Од регионот (општо)

Хрвативе се, како што кажа еден словенец на ССЦ, прави манијаци за автопати - се разбира во позитивно-шегобијска форма. Ќе градат уште една, надворешна обиколница на главниот град, каде веќе се собираат 5 автопати, а се најавува и изградба на А11, одонсо и шести автопат.

Така благородно им завидувам...



Edited by Andrej_LJ - 09-Dec-2010 at 20:10

Изградените вистински автопати на мапата на Грција што ја приложи Андреј сеуште се далеку од импресивна мрежа. Да видиме колку кризата ќе им се одрази во понатамошната реализација. Инаку (иако не ги познавам нивните сообраќајни околности) ми се чини дека малку претерале со некои планови... на пример автопат до Дојранско езеро?!? Не можам да замислам како тој правец би имал макар приближно доволно ПДГС за да оправда полно автопатско решение, особено што има нула транзитно значење. И сигурно не е единствен таков на мапата. Изгледа премногу лесно добиваат ЕУ пари


---------------------------------------------------------------------------------------------

Originally posted by ink Еве сечене на дел от jжната обиколница на Софиja,коjaто се гради сега. На 2 нива,заштото граганите не сакат да дават имотите си за прошируване на обиколницата и тужат државата

Ако проблеми со експропријација се клучниот фактор за ваквото решение, тогаш ова е катастрофа, иако колку што можам да видам и од материјалите на Андреј, се работи за релативно кратка делница. Претпоставував дека легислативата во Бугарија е построга во вакви случаи.

Originally posted by Andrej_LJ Да, апсолутно економска и социална благосостојба (која несомнено е подтикната во голема мера со изградбата на вакви оски на поврзување и развој), ги исклучува, односно намалува поводите за незадоволсто или тензија во сите региони на дадена држава, особено на етнички мешаните.

Токму тоа ми беше поентата Андреј, концизно срочено

Originally posted by гитардемон Друже, каква ти е оваа теорија, жити мене? Не е нишкава погодна за дискусија, ама знаеш и сам дека си преувеличил тука.

Преувеличил, можеби но далеку од тоа дека нема некаква логика. Нерамноправен развој може да направи чуда од една земја. Доволно е да погледнеме од каде почнаа проблемите во Југославија (етничките проблеми на страна не е случајно што проблемите тргнаа од најнеразвиениот дел на земјата). Да не зборувам какови демографски влијанија може да има неразвиеноста (повторно многу места на Балканот но и во Европа како пример). Погледни и обратно, каква е најновата стратегија на Русија за смирување на ситуацијата во Чеченија. Има еден тон примери да не разглобувам прменогу како што и сам кажа не е погодна нишкава за таква дискусија.

Значи поентата не ми беше да прејудицирам за некаква опасност која што ја демне Грција од Албанските, Македонските и Бугарските националисти, сите со свои претензии, туку едноствно дека со добро поврзување на овие зафрлени делови од Грција и отварање можност за нивен подобар развој луѓето едноставно подобро ја интегрираат и контролираат цела своја територија.

Андреј си растурил денеска.

Ќе дадам краток коментар за грчките автопати. Сеуште неможам да се изначудам на чудото од автопат Егнација додека врската Атина-Солун не е целосно комплетирана.

Колку што сум јас информиран ПГДСна Егнација е мизерен во континуитет, сепак храбар потег на Грците да инвестираат толку во обид да осигураат интересен коридор на своја територија како и да стимулираат развој во зафрлените делови на Егејска Македонија и Тракија а со тоа и да го осигураат суверенитетот над таа територија.

Јас до сега ги имам возено делниците до Атина и делот кон Патра до Коринт. Профилите навистина запрепастуваат (доста често се 2х(3+1)) но искористеноста и од Атина кон Солун и кон Патра е феноменална (и тоа вон туристичка сезона).

Автопатот кон патра е феноменален во однос на пејсажот, делува како делниците во Калифорнија кои ги гледаме на филмовите.

А Атина е приказна на себе, град со навистина импресивна инфраструктура, а тој впечаток ми ја остави пред олимпијадата кога последен пат бев таму (а сите знаме колку се разви инфраструктурно по олимпијадата).

Многу, ама навистина многу новини поврзани со патната инфраструктура во Софија и нејзината околина. Бомбастични најави за финализирање на целосниот круг околу Софија во форма автопат, како и сите 4 автопатски врски до 2013 односно 2014 година. Затоа направив една пред се комплицирана мапа, на која се означени сите делници и проекти, секој од кои ќе го објаснам подробно.
*СОП - Софиски обиколен автопат



ЗЕЛЕНО - Автопатски делници во употреба
ЦРВЕНО - Автопатски делници кои се градат (крајот на 2010 година)
ПЛАВО - Автопатски делници кои треба да започнат со изградба во 2011 и да се завршат до 2013/2014.
ЖОЛТИ ТОЧКИ - Ознака каде почнува, односно завршува некој делница.


