "Света Недела", иако во изборната програма на градоначалникот следната година е означена како краен рок за изградба на црквата. (М.Ѓ.)

http://www.vest.com.mk


Edited by Makedonij - 23-May-2010 at 09:34

Граде се камбана на црквата во Македонска Каменица








Edited by Makedonij - 06-Aug-2014 at 22:40