Македонски народен театар (Стар театар)

супер за почеток . Јас овој вториов уште го имав видено

BTW La Linea, да не ги имаш другите предлози за филхармонијата случајно во ваква квалитетна резолуција? Јас ги имам видено само побединчкото решение и тој германскиот проект како што треба. 

@Clover ако е да им се верува на медиумите проектот кој ќе се гради ги нема техничките недостатоци на оригиналниот театар и е доволен за потребите на Скопје...

@La Linea "Старо Скопје" од една симпатична приказна е одавна прераснато во хипербола и кич. Јас лично се надевам (го напишав скоро истото во еден друг пост) дека со реконструкција на овие неколку објекти ќе се ослободиме од тој дух на старо Скопје и ќе можеме да се свртиме кон напред. Проблемот е што во последно време се зачнуваат илјадници иницијативи за некакво "враќање кон корените".

- црквата Св. Богородица која IMO е комплетна утка во просторот и се надевам дека добро ќе ја камуфлираат со добри објекти од околу
- постојани иницијативи за зачувување на Маџир маало
- имам налетано и на иницијативи за зачувување на автентичноста на адвокатската улуца, крњево и што уште не сите тие го рефлектирале животот на тоа старо непреболено Скопје.

Кај нас институционално преку ликови како Аларова и Трифка се проповеда зачувување и конзервација на фавели (или можеби блокада на одредени урбанистички планови со задни урбано-криминогени планови за во не толку далечна иднина )

Конкретно за објективе што треба да се реконструираат. Секако тие апсолутно не се ништо посебно. За некои објекти (на пример за Офицерскиот дом) имам читано и дека некои патеписци од времето пред втора светска војна го карактеризирале како тежок кичерај, ненормален микс на стилови.... Фактот дека тие неколку објекта се носители на приказната за најевропското старо Скопје доволно покажува колку таа држи вода. Реално Скопје до 1873 (пругата) го немало на мапата, до 1900 била најдолна касаба, 1900-1913 се направени одредени напори од последните Турски управители за урбанизација, 1913-1963 Скопје еволуира во нешто поразвиен град од прилика нешто повеќе од она што е денес Битола. Битола е симпатично градче но дали е најевропското на Балканот??

Како и да е... се надевам дека изградбата на театарот ќе се движи брзо и дека за 2 години ќе го скинеме од дневен ред.

„Овој театар претставува заживување на овој дел од градот и повторно враќање на сјајот на старо Скопје, опишано како најевропски град на Балканот од многу патеписци во тоа време.“ - Култура.гов.мк (Да, сигурно по европски од Загреб, од Букурешт, од Софија, од Белград)

Дали е до мене, или старо Скопје прераснува во кич? Онакво, типично македонско хиперболизирање?
   
    Бил мал град со архитектура типична за тој период, бил многу сличен со некои српски   градови, коритото на Вардар не било контролирано, па поплавите биле чести. Едноставно не е ништо посебно, (освен Офицерскиот дом и Народната банка) кои многу добро го пополнувале тој празен простор на плоштадот...

А, за театарот конкретно.... оф леле. Ќе го врателе сјајот. Со среќа околу тоа.

Досега немам видено никаде да се гради било каков објект по вистински модерни критериуми - ниски емисии на јаглерод диоксид, користење сончева енергија, стаклена фасада, да се добие чувство на простор, „мини градини“ во внатрешноста, wi-fi технологија...
  Скопје по 63 е замислен како Бразилија, да биде град на иднината, по современи архитектонски трендови и град со визија. Во таков град, не знам како еден театар како стариот ке се вколпи
Единствена полуостварена успешна приказна е Македонската филхармонија... nice

Како за споредба

Хрватскиот театар совршено со вклопува во околината

 


4-то место на конкурсот за Филхармонијата(ништо посебно, ама сепак визионерски до некаде)

конечно

Култура Започна изградбата на новиот МНТ По речиси една година од удирањето на камен-темелникот, конечно, вчера почна изградбата на карабината на театарот ЛИЛЈАНА МИТЕВСКА Започна градбата на новата зграда на Македонскиот народен театар која го носи ликот на стариот скопски театар. По серија на административни процедури и одолговлекувања, откако на почетокот на годинава беше удрен камен темелникот на театарот, конечно, вчера започнаа градежните работи околу подигањето на карабината на театарот. „Завчера попладне од градот Скопје ја добивме дозволата за градба која се однесува на новата маркица за театарот со проширени димензии и дозволата за сообраќајно решение на просторот околу театарот, со што сите пречки беа отстранети и со градежните работи стартувавме веднаш“, вели државниот секретар во Министерството за култура, Елизабета Канчева Милевска. Подигањето на карабината на театарот доцнеше речиси цела година, што наиде на сериозни критики во јавноста. Од Министерството за култура во овој изминат период информираа дека доцнењето е резултат на превидот направен во претходната гарнитура во Министерството за култура кога било избрано идејно решение за театарот со поголеми димензии од локацијата. Поточно, во тој период, градбата на театарот беше планирана на другата страна на Вардар, а не на неговата оригинална локација спроти градскиот плоштад, на левата страна на Вардар. По смената на локацијата се покажало дека димензиите на маркицата за оригиналната локација на театарот се помали и не соодветствуваат на идејниот план. Најнапред било предложено архитектот Јован Стефановски – Жан да направи измени на идејниот план и тој да влезе во одредените димензии, но новата верзија на театарот била премала за потребите на еден национален театар. Затоа, решено е да се задржи оригиналното идејно решение на Стефановски, а да се побара измена на деталниот урбанистички план, добивање маркица со соодветни димензии и дозвола за градба за оваа проширена локација. Инаку, Министерството за култура веќе поседуваше дозвола за градба која се однесуваше на маркицата со помали димензии, која што, како што велат од Министерството за култура, додека се чекаше на новата маркица и дозвола за градба, беше искористена за завршување на сите останати работи и објава на тендери, со цел откако веќе ќе се почне со градбата да нема застои во работењето, бидејќи поголемиот дел од фирмите кои ќе учествуваат во изградбата се веќе познати. Подигањето на карабината на театарот го врши фирмата „Бетон“ од Штип. „Според договорот карабината треба да биде готова во рок од 9 месеци, а во меѓувреме може паралелно да се работи и на поставување на инсталациите, бидејќи тендерите се завршени. По карабината и инсталациите следи работата на сценската техника и сите оние поестетски димензии“, вели Елизабета Канчева Милевска. Таа верува дека и покрај одолговлекувањето на подигањето на карабината, првично поставениот рок за изградба на театарот, до крајот на 2009 година, нема да биде пробиен. Изградбата на театарот, според Милевска сигурно ќе чини над 6 милиони евра. „Тогаш најавените 6 милион евра се однесуваат само на архитектонскиот дел, а во оваа сума не се влезени средствата за сценска техника, механика и акустика... Буџетот за театарот сигурно ќе биде поголем“, вели Милевска. Инаку, иако новиот МНТ екстериерно и ентериерно ќе наликува на стариот скопски театар, од технички и просторен аспект тој ќе биде осовремен. Театарот ќе има две сцени од кои главната театарска сала ќе биде со капацитет од 756 седишта, а малата алтернативна сала ќе има 236 седишта.

Извор: Утрински весник


Edited by pbanks - 08-Dec-2007 at 00:11