1) Реконструкција и проширување на јужниот дел на СОП (делницата Сименово-Младост) е веќе започната со градба пред околу месец. Таа треба да биде долга околу 4 километри и е продолжување на јужната траса на СОП до вториот најголем кварт на Софија-Младост. Габаритот и е 2x(3+1). Треба да биде завршена во 2012 година (поподробни информации ќе најдете во секцијата Градкса инфраструктура-Од регионот).






2) Реконструкција и проширување на југо-источниот дел на СОП (делницата Младост-бул. Цариградско Шосе), во должина од околу 6 километри. Се предвидува да се започне со работа во 2011 година и да биде завршена во текот на 2013 година.



3) Реконструкција и проширување југо-западниот дел на СОП (делницата од бул. Бакстон до клучката со АМ Лјулин). Должината е околу 7,5 километри и вклучува многу ескади, мостови, како и неколку тунели. Можеби станува збор за најтешкиот сегмент на целиот обиколен автопат, заради тешкиот терен, многуте потреби исклучувања, како и населениот регион низ кој минува. Исто како и претходните, треба да започне да се гради во текот на следната година и да биде завршена до 2013.




4) Реконструкција и проширување западниот дел на СОП (од клучката со АМ Лјулин, до клучката кај Северната експресна тангента на Софија). Должината е околу 6 километри и содржи неколку важни, големи и сложни клучки, пред се со другите автопати и важни булевари.




5) СЕВЕРНА ЕКСПРЕСНА ТАНГЕНТА НА СОФИЈА (не е исто со севрниот дел на СОП, тој минува посеверно од СЕТС и ќе се гради во следниот програмен период), треба да биде долга околу 16.5 километри со габарити од 2x(3+1). Вклучува 5 клучки и тоа:

-Рожен-тип дијамант
-Илијанци - тип полна детелина
-Чепинско шосе - тип дијамант
-Източна тангента - тип полна детелина
-АМ Хемус - нестандарден тип на клучка






ЗЕЛЕНО - Градски улици
ЦРВЕНО - Северна експресна тангента на Софија
ПЛАВО - Северна обиколница на Софија
(За да нема забуна, оваа карта е погледната од исток кон запад, затоа малку чудно е за снаоѓање).

Северната експреснатангента на Софија беше вклучена во европски транспортен коридор со цел да се обезбедат средства од страна на ЕУ фондовите и ќе се гради во пакет со продолжението на АМ Хемус (кон Варна) и АМ Калотина (кон Белград). Преферирана беше пред Севериот обиколен пат, заради фактот што минуав поблиску до Софија, така што ќе има функција и во внатрешно градското движење, не само функција на транзит.




6) ПРОДОЛЖУВАЊЕ НА АМ ХЕМУС (од Гара Јана до СОП) во должина од 8,5 километри. Во моментов тече тендер за трасата и се очекува да се започне со работа во пролетта на 2011 година.


7) СЕВЕРЕН ДЕЛ НА СОФИСКИОТ ОБИКОЛЕН АВТОПАТ е засега обичен пат, преку кој транзитираат возилата во насока Србија-Турција. Се предвидува да се гради во периодот по 2014 година, кога ќе биде веќе завршена паралелната отсечка, односно 5) СЕВЕРНА ЕКСПРЕСНА ТАНГЕНТА НА СОФИЈА.

8) АВТОМАГИСТРАЛА КАЛОТИНА е автопат кој треба да ги поврзе Софија и Србија, односно граничниот премин Калотина/Градина. Автопатот со вкупна должина од 49 километри треба да биде разделен на две подотсечки, со цел побрзо и поефикасна изградба. ЛОТ 1 е од самиот граничен премин до 32 километар (значи должина од 32 километри) со зацртана траса, додека ЛОТ 2 е делницата на автопатот близу Софија (од 32км до 49км), за која постојат 2 варианти, при што се фаворизира црвената, поради директната врска со северниот дел на обиколницата на Софија (види ја картата подолу!).




9) АМ Лјулин (Софија-Перник), кој е во финална фаза на изградба и целосното отворање е закажано за Мај 2011 година.


10) МОСТ КАЗИЧАНЕ е недограден мост на едната страна на коловозите на источниот дел на софиската обиколница, која е со габарити 2x(3+1). Моментално е во изградба, мостот треба да биде отворен во 2010 година, но тоа не се случи поради непознати причини.

Изградениот дел на источниата траса на обиколницата на Софија:







ВКУПНО КИЛОМЕТРИ АВТОПАТ, КОИ СЕ ДЕЛ ОД ОБИКОЛНИЦАТА НА СОФИЈА И ТРЕБА ДА СЕ ЗАВРШАТ ДО 2013 ГОДИНА - 40.
ВКУПНО КИЛОМЕТРИ АВТОПАТ, КОИ СЕ ДЕЛ ОД РЕПУБЛИЧКАТА ПАТНА МРЕЖА И ТРЕБА ДА СЕ ЗАВРШАТ ДО 2013/2014 ГОДИНА - 78.

