Ни фалат 80 километри за да се поврземе со виа игнација


       
Во рамките на европската рута, која се протега од Лисабон до турско-ирачката граница, во еден дел во Грција практично е возобновена римската Виа Игнација. Фали само делот од 80 километри за од Меџитлија да се поврземе на рутата преку Кожани. Има и политичка волја и интерес тоа да биде финансирано од европските фондови


      
      
Егнатија Одос е пат што ја поврзува Грција од Игуменица до грчко-турската граница кај граничниот премин Кипои. Станува збор за пат долг 670 километри, кој беше направен со пари од европските фондови и е завршен во 2009 година. Трасата е речиси иста како онаа на Виа Игнација. Грците често овој пат и го викаат Виа Игнација, но, работејќи на него, ја заборавиле Македонија, низ која и минувала трасата.

Некогашната траса Виа Игнација во денешна Македонија влегувала кај Меџитлија преку Битола, Охрид до границата кај Ќафасан и ја поврзувала земјава со албанското пристаниште Драч. Волја за вакво поврзување на Македонија постои и сега, а и предностите за македонскиот транспорт се големи, особено во оваа ситуација кога излезот на море и транспортот главно се одвива преку пристаништето во Солун, каде што поради кризата постојано има штрајкови и блокади. Некои фирми веќе се пренасочија кон Драч и со тоа ги намалија трошоците. Со приклучувањето на Македонија на Виа Игнација и поврзувањето со Албанија со нов модерен пат, освен на фирмите, ќе им се олесни патувањето и на македонските граѓани.
Виа Игнација во суштина е дел од европскиот пат Е 90 и се протега од Лисабон, Португалија, на запад, па сé до турско-ирачката граница на исток, но иако патот е речиси ист како римската траса, Македонија остана надвор од неа. Но постои политичка волја, но и желба да се финансира приклучокот на Македонија на новата Виа Игнација, која ќе нé поврзе и со Албанија.

МАКЕДОНИЈА ВО НОВАТА ВИА ИГНАЦИЈА?

Како и да е, повеќе од потребно е вклучувањето или поврзувањето на Македонија со новата грчка Виа Игнација, која е повеќекратно важна за македонската историја, сегашност и иднина, особено во новите геополитички околности.

Зошто била важна и зошто е потребно обновување? Виа Игнација директно влијаела на создавањето нови градови и на нивниот развој во секоја смисла. Од неа почнувале или се надоврзувале речиси сите римски патишта на Балканот, така што Македонија со право се сметала за една од главните крстосници на Римската Империја. Благодарение на Виа Игнација, сите новини носени од Стамбол до Рим или обратно, поминувале тука, оставајќи материјални и други траги. Делницата на Виа Игнација низ Македонија интензивно била користена сé до Првата светска војна, за сега да се претвори во заборавен антички експонат.

Кога Виа Игнација почнала да се гради, идејата била да се поврзат два краја на една империја, а денес на тој простор се протегаат повеќе држави со различни интереси. Токму државите со различни интереси се причина тој пат да биде оживеан само во одредени делови, а Македонија да се заборави.

Но како сега да се приклучиме? За да се поврзе Македонија со овој европски пат што поминува во Грција, потребно е да се направи делница во грчкиот дел од Кожани до македонската граница кај Меџитлија, потег што изнесува околу 80 километри. Потоа земјава би се поврзала и со Албанија со пат што би одел од македонско-грчката граница преку Битола, Ресен, Охрид, Струга и Ќафасан со должина од 120 километри. Она, пак, што би требало да се поврзе во Албанија е патот од македонско-албанската граница кај Ќафасан, па преку Елбасан и Тирана до Драч со должина од 180 километри.

Интересот на Албанија е многу поголем за поврзување со Хрватска преку јадранската магистрала. Значи, има и политичката волја кај официјална Тирана за поврзување со Хрватска, односно да се добие трасата Дубровник - Херцег Нови - Бар - Скадар - Тирана - Елбасан, што би било околу 300 километри.

