ДЦ Аркадија

Originally posted by 46&2 Мислам дека знам што е финтата со објектот ,зошто е со толку мала основа и зошто сепак ќе има поширок тротоар. Порано имам читано дека во тој дел со ДУПот се предвидуваше да се вовлече приземјето на зградите кон внатре а тоа да се реши со столбови како би имало простор од 3 метри. Сега ако убаво забележите се гледа на рендерот дека е така. Како второ сум задоволен од тоа дека ќе го и попонат шпицот кон соседната станбена зграда. Кога копаа тој дел го изоставија па се исплашив дека ќе остане тој триаголен простор како слепо црево меѓу двете згради / нешто како што е две згради погоре кон Грчка амбасада. Се на се за мене објектот би можело да испадне прилично солиден.

Чекај не те разбирам. Зборуваш за онаа куќарка што беше изоставена позади аркадија на тромеѓето со постарата црвена станбена зграда и со новата која чека лепенка врз нејзе? Ако е тоа, барем има некоја добра вест само јас колку што гледам на сликата на ЛСЛ таа куќа не е чепната.

Што се однесува до вовлечените тротоари да, тоа беше во времето на Пенов, тој сакаше цела улица да ја направи таква но мислам дека остана така само како муабет. Дури и да е така решено на оваа зграда не верувам дека тоа ќе произлегува од ДУПот тука повеќе мислам дека би било волја на инвеститорот.


Edited by pbanks - 19-Oct-2008 at 21:19

Мене ова ми изгледа дека ќе биде некој аквариум со 31232131 бои стакла. Погледнете ја само скицата, само стакло е.

Originally posted by lslcrew Полош рендер немам видено досега.

Па добро сеа, тоа не е рендер туку малку нашминкана проекција (можеби архитектите имаат и стручен назив за тоа), ама дефинитивно е многу оскудна и реално не наговестува баш многу па проектов уште е голем прашалник - може да испадне нешто сосема пристојно, а може да испадне и тешко срање. Очигледно клучна улога за екстериерот ќе имаат видот и квалитетот на употребенијте материјали, а на онаква презентација се е отворено и човек може да си замисли буквално што ќе му падне на памет...

Ух добро е што никогаш не сум го видел тоа ѓубре!
Среќен сум што нема никогаш!
Дефинитивно сите депонии да се расчистат!

Браво за проектот, ама ако е точна веста дека основата е мала, тогаш -

Изволте:  41°59'49.69"N 21°25'29.85"E

Edited by lslcrew - 14-Oct-2008 at 20:02

Пред лоа саат продов од овдека, и покрај тоа што беше темно имаше ангажаирано сериозна механизација. 2 бетоњерки у акција, и околу 3-4 миксера. Може би во наредниов период ќе се појави некој мал застој на сообраќајот овдека но тоа не е причина да негодуваме. Инаку дупката беше прилично голема (се гледа пошто има мрежа, а не лимена ограда), скоро да беше покопан коловозот. Ова сигурно е заради подрумските простории, или па нешто слично како со уличката кај НЛБ.

Edited by lslcrew - 13-Oct-2008 at 17:49

Луѓе мора да го набавиме ДУП за овој дел од градот бидејќи мене навистина ништо не ми е јасно.

На градилиштето на Аркадија на големо се градат темели, не успеав да сликам бидејќи имаше многу сумњиви типови кои го одмеруваа секој минувач што проаѓа. Она што можев да го видам е дека градежната линија е горе доле иста како онаа што беше на субстандардните објекти од претходно, можеби за 0.5/1м повнатре но сепак поисфрлена од линијата на која се гради Корнер погоре на раскрсницата. Со други зборови овдека нема да остане ни тротоар ни бутур а со оглед на тоа како се исфрлени зградите и од другата страна на улицата единствено решение да се добијат тука нормални тротоари ќе биде уништување на средушниот појас што би било навистина штета.

Градежниот инспектор Милан Пилужа објасни дека деловниот објект ќе биде со бруто-површина од 226 квадратни метри, а ќе содржи приземје плус четири ката, како и потпокрив.

Како бе 226 квадратни метри??? Ова е сигурно некоја грешка, фали веројатно една нула на крајот!!?!?!!! Ми делува премалку за приземје плус четири ката, како и потпокрив да зафатат 226 квадратни метри. Значи, од прилика 226 / 6 = 37.66666, што е смешно


Edited by dacito - 01-Oct-2008 at 18:43

Деловен објект ќе никне кај поранешната сендвичарница Нов деловен објект ќе се гради на просторот каде што се наоѓаше познатиот ресторан за брза храна „Аркадија“, на булеварот Климент Охридски. Градежната фирма „Аполо инженеринг“ ја урна старата и го подготвува теренот за изградба на нова зграда. Просторот е ограден за да може работниците со механизација да ги изведуваат земјените работи. Од фирмата ни објаснија дека тие се ангажирани за подготвителните работи, односно да го израмнат теренот, да ги подготват подрумските простории за да може потоа да се гради објектот. Инвеститори се сопствениците на поранешната „Аркадија“, Перо и Соња Љутикови, кои ќе бидат и сопственици на деловниот објект. Од општината Центар велат дека сопствениците ја имаат потребната градежна дозвола за која им е издадена на 10 септември годинава. Градежниот инспектор Милан Пилужа објасни дека деловниот објект ќе биде со бруто-површина од 226 квадратни метри, а ќе содржи приземје плус четири ката, како и потпокрив. Висината на објектот од нивото на заштитениот тротоар ќе биде од 19 до 20 метри. Предвидена е и гаража во подрумот. - Се' уште сме во преговори за тоа која фирма би ја ангажирале за изградбата на деловниот објект. Немаме ништо конкретно дефинирано, засега само теренот се подготвува за почеток на градежните работи - велат инвеститорите. Објектот на ресторанот за брза храна „Аркадија“ не работеше последните шест години, а во последно време несовесните граѓани и околните соседи го претворија во дива депонија. На смрдеата што доаѓаше од буништето повеќепати реагираа и жителите. За тоа беше известена и инспекцијата на Општина Центар, по што дворот на напуштениот објект беше исчистен. Општината Центар и Јавното претпријатие „Комунална хигиена“ се оградуваа дека не се надлежни за расчистување на сметот бидејќи станувало збор за приватен имот. http://dnevnik.com.mk/?ItemID=EE198676BE85124BABCCD61E45E3AD0D

zdravo duli.