Почна реализацијата на идејата за железничко поврзување со Албанија. Со околу 840 илјади евра ќе се финансира изработката на студија со која точно ќе се дефинира каде точно ќе поминува трасата од Кичево до Ќафасан, која опција е поекономична и со кои технички детали ќе биде пропратена изградбата на 63 километри долгата пруга до границата со Албанија од чија страна недостигаат само два километри за да ја постигне железничката врска со Македонија. Изработката на студијата ќе ја прави бугарската компанија Евротранс проект која има рок од една година да ја собере документацијата и да ја подготви физибилити студијата, по што ќе стартува експропријацијата на земјиштето, а од 2012 и изградбата на пругата која според проценките треба да чини 300 милиони евра. Железничкото поврзување со западниот сосед треба да профункционира за шест години.
-Ова е дел од владиниот инвестициски пакет од 8 милијарди евра. Парите за изработка на студијата во висина од половина милион евра се обезбедени со годинашниот Буџет, а исто толкава сума се предвидува и за 2010 година - вели директорот на Македонски железници-Инфраструктура, Бесир Деари.

Освен со Албанија, Македонија нема ниту железничко поврзување со Бугарија. Пругата кон Бугарија - проект за кои се потрошија огромни суми пари, а сето она што некогаш таму беше изградено, сега пропаѓа. Деари најавува дека веќе се работи и на овој дел од железничката траса. Се преговара со петте компании што беа ангажирани на пругата, на кои им се платени средства, а ги немаат извршено обврските.

Досега ниту една Влада не успеа да го реализира овој проект. И покрај бројните најави, министерски конференции и потпишани декларации, се остана само на хартија. Од Паневропскиот Коридор 8 низ Македонија поминуваат 309 километри од кои изградени се 152, а за доизградба остануваат уште 157 километри.

Бугарската фирма „Евротранс проект“ за една година треба да направи студија за трасата на пругата од Кичево до албанската граница

До 2015 година треба да тргне возот за Албанија, што е дел од проектот за железничко поврзување со западниот сосед преку Европскиот транспортен коридор 8. Владата од буџетот веќе обезбедила 839 илјади евра за изработка на студија што ќе ја прави бугарската фирма „Евротранс проект“, која победила на конкурсот на јавното претпријатие МЖ „Инфраструктура“.

Компанијата на терен ќе испитува каде ќе минува трасата за да се утврди која опција е поекономична. Од Кичево до границата со Албанија, според првичните процени, треба да се направи пруга долга 60 до 70 километри, а од албанска страна фалат уште 2 километра.Од годинашниот буџет се обезбедени половина милион евра за студијата, а остатокот ќе се обезбеди од буџетот за наредната година. Студијата треба да биде готова за една година, а потоа ќе се прави проект и ќе се експроприра земјиштето. Целиот проект чини 354 милиони евра и се планира да заврши во 2015 година.

- Ова е дел од инвестицискиот пакет на Владата вреден 8 милијарди евра. Коридорот 8 во земјава опфаќа 309 километри пруга, од кои 152 километра се изградени, а неизградени се 157 километри. Неизградени се делот Куманово-Деве Баир и Кичево- Ќафасан. Изградбата на Коридорот 8 ќе биде приоритет на Владата. Ќе се доврши пругата кон Бугарија и ќе се ревитализира постојната пруга Куманово-Кичево. Во тек се преговори со петте фирми што беа ангажирани за изградба на пругата кон Бугарија за завршување на заостанатите работи - изјави Бесир Деари, директор на МЖ „Инфраструктура“.

Во Железници велат дека на конкурсот за изработка на студијата се јавиле седум фирми, четири странски и три домашни, од кои за најповолна била избрана бугарската компанија, иако не била најевтина.Според претставникот на бугарската фирма „Евротранс проект“, Илија Илиев, тие работеле ваква студија и во Бугарија и се надеваат дека проектот ќе го завршат за една година, како што се предвидува со договорот.Според процените на Бугарски железници, земјите од регионот годишно губат најмалку една милијарда евра поради недоизградената транспортна мрежа на Коридорот 8, кој се протега од бугарското пристаниште Бургас преку Скопје до градот Валона во Албанија.

http://www.dnevnik.com.mk/?ItemID=CF6978204758A24599258A649FE9F682