ПРЕТСЕДАТЕЛСКИ ИМПУЛС

Инфраструктурата е главна тема на средбите на претседателите на Македонија, Албанија, Црна Гора и на Косово. Главно на оваа тема тие разговараат на средбите, кои од 2009 година станаа вообичаена практика. Првата беше во 2009 година во Валона, втората во Призрен минатата година, а сега тие се среќаваат во Охрид. Според најавите од кабинетот на претседателот Иванов, се очекува во Охрид да бидат присутни претседателот на Црна Гора, Филип Вијановиќ, првиот човек на Албанија, Бамир Топи и косовската колешка Атифете Јахјага.

- Бидејќи станува збор за средби на највисоко политичко ниво, главно се разговараше, а и ќе се разговара на претстојната средба за инфраструктурната поврзаност меѓу земјите, поточно за генералните правци, а не и за деталите, што пак е важно за граѓаните и за бизнис-секторот - велат од кабинетот на претседателот Ѓорге Иванов.

Притоа често се слушаат и различни мислења. На пример, Албанија го форсира поврзувањето со Хрватска преку јадранската магистрала. Тоа е интерес и на македонската страна зошто, доколку се средат патиштата во Албанија, тоа ќе значи поврзаност и на Македонија со Хрватска. По должината на Коридорот 8 планирана е реконструкција на патот Стенковец - Блаце (граница со Косово - Гостивар - Ќафасан - граница со Албанија) и на делницата Гостивар - Кичево - Охрид - Струга - Ќафасан.

- Европската Унија ја финансираше европската рута Е 90, па зошто не би финансирала и дополнително приклучување на Македонија? Станува збор за мал потег. Доколку има проект за поврзување на вашата земја со Егнатија Одос, би имало волја тоа да се финансира од европските фондови - велат во Брисел.
Ако Македонија се поврзе со Албанија, односно излезе на море кај Драч, тоа ја поврзува и со Италија. Интересот на Италија за тоа е исто така голем, бидејќи во земјава неа речиси и ја нема, во споредба со традиционално големото присуство во Албанија. За реализација на интересите на оваа линија, потребно е обновување на врската исток - запад, која речиси е прекината.

ПОЛИТИЧКИТЕ БАРИЕРИ ПОЛЕКА ПАЃААТ

На Македонија, освен поврзувањето со Албанија, потребна и е врска и со Бугарија или реализација на Коридорот 8 (Бугарија - Македонија - Албанија). Тоа е практично еден од десетте трансевропски коридори дефинирани за регионите во транзиција од страна на паневропските транспортни конференции (Крит, 1994 година и Хелсинки, 1997 година). Реализацијата на овој коридор видно би ги динамизирала транспортот на луѓе, стока, нафта, гас, електрична енергија и телекомуникациските услуги во Југоисточна Европа. Тој треба да ги поврзе каспискиот регион, Црно Море, Југоисточна и Јужна Европа. Практично, овој коридор ќе воспостави комплетна врска меѓу Касписко Море, Црно Море и јужниот Јадран, односно јужна Италија. Од источна страна коридорот почнува од Варна и Бургас, поминува преку Софија и Скопје и завршува во пристаништата Драч и Валона и потоа продолжува низ морскиот коридор преку јужниот Јадран и Јонско Море и се поврзува со италијанските пристаништа Бари и Бриндизи.

Дел од студијата за преструктуирање на патниот сектор во Македонија е и потегот кон Бугарија. За Коридорот 8 има повеќе делници со два пакети. Првиот е Крива Паланка - Романовце: делници Крива Паланка - Страцин и Страцин - Романовце, Кочани - Штип, потоа Миладиновци - Штип, делница Миладиновци - Штип преку Свети Николе и Миладиновци - Скопје, обиколница на Скопје. Вториот пакет се делниците за поврзување кон Албанија.

Политичките бариери сепак остануваат и често се пласираат информации за немање волја на официјална Софија за поврзување на некои кратки делови до границата меѓу Бугарија и Македонија, кои практично се сосема мала инвестиција.

