Јавен превоз во Скопје (линии и возен ред)

малку да расчистиме-крадење е ако нешто сакаш да земиш без да те приметат,а земање/грабање е ич да не те боли дали те виделе или не

Треба да има за секаде, па ако треба само еден патник да има нили празен да е автобусот. Ако се има пари за панорамски дркала за јавен превоз мора да има.

Срамота е човек да се почувствува дискриминиран заради местото на живеење. Многу лесно ќе ги шитне нивите на браќата експанзионисти и ќе дојде во Џеваир ќумезите. Географска дискриминација во 21 век...

МЛАДИТЕ БАРААТ ПОВЕЌЕ НОЌНИ АВТОБУСКИ ЛИНИИ

Група млади средношколци и студенти преку флеш-моб/настан кај автобуската станица спроти Градската болница во Скопје, вчера побараа повеќе ноќни автобуски линии.



Младите со шатори и вреќи за спиење, симболично испратија порака дека доколку не се воведат дополнителни ноќни автобуски линии, ќе мора да преспиваат на автобуските станици.


Тие потсетија дека се потребни повеќе и почести ноќни автобуски линии за младите кои го користат јавниот превоз од најразлични причини како едукација, тренинг или излегување. Акцијата исто така го покрена и прашањето за безбедноста на младите во јавниот автобуски сообраќај.

Тие поделија флаери и залепија постери низ поголем број на автобуски станици како и основни и средни училишта во Скопје. Младите кои се дел од иницијативата велат дека побарале и да се сретнат со раководните лица од ЈСП околу можноста за воведување на повеќе ноќни линии во главниот град.

Иницијативата е поддржана од Националниот младински совет преку проектот Младинско граѓанско образование.

http://www.radiomof.mk/mladite-baraat-poveke-nokni-avtobuski-linii/

„Т-МОБИЛЕ“ ЌЕ ГО МОДЕРНИЗИРА ЈАВНИОТ АВТОБУСKИ ПРЕВОЗ

ЗА „УМНИТЕ БИЛЕТИ“ ЈСП ЌЕ ПЛАТИ ТРИ МИЛИОНИ ЕВРА



Јавното сообраќајно претпријатие „Скопје“ ќе и плати на компанијата „Т-мобиле“ три милиони евра за воведување на системите за електронска наплата на билети и за автоматско следење во автобусите. Kонечната сума е за еден милион евра повисока од сумата со која ЈСП ги процени системите кога го распиша петтиот конкурс за набавка и монтирање на опремата.

Договорот со компанијата с` уште не е потпишан, но е извесно дека наскоро ќе се случи, затоа што во понеделник на седница на Советот на град Скопје ќе биде донесена одлука за измена и дополнување на Инвестициската програма на ЈСП, со која ќе се зголеми вкупната сума што претпријатието ќе може да ја вложува во своите најавени проекти

Грешка во процената

Директорот на ЈСП, Мишо Николов е оптимист дека наскоро Скопје ќе добие современа наплата во автобусите и дека системите значително ќе го унапредат јавниот превоз.

- Најповолна понуда имаше компанијата „Т-мобиле“. Ние, кога го распишувавме јавниот повик за набавка, проценивме дека се потребни 120 милиони денари, односно два милиона евра за двата система, а понудата на „Т-мобиле“ беше 180 милиони денари, односно околу 3 милиони евра. За да можеме да го склучиме договорот мораме да направиме измена во Инвестициската програма во која ќе го зголемиме предвидениот износ - вели Николов.

Во врска со тоа зошто првично предвиделе помалку пари, а на крајот сумата на договорот ќе биде за 50 отсто повисока од проценетата вредност на набавката, Николов објаснува дека се работи за лоша процена.

- Станува збор за специфични системи што ќе се дизајнираат специјално за нас. Тоа не е како да одиш во продавница и да прашаш колку чини, на пример, една гума, па врз основа на тоа колку гуми ти требаат, да направиш процена. Бидејќи е специфична материја, затоа и ни пропаѓаа досегашните тендери - вели Николов.

