|
|
|
|
Возен парк (ЈСП - двокатни автобуси) |
|
Post Reply 
|
Page <1 5556575859 90> |
| Author | |||||||
OKA 
Senior Member 
Joined: 11-Dec-2009 Location: Yenni Maalе Online Status: Offline Posts: 332 |
 Quote Reply
#1121 Posted: 24-Oct-2010 at 18:40 |
||||||
 |
|||||||
|
Врзи два поста без СК2014 и освој трет гратис!!!
|
|||||||
 |
|||||||
|
OKA
Senior Member
Joined: 11-Dec-2009 Location: Yenni Maalе Online Status: Offline Posts: 332 |
Quote Reply
#1122 Posted: 24-Oct-2010 at 17:44 |
||||||
Ставовите на Андреј, никогаш не се инфантилни, ниту наивни, уште помалку нереални. Неговата нестрпливост - è! Сето тоа заедно! Edited by OKA - 24-Oct-2010 at 20:52 |
|||||||
|
Врзи два поста без СК2014 и освој трет гратис!!!
|
|||||||
|
|||||||
|
pbanks
Admin Group 
Joined: 01-Sep-2007 Location: Skopje Online Status: Offline Posts: 9141 |
Quote Reply
#1123 Posted: 24-Oct-2010 at 12:57 |
||||||
Гледано во поширок контекст погоди во коренот на проблемот. Јавниот транспорт во Скопје не треба да се гледа само како набавка на автобуси (големи, мали, високи, ниски, независно...) туку како креирање на сериозен транспортен систем кој ќе им го олесни движењето на граѓаните, ќе го намали сообраќајот во градот а со тоа ќе ги подобри и неговите еколошки перформанси и севкупно ќе го подигне квалитетот на живот. Така се создаваат услови за поздрави граѓани (помало загадување на воздух, помалку стрес...) што пак има и економски импликации преку заштеда во здравството (превенцијата е најдобар лек) и преку зголемување на продуктивноста. Да не зборувам што значи заштедата на конто енергенси за една енергетски зависна земја како Македонија. Што имаме ние од оваа приказна? Буквално ништо, барем врз основа на јавните информации со кои располагаме на оваа тема. Дали двокатните автобуси ќе го подобрат квалитетот на јавниот транспорт во Скопје? Па мислам дека тука нема никакви дилеми, сепак менуваме канти стари по 30 години кои скоро не би ги примиле ни во отпад, со нови, климатизирани удобни возила (колку ќе ни успее да ги одржиме во „нова“ состојба останува да видиме). Но тука завршуваат предностите и целиот зафат се сведува на добро познатата македонска девиза „добро е нека се гради“. Не би се сложил со твојата квалификација дека ставовите на Андреј се „инфантилно наивни и нереални“. Секако, тие како целина звучат како научна фантастика, но никој не стигнал од точка А до точка Ш преку ноќ, туку морал да ги помине и сите попатни станици. Доколку би се развила една квалитетна долгорочна стратегија за транспортниот систем на Скопје (не од оние стратегии кои се усвојуваат со секоја нова гарнитура во функција на перење пари, туку документ до кој ќе се држиме во следните неколку децении) и доколку потоа се дефинираат среднорочните и краткорочните приоритети и проекти и постапно се имплементираат ништо не е невозможно. Дури и да гледам на двокатните автобуси како на лек кој треба да му ги ублажи болките на болното Скопје, сепак отсуството на сериозна дијагностика за болеста и на третман за нејзино сузбивање е крајно загрижувачки. Со сето ова кажано, набавката на двокатни независно од позитивните ефекти кои тие СЕКАКО ќе ги донесат е голема грешка, особено во ситуација кога според големината на нарачката ќе бидат `рбет на градскиот сообраќај во Скопје. Во ситуација кога има толку многу да се направи на тема јавен транспорт, мораше да се иде со едно далеку помалку ризично решение каде главен критериум ќе беше функцијата а не изгледот на шасијата. Дополнително, непостоењето на сеопфатен план/стратегија за кои зборувам погоре значи дека независно од возниот парк, резултатите ќе бидат исти. Бидејќи и старите и новите автобуси ќе налетаат на истите проблеми од типот на недостаток на посебна лента и сл кои ти веќе ги наброја. А за решавање на истите не требаат никакви скапи набавки туку само добра волја, строги казни и „мурија во сурија“. Edited by pbanks - 24-Oct-2010 at 19:16 |
|||||||
|
|||||||
|
OKA
Senior Member
Joined: 11-Dec-2009 Location: Yenni Maalе Online Status: Offline Posts: 332 |
Quote Reply
#1124 Posted: 24-Oct-2010 at 11:15 |
||||||
|
Кловер, почитуван. Мој пријателу, ако човек сам не се почитува, останатите уште помалку ќе го прават тоа.
