Патиштата се градат само во статистиката

Агенцијата за државни патишта и Државниот завод за статистика се разидуваат - Агенцијата пријавува зголемени градежни активности во патната инфраструктура, а Државниот завод евидентира непроменета состојба во вкупната километража на патиштата - 911 километри магистрални и 3.771 километар регионални патишта
Во изградбата на магистрални патишта Македонија последнава деценија заостанува. Просекот на новоасфалтирани километри автопат во земјава е многу понизок од Србија, Хрватска и од Романија. Нашите северни соседи на јужниот коридор 10 годишно додаваат нови делници по 22 километри, а Хрватска секоја година добива нов автопат од 100 километри. За разлика од нив, македонската градежна оператива гради, просечно, по 16-17 километри автопат годишно. Во последните десет години изградбата на магистрални патишта во земјата се одвивала со различен интензитет. Во 2000 година немало целосно завршени делници, но се работело на три потега во должина од 9 километри. Наредната година целосно била завршена трасата на автопатот Стоби - Неготино во должина од 16 километри, а во 2002 година биле завршени 23,5 километри. Во 2003 година е забележан голем пад, зашто се изградени само 2,8 километри на потегот Стење - Корча. Наредната 2004 година се изградени 25 километри, од кои 9 километри се автопат. Најмногу се асфалтирало во 2005 година, кога биле завршени 46 километри, од кои 42 се автопат, а наредната година биле завршени 17 километри магистрален пат и автопат. Во текот на 2007 година се интензивираат градежните работи на обиколницата на Скопје и изградбата на трета лента на Плетвар, како и реконструкција на 14,7 километри, а во 2008 година е завршена една фаза од автопатот-обиколница на Скопје во должина од 12 километри. Информациите на Агенцијата за државни патишта, кои покажуваат зголемени градежни активности во патната инфраструктура, не соодветствуваат со податоците на Државниот завод за статистика, кој евидентира непроменета состојба во вкупната километража на магистрални и регионални патишта. Таа во последните три години е на исто ниво од 911 километри магистрални и 3.771 километар регионални патишта! Зголемување има кај локалните патишта, кои од 2006 до 2008 година „пораснале“ од 8.995 на 9.240 километри. Владината политика стави акцент на интензивирање на градбата на повеќе нови патни правци во земјата, кои ќе бидат дадени под концесија. Целата процедура за почнување на изградбата на првата траса, според информациите на Министерството за транспорт, се очекува во текот на 2011 година. Во овој момент, преку Агенцијата за државни патишта, во тек е реализација на неколку проекти во вкупна должина од 45,5 километри. Годинава е почната и реконструкцијата на 11 најоштетени регионални патни правци со должина од 288 километри, како и на 97 локални патишта со вкупна должина од 218,44 километри. • 2000 година се работело на три потега, во должина од 9 километрил • 2001 била завршена трасата на автопатот Стоби - Неготино (16 км)л • 2002 биле завршени 23,5 кмл • 2003 година изградени само 2,8 км на потегот Стење - Корча л • 2004 година се изградени 25 км, од кои 9 км се автопат л • 2005 година се завршени 46 км, од кои 42 се автопатл • 2006 се завршени 17 км магистрален пат и автопатл • 2007 година градежни работи на обиколницата на Скопје, изградбата на              трета лента на Плетвар и реконструкција на 14,7 километрил • 2008 година е завршена една фаза од обик

http://www.novamakedonija.com.mk/NewsDetal.asp?vest=9221010328&id=10&prilog=0&setIzdanie=22089

Македонија гради 45.5 км. патишта во моментов Скопје, 20 септември – Македонија, во моментов, гради 45.5 километри патишта, тврди Агенцијата за државни патишта.

Дел од изградбата на овие патишта почