Предлози за дислокација на дел од спомениците

Сеуште е рано да се прави било што со Ск 2014, освен, се разбира, да се стопира. Прво треба да се промени свеста на населението, зборувам и за левите и за десните и од сите етноси. Ако дојде до едно такво барем пристојно колективно издигнување соблекувањето на фасади ќе се наложи како природен процес како и рушењето или дислоцирањето некои од објектите кои се дел од 11 годишната психотична епизода. Што се однесува до мене, Александар, Филип и Олимпија во знак на добрососедство треба да и се подарат на Грција (се разбира РМ да го плати транспортот и евентуалното монтирање таму), Цар Самуил да се подари на Бугарија (нели е бугарски цар и е родум од Софија) или да оди во Охрид (да се корегира натписот од Самоил во Самуил). Јустинијан Први може во Правен факултет да се испрати, или подобро на сред село Таор да се постави, нели таму бил роден човекот, па да се одбележи. Оној бункерот посветен на мајка Тереза на сред пешачка зона да се сруши, тотално ненужен. Триумфална - динамит. Бродовите да се расчленат и ситните делови нека ги однесе водата в море. Централата на АЕК во некој футуризам да се преоблече најочаен објект според мене е тој. Се разбира има уште но ова за почеток е одлично. А да, и мостот на уметноста и мост око да бидат лишени од сите скулптури и да се преименуваат во мост во Мост 1 и Мост 2 и да не се прави разлика кој е прв а кој втор - бидејќи тие мостови тоа го заслужуваат. И тоа е тоа отприлика. Доволно е ова барем да се направи и државата ќе доживее голема катарза. Секако штом ќе проработат институциите и ќе функционира правосудството.

Да не заборавиме тука уште една работа. Сето ова што досега го кажавме овде е поврзано со она домашниот фактор. Но, да не ја заборавиме меѓународната стручна заедница. На пример, пост-земјотресно Скопје со најпрепознатливите објекти од овој период ќе патуваат на светска изложба во Њујорк догодина, а по мои информации вакви изложби ќе има и на други локации. Врвна полска институција е заинтересирана за организирање на идентичен настан во оваа земја.

Да заклучам, за пост-земјотресно Скопје допрва ќе слушаме позитивни оддеци низ светот, од кои македонската стручна и општа јавност ќе мора да потпадне под влијание.

За жал, за „Скопје 2014“ се подготвуваат идентични истражувачки проекти, но во сосема спротивна негативна рамка. Ние не можеме да претпоставуваме како угледни меѓународни архитекти, асоцијации или организации ќе реагираат во иднина, нели?

Edited by BOJAN - 22-May-2017 at 18:20

Originally posted by <Fresno> Изјавава е погрешна на повеќе нивоа, но ок, ако се согласуваш твоја работа. Поентата ми е дека ваков потег може да направи огромни проблеми, во веќе поларизирано општество.

Зарем не се поларизираше општеството токму со неговото поставување (и на низа други објекти) но и со уништување на постоечки објекти? Не сум за рушење „од око“ напишав погоре како мислам дека треба да иде ревитализацијата на центарот што не значи дека треба да направиме реставрација на СК2010. Но, да не се правиме луди дека овдека имаме муабет за кокошката и јајцето, јасно е тука причинско-последичното следство, потезите за поделба се веќе направени одамна.

Originally posted by <Fresno> Софија Куновска: „Во знак на добра воља и влог за подобрување на добрососедските односи со Грција треба веднаш да се отстрани споменикот “Воин на коњ“ и спомениците на роднините на воинот на коњ од Мал ринг- Центар, Скопје. П.С. А пред се и над се заради сопствената идентификација како Словени а не како антички Македонци“

И што е тука погрешно?

Originally posted by <Fresno> Полека малце другари, барем СДСМ да ги добиеше избориве, па да ја разберев еуфоријава.

Победник е оној кој формира влада. Премиерот е од СДСМ, а ВМРО-ДПМНЕ е опозициска партија.

