Патна мрежа (општо)

Нејасно ми беше ова за опците со границата. Благодарам во секој случај на скицава.

Зелената линија е новиот пат. Сликата е токму кај што почнува новиот пат (на картата во близина на знакот за „забрането вртење лево“. Причината за овој пат најверојатно лежи во тоа дека „Принцес“ не сака патот пред хотелот/казино да е оптеретен. Па така се слушаше дека газдите инвестирале во овој пат, кој впрочем е само за возилата што доаѓаат од кај Гевгелија. Ако доаѓате од кај Богданци, вртењето лево е строго забрането. Според таксистите овој пат е пократок и е многу попрегледен од стариот (означен со црвено). Единствен проблем е тоа што патот не беше целосно завршен (во Февруари). Да не се сфатиме лошо, направен е се додека не наидува до веќе постојачката улица во Богородица. Значи 100м од патот се крш, додека не се излезе на главната улица во Богородица.

Друго на картата:
1. Граничен премин„Богородица“
2. Казино/Хотел „ФламинГО“ (навистина до денес мислев дека е Фламинго, но според се што гледам на интернет страницата казиното се вика ФламинГО.
3. Местото за кое се има направено „Урбанистички План“ не така одамна.
4. Веќе фамозниот „Принцез“ (Хотел/Казино)
5. Месноста „Милци“ за која исто така се има направено УП (овде е и Мото-Крос патеката).
6. Овде е казиното „Сенатор“ (не тој во градот) или поранешниот градски базен.
7. АМД „Дичо Панов“. Сместен во новата зграда покрај стариот е-75. (пост на форумов)
8. Мостот на Македонско-грчкото пријателство. Мост кој треба да води кон новиот граничен премин. На картата патот кон новиот граничен премин е означен со сино а со сино(испрекинато) е означена алтернативата. Значи овие се муабети и јас до сега немам видено детален план. Така зборуваат луѓето... т.е. каде од прилика треба да е патот.

Жолтиот Пат е стариот Е-75 и во најновиот број на Гевгелискиот Магазин има најави дека ова ќе се користи како излез за Гевгелија. (нешто на кое јас одамна претендирам)

Повеќе слики:

mac3donian прошлата недела пушти некои слики за нов граничен премин со грција. Денеска кај нас сечеле лента за некој локален пат од село Богородица до месност викана понов мост. Може ли  ако можеш или некој друг од тој крај да ни ги објасни овие топоними и една мапа кај треба да е тој нов премин, дали овој локален пат кај нас има врска со тој премин?

Патните правци Кавадарци–Мушов Гроб и Струга–Дебар на тендер на Агенцијата за државни патишта

Кавадарци, 18 февруари 2011 (МИА) - Двата патни правци Р108 Кавадарци – Мушов Гроб и Р418 Струга – Дебар се најдоа на меѓународниот тендер за проектот за извршување на градежни работи за рехабилитација и подобрување на регионалните патишта во земјата од страна на Агенцијата за државни патишта.

За општина Кавадарци овој тендер е од голема важност бидејќи се работи за регионален пат кој го поврзува низинскиот со ридско-планинскиот дел од општината во должина од 16 километри значаен за неколку стопански субјекти  ФЕНИ Индустри и рудникот Ржаново, Кожувчанка, Горска, ШС Бор, винаријата Грков, жителите на селата од Бошавијата и поранешната општина Конопиште.

Оваа делница е дел од  регионалниот пограничен пат Кавадарци-Рожден-Старавина-Битола, за чија изградба е заинтересирана и Европската Унија. Патот е значаен и како крак од  патот кој  води од Кавадарци до Ски центарот Кожуф. Отворањето на тендерската документациија е на 4-ти април оваа година. бн/16:32

http://www.mia.com.mk/default.aspx?vId=81312979&lId=1&pmId=

Да де, не сметам дека железничка можеше да се направи за 500к. Муабетот ми е каква е таа реконструкција на 22 км за 2мил евра, особено што ја отвори премиерот и неговиот министеr. Затоа и ме зачуди, очигледно реновирале дупки.

Многу ме интересира како булевар (железничка) од 2 и пол км кошта 2.5 мил евра, а ова 22 км кошта 2 мил.

Пуштен во употреба патот Ајватовци - Мршевци Директорката на Агенцијата за државни патишта Наташа Валкановска и градоначалникот на општина Илинден Жика Стојановски и премиерот Никола Груевски денеска го пуштија во употреба локалниот пат Ајватовци - Мршевци. За изградбата на патот инвестирани се 13,5 милиони денари од Агенцијата за државни патишта. Патот е долг 3,9 километри и широк пет метри. Според Груевски, со реализација на проектот во иднина се очекува брз и непречен проток на лица и значително подобрување на комуникацијата и квалитетот на живот. - Она што го ветивме на изборите тоа и го остваривме. Почна и заврши изградбата на овој локален пат што поврзува шест населени места. Освен што ќе има значајно комуникациско влијание, значително помага и во друг дел,истакна премиерот. Тој посочи дека откако е изграден патот банките почнале да ги прифаќаат куќите како хипотеки доколку некој од жителите сака да подигне кредит. - Сите што имаат куќи не само што расте цената на нивните куќи, туку може да ги даваат како хипотеки. Пред изградбата на патот банките не ги прифаќале куќите како хипотеки, ако некој сака да подигне кредит. Откако е изграден патот во последниот период банките почнале да ги прифаќаат како хипотека, појасни претседателот на Владата. http://kurir.mk/makedonija/vesti/17935-Pusten-vo-upotreba-patot-Ajvatovci---Mrsevci