Форумов е многу посериозен субјект, отколку што на прв поглед може да се помисли. Според моите, доброинформирани колеги, новинари, build.mk е следен од пиарот на Владата, медиумските аналитичари од четири политички партии (вклучително една албанска), десетина новинари, две странски, економски аташеа... Во секој случај не е фејсбук или твитер, па се собрале 923 луѓе што не сакаат да се возат во големки автобуси. Кога Форумот третира тема, всушност краен продукт е генерално мнение за истата, поткрепено со многу ексклузивни фото и пишувани материјали, со многу „жешки” информации. Тоа е многу важен општествен производ од една неформална социјална група, особено во вакви случаи кога, на пример, власта не направила сообрајќајна студија за басовите. Значи, ако навистина е точно тоа дека нема студија, смислата на постоење на вакви форуми е токму тоа. Да бидат неформален коректор на комотната администрација и нејзината опозиција во распад. Да понудат „алтернативна студија”! Која, всушност, со секој наш нов пост, твојот, на Фосил, Андреј, и уште триесетина други форумаши, полека и се оформува. Секако, фигуративно да „се затвори” темава, со утврдување (или неутврдување) на неколку круцијални недостатоци на големкиве басови, значи да се дојде до неколку нивни суштински недостатоци во однос на „обичните” и да се заокружи генералното мнение за нивното воведување во системот на скопскиот јавен превоз. Што се однесува до трите групи на FAIL аргументи за големкиве: - Феноменот на недостаток од студија го елабориравме и ако навистина таа не е направена, тогаш власта го изложила проектов на сериозен ризик истиот да биде прилично неуспешен. - Од досега дебатираното, се наметнува дека подоброто „автобуско” решение vs. големкиве, решение за опфат на повеќе патници, нивен побрз проток и побрзо сообрајќање се вика бас армоника. За нивно воведување исто така би биле неопходни инвестиции за корекции и преместување на многу автобуски стојалишта, адаптирање на депоата, обука на возачите... Мое мислење е дека армониките нема да можат во целост да ги реализираат своите „побрзи” перформанси на ова ниво на сообрајќајни решенија и сообрајќајна култура во МКД. Чинам, ќе „настрадаат” како диносаурус во ледено доба, поради непостоењето на сопствена лента, учеството во „римските борби со кочии”, т.е. престигнувањето со приватните автобуси и слични секојдневии. Кога веќе прашањето е поставено, компаративни, светли моменти на големкиве се: - ергономично, удобно и тивко патување, особено на, „од Аеродром до Карпош” релации, - превоз на поголем број патници, по единица плоштина користена сообрајќајница, - утилитарност во секторот туризам, - нови можности за индустријата за outdoor рекламирање, - рационална финансиска конструкција за нивна набавка, која овозможи обнова на поголем процент од возниот парк. Edited by OKA - 24-Oct-2010 at 19:37 |
|||||||
|
Врзи два поста без СК2014 и освој трет гратис!!!
|
|||||||
|
|||||||
|
FoSsiL
Senior Member
Joined: 01-Mar-2009 Location: Аеродром Online Status: Offline Posts: 4699 |
Quote Reply
#1125 Posted: 24-Oct-2010 at 09:48 |
||||||
|
Сите забелешки си се на место... А мене прашањето со јавниот превоз искрено ме погодува емотивно.... Се се сведува дали ова го правиме, односно земаме двокатни автобуси заради авантура, заради потреба или заради лудост? Незнам јас ќе се воздржам од коментари, зашто стварно не ме бива во автобуси... Знам само како е да се возиш со нив.... И дали покрај се некој од надлежниве за автобусиве ќе се вози редовно во нив или пак ќе си влезе во својот автомобил... па граѓаните нека ја искусуваат ситуацијата која би се создала.... Мене искрено во овој момент не ми е важно баш какви се, ама не сум само јас кој се вози во автобус.... И едно последно прашање од мене.. Што ќе правиме кога ќе дојдат? Што ако не се по мерка на граѓаните? Дали ќе чекаме и ќе се влечеме по автобуси 20-40 години додека не се земат нови? А може и да оставиме и дур не дојдат и да видиме, па може и нема да се покажат до толку лоши.... Незнам... можеби.... Мене ако лично се прашувам што би одбрал дали Цитаро или од овие, би го одбрал Цитаро-то.... Ама дали ние ќе видиме во Скопје такво нешто некогаш.... и ми се допаѓа таа англиска поговорка/фраза што некој ја спомна.... |
|||||||
|
|||||||
|
Cloverstack
Admin Group
Joined: 01-Sep-2007 Location: Скопје Online Status: Offline Posts: 12453 |
Quote Reply
#1126 Posted: 24-Oct-2010 at 05:12 |
||||||
|
Ама дај ОКА, каков субјект е Форумов за да сублимира и утврдува. Или пак да зазема ставови и страни. Како воопшто би го извеле тоа? Па после уште и да се затворела темава додека стигнеле автобусите. Форумов е едноставно простор за дискусија, а забелешките (круцијални и помалку круцијални) се лични ставови на поедини членови, ставови кои може да бидат повеќе или помалку објективни, повеќе или помалку поткрепени. Сепак, ми се чини дека тоа што недостасува не се објективни круцијални забелешки, туку кај некои недостасува воља да се согледаат забелешките и воопошто да се согледа една реалност, јасна како ден.