Originally posted by HugoGoulding Да се направеше на најтраспарентен начин па и да беше во најмодерен стил пак ќе имаше препукувања, негодувања, натегање, протести, дезинформации и говор на омраза, критики итн итн. Пак ќе имаше тон истурена негативна енергија и опструкции и крајно спротиставени страни. Пак ќе имаше политика наместо архитектура. Пак ќе имаше грешки и пропусти. Па и сите објекти да беа во модерен стил. Тогаш муабетот ќе беше, "аман со овие грди стакларници и искривени чудни форми насекаде, на Скопје му требаше архитектура и објекти и уметност налик Рим, Прага а не ова". Не сакам да оправдувам ништо и никој, но тоа е реалноста и менталитетот тука. Не дека ова што е сега може да се спореди со Рим и Прага но сепак треба да се земат во предвид многу фактори кога се прават такви споредби.

Да се направеше на најтранспарентен начин Скопје 2014 ќе изгледаше сосема поинаку.

Originally posted by HugoGoulding Дел од идеите во овој проект постоеле и во минатото и не беа паднати од небо. Како што знам поставување на споменици од Делчев, Даме, Карев и други важни личности од македонската историја биле планирани и порано. Била планирана и фонтана со Александар на плоштад. МНТ, Хотелот и Офицерски на плоштад и други објекти во овој стил ги има во цртежи од Грчев итн итн. Ако некој не е информиран, имало идеји за сплавови на Вардар кои требале да наликуваат на бродови и да бидат во склоп на новите градски плажи на Вардар уште многу многу порано од ова. Така да ..

И за Берлин имало планови целосно да се сруши центарот за да стане вистински центар на Третиот Рајх Welthauptstadt Germania, дали тоа значи дека сега треба да го уништат центарот зашто некому така му текнало?

Originally posted by kultuzin Дo сегa збoревме зa грaдење штo требало дa се грaди штo не и тн. Oд сегa ќе збoриме зa рушење, преместувaње и тн. Типичнo зa нaс три чекора нaпред двa назад и се вo местo стoиме.

Па ти си ја отворил темава

Originally posted by kultuzin Стручна јавност??? На кого мислиш на Мирослав Грчев и компанија ????

Мирослав Грчев е само еден од многуте македонски и светски архитекти. ААМ и Архитектонски и Градежен Факултет се само дел од оние кои [u[мораа да бидат консултирани за Скопје 2014, наместо мала група нестручни луѓе да одлучува за се'.

Вчера предложив судбината на Скопје (а со тоа и Скопје 2014) да биде решена на собири, т.е. дебати на кои ќе учествуваат сите засегнати - централна и локална власт, архитекти и урбанисти, заинтересирани граѓани, како и луѓе од правната и економската фела. Може да поставиме анкета на темава, со прашање:

„Како сакате да се реши „Скопје 2014“?“

Понудените одговори би биле:

-Да остане како што е;
-За него да се дискутира и одлучува на собири наменети за тоа;
-Да се сруши.

Originally posted by Џоле Originally posted by kultuzin Дo сегa збoревме зa грaдење штo требало дa се грaди штo не и тн. Oд сегa ќе збoриме зa рушење, преместувaње и тн. Типичнo зa нaс три чекора нaпред двa назад и се вo местo стoиме. Целиот муабет со уривање и отстранување, т.е. преместување воопшто и немаше ни да го има ако уште од почеток се следеа советите на стручната јавност и целиот проект се спроведеше по востановените правила и прописи во градежништвото, урбанизмот итн. Сега само се прават обиди да се минимизира штетата. А штетата е голема.

Стручна јавност??? На кого мислиш на Мирослав Грчев и компанија ????

Originally posted by pbanks Предолго на тие критики и револт се одговараше со омаловажување, потценување, потсмев, еден садизам од позиција на супериорност... па се до екстремот каде што луѓето беа прогласувани за предавници, деструктивци и мразачи на своето. И тој модус не е помрднат ми 1 милиметар и ден денеска.

Кои се тие што се платени? На која основа го тврдиш тоа? Кога ќе се постави оваа теза, дали мислиш дека останува простор за дискусија? Општеството е затруено со овакви тези и било каква дискусија е невозможна.

Како второ. Што ако застапуваат некоја опција? Дали е забрането да се застапуваат опции во демократска земја? Дали фактот што некој е една или за друга опција треба да игра било каква улога при анализата на аргументите што ги искажуваат или силата на аргументите треба да биде единственото мерило дали држи вода тоа што го зборуваат или не?

Originally posted by HugoGoulding Прифаќам критики и револт, но не ја сфаќам желбата за деструкција и компулсивна потреба за омаловажување и омраза. На крај краева, транспаретно или не, вака или онака, во овој проект учествуваа уметници и архитекти. Имаше и уметници и архитекти кои застанаа зад овој проектот.

