Вчера во Прилеп го пуштивте локалниот пат Прилеп-Канатларци, изграден во соработка со Агенцијата за државни патишта. До каде е изградбата и реконструкцијата на регионалните и локални патишта низ државата?

- Проектот за рехабилитација и реконструкција на регионалните и локалните патни правци е финансиран во соработка со Светска Банка за што Владата на Република Македонија обезбеди средства во висина од 70 милиони евра. За реконструкција на регионалните патишта се обезбедени 34 милиони Евра. Со средствата од оваа компонента од Проектот се градат, односно рехабилитираат 11 најоштетени регионални делници со вкупна должина од 288 км.  Во 2010 година е целосно завршена реконструкцијата на 5 од овие делници, а останатите 6 делници се очекува да бидат завршени до крајот годинава односно почеток на 2011 година.

Завршени регионални патни правци со проектот со Светска Банка се патните правци Давидово-Раброво, Струга-Дебар, Лакавица-Неготино, Прилеп-Кривогаштани и Превалец (врска со М-5)- Смојмирово, а дополнително на овие, во 2010 година завршени се градежните работи и на уште два регионални патни правца, опфатени со Програмата на Агенцијата за државни патишта, а тоа се патните правци Куклиш – Банско и Обиколницата на Охрид.

Во 2010 година започна и реализацијата на Проектот за реконструкција и рехабилитација на регионални и локални патишта во соработка со Европската банка за обнова и развој во висина од 50 милиони евра, од кои 25 милиони евра се обезбедени со цел реконструкција на регионалните

Владата на Република Македонија и дава безрезервна поддршка и на локалната самоуправа, во делот на реконструкцијата на локални патишта и оттука, во рамките на Проектот за реконструкција на локалните патишта со Светска Банка, обезбедени се 34 милиони евра. Во мометов потпишани се договори со изведувачи за реконструкција на 97 локални патишта низ целата држава во вкупна должина од 220 км. Од нив веќе се завршени 51 локален пат со вкупна должина од повеќе од 100 километри.

Исто така, за реконструкција на локалните патишта во рамките на Проектот за реконструкција и рехабилитација на регионални и локални патишта со средства од Европската банка за обнова и развој се обезбедени средства во висина од 25 милиони евра. Во моментов во тек аплицирање на општините со приоритетни проекти и комплетирање на целокупната потребна документација.

ОПШТИНА ИЛИНДЕН

Изградба на локален пат

ВЕСТ ГИ ОТКРИВА ЦРНИТЕ ТОЧКИ НА ПАТИШТАТА

Каде се гине најмногу?

Во земјава има вкупно 169 т.н. црни точки од кои 53 црни точки на магистрални патишта, 63 на регионални, 2 на локални и 51 црна точка на улици во населени места

Годинава во земјава 139 лица го загубиле животот во сообраќајни несреќи. Дури 40 отсто од жртвите се деца или млади луѓе. Како главни причини за овие застрашувачки податоци е лошата состојба на патиштата, која од година на година е се полоша и полоша. Автопатиштата се далеку од европските стандарди, стари и дотраени, локалните патишта пак изрешетани со дупки и неосветлени а кривините лошо изведени. Речиси нема пат на кој нема т.н. "црни точка" чиј број е дури 169.и Иако овие т.н. "црни точки" од година во година земаат се поголем број човечки жртви, на ниту едно од овие места во моментов не е поставен знак со кој возачите би се предупредиле дека делницата е ризична и внимателно да возат. Ваквите знаци се тргнати од патиштата бидејќи во Европската конвенција за сообраќајна сигнализација не постои таков знак.
Големиот број сообраќајни несреќи со човечки жртви се резултат и на неприлагодена брзина со која се вози, недавањето на првенство на минување, возење под дејство на алкохол и неносење на сигурносни појаси. Минатата година за вакви сообраќајни прекршоци биле изречени 250 000 казни, а сличен а бројот и годинава.
Според податоците на Министерството за внатрешни работи во изминативе десет месеци бројот на сообраќајни несреќи е помал од лани, но поголем е бројот на жртвите.
"Лани бројот од жртвите од сообраќајни несреќи во првите десет месеци беше 136, а оваа година имаме благо зголемување односно бројката е 139 жртви на патиштата. Нашата статистика покажува дека во најголем дел од сообраќајните несреќи каде има настрадани лица, процентот на млади луѓе кои настрадале е над 40 отсто. Гледајќи ги овие бројки, неопходно е сите да се мобилизираме и да се ангажираме, да работиме на планот на превентивното дејствување за да успееме во одредена временска динамика бројот на жртвите да го намалиме, односно да создаде побезбедни услови на патиштата во Република Македонија"рече вчера министерката Гордана Јакуловска, на одбележувањето на Светскиот ден за сеќавање на жртвите од сообраќајни несреќи.
Во светот годишно над 1,3 милиони луѓе го губат животот во сообраќајни несреќи, од кои над 25 отсто од жртвите се деца или млади луѓе. (А.А.)

169 критични места

Во земјава има вкупно 169 т.н. црни точки од кои 53 црни точки на магистрални патишта, 63 на регионални, 2 на локални и 51 црна точка на улици во населени места.
Во Скопје црни точки се мостот кај Катланово, каде годинава се случија неколку сообраќајни несреќи со човечки жртви и крстосницата кај Католичка црква, каде поголемиот број несреќи за среќа завршиле со матријални штети.
На регионалниот пат Градско-Прилеп постојат дури шест црни точки.Поради лошите и остри кривина на оваа делница за една година се случуваат повеќе од 50 несреќи.
Толкав е бројот на несреќи на магистралниот пат Струмица-Ново Село, кај т.н. Робовска раскрсница. Кај местото Камендолска Спирка за една година се случуваат по петнаесетина несреќи. Голем број човечки животи зема и патот Велес-Штип, како и регионалниот пат Велес-Кочани кај велешкото село Сарамзалино.
Позната по голем број сообраќајки е и т.н. кривина на смртта кај селото Калиманци, кај Македонска Каменица. Тешки сообраќајки се чести и кај Зајас, Тајмиште, Камендолска спирка и Ботун.

ЕКСКЛУЗИВНА ПАТНА КАРТА СО ЦРНИТЕ ТОЧКИ МОЖЕТЕ ДА НАЈДЕТЕ САМО ВО ПЕЧАТЕНОТО ИЗДАНИЕ НА ВЕСТ В ПОНЕДЕЛНИК

Јанакиески го пушти во употреба патниот правец Мислешево - Струга

Министерот за транспорт и врски, Миле Јанакиески, го пушти во употреба патниот правец од струшкото село Мислешево до магистралниот пат М4 кој што води кон Струга, во должина од 1,4 километри. Во неговата изградба државата инвестираше 200.000 евра.
- Овој патен правец, кој беше во крајно лоша состојба, е од големо значење за жителите на овој крај и е дел од проектот на Владата за изградба на 200 локални патишта низ територијата на Македонија - изјави Јанакиески.