СТРАНСКИТЕ ФИРМИ И НАШИТЕ ПАТИШТА

За поднесување на понудите од петте конзорциуми (што ќе стопанисуваат со патните правци), кои кон крајот на 2010 година влегоа во трката за концесионирање на државните патишта, владата го одложи првиот рок предвиден за крајот на април. Причините за одложувањето на јавниот повик, кој официјално требаше да заврши на 26 април, прецизно не се обелоденети. Новиот термин за прибирање на понудите завршува на 25-ти овој месец.

Постапката за давање под концесија на дел од државните патишта, покрај Коридорот 8, трае веќе три години. Во првата фаза на претквалификација по шест неуспешни обиди, конечно, лани во ноември беа избрани пет меѓународни конзорциуми што добија право да поминат во следната фаза. Меѓу кои „Шиком бинуи“ од Израел, француските „Буик траво“, австрискиот „Штрабаг“, грчкиот конзорциум „Актори акто консешнс“, како и австриската „Алпине бау“.http://www.novamakedonija.com.mk/NewsDetal.asp?vest=7121191487&id=9&prilog=0&setIzdanie=22328

Edited by Cloverstack - 25-Sep-2011 at 18:07

Коридорите колатерална корист од грЧката криза

Во услови кога солунското пристаниште е единствено и скапо решение, кое сé почесто станува проблематично поради кризата во Грција, Коридорот 8 можеби конечно ќе се активира. Коридорот 10 има уште една незавршена делница, од Демир Капија до Смоквица, а Коридорот 8, кој е во фаза на мирување, засега е најбараното и најитно решение
Македонија мора да се врзе во европскиот сообраќаен јазол и да се вклопи во транспортната мрежа доколку сака да си загарантира економски напредок и секакво друго вмрежување со светот. Коридорите 8 и 10 со тоа стануваат неопходност, која мора што побрзо да се реализира. Коридорот 10 има уште една незавршена делница, од Демир Капија до Смоквица, решение што не е ни малку едноставно и евтино, бидејќи се работи за изградба на сосема нова траса паралелна со веќе постојната, во должина од 28,2 километри и вредност од околу 250 милиони евра. Коридорот 8, пак, засега е во мирување, иако тој е најбараното и најитно решение, кое на македонските фирми треба да им даде алтернатива во преносот на стоки, што сега се одвива претежно во насока север - југ. Во услови кога солунското пристаниште е единствено и скапо решение, кое сé почесто станува проблематично поради кризата во Грција, Коридорот 8 можеби конечно ќе се активира. Немањето сопствени пари за вака големи потези и за тие што побрзо да се изградат наметнува решение што опфаќа нивно доделување под концесија. Експертите коментираат дека наредниов период нашите власти треба да се изборат и да излобираат кај европските партнери повеќе пари за инфраструктурата во државава, бидејќи сепак ние сме центарот на Балканот, што, пак, нé прави наједноставно и најевтино решение за поврзување помеѓу север и југ и исток и запад. Важноста од квалитетно сообраќајно поврзување ја сфатија нашите соседи, кои во голем дел и ги изградија делниците на нивните територии што влегуваат во маршрутата на коридорите. Историјата и сегашноста покажале дека изградбата на инфраструктура во една држава е од суштинско значење за економски пораст и засилена урбанизација на сите населени места на таа територија. Модерните автопати освен што нам ќе ни ги олеснат транспортот и сообраќајот, отвораат и многу можности за друг вид заработка од странците што ќе ги користат. Коридор 10 Табановце - Куманово Со изградбата на делниците Табановце - Куманово што заврши пред десетина дена и Демир Капија - Смоквица, за чија изградба веќе има распишано тендерска постапка, на територијата на Република Македонија Коридорот 10 ќе биде целосно изграден како автопат. Делницата Табановце - Куманово е долга 7,5 километри, а коловозот е широк по 11 метри во секоја насока. Коловозните ленти се разделени меѓу себе со зелен појас и ограда во широчина од 4 метри. Проектот предвидува и нов пристап за управување со сообраќајот во пристапувањето кон граничниот премин Табановце. Вкупната вредност на проектот е 15,5 милиони евра, а средствата се обезбедени од Светска банка и од буџетот на Република Македонија. Должина: 7,5 километри Вредност: 15,5 милиони евра Статус: пуштен во употреба Демир Капија - Смоквица Делницата Демир Капија – Смоквица е клучниот дел од Коридор 10 што ќе го олесни и ќе го забрза протокот на луѓе и стока во јужниот дел од државава, кој сега се одвива по лошо решение надвор од европските стандарди. Токму поради ова ќе се прави сосема нов автопат во овој дел, во согласност со европските барања. - Два двојни тунела (со посебни тунелни ленти во различни насоки на движење) со над 1 километар должина, - шест моста, од кои три имаат засилен бетонски