Предолго на тие критики и револт се одговараше со омаловажување, потценување, потсмев, еден садизам од позиција на супериорност... па се до екстремот каде што луѓето беа прогласувани за предавници, деструктивци и мразачи на своето.

И тој модус не е помрднат ми 1 милиметар и ден денеска.

Доколку имавме една нормална дебата (како општество) каде ќе најдевме соодветни решенија, амбиентот немаше да биде таков.

Токму аргументите кои ги кажуваш во вториот дел од постот ќе беа убава основа за дискусија и постигнување на генерален консензус, но во некое друго време. Денеска го имаме проектот кој остави горчлив вкус кај голем дел од народот, па дури и сегментите на проектот кои се условно кажано издржани на овој или оној начин ќе продолжат да ја носат таа дамка на еден дилетантски, политикантски, аматерски и насилнички пристап.

Ако човек си ги среди впечатоците, токму тоа е проблемот во овој проект а не битката меѓу „барокот“ и „современата“ за која истрошивме толку многу енергија на форумов. Крунски доказ за тоа е зградата на филхармонијата која се отвори вчера каде го гледаме истиот тој дилентантизам во една посовремена форма. Ако СК2014 беше проект базиран на современа архитектура а филхармонијата е некој примерок на таков хипотетички проект, мојот став ќе беше истиот.

Ако има ревизии на овој проект, новата гарнитура треба да покаже најпрвин како се прави тоа. Ревизијата треба да ја прават експертски и независни тела, а никако Зоран Заев или било кој друг сличен по методологијата „Миле, ми текна...“


Edited by pbanks - 22-May-2017 at 11:13

Ми се чини дека постојат релативизатори на важноста на проектот „Скопје 2014“ во јасно осмислената изградба на недемократски режим во Македонија.

Архитектурата која беше искористена во рамките на „Скопје 2014“ е намерно избрана за да вдахне страхопочит на обичниот граѓанин кон власта. Неокласицизмот и класицизмот, во историски контекст да го земеме само дваесеттиот век, се идеална алатка за вбризгување на тоталитаризам во рамките на едно општество. Тоа се архитектонските стилови кои Сталин ги преферира уште во раната фаза на изградбата на сталинизмот, тоа се стилови кои ги употребува Чаушеску за замрзнување на неизбежната појава на посттоталиризмот во Романија. Едноставно кажано, архитектонски стилови кои треба да создадат привид за постоење на бесмртна држава.

Како второ, со урбанистичкото планирање и (не)процедурите низ кои мина „Скопје 2014“ се изгради и де-факто неправната држава. Во суштината на ваквата држава е селективното делење на правда и важењето на законите. Тоа значи дека можат да се изгласуваат ДУП-ови на секои четири месеци без никаква дискусија од професионалци и без никакво консултирање на граѓаните од местото каде ќе се градат тие грдосии.

Нам ни се случи да имаме ДЕВЕТ усвоени верзии на ДУП Мал Ринг во периодот на Груевизмот! Ако одиме цел век наназад, ние ќе увидиме дека толкави промени на урбанистичката документација за Скопје се немаат случено. Значи, газење на целокупната постапка. Споменици од национален карактер ги изгласа Општина Центар, изработка на целосно нов ДУП (вграден постепено) без меѓународен конкурс, менување на закони за да се прикаже привидна легалност, пуштање на објекти без употребни дозволи итн итн итн.

И третата димензија на „Скопје 2014“ е клиентелизмот. За да создадете недемократско општество, вие мора на ваша страна да купите едно кило на просечни архитекти, докажани транзициски профитери и армија на поддржувачи од своите редови. „Скопје 2014“ и енормно високиот износ за изградба на овие објекти беа идеална подлошка за спојување на авторитаризмот со клиентелизмот, кои да не заборавиме успешно функционираа на подрачјето на Јужна Европа од Португалија и Шпанија до Грција до 70-тите години.

Да заклучам, „Скопје 2014“ НЕМА ТАКА ЛЕСНО ДА СЕ ЗАБОРАВИ!

Дo сегa збoревме зa грaдење штo требало дa се грaди штo не и тн. Oд сегa ќе збoриме зa рушење, преместувaње и тн. Типичнo зa нaс три чекора нaпред двa назад и се вo местo стoиме.