Јас лично можам да изнесам дел од моите круцијални забелешки. Ти бараше три, ама три поединечни забелешки се премалку за вакво фијаско, па еве спакував нешто во три групи на забелешки: - Тотално паушално носење на многу битна одлука, без никаква анализа. Потврда за ова е развојот на настаните кога беше донесена одлуката и фактот што никогаш не беше соопштена никаква поткрепа за изборот на ретро-двокатни автобуси, туку цело време се вергла она смешно образложение кое колку и да не сакам, еве пак морам да го повторам - враќање на духот на старо Скопје. Се работи за масовно воведување на нов концепт во јавниот превоз, кое за да добие зелено светло требаше дебело да се проанализира и образложи. - Практичната инфериорност на двокатните автобуси по низа клучни фактори, а во град како Скопје нема ни како на друг начин да ги компензираат тие слабости. Андреј штотуку детално се осврна на голем дел од нив, како капацитетот и неговите специфики, брзината на движење, времето потрошено на стоење на станици, компаративната потрошувачка на гориво по превезен патник*километар. Овие работи не се нечија субјективност, туку базични параметри за евалуација. Збориме за значителни разлики, мада и најмали разлики би се преточиле во големи загуби. - Нужност од значително прилагодување. Интервенции на семафори и слични препреки, прилагодување на гаражи и разни инсталации во ЈСП, дополнителна обука за возачи, повисока контактна мрежа за идниот трам/лрт, прилагодување на сообраќајниците кон поголемото оскино оптеретување на овие возила... Што да ставиме на другата страна на вагата, кои се позитивните страни од изборот на двокатни автобуси? Нагласуваш дека освен двокатниве ќе има и други видови, ама навистина не гледам како тоа го релативизира фактот што ќе оперираме 200 двокатни автобуси. Зарем треба да дотуркаме дотаму да воведеме исклучиво двокатни автобуси, за конечно сите да се соочиме со големината на овој FAIL? Edited by Cloverstack - 24-Oct-2010 at 05:17 |
|||||||
|
|||||||
|
OKA
Senior Member
Joined: 11-Dec-2009 Location: Yenni Maalе Online Status: Offline Posts: 332 |
Quote Reply
#1127 Posted: 23-Oct-2010 at 20:24 |
||||||
|
Прецизни да бидеме, мајтап и иронија не е исто. Оти мајтап при сериозна дебата е знак за слаби позиции и малодушност.
Но, иронијата дека ЕУ не ги одобрила и немало за нив референдум, е всушност насочена кон повеќето од забелешките кои се изнесоа на Форумов, а беа упатени кон големкиве автобуси. Сметам дека би било утилитарно ако Форумов успее да сублимира барем три КРУЦИЈАЛНИ забелешки, со кои ќе утврдиме дека големкиве автобуси се промашување и да ја затвориме темава. Барем додека „кинезиве” не пристигнат. Ама круцијални! Не дека биле ретро, кинески, непројдовни под ГТЦ, внатре без кожа од леопард, црвени, ниски горе, имале четириипол места помалку од обичните и биле неприфатливи за екс ЈСП директорот. Тоа не се круцијални забелешки, ами субјективни! При набројувањето да се води сметка дека „големкиве” не се единствениот вид на басови кои ќе сообрајќаат во јавниот превоз на Скопје. Кој, покрај другото, во својот состав (ќе) има и обични басови, од државниот и брзорастечкиот, приватен сектор. |
|||||||
|
Врзи два поста без СК2014 и освој трет гратис!!!
|
|||||||
|
|||||||
|
Cloverstack
Admin Group
Joined: 01-Sep-2007 Location: Скопје Online Status: Offline Posts: 12453 |
Quote Reply
#1128 Posted: 23-Oct-2010 at 19:33 |
||||||
|
@ nylon
Всушност, прво добредојде  Интересен insight, и можам да кажам дека конечно ја слушнав првата работа која реално би претставувала мал плус за двокатните во Скопје („раатот“ што владеел на катот  )
@ OKA Така е, треба да ги извагаме работите. Ама никако да ги чуеме работите кои ќе ги ставиме на „плус“ страната... Наместо тоа, правиш мајтап со дел од легитимните забелешки, дел во потполност ги скокаш, а пак некои кои никогаш не ни биле сериозно или воопшто спомнувани ги вметнуваш во листата единствено во функција на мајтапот. Таква ли дебата треба да водиме? Всушност зарем ни треба некаков дополнителен мајтап, кога си ги имаме двокатниве? Зарем не се доволен мајтап сами по себе? Искрено... Понатака... убаво е ние тука да анализираме и вагаме, ама милион пати поубаво ќе беше тоа да го направеа и надлежните. Со оглед на нивното образложение зошто ни биле потребни двокатни ретро автобуси (да не бидам досаден да го повторувам, го знаеме сите), јасно е како бел ден колку била длабока нивната анализа. Андреј само во 2-3 поста анализираше многу повеќе и потеменлно отколку сите тие дебелоглавци заедно. Тоа е страшна реалност и разбирам дека многумина попрво би ја пикнале главата во песок отколку да се соочат со тоа, но мораме да се соочиме, затоа што тоа е прв чекор доколку сакаме да оставиме шанса работите да почнат да се менуваат на подобро. Во врска со отсуството на реномирани производители со свои понуди, малку се измешаа лончињата. Очигледно Андреј зборуваше за обични и зглобни Мерцедеси/МАНови, а сигурно не за ретро-двокатни. Е сега прашањето е зошто (со исклучок на Соларис) отсуствуваа реномирани производители и на тендерот за 84 нормални автобуси. Не можам да знам зошто е така, но може со прилично голема доза на сигурност да се претпостави дека улога играле и тендерските услови кои фаворизирале поефтини производители, но и циркусот со тендерите за двокатни автобуси кој претходеше, што не може да не се одрази врз нашата репутација. Во секој случај сметам дека клучно прашање останува изборот обични или двокатни автобуси, а не нивната марка. Обични Јутонг автобуси секако ќе беа неспоредливо подобар избор отколку ретро-двокатниве Јутонзи. Edited by Cloverstack - 23-Oct-2010 at 19:37 |