систем со долги држачи и високи столбови, - две крстосници, - пет надвозници, - седум подвозници. Европската инвестициска банка (ЕИБ) и одобри 130 милиони евра на Македонија за изградба на дел од автопатот на Коридорот 10, односно патниот правец Демир Капија - Смоквица. Според нашите државни претставници, парите се одобрени под исклучително поволни услови, со каматна стапка од 1,3 отсто, со рок на отплата од 15 години, со вклучени пет години грејс-период. Покрај ЕИБ, во финансирањето ќе учествуваат и ЕУ со грант од 45 милиони евра преку ИПА-програмата и ЕБОР со заем од 107 милиони евра, од кои 90 милиони евра се наменети за изградба на автопатот, а остатокот за модернизација на системот за наплата на патарина и наплатните станици по должината на автопатот на Коридорот 10. Македонија учествува во проектот со околу 6 милиони евра обезбедени од буџетот на државата. Должина: 28,2 километри Вредност: 250 милиони евра Статус: распишан тендер за понуди за концесија Рок: 2012-2018 година Коридорот 8 - мост меѓу Јадранско и Црно Море Коридорот 8 е всушност трансферзала што ќе ги поврзува најбрзо и најкратко Црно и Јадранско Море, и тоа од Бургас, преку Софија и Скопје, до пристаништето во Драч. Во април годинава беше потпишана заедничка декларација меѓу министрите за транспорт на Македонија, Албанија, Бугарија и на Италија, посветена на овој коридор за побрзо иницирање и заеднички настап на земјите за доизградба и подобрување на патниот и на железничкиот дел од оваа траса што минува низ Република Македонија. Комплетирањето на овој коридор е особено важно и е сé почесто барано од најголемите домашни извозни компании, кои трпат големи загуби кога има проблеми со транспортот на стока преку Грција од солунското пристаниште, нешто на што сме сведоци деновиве поради штрајкот на грчките царински работници. Скапото „солунско решение“ ги прави нашите производи неконкурентни, не во делот на производството, не во делот на реализирање на нарачките, туку во стигнувањето на стоките до купувачот, што би се изменило доколку би бил комплетно изграден Коридорот 8, што, пак, со пристаништата во Драч и во Бургас ќе претставува поевтино и алтернативно решение. Автопат меѓу Куманово и Крива Паланка и Романовце и Крива Паланка Патниот правец Крива Паланка - Романовце треба да биде автопатско решение со вкупна должина од 60 километри. Поделен на две делници, и тоа: од Романовце до Страцин со должина од 35 километри и од Страцин до Крива Паланка со должина од 25 километри. Според планот, кој сега е актуелен, трасата на автопатот на овој потег почнува од западниот влез на Крива Паланка и продолжува кон север сé до Страцин, потоа кон југ и исток од Куманово за да се сретне со постојниот автопат со патарина. Автопатското решение предвидува изградба на коловоз со по 2 ленти со широчина од 3,75 метри и по една застанувачка лента со широчина од 2,5 метри во секој правец. Вредноста на проектот е близу 273 милиони евра. Изградбата на овој патен правец на ниво на автопат е дел од проектот за давање на патиштата под концесија. Во случај во постапката за концесија, која е во тек, да не се добијат прифатливи финансиски понуди, ќе се разгледа варијантата тој само да се реконструира, при што вредноста на зафатот се планира да биде околу 35 милиони евра. Од тоа со какво решение ќе се оди ќе зависи и времето на почнување и завршување на проектот. Должина: 60 километри Вредност: 273 милиони евра Статус: не е распишан тендер за понуди за концесија Рок: 2013-2018 година Гостивар - Охрид, ТребениШте - Струга - Подмолје Од Коридорот 8 ќе остане уште изградбата на квалитетен автопат, кој ќе ги поврзе Гостивар и Охрид, со крак кон Албанија кај Ќафасан, вклучувајќи ги и делниците Требениште - Охрид, Требениште – Струга и Струга – Подмолје. Трасата на наведените делници од Коридорот 8 поминува преку Букојчани, Кичево, до Требеништа. Понатаму се издвојуваат патни краци од Требениште кон Охрид и кон Струга, како и поврзување на Струга со Подмолје. Вкупната должина на овој патен правец е 128 километри. Европските критериуми бараат изградба на коловоз со по две ленти со широчина од 3,75 метри и по една застанувачка лента со широчина од 2,5 метри во секој правец. Вредноста на проектот е околу 490 милиони евра. Изградбата и на овој патен правец е дел од проектот за давање на патиштата под концесија. Доколу се оди по планот и се добијат прифатливи понуди, тогаш најрано може да се почне со изградба дури во 2013 година, со претпоставки работата да се заврши во 2018 година. Должина: 128 километри Вредност: 490 милиони евра Статус: не е распишан тендер за понуди за концесија Рок: 2013-2018 година