„Т-мобиле“ ќе има рок од 10 месеци за да ги воспостави системите.

- Се надевам дека до наредната година ова време с` ќе биде готово. Ќе настојуваме пуштањето во функција да биде во јули или во август, кога има помалку патници за да може да се исправат некои грешки ако се појават, а тоа да не се одрази на патниците - вели Николов.

Дел од потребните три милиони евра ќе ги обезбеди ЈСП, а дел Град Скопје.

- За 2014 година во буџетот на Градот за оваа намена се предвидени 60 милиони денари, а со зголемувањето на проценетата вредност на овој проект, градските власти сигурно ќе дадат уште. Исплатата на средствата ќе се врши во три години - изјави Николов.

Ќе бидат набавени 200.000 електронски картички

На електронската аукција, која се одржа на крајот на минатиот месец, „Т-мобиле“ се натпреваруваше со фирмата „Виста“. Овие две компании ги минаа филтрите на тендерот кој беше распишан во април, а на кој интерес за бизнисот пројавија и „Асеко“ и „Асис електроник“ од Истанбул.

Валидатори за електронската наплата ќе се постават во 500 автобуси, од кои 150 во приватни. Ќе бидат поставени три машини за продажба на електронските картички и тоа на пофреквентните автобуски постојки. Електронските билети ќе се продаваат и на 58 продажни места и билетарници. Ќе бидат набавени 200.000 електронски картички, како и 50 уреди кои ќе ги користат контролорите.

За системот за автоматска локација, избраната фирма ќе има задача да постави 50 информативни дисплеи на автобуските постојки, преку кои патниците ќе добиваат информации за колку време ќе пристигне одреден автобус. Овој систем ќе биде воведен само во градското подрачје, односно на поглавните сообраќајници. Во сите автобуси ќе треба да се постават ГПС-уреди за сателитско следење на возилата и да се опреми диспечерски центар во рамките на Студентскиот дом „Kузман Јосифовски - Питу“.

За воведувањето на овие системи беше донесена одлука на Советот на Град Скопје уште во времето кога градоначалник беше Трифун Kостовски. Електронската наплата значи дека патниците ќе имаат една картичка на која ќе ставаат пари колку што сакаат, а при влегување во автобус со приближување на картичката до читачот, ќе биде одземена сума колку за едно возење. Хартиените билети ќе бидат исфрлени од употреба, патниците нема да се задржуваат при влегување во возилото, ниту ќе купуваат билети од возачот. Овој нов тип наплата ќе го намали и времето на стоење на постојките, како и времето што е потребно за патниците да влезат во автобус и да ги поништат билетите, ќе ја намали готовината кај возачите, а претпријатието ќе има поголема контрола врз прометот.

Со електронската наплата ќе се постигне единствена цена на возење во целиот градски и приградски автобуски превоз и кај јавниот и кај приватните превозници. Со системот за автоматска локација претпријатието лесно ќе го контролира времето на тргнување и пристигнување, како и на задржување на автобусите на станиците.

http://www.dnevnik.mk/?ItemID=EC5AC209AF12DD459553E509D18FCE14

Edited by jyvation - 14-Nov-2014 at 17:00

Originally posted by гитардемон Аха, и сега тој што нема електронска картичка, доколку не се продаваат во возилото, од каде да си купи билет? Од десетте трошни билетари на ЈСП лоцирани на 5 километри една од друга?

тоа е тоа, проблемот е во ЈСП, а не во тоа што билетите се хартиени

Морам да признаам дека сум позитивно изненаден од исходот на тендерот.
 
Земајќи ги во предвид идиотизмите кои се случуваат во оваа држава изминативе 5 и повеќе години, типував или на Асеко или на овие турциве.
 