|||||||
|
|||||||
|
OKA
Senior Member
Joined: 11-Dec-2009 Location: Yenni Maalе Online Status: Offline Posts: 332 |
Quote Reply
#1129 Posted: 23-Oct-2010 at 01:23 |
||||||
Кинеските „големки” басови, како и сите останати, си имаат плусеви и минуси. Нив ги собираме-одземаме, вагаме, обидувајќи се да креираме некакво јавно мислење, дали сме постапиле најдобро што сме можеле во ситуацијата. Купи го најскапото и си го купил најдоброто е одлична формула, се согласувам. Но, дали сме биле во ситуација тоа да го направиме е исто добро прашање. Не само од финансиска гледна точка. Оти, ниту еден, што би рекол ти, реномиран производител на басови, не се појави на тендерите. Од проста причина што нема многу бизнис во тоа да дадеш 5 годишна гаранција за својот скап производ, кој треба да се движи по улиците скопски, такви какви што ни се! Затоа, уште еднаш, нема ништо лично кога ќе ти кажам дека твојата нестрпливост „Скопје утре да го стаса Њујорк” ми е толку многу симпатична и истовремено инфантилно наивна и нереална. Од друга страна, пак, и покрај честата, неодмерена пежоративност кон „детските болести” на оваа држава, твоите постови ми се прозорец за толку корисни идеи и информации, што подрагоцено ми е да те изрелативизирам, отколку да те изигнорирам. Ништо лично... Башка, проаѓа под Трговски, гарант! |
|||||||
|
Врзи два поста без СК2014 и освој трет гратис!!!
|
|||||||
|
|||||||
|
nylon
Senior Member
Joined: 23-Oct-2010 Online Status: Offline Posts: 168 |
Quote Reply
#1130 Posted: 23-Oct-2010 at 00:40 |
||||||
|
Прво, добро ве најдов!
Се имам возено многу пати во лондоннските double-decker-и па сакам да го споделам моете мислење околу воведувањето на овој тип на автобуси во Скопје. Во повеќе постови пишува дека во сите двокатни на горниот кат не може да се оди исправено. Во лондонските без проблем (барем јас, 183 цм) може да се оди исправен што значи дека вториот кат е барем 190 цм висок. Предноста на двокатните автобуси покрај тоа што се "егзотични", а со тоа и привлечни за туристите, е и возењето на горниот кат на средни и долги релации. На горниот кат е многу посмирено, порелаксирано, потивко... Со други зборови во едноспратен автобус постојано влегуваат и излегуваат луѓе, се отвараат врати, гледаш како има редици на влезот итн. Можеби ова звучи малку поетски , но реално оние кои што живеат во попериферните населби поминуваат значителен дел од денот во автобус па добро би им дошло тивко возење на вториот кат.
Скопје е релативно голем по територија, односно има згради, па ниви со бостан, па пак згради што значи има доста долги релации, со што се исористува една предност на двокатните.
Во Лондон немам забележано некогаш да се направила редица на скалите. Сепак тоа е висинска разлика од 1,90 м што значи не е некоја голема висина, па качувањето се одвива брзо ( не повеќе од 3-4 секунди). Мислам дека покрај горенаведените и нема некои други рационални предности од воведување на двокатни автобуси. Првпат кога видов дека ќе се купува ретро дизајн мислев дека е некоја шала. Прво не верував дека некоја компанија ќе даде понуда за тоа. Лондон кој е најпрепознатлив по ретро двокатни нема повеќе ретро дизајн. Едноставно ретро автобусите ги паркираат на станиците околу Trafalgar square и вртат по некое кругче низ цетарот за да ги видат туристите, а се изнајмуваат и за приватни потреби. ... Неможам да најдам одговор на форумов по која студија (или некаков вид на истражување) е избрано да се воведат двокатни? ... Сепак не треба да се занемари фактот дека во Лондон покрај автобусите во јавниот превоз има и метро, градска железница, DLR и крузери по Темза, па може да си дозволат малку емоции околу задржувањето на двокатниот принцип. Edited by nylon - 23-Oct-2010 at 00:44 |
|||||||
|
|||||||
|
Andrej_LJ
Senior Member
Joined: 20-Oct-2008 Location: Ljubljana Online Status: Offline Posts: 2954 |
Quote Reply
#1131 Posted: 23-Oct-2010 at 00:31 |
||||||
|
Види, поентата на овој пост не беше да навлагам во личен дуел со тебе, како што веројатно ти го сфати ова. Но, ќе ти ги изнесам и моите гледишта:
-Автобусите треба да пристигнат навистина скоро, а надлежните еднаш не кажаа колку изнесува стандардот за наслонувачите на семафорите и дали ќе требаат евентуални корекции. Ако се покаже дека треба промена, дали има некаков план за дејствие или е оставено тоа на случајност? -Не се согласувам дека балканецот нема да слезе од својот автомобил. Доколку се реорганизира градскиот превоз и стане 3 пати побрз од автомобилите, само луд човек не би ги користел (под претпоставка тие да се организирани, односно чисти, пристојни, брзи и точни). -На Балканите слепо екстраполирање странски искуства е формула за неуспех! --- А така! А двокатниве автобуси ние да не ги измисливме случајно или по некаква случајност (сега сметам доста несреќна) се подарени на Скопје и Нови Сад од страна на Лондон, каде