http://www.novamakedonija.com.mk/NewsDetal.asp?vest=91411910198&id=9&prilog=0&setIzdanie=22380

Продолжува изградбата на патот Старо Нагоричане-Никуљане

Овој пат е од особено значење не само за жителите на двете села, туку на целата општина, бидејќи претставува директна врска со општината Куманово. Патот се гради по сите стандарди за современи сообраќајници и треба да биде завршен до 1 декември- вели градоначалникот Миодраг Јовановиќ.

Сретствата ги обезбедува Агенцијата за патишта. Првиот дел од патот од селото Старо Нагоричане беше изграден мината година во иста должина. 

http://www.kumanovonews.com/vesti/ekonomija/prodolzuva-izgradbata-na-patot-staro-nagoricane-nikuljane.html

Гранит потпиша четири нови договори

Петре Димитров -  10 август 2011   09:32 GMT

Градежната компанија „Гранит“ АД ќе ја изведува реконструкцијата на локалните патишта Лот 2 Вардарски и Југоисточен регион (фаза 2), каде инвеститор е Агенцијата за државни патишта, за што ќе заработи 263,3 милиони денари. Рокот на изведба е 10 месеци.

Компанијата ќе ги реконструира и локалните патишта Лот 1 Североисточен и Југоисточен регион (фаза 2), кој исто така е финансиран од Агенцијата за државни патишта. Вредноста на овој договор е 158,2 милиони денари, а рокот на изведба е 10 месеци.

„Гранит“ ќе извршува и асфалтерски работи на аеродромот „Александар Велики“ за 500,3 илјади евра. Инвеститор на овој зафат е HADI ŞAHIN INTEPE подружница Скопје, а рокот на изведба е 2 месеци.

Компанијата за изградба, реконструкција и санација на локални патишта и улици во скопската населба Илинден ќе заработи уште 42,5 милиони денари. Инвеститор во овој проект е Илинден, а рокот на изведба е 1 месец./крај/пд

http://www.makfax.com.mk/#264910%2Fgranit_potpisha_chetiri_novi_dogovori

Здраво градежници

Ми треба мала помош, се надевам ја погодив темата. Спремам магистерска и ми требаат информации за некој тунел кај Демир Капија што е, не знам точно на кој пат е веројатно станува збор за тунелот на патот Демир Капија-Удово. Ако некој има технички информации во врска со овој тунел или пак слики многу ќе ми помогне. Однапред благодарам   

Пуштен во употреба рекунструираниот регионален пат Илинден-Калуѓерец

Скопје, 30 јули 2011 (МИА) - Премиерот Никола Груевски денеска го пушти во употреба рекунструираниот регионален пат Илинден-Калуѓерец, во должина од 19 километри, со што ќе се подобри патната врска за жителите од општините Кисела Вода, Илинден и Сопиште.