Позитивно сум изненаден од изборот на Ти-Мобајл за да ги обезбеди потребните автомати за потребите на ЈСП Скопје и на неговите патници и се надевам дека ова ќе остане конечна одлука, односно дека нема да се случи поништување на тендерот и повторно распишување на истиот.
 
Но воопшто нема да ме изненади доколку овој нов систем за наплата на билети стане функционален во далечна иднина, на пример во 2017 година, таман за наредните редовни избори - локалните избори 2017.


Edited by Dexter26 - 31-Jul-2014 at 13:31

ЈСП на чекор до воведување на паметни билети

ЈСП „Скопје“ е на чекор до потпишување договор за воведување на системите за електронска наплата на билетите и за автоматска локација на автобусите, откако македонската компанија „Т-мобиле“ ја дала најповолната понуда на електронската аукција што се одржа во петокот. На аукцијата се натпреварувале компаниите „Т-мобиле“ и „Виста“, пренесува Дневник.



Претходно, по распишаниот меѓународен оглас се јавија четири компании, кои дадоа свои понуди за колку пари ќе ја набават и инсталираат опремата за воведување на двата система - домашните „Т-мобиле“, „Виста“ и „Асеко“, која соработува со турската фирма „Kент карт“, која се јави на претходниот тендер, како и „Асис електроник“ од Истанбул. Од овие четири фирми, две продолжија во последната фаза од набавката.
Овие системи се многу значајни за модернизацијата на јавниот превоз. Електронската наплата на билети значи дека патниците ќе имаат една електронска картичка на која ќе ставаат пари колку што сакаат, а при влегување во автобус со приближување на картичката до читач, ќе биде одземена сума колку за едно возење. Хартиените билети ќе бидат исфрлени од употреба, патниците нема да се задржуваат при влегување во возилото, ниту ќе купуваат билети од возачот. Овој нов тип на наплата ќе го намали и времето на стоење на постојките, како и времето потребно патниците да влезат во автобус и да ги поништат билетите, ќе ја намали готовината кај возачите, а претпријатието ќе има поголема контрола врз прометот. Тоа се карти што ќе се дополнуваат по припејд-принцип, како мобилните телефони.

Системот за автоматска локација на автобусите на патниците ќе има донесе поволност што додека чекаат на станица на електронска табла ќе можат да следат до каде е автобусот и за колку време ќе пристигне. Возилата ќе бидат следени преку сателит и информациите ќе се проследуваат во реално време. Претпријатието така лесно ќе го контролира времето на тргнување и пристигнување, како и на задржување на станиците.

Електронската наплата ќе биде воведена и во ЈСП и кај приватните превозници, односно ќе има единствена цена на возење во целиот градски и приградски автобуски превоз.

http://www.skopjeinfo.mk/gradot/1360297186/jsp-na-cekor-do-voveduvanje-na-pametni-bileti

Originally posted by ehrlich Мислам дека не ни беа откажани тие, само што видов две „дупли“ како возат на петка и двојка Најсмешното од се ми е, дека одлуката ја носат кога ќе стапи летниот возен ред, во кој бројот на автобуси се намалува, така што ова нема ништо да значи. Нема да плус автобус, туку исто автобуси.

Башка во летниот период студенти и ученици многу слабо, а и дел од луѓето фаќаат по одмори... така да и онака помалку патници ќе имаат.

Originally posted by ehrlich Мислам дека не ни беа откажани тие, само што видов две „дупли“ како возат на петка и двојка Најсмешното од се ми е, дека одлуката ја носат кога ќе стапи летниот возен ред, во кој бројот на автобуси се намалува, така што ова нема ништо да значи. Нема да плус автобус, туку исто автобуси.

Тоа ти се вика сеење магла. Наместо да се каже дека бројот на автобуси на некои линии би бил ист и во летниот период, они велат дека се зголемил. Нова работна победа!

Значи ќе се реактивираат старите крнтии?