биле сменети со нови? Јас најмалку се залагам за целосно пресликување на успешните концепти во Скопје, се залагам за трезвено и практичко ПРИЛАГОДУВАЊЕ на истите! -Инаку да, има доста системи во светов каде што автобусите скоро и да немаат седишта и имаат вградено многу големи врати- односно многу личат на аеродромските автобуси. Тие концепти се воведуваат пред се во Латинска Америка како преодна (децениска) замена за метро линиите. Се доволно брзи а капацитетот е максимизиран. Такви има и во Истанбул, но користат Мерцедес CapaCity. Со еден збор да, има такви слични автобуси, но тие функционираат во склоп на различен тип на системи. -Неколку фотографии од прототипот? Па тие фотографии требаше да се достават уште во тендерот па да видевме што не чека. Тоа ќе беше возможно доколку не поставувавме невозможни и бескрајно чудни и непрактични услови во самиот тендер. Доколку нарачавме нормални автобуси (без разлика дали двокатни или еднокатни), уште пред самиот избор ќе можевме да видиме слики од возилата и да ги споредиме според сите параметри! -За крај би повикал да не се правиме многу слепи, кога цел свет знае кои се најреномираните производители на градски автобуси. Не за џабе има толкава огромна разлика во цената. Нема шанси толкава разлика (x3) во цената да се должи само на ефтината работна рака во Кина, туку и на ред други фактори, меѓу кои водечки е квалитетот и пост-куповните услуги. |
|||||||
|
"Тaм, където глупостта е образец, разумът е безумие." Гьоте
|
|||||||
|
|||||||
|
OKA
Senior Member
Joined: 11-Dec-2009 Location: Yenni Maalе Online Status: Offline Posts: 332 |
Quote Reply
#1132 Posted: 23-Oct-2010 at 00:10 |
||||||
На Балканите слепо екстраполирање странски искуства е формула за неуспех!
|
|||||||
|
Врзи два поста без СК2014 и освој трет гратис!!!
|
|||||||
|
|||||||
|
FoSsiL
Senior Member
Joined: 01-Mar-2009 Location: Аеродром Online Status: Offline Posts: 4699 |
Quote Reply
#1133 Posted: 22-Oct-2010 at 22:17 |
||||||
|
Едноставно добро кажано....
|
|||||||
|
|||||||
|
Andrej_LJ
Senior Member
Joined: 20-Oct-2008 Location: Ljubljana Online Status: Offline Posts: 2954 |
Quote Reply
#1134 Posted: 22-Oct-2010 at 22:05 |
||||||
 Nein, nein, nein, nein! 
ОКА неможеш да релативизираш клучни фактори при набавка и воведување во експлоатација на сосема нов вид транспортно средство во еден град. Особено пак проблемите нема да се решат доколку ги обвиткаме во некаков хумор! Да започнеме прво со нивната височина (не на вториот етаж туку на самото возило). Јас не сум чул дека некој во градот Скопје прави некакви корегирања во однос на семафори, рекламни паноа или кабли. Веројатно се чека да се почне со инциденти, па ад-хок ќе се корегираат овие "детали". Факт е дека овие возила имаат многу помал капацитет на патници оразен преку понеефикасен распоред на седиштата и ограниченоста на вториот спрат. Извинете ме, но долкуку аргументот за набавка на овие возила, пред оние со хармоника е дека ќе се заштеделе некои 10тина метри улица е навистина трагично. Никој во светот не смета дека возило за јавен транспорт одзима простор на улицата, поради простата причина што еден автобус собира до 200+ патници, кои инаку веројатно би биле распоредени во 150 приватни автомобили. Споменувате градови како Лондон и Берлин. Да, навистина имаат долга традиција на двокатни автобуси, но улогата на автобускиот транспорт таму е сосема поинаква од онаа во Скопје. Ако во Берлин и Лондон автобускиот транспорт е второстепенен (во Берлин дури третостепенен), затоа што е надополнување на системи со поголем капацитет по секој основ, како трамвајот или метрото, тогаш во Скопје за жал, автобусите се не само примарен, туку и единствен систем за јавен превоз. Со тоа, мрежата е подложена на неспоредливо поголема оптовареност, над неговите капацитети. Таква (примарна/единствена) мрежа има неколку предуслови за оптимална функционалност: голем број на места за стоење- наспроти оние за седење, што е можно поголем број на врати за побрз и удобен проток на патниците, а со тоа и на целиот систем (во смисла што помало задржување на станиците, побрзо се поминува еден смер на линијата што води и до поголема честост на самите возила на дадена линија)... Двокатните возила се чиста спротивност на овој концепт! Фосил добронамерно и во улога на совесен граѓанин зборува како патниците ќе се прилагодувале на новите возила и карактериситките што тие ги носат со себе. Едноставно речено that is not the case! Системот за градски превоз би требало да е оној кој повеќе треба да се прилагоди (односно да се дизајнира и изведе од страна на надлежните) со цел подобро и поефикасно да ги задоволи потребите на граѓаните и туристите-фантоми. Станицата под ГТЦ е нешто многу паметно и функционално-влез во срцето на нашиот најголем генератор на движење во градот, на еден ефикасен и ненаметлив за околината начин. Сега тоа веќе нема да е фактор, фактор ќе биде духот на Старо Скопје (читај долна паланка, без интенција за навреда кон било кого, ама face it!). Самите возила однадвор, односно странично не изгледаат лошо, иако се дааалеку од тоа како изгледаат модерните нови возила на другите градови кои треба да ни се за пример, било станува збор за двокатни или еднокатни автобуси. Интериерот е под секаква