Овој проект вреден околу 144,3 милиони денари е дел од Програмата на Владата на Република Македонија  за реконструкција на регионалните и локалните патишта.

- Во новата програма за работа на Владата 2011-2015 особено значење му е посветено на инвестирањето во нови патишта и на реконструкцијата на голем број делници, меѓу кои се Демир Капија - Смоквица за целосно автопатско заокружување на Коридорот 10, реконструкцијата на автопатот Велес-Скопје, автопатското поврзување на Скопје и Штип, Куманово и Крива Паланка, Гостивар и Охрид..., рече Груевски.

Премиерот додаде дека на изградбата и обновата на патиштата на Македонија и претстои богат период и времиња за паметење.

Директорката на Агенцијата за државни патишта Наташа Валкановска посочи дека во рамки на овој проект опфатена е реконструкција на вкупно 370 километри регионални патишта низ државата, од кои околу 300 километри се веќе завршени.

- Во завршна фаза е изградбата на новопробиениот пат во Поречието во должина од 10 километри, со кој се обезбедува претходно прекинатата патна врска кон Македонски Брод, истакна Валкановска.

Реконструкцијата на патната инфраструктура, како што додаде таа, е важен сегмент за развојот на економијата и значаен дел од Програмата на Владата.

Валкановска најави дека Агенцијата за државни патишта во следните неколку месеци ќе отпочне со подготовка на 40-тина нови проекти за изградба и реконструкција на патиштата, како и со обнова на сигнализацијата на патната мрежа во државата.

На пуштањето во употреба на рекунструираниот регионален пат Илинден-Калуѓерец присуствуваа потпретседателот на Собранието на Република Македонија Светлана Јакомовска, градоначалниците на Кисела Вода и на Сопиште и голем број граѓани. дма/цр/14:26

http://www.mia.com.mk/default.aspx?vId=85708273&lId=1

Наместо за патишта, парите оделе за консултанти

Александра Спасевска

Зошто Македонија нема модерни автопатишта?

Наместо за нови патишта, Агенцијата троши сe повеќе пари за консултантски услуги, изработка на физибилити студии и за надзор на изградба на патишта. Оваа ставка за пет години се зголеми за повеќе од десет пати и во 2010 година изнесува дури 9,7 милиони евра. Податоците до кои дојде “Капитал“ покажуваат дека во изминатите пет години Агенцијата за патишта потрошила 350 милиони евра за изградба и реконструкција на патиштата во земјава.

Освен скопската обиколница и реконструкцијата на неколку регионални и локални патишта не е изграден ниту еден километар автопат. Според финансиските извештаи на државната Агенција за изградба и реконструкција на патната инфраструктура, континуирано се зголемуваат приходите од патарини и акцизи, а за нови патишта се трошат сe помалку пари. Тоа доволно кажува зошто Македонија, после Албанија, има најлоши патишта во регионот.

Единствената автопатска делница која во последниве неколку години се гради во Македонија е автопатот Табановце-Куманово, долг 7,7 километри, кој сe уште не е готов. Исто е и кај регионалните патишта. Беа пуштени во употреба неколку реконструирани магистрални и регионални патишта, но приоритетните делници: патот до ски-центарот Кожуф, од Радовиш до Струмица и до Близанско во Македонски Брод, кои се најавуваат со години, сe уште не се готови.

Според финансиските извештаи на Агенцијата за патишта, за консултантски услуги и студии во изминатите пет години се потрошени повеќе од 30 милиони евра. Во 2006 година се потрошени само 815.000 евра, а во 2010 година десет пати повеќе - 9,7 милиони евра. Од друга страна, вкупните расходи за изградба и реконструкција на патишта се намалени. Освен во 2008 година, кога се потрошени 98,6 милиони евра, во 2010 година инвестициите на Агенцијата се за 40% помали и изнесуваат 56,6 милиони евра.

