Од регионот (општо)

 

Во моментов (2010) во Бугарија се градат околу 140 километри автопат распределени на следниот начин:

-115 км А1 АМ Тракија (Ст. Загора-Карнобат)

-19 км А5 АМ Лјулин (Софија-Пловдив)

-3,5 км јужниот дел на Софијскиот обиколен пат

-2 км Дунав Мост 2 (Видин-Калафат/РО)

 

Во 2011 година се очекува да се започнат следниве делици во вкупна должина од 343 км.:

-23 км на А6 АМ Струма (Долна Диканја-Дупница)

-22 км на А6 АМ Струма (Кулата/ГР-Сандански)

-8 км на А2 АМ Хемус (Софиски обиколен пат - с.Јана)

-10 км на А2 АМ Хемус (Шумен исток-Белокопитово)

-околу 80 км на А3 АМ Марица (Оризово-Харманли)

-околу 200 км брз пат (2 по 2) на делницата Ботевград-Видин

 

А1 ТРАКИЈА (Автомагистрала „Тракия“) СОФИЈА-БУРГАС via ПЛОВДИВ и СТАРА ЗАГОРА. Точната должина на овој автопат е сеуште недефинирана, пред се затоа што владата сака во рамките на овој автопат да вклучи уште две важни делници и тоа Софија-Калотина (СРБ) (поранешна автомагистрала Калотина), како и делницата Бургас-Варна (поранешна автомагистрала Черно Море), со цел да се добие полесно ЕУ финансирање. Од овие две делници, приоритетна е Софија-Калотина, која веројатно ќе почне да се гради во следните години, односно пред истекот на програмниот период на ЕУ до 2014 година, додека делницата Бургас-Варна би се градела во следниот програмен период на ЕУ (2014-2020 година). Затоа сега ќе се осредоточиме на оригиналната делница на Тракија, односно Софија-Пловдив-Бургас.



Делниците кои моментално се во изградба се со вкупна должина од околу 115 километри и се распределени на 3 лота:

ЛОТ 2 (Стара Загора-Нова Загора), долга 32 километри и него го гради бугарската компанија Трејс Груп, на цена 138 милиона лева или 2,2 милиона евра на километар. Моментално (ноември 2010), компанијата е 2 недели пред планот за работа. Треба да се спомене дека оваа делница се започна прва и затоа напредокот е највидлив тука, додека рокот за изградба е 25 месеци.

ЛОТ 3 (Нова Загора-Јамбол), долга 36 километри се гради од страна на грчката компанија Актор, на цена 134 милиона лева, или по 1,9 милиони евра за километар. Оваа делница се започна со изградба втора по ред, но грците се веќе цели 2 месеци пред планот, така што и овде напредокот е доста видлив. Рокот за изградба е исто така 25 месеци.

ЛОТ 4 (Јамбол-Карнобат) е долг 48 километри и таа почна да се гради на 3 септември годинава. Работата ја изведува бугарската групација Тракија 4, на чело со Холдинг Патишта. Цената на работата е 210 милиони лева или по 2,2 милиона евра за километар. Рокот за изведба е 28 месеци поради релативно посложниот терен, како и подолгата отсечка. Фирмите во моментов ја изведуваат работата според планот, без ниаккви задоцнувања.

Трасата се гради паралелно, но доста далеку од сегашниот главен пат Ст.Загора-Н.Загора-Сливен-Карнобат, поместена јужно кон Јамбол.

Вкупната должина на автопатот во изградба е околу 115 км, во вкупна вредност од 482 милиона лева или на километар автопат по 2,1 милиона евра (4,1 милиона лева).