критика. Бела пластика со одвратни седишта, типична за продукцијата на пост-советските "Автобусни Заводи", нешто од кое ЛАЗ веројатно успеа да се одлепи. Цената на овие возила е ултра-ефтина, минимум 3 пати поефтина од купувањето на нови хармоникаши од Мерцедес или МАН. Но, како што велат англичаните, не сум доволно богат па да можам да си дозволам купување на ефтини производи. Верувајте дека ефтиното секогаш во текот на својата експлоатација излегува многу поскапо одколку да купевме помал број на возила од некој реномиран европски производител. Во тој ред на мисли сакам да прашам колку возила се потребни на Скопје во работен ден, за мрежата да функционира адекватно? Сега ќе имаме 200 двокатни, 80+ нови ЛАЗ еднокатни и уште 60(?) еднокатни Санос, кои беа набавени во 1998 година во рамките на акцијата ЈСП-50 години крвоток на главниот град. Тие Саноси можат да се користат уште барем 5 години, и подоцна да се продадат на Афганистан да речеме (како што тоа го прави Германија на Балканот). Значи ќе имаме околу 350 автобуси, што според мене е доволно за покривање на нуждите на Скопје. Една дискусија од 2008 година на БиБиСи, во врска со отпорот на лондончани кон автобусите со хармоника и митовите кои владеат во однос на (за нив традиционалните) даблдекери. Можете да ја погледнете тука, а јас само ќе пренесам една слика со малку инфо: 
Length: Bendy bus 18 metres, double-decker 10 metres Capacity (inc standing): Bendy bus 149, double-decker 90 Proportion of London fleet: Bendy bus 5% (399 vehicles) Double-decker 63% (5,104 vehicles) Source: TfL. The double-decker in the graphic is a Dennis Enviro 400 http://news.bbc.co.uk/2/hi/uk_news/magazine/7306526.stm Edited by Andrej_LJ - 22-Oct-2010 at 22:22 |
|||||||
|
"Тaм, където глупостта е образец, разумът е безумие." Гьоте
|
|||||||
|
|||||||
|
FoSsiL
Senior Member
Joined: 01-Mar-2009 Location: Аеродром Online Status: Offline Posts: 4699 |
Quote Reply
#1135 Posted: 22-Oct-2010 at 21:41 |
||||||
|
А? од кај е ова.... твое дело? за.банција или сериозно? тука ај да одговорам тоа што го имам слушнато... а- Речено е дека ги задоволуваат, бедејќи се со ЕУРО 4 мотори или така нешто... б- ова незнам, немам сознанија, информации в- не верувам.... г- мислам дека нема да има таков проблем, ако имаме добор обучени возачи... д- колку што знам ќе има... ѓ- делумно се согласувам е- незнам... до толку да се страшни.... но добро... има луѓе... и мислам дека треба да се мислело на ова... но ќе се навикнеме.... ж- се адаптирани, имаат пристапни рампи.... з- каросеријата е бојадисана како и сите досегашни автобуси на ЈСП... ѕ- ако седат ќе ги собере.... ама они си имаат свој авотбус, па немаат потреба да се возат во автобуси на ЈСП и- дали воопшто е предвидена таква релација..... ј- во нешто сме први к- може да се каже, но јас не сум доволно информирам за да коментирам.... но мислам дека после 4 или 5 тендери нема штода се крие.... л- не е потребно, нема сега за се референдум да спроведуваме.... љ- хаххахахахххахах м- хахахаххахахахахахахахха н- хахахххаахахаххахахаха о- ваљда имаат.... гаранција, и сервис во објектиет на ЈСП п- хаххахаххахахахахахахахаххахахааххаха р- во Кина бе с- не важи за Кина.... Најверојатно ќе има испорака.... а и по некоја грижа..... за жал... |
|||||||
|
|||||||
|
OKA
Senior Member
Joined: 11-Dec-2009 Location: Yenni Maalе Online Status: Offline Posts: 332 |
Quote Reply
#1136 Posted: 22-Oct-2010 at 21:21 |
||||||
|
Можни аспекти на проблем со „големките” автобуси:
а/ не ги задоволуваат еколошките стандарди? б/ трошат несразмерно повеќе гориво по глава превезен патник? в/ имаат лоша амортизација? г/ немаат добра прегледност ниту возачот, ниту патниците? д/ не се опремени со систем за ладење и греење? ѓ/ статистички е докажано дека при сообраќајка се поморталитетни од обичните? е/ со својот изглед предизвикуваат фобичен страв кај пензионерите, малите деца и нивните родители? ж/ не се адаптирани за патници инвалиди? з/ каросеријата е бојадисана во заштитената боја на една политичка партија? ѕ/ горниот кат нема да може да го користи македонската кошаркарска репрезентација? и/ не се употребливи на релацијата од Чинарот до Света Софија, виа Долна Порта? ј/ никој на Балканов не ги користи и со тоа нивната набавка е одлика на нескромност? к/ тендерот е нетранспарентно и набрзина спроведен и прескапо ќе биде платено за нивната набавка? л/ не е спроведен референдум на гласачкото тело во МКД и со тоа нивната набавка е нелигитимна? љ/ нивната катност, бројот на местата за седење и бруто развиената површина не се во согласност со ДУП и ГУП? м/ нивната набавка не е одобрена од неговата екселенција Е. Фуере и Комисијата за големки автобуси при Европската унија? н/ нивната набавка не е одобрена од Министерството за смешно одење и возење? о/ немаат обезбеден сервис, резервни делови и одржување? п/ добавувачот во цената нема вклучено дополнителна опрема во облик на „50 богати јапонски туристи” по парче автобус? р/ произведени се во Северна Кореја, држава која е под трговско ембарго од Обединетите нации? с/ поради трговското ембарго и несериозниот добавувач можно е да доцни испораката, а можеби и воопшто нема да ја има? Нема испорака, нема грижи! |
|||||||
|
Врзи два поста без СК2014 и освој трет гратис!!!