Edited by Andrej_LJ - 04-Dec-2010 at 15:30

А25 ТЕСАЛОНИКИ - СЕРЕС. Овој автопат, чија вкупна должина е 236 километри, минува од бугарската граница Кулата/Промахонас, преку Солун и неговиот аеродром, се до Касандра (вториот крак на Халкидики). Скоро целиот е пуштен во употреба, додека неколку делници крај Солун и од Серес до Кулата/Промахонас се во изградба. Ова е првиот автопат кој Грција ја поврзува со ЕУ. По овој повод еве го официалниот коментар од страна на Грција: The first Motorway to connect Greece with a European-Union Country. Welcome Bulgaria in the Union, we are happy to meat you here.



A27 ФЛОРИНА започнува од Кожани (А2-Игнација), преку Лерин (Флорина) и пристигнува до нашата граница, односно до преминот Меџитлија. Делот од А2 до Лерин се изградени, додека од Лерин кон Меџитлија, трасата е во фаза на проектирање.



А29 КАСТОРИАС е брз пат, кој ја пврзува Грција со Албанија. Треба да навлезе во Албанија близу Подградец, при што некои делници се веќе изградени, а голем дел се и во изградба. Неговата вкупна должина е 27 километри.



А52 АМВРАКИА е тангентален автопат на трасата на А5 и минува во западните делови на земјата. Целата траса од 49 километри е во изградба и треба да се заврши во 2012 година. Цената на автопатот е 338 милиони евра.



Edited by Andrej_LJ - 04-Dec-2010 at 13:01

А6 АТТИКИ ОДОС е 65 километарски ринг на приградските населби на столицата на Грција - Атина. Граден е во 90-тите години на минатиот век, според принципот на кофинансирање (ЕУ и националната влада). По својата должина има најмалку (значи на одредени отсеци и повеќе) 2x(3+1) ленти и ги сврзува автопатите кон Солун и кон Пелопонез. Ве ноекои негови делови поминува и (при)градската железница на Атина. Има неверојатно сложни клучки и инфраструктурни решенија - право чудо на инженерството!





А7 ПЕЛОПОНИСУ (Коринт-Спарта/Каламата). Овој автопат има вид на превртен ипсилон. Започнува крај Коринт и завршува во јужниот дел на Пелопонез, при што пред својот крај се одделува на две гранки, источно кон Спарта и западно кон Каламата. Долг е 158 километри, при што поголемиот дел е веќе пуштен за сообраќај, додека останатите делници треба да се завршат во 2011 година.



А8 (Атина-Патра) е автопат долг 228 километри, кој ја поврзува столицата со северните делови на Пелопонез, се до градот Патра, каде се спојуваат А5, А8 и А9. Крај Атина има габарит од 2x(4+1), во делот од Атина до Коринт има 2x(3+1) и од Коринт до Патра има 2x(2+1) ленти. Скоро сите делници се завршени, додека останатите треба да се пуштат до 2011 година. Овој проект е со 6 годишен рок на изведба и чини 2,8 милијарди евра (без ДДВ). Спаѓа во најголемите проекти кои моментално се изведуваат во Европа.





А9 ОЛИМПИА (Патра - Каламата). Автопатот долг 164 километри, кија вредност е 830 милиони евра, треба да ги поврзе северниот и јужниот дел на Пелопонез, минувајќи на запад од полуостровот. Некои делници се пуштени во сообраќај, но главницата сеуште е во фаза на планирање.



Edited by Andrej_LJ - 04-Dec-2010 at 12:44

Автопатската делница на Марица А3 Е85 (која ги сврзува АМ Тракија и Свиленград крај турската граница) се финализира. Имено, оваа недела беше објавен тендерот за АМ Марица ЛОТ 1 (Оризово-Димитровград-Узунджиево) од 5км-48км или со должина од околу 43 километри. ЛОТ 2 (Узунджиево-Харманли) со должина од 25 километри пак ќе биде даден на тендер во понеделник. Вкупната должина на трасата е околу 68 километри, при што индикативната вредност на проектот е 210 милиона евра (ЛОТ1-105 и ЛОТ2-104 милиона евра), изградбата се предвидува да започне пролетта на 2011 година, рокот за изведба е 25 месеци, при што автопатот треба да биде готов до летото на 2013 година.



Лилава - АМ Марица ЛОТ 1 + ЛОТ 2
Зелена - Автопати во употреба
Црвена - Автопати во изградба
Плава - Автопати кои треба да одат на тендери и да започне реализација во 2011 година


Edited by Andrej_LJ - 04-Dec-2010 at 11:42

Еве сечене на дел от jжната обиколница на Софиja,коjaто се гради сега.
На 2 нива,заштото граганите не сакат да дават имотите си за прошируване на обиколницата и тужат државата



Edited by ink - 01-Dec-2010 at 22:40