Патна мрежа (општо)

60 милиони денари предвидени за реконструкција на патот Македонска Каменица – Делчево

Директорот на Јавното претпријатие за државни патишта, Љупчо Георгиевски денеска беше во обиколка на регионалните патни правци во Штип.


Георгиевски вели дека реконструкцијата и асфалтирањето на транзитниот патен правец од штипско Ново село кој води кон влезот и излезот на градот ќе заврши до почетокот на септември, а проектот чини околу 12 милиони денари.

- Би напоменал дека од регионалните патишта беа реконструирани и патот од излезот на Штип кон ТИР зоната, станува збор за околу 10 милиони денари и во должина од два километри и уште патот кон езерото Мантово, кој е околу еден километар и 500 метри, а е во вредност од околу шест милиони денари. Би напоменал дека ова не е се, во завршна фаза е избор на изведувач за осветлување на штипската клучка и секако во завршна фаза е избор на изведувач за други две делници со голема сума на пари. Станува збор за делницата Македонска Каменица-Делчево, значи од страната на Делчево, каде што има одрони од камења и се нестабилни. Во тој тендер е објавено да се санираат тие непредвидени свлечишта и да се реконструира оштетениот дел од патот во должина од околу седум километри, вели Георгиевски.

Тој додава дека ќе се реконструира и влезот на Кочани, со што во источниот дел на Македонија ќе се подобри патната инфраструктура во Источна Македонија. Георгиевски забележува дека реконструкцијата на патот Македонска Каменица –Делчево е предвидено да изнесува околу 60 милиони денари, а делницата Кочани-Превалец околу 15 милиони денари.

Директорот на ЈП за државни патишта, Георгиевски најави дека за еден месец ќе почне реконструкцијата на патниот правец Велес-Кадрифаково, а се работи на проектот за проширување на делницата Штип-Радовиш.

http://delcevodenes.mk/60-милиони-денари-предвидени-за-реконст/

Заврши изградбата на патот до манастирот Трескавец



Прилеп - Патот до манастирот Трескавец од денеска е целосно асфалтиран во должина од преку 7,5 километри почнувајќи од Прилеп. Тоа значи дека изведувачот на градежните работи, „Гранит“ го реализираше проектот неколку дена порано од верскиот празник Св. Богородица, кога сите верници го слават патронот на манастирот и црквата „Успение на Пресвета Богородица“.

„Патот е завршен, значи прославата на Пресвета Богородица може да почне. Иако условите беа тешки и беа предвидени 16 месеци, ние го завршивме за 5 месеци. Интензивно работеа 15 градежни машини, 10 работници и двајца техничари“, вели Гојко Јошески, раководител на проектот.

Оваа инвестиција вредна околу два милиони евра се реализира со пари од државниот буџет преку Министерството за транспорт и врски.

„Како што ветивме, се' е подготвено и на 28 август патот ќе биде пуштен во употреба“, изјави градоначалникот Марјан Ристески.

Пред манастирот ќе се гради и паркинг за 250 возила. Во тек се активностите за изградба на водовод, се работи уште на инсталациите во проектот за обнова на конаците, а во рамки на овие активности прв пат од постоењето на манастирот ќе се работи и посебен проект за обнова на црквата.

Конаците на манастирот Трескавец беа опожарени во почетокот на февруари годинава. (М.Т.)

http://www.utrinski.com.mk/default.asp?ItemID=50B265E965DDD44FAECE542ED922CC91

Кога се оди накај село Бањани на Скопска Црна Гора, некаде пред селото Сандево е реновиран патот. Две денешни фотки.

Патот не е лош , односно асфалтот не е лош но тоа што нема заштитна мрежа од одрони и што не се чистат одроните го уништуваат и доживувањето на таа природа и туризмот.

Видео за состојбата на патот до ски центар Кожуф

На нешто повеќе од 200 километри од Скопје се наоѓа најмладиот ски центар во Македонија, Кожуф. Преубава природа и амбиции да се стане лидер во зимскиот и планинскиот туризам. Само со ваков пат до таму, тешко.

http://on.net.mk/video/na-trkala/do-kozhuf-na-sopstven-rizik

До каде се работите за автопатот Скопје-Штип?


Пред нова година имавме вакви најави "Автопатот кон Штип ќе почне да се гради на почетокот од 2013 година, Коридорот 8 ќе почека"

За потоа во март премиерот да изјави "Во однос на изградбата на автопатот Скопје - Свети Николе - Штип, Груевски рече дека во април треба да биде завршена финансиската конструкција, а кон крајот на годинава да се почне со изградба. Со овој автопат на релација Скопје - Штип ќе може да се патува за 30 минути."


Дали ќе ја имаме таа среќа да се започне конечно со изградба годинава?

Логиката е: подобро нешто, отколку ништо

ова е пат, таман за еден трактор по него да помине...

ФОТО: Патниот правец Свети Николе-Пробиштип се скратува за 20 километри
Вторник, 23 Јули 2013 12:50

Министерот за транспорт и врски Миле Јанакиески денес оствари посета на градежните активности на регионалниот пат Свети Николе-Пробиштип, во непосредна близина на селото Мечкуевци.

Реализацијата на овој проект опфаќа модернизација на постоечката траса (израмнување, тампонирање и асфалтирање) на делот помеѓу селата Мечкуевци и Куково, во должина од 5 км, ширина на асфалтен коловоз: 5,5 метри и банкини со ширина од 2 x 0,75 метри.

-Инаку, досега оваа делница од патниот правец беше само пробиена и со земјен коловоз. Нејзиното користење беше отежнато и при временски неприлики целосно во прекин, соопштуваат од Министерството.

Со изградбата на оваа делницата патувањето од Свети Николе до Пробиштип ќе се скрати за околу 20 км, воедно ќе се комплетира овој регионален пат и ќе се овозможи директна и најкратка врска помеѓу градовите Свети Николе и Пробиштип, како и на сите населени места кои гравитираат на овој пат во овие две општини.

http://www.kurir.mk/makedonija/vesti/124329-FOTO-Patniot-pravec-Sveti-Nikole-Probistip-se-skratuva-za-20-kilometri

Пред неколку дена разговарав со одговорниот инженер на Гранит кој го гради патот до манастирот Трескавец кај Прилеп,и ми рече дека остануваат зџа овие денови за асфалтирање на последните 800 метри од патот.Тој дел е тампониран,се чека само асфалт.Рече дека теренот бил доста тежок,карпест и мошне комплицирано за пробивање на трасата.Ширината на партот е 3.5 метри со по половина метар плус од секоја страна со чакал