|
|||||||
|
|||||||
|
FoSsiL
Senior Member
Joined: 01-Mar-2009 Location: Аеродром Online Status: Offline Posts: 4699 |
Quote Reply
#1137 Posted: 22-Oct-2010 at 20:39 |
||||||
|
Знам Кловер дека не треба да биде така, ама за жал така е.... Никој не го боли уво за ништо.... се занимаваме со обични, дневни работи кои цело време се повторуваат.... Ама што друго да правам..... сакав и сакам да кажам дека никој не слуша што ние збориме и не само ние, кога цел народ си тера маалски муабети, и никој да не му текне да искаже конкретно противење..... колку се во држава луѓе кои ги засегаат, односно реално интересираат вакви работи..... 1000,2000,10000, малку се..... па многу луѓе не знаат, поготово на моја возраст, која е зградата на Собранието а која на Владата.... а кога ќе ги праша некој се прават паметни, ко се да знаат а не седнале да побараат ни еден збор на интернет, или едноставно википедија.... И која е смислата на сето наше противење..... кога никој не го слуша.... јас реков не, мене не ми се идеални, и може подобро.... ама што друго да кажам.... се друго ми е за џабе... кога како што викаме нема критична маса која би повела промени.... Па се ориентирав на искористеноста и оптимистички да гледам дека може нешто да се извлече од нив ако ништо друго..... со надеж дека некој ќе слушне.... знаеш тука има и политика, се трудам да не бидам толку директен и пробувам да балансирам за да можам да убедам луѓе.... знаеш компромис што би се рекло.... А се додека никој не го боли ува за ништо.... а тие кои имаат нешто да кажат се по дифолт побивани и земани за ирелевантни што можам јас друго да кажам.... освен да си развивам свои идеи кои некад би можел да ги применам, ако не тука, надвор..... Долго време се замарав со вакви работи.... ама кога размислив добро, реков ма што се замарам со нив, кога они не се замараат со мене.... ќе гледам да успеам да си отворам можности за мој личен развој.... најверојатно надвор и да си живеам живот без грижи, ќе шетам ако имам среќа, ќе креирам, ќе создавам вредности, па ако некој се заинтересира.... би го применил тоа и во МК..... А ич не ми се иде надвор, освен на шетање.... Ама сите кои имаат нешто да кажат се надвор, другите кои се занимаваат со секојдневен живот, колку тој да е тежок.... но без никаква амбиција за во иднина, ќе седат тука и ќе си прават маалски муабети што чинело а што не чинело.... И никој барем за сега нема да се најде да се соберат луѓе кои би предизвикале промени.... не ни е владата крива, која и да била.... самата држава е зае.ана, народот.... од толку маки сме се ограничиле, ама тоа не ни дава за право да се чуствуваме доволни и и да не напредуваме понатаму.... И зошто да се замарам со ова кога мене ми е важно да стигнам некако до школо, а навикнат на сегашните услови, сеедно ми е како, дали во климатизиран и чист или некоја крнтија.... не дека се чуствувам доволен, ама што можам јас да сторам сам.... ќе трпам додека морам.... како и сите други на моја возраст.... сите ги делиме проблемите во околината ама никој не е заинтересиран да смени нешто, а сам сигурно во МК такво нешто е невозможно..... па тогаш мене ми останува да чекам подобри времиња.... Друга работа што сакаме да бидеме европејци, хах, какви европејци..... треба да се средиме сами за себе.... мене ама баш не ми е дојдено да бидам европеец кога можам да бидам светски човек Или оној феномен да изиграваме жртви и како ај сега се вадиме од одговорноста, а се лажеме сами себе.... никој друг освен самиот себе во ова зае..но светско општество нема да те просветли...... или пак да ти помогне.... и криво ми е за тоа.... ама што да правам... морам малку да добијам на сила за да можам да придизвикам промена.... тоа важи за сите.... Не е важно.... отидов многу офтопик.... ама верувајте се е врзано со нашиот зае..н менталитет.... па и двокатниве автобуси.... па и спомениците и улиците и Скопјево и секоја најмала ситница, до една мастика која од кога почнавме со школо не ја извади од уста, а таа го опоменува секој можен час, па си игра немам/имам, па и ќе го казне и пак по исто инает..... не дека е нешто којзнае што, ама јас неможам да сфатам зошто, ама навистина зошто... да оставам на страна банални причини.... И имам среќа што тука ме прифаќате..... ама ќе ми дојде некој и ќе ми рече ај бегај ти си само 16 години и не можеш да ми кажуваш за овие работи.... ти на мене, па кој си ти мало дете, ај оди бркај девојки, играј игри, занимавај се со вештачка љубов, а секој сега не ни знае што е права љубов... кого да сакаш, кога сите гледаат кој со кого ќе се мува, ќе се фати, ќе се скара.... и се околу тоа се врти.... што нема никаква смисла.... и што да правам јас