Ако се зголемуваат приходите, а се намалуваат инвестициите во патишта, се наметнува прашањето каде одат парите кои би требало да се наменат за изградба на нови патишта и реконструкција на постоечките, кои се во катастрофална состојба. Годинава, Агенцијата за патишта планира да потроши 7,3 милиони евра за консултанти и за надзор на изградба на патиштата.

Ставката за тековно одржување на патиштата, односно парите кои Агенцијата за патишта му ги префрла на јавното претпријатие Македонија пат за реконструкција и санација на патиштата, е фиксна и изнесува 13 милиони евра годишно, освен во 2006 година, кога се одвоени 15 милиони евра.

Какви се тие консултантски услуги и на кого му служат не знаеме затоа што се чуваат во најстрога тајност. На пример, државата плати 1,4 милиони евра за изработка на студија која требаше да ја покаже економската оправданост од давањето на патиштата под концесија. Студијата беше нарачана кај француската консултантска куќа Луис Берже, но никогаш не беше јавно објавена. Три години подоцна државата сe уште нема избрано концесионер за изградба на автопатишта од Коридорот 8, а постапката беше десетици пати пролонгирана.

За продолжување на практиката со плаќање конслутанти и надзор на раководството во Агенцијата добро му доаѓа и фактот дека растат приходите од патарина. Финансиските извештаи покажуваат дека во 2006 година приходите од патарина изнесуваат 11,4 милиони евра, а во 2010 година дури 17,4 милиони евра. Агенцијата за патишта проектирала до крајот на годинава вкупни приходи од наплата на патна такса од 20 милиони евра.

Иако растат приходите од патарини, сe уште не е распишан тендерот за модернизација на наплатните рампи. Првично беше најавено дека наплатните станици ќе се даваат на концесионер кој ќе изгради нови и ќе воведе електронски систем за наплата, Министерството за транспорт на крајот на минатата година реши да се откаже од оваа идеја и целиот проект да го финансира со сопствени средства. Неколку месеци подоцна Владата обезбеди 17 милиони евра кредит од ЕБРД, но не го распиша тендерот најавен за првата половина на годината.

Од ставките за изградба и реконструкција на патишта во изминатите пет години се потрошени повеќе од 350 милиони евра. Во 2006 година за оваа намена се потрошени 66,4 милиони евра, а во 2010 година десет милиони помалку - вкупно 56,6 милиони евра. Оваа ставка малку поголема била само во 2008 година, кога се потрошени 98,6 милиони евра. Но, за пет години се изградени само 7,7 километри автопат од Куманово до граничниот премин Табановце, кој терба да биде пуштен во употреба за еден месец. Во 2009 година беше завршена и обиколкницата во Скопје, но таа се градеше речиси осум години.

Агенцијата за патишта успеа само во изминатите неколку години со кредитот од ЕБРД и од Светската банка да реконструира 11 регионални делници во вкупна должина од 290 километри и да изгради 62 локални патишта во должина од 150 километри. Но, од приоритетните автопатишта од Коридорите 8 и 10 освен најави за преттендерски и тендерски процедури, не е ставен ниту метар асфалт.

За Коридорот 10, односно за делницата Демир Капија-Смоквица во должина од 28 километри, Владата пред четри месеци обезбеди 250 милиони евра кредити од ЕБРД и ЕИБ и сега се чека новата влада за да се распише тендерот за избор на градежна компанија која ќе ја изгради последната делница од Коридорот 10.

За Коридорот 8 веќе три години се бара концесионер. По неколкуте одложувања на роковите за избор на концесионер сe уште не е избран конзорциумот кој терба да изгради 370 километри автопат во наредните седум години и со нив да управува во наредните 35 години.

ЗА ШТО СЕ ТРОШАТ ПАРИТЕ?