Пак слична вест за патот Струмица-Дојран, но да ја изрегистраме

eden od mnogute primeri na nestrucno zavrsena rab(a vo ovoj slucaj i ne moze da se narece zavrsena)

Проширен автопат-оштетени домови

сабота, 15 јануари 2011, 17:39

Заштитени од бучавата на автомобилите, но со оштетени куќи. Жителите на населбата Ѓорче Петров 2 се жалат дека проширениот автопат од Тетово кон Скопје им нанел големи штети. Поради лошо изведениот одводен канал при најмали врнежи куќите постојано им биле поплавени. Стравуваат дека дел од објектите кои претрпеле штети и од градежната механизација за време на проширувањето на патото можат во секој момент да се урнат. Вината ја лоцираат кај Агенцијата за патишта:

Агенцијата за патишта признава дека има проблем. Случајот бил во фаза на решавање, но проблемот била висината на паричната отштета која според локалното население била премногу ниска, за што во тек е судски спор. Инаку ова не е единствениот проблем за овие луѓе.

Доколку не им се решат проблемите, локалното население се закани со блокада на влезот на Скопје.

http://www.time.mk/read/NONE/0a092c7327/index.html

В ГОДИНА ЌЕ СЕ ПОЧНЕ САМО ЕДЕН ПАТЕН ПРАВЕЦ
Патиштата во слеп колосек

Елена Костовска


Македонија станува слепо црево на Балканот иако се наоѓа во централниот дел на полуостровот и низ неа поминуваат два паневропски коридори. Додека нејзините соседи градат и по 100 километри автопат годишно, земјава и по дваесет години самостојност се уште ја нема почнато изградбата на Коридор 8, а Коридорот 10 во најголем дел е во лоша состојба. Следна година Владата не планира да почне изградба на ниту еден километар автопат или пруга со исклучок на патниот правец Демир Капија - Смоквица, за кој се чека одобрение од Европската комисија. Наместо да гради, државата ќе бара концесионер за изградба на патните правци од Коридор 8, а ќе прави и проекти за железничко поврзување со Албанија и со Бугарија. И додека концесионерите и консултантите не си ја завршат својата работа, превозниците си ги кршат возилата по македонските магистрални и регионални патишта, стопанството ќе трпи загуби превезувајќи стока по заобиколни патишта, а опозицијата ќе обвинува дека власта нема изградено ниту еден километар автопат. Државата ветуваше осум милијарди евра во изградба на инфраструктура. Но, наместо тоа, единаесет регионални и локални патишта се реконструираат со кредит од Светската банка, а само четири магистрални и регионални делници се градат со пари од Буџетот. Во четири години единствен автопат што се гради, а се уште не е завршен, е делницата Табановце - Куманово, која се очекува да биде завршена во текот на следната година, а доцни поради проблеми на изведувачот „Алпине“, за кои државата наплаќа пенали. Стопанствениците многу пати повторија дека приоритет на Владата треба да биде Коридорот 8 како заради соработката со Бугарија и со Албанија, така и заради потребата од алтернатива на солунското пристаниште и грчките железници, кои од минатата година штрајкуваат.
- Рудникот „Бучим“ ја пренесува рудата за топење од Радовиш во Бугарија. Патот што го користи е единствената калдрма на Балканот. Во Бугарија е друга приказна, тие од пред две-три години почнаа интензивно да ја поправаат инфраструктурата. Кај нас почнаа да работат на десет километри од патот, но тоа оди многу бавно. Да имаме добра инфраструктура, тоа значи безбеден транспорт, заштеда навреме, пари и поконкурентни цени - вели Николајчо Николов, директор на „Бучим“. Според претседателот на Унијата на превозници, Страшо Јованов, државата од Буџетот треба да ја гради инфраструктурата и тие да бидат во нејзина сопственост, а не да ги дава под концесија. - Изградбата на инфраструктурата е неприкосновено барање и олеснување за македонските превозници. Тие може да се изградат со средства од нафтените деривати за да може државата да ги ужива придобивките од нивното управување. Железницата треба да биде приоритет за да можеме да ги добиеме албанските и бугарските пристаништа - вели Јованов. Министерот за транспорт и врски, Миле Јанакиески, во својот отчет ги повтори истите приоритети од минатата година. - Завршени се студијата за оправданост и идејниот проект на пругата кон Албанија, а обезбедени се и средства од 500.000 евра за консултант кој ќе ја изработи студијата за пругата кон Бугарија. Треба да почне изградбата на делницата Демир Капија - Смоквица, со што ќе се комплетира Коридорот 10 - вели Јанакиески.

http://www.vreme.com.mk/DesktopDefault.aspx?tabindex=6&tabid=1&EditionID=2208&ArticleID=154133