пред тој едуциран возрасен човек.... од кој можеби и повеќе знам..... што можам друго освен да му свртам грб и да си отидам.... не ни вреди да му објаснувам.... И која е смислата на сево ова со автобусиве, никаква, се се сведува на ништо..... односно како што рече некој бујна детска фантазија.... и зошто јас да се занимавам со нечија фантазија... кога никој друг не се занимава..... Но едно да расчистиме.... не викам не.... јас сум на стенд бај.... искажувам дека сакам да се собере критична маса која би предизвикала промени од секој аспект на животот и би учествувал во неа..... но додека не се собере, односно не се договориме и направиме план како би функционирале, јас немам ништо друго што да правам.... освен да седам и да гледам... и евентуално да пишам за нешто што навистина ќе ме заинтригира и за кое мислам дека има сеуште надеж да се смени..... па барем само да е идеја, која ќе ја прочитаат членовите на форумот.... и остане само таква.... јас пак сум остварил некоја цел.... неколку луѓе знаат за моето размислување за некоја тема.... а ако се најде некој што може да ја спроведе, бидејќи јас сеуште не сум во состојба за такво нешто....уште подобро и би ми било повеќе мило..... Кловер.... знам дека ова е премногу офтопик (а можеби и не Искрено сум разочаран од светов во кој живееме.... но сум оптимист Edited by FoSsiL - 22-Oct-2010 at 20:56 |
|||||||
|
|||||||
|
Cloverstack
Admin Group
Joined: 01-Sep-2007 Location: Скопје Online Status: Offline Posts: 12453 |
Quote Reply
#1138 Posted: 22-Oct-2010 at 19:54 |
||||||
Како што реков претходно, јавниот превоз е многу сериозна работа и масовно воведување на нов концепт како двокатниве автобуси (што неминовно ќе предизвика цела лепеза најразноразни ефекти во практичното функционирање на тој јавен превоз) требаше да биде предмет на многу сериозна анализа, па после да се пресметавме дали ни одговараат. Еве и во нишкава на големо се збори за се и сешто, само не се збори за тоа зошто точно ни требаа 200 двокатни автобуси. Навистина не знам како може да се поткрепува купувањето на 200 вакви чуда со „враќање на духот на старо Скопје“, аргумент кој е приказна и сам за себе, но еве да не ја расплинувам дискусијата во тој правец и ќе го окарактеризирам само како тотално недоволен.
 Крајно поразителен коментар и со оглед на тоа дека ова размислување е нашироко присутно е силна индикација зошто ни се случуваат сите овие чудесии. Особено поразителен е коментарот затоа што доаѓа од толку проактивен и толку млад човек. Кратка реплика би било да те прашам: а јаже сами ли да си донесеме? Работата била завршена, па џабе било да се спомнуваат негативните аспекти. Ајде сега да се помириме и од петни жили да се трудиме во целава ситуација да внесеме некој оптимизам без покритие... добро... Ама и кога не беше готова работата, сепак повторно испаѓа дека било џабе изнесување на било какви мислења... чудно... никогаш не било добро време за противење, макар тоа противење било во форма на искажан став. Како општество ќе мора да научиме да покажуваме поголема заинтересираност и вистинска проактивност кон битните работи што се од општ интерес. Тоа е сигурно многу подобар пристап отколку безусловна помирливост и капитулација. Ако не научиме, немаме право да бидеме оптимисти за иднината. Edited by Cloverstack - 22-Oct-2010 at 20:01 |
|||||||
|
|||||||
|
IN_MOTION
Senior Member
Joined: 11-Jul-2009 Location: Skopje Online Status: Offline Posts: 204 |
Quote Reply
#1139 Posted: 22-Oct-2010 at 18:38 |
||||||
|
Вториот кат е повеќе за патници со подолги релации. - Tокму така! Јас секогаш би го резервирал првото седиште на горниот кат бидејќи има одлична прегледност, се возиш, набљудуваш и уживаш. Е сега незнам дали би можело да се пушти двокатен на линијата 57, поради надвожњакот во бутел и општо поради ниските телефонски/тв-кабловски кабли што мислам на многу места во Скопје ќе има проблеми од таа област. |
|||||||
|
|||||||
|
FoSsiL
Senior Member
Joined: 01-Mar-2009 Location: Аеродром Online Status: Offline Posts: 4699 |
Quote Reply
#1140 Posted: 22-Oct-2010 at 18:17 |
||||||
Епа секогаш има по некоја жртва... а кај нас одсекогаш било така.... но еве ова е промена која немора да значи дека по дифолт ќе испадне катастрофална... не бидете песимисти..... како што реков завршена работа, колку и ние да збориме... не ги одобрувам.... само ги рационализирам конкретните предизвикани ситуации... во случајот автобусите.... што можеме да ги отповикаме, отпорачаме... тешко дека ќе дојде до тоа... |
|||||||
|
|||||||
|
Post Reply
|
Page <1 5556575859 90> |
| Forum Jump | Forum Permissions You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum |
Topic Options