2010 година

56,6

милиони евра се потрошени за изградба и реконструкција на патишта

17,4

милиони евра се собрани од наплата на патарина

9,7

милиони евра се потрошени за физибилити студии и за надзор на изградба на патишта

2008 година

98,6

милиони евра се потрошени за изградба и реконструкција на патишта

16,3

милиони евра се собрани од патарина

7

милиони евра се потрошени за физибилити студии и надзор на изградба на патишта

2006 година

66,4

милиони евра потрошени за изградба и реконструкција на патишта

11,4

милиони евра собрани од наплата на патарина

815

илјади евра се потрошени за физибилити студии и за надзор на изградба на патишта

http://www.kapital.com.mk/mk/dneven_vesnik.aspx/71911/namesto_za_patishta,_parite_odele_za_konsultanti.aspx?iId=2297



Со 2,5 милиони евра во Општина Прилеп ќе се афалтираат 10 патни правци

Градежната оператива на Гранит ги завршува работите на асфалтирање на патниот правец до селото Големо Радобил. Ова е единствено населено место во Тројачката котлина со над 100-тина жители и вредеше да се инвестира со оглед на фактот дека има голем бројот на повратници а и расте и бројот на викендички што се градат таму, вели Градоначалникот на Прилеп Марјан Ристески: - Станува збор за пат во должина од 4,5 километри, а поставени се 17.000 м2 асфалт. Вредноста на овој пат е 14 милиони денари или 250.000 евра. Ова е единственото населено место од Плетвар надолу, кое го сочувало населението. Имаме активно училиште во кое децата посетуваат редовна настава и со овај пат ќе се придонесе за подобра комуникација за месното население и за нив животот да се одвива без проблеми, а ќе се спречи уште едно село да изумре.   

Покрај овој Локалната Самоуправа работи на реализација на годишната програма за асфалтирање на уште 4 патни правци со 18 километри во Општина Прилеп кои покрај со 1,4 милиони евра средства од Светска банка ќе се финансира асфалтирање на 11 километри на 5 други патни правци неколку, меѓу кои и кон филмскипознатата Штавица, за кои се одобрени 1,1 милион евра од кредитот од Европската банка за обнова и развој.

Или вкупно од кредитите што ги доби Република Македонија а за кои средства Прилеп аплицираше со готови проекти обезбедени се 2,5 милиони евра за подобртување на инфраструктурата во Општината.
Паралелно со овие активности градежната оператива деновиве интензивно работи на асфалтирање на најфрекфентните крстосници низ градот се со цел тие до четврток да добијат хоризонтална и вертикална сигнализација како би биле во функција за претстојниот Пивофест. За оваа намена од општинскиот буџет се издвоени околу 10 милиони денари.

http://daily.mk/cluster3/6ef34574bf613e204e3e031b4cf97501/818145

Вакви реакции и очекував Поради низа околности, овој пат од некаде 5-7 км, а можда и више, го идев пешки и ги воочив сите недостатоци. Како прво за патот, нз дали можете да забележите од страна песок? Е тој песок е дел од патот. Израмнет е со ваљак заедно со асфалтот при што се добива солидна големина. Значи ако има две коли, два автобуса и сл, ќе го користат делот со песок. Ја од инат на пола од патот со нозе го туркав песокот, затоа што баш у 21 век срамота е да се прават импровизации и наместо асфалт песок да е замена. Нерамен е ненормално многу. Иначе овој пат беше еден од полошите у Македонија, па некако ваква реконструкција може и да помине. А за работниците да не зборам и на идење и на вреќање беа земја дембелија, се излежаваа у сенка. Затоа и проекти кои треба да се направат за месец-два, се одолговлекуваат по 5-6 месеци. И уште еден битен момент, онде каде што бил подобар асфалтот само сечеле мали површини и ставаа поголемо количество асфалт и изгледаше поприлично нерамно.

^Кака е стандартната ширина при изградбата на такви патишта?
Мене ми се види многу тесен.

Edited by ink - 07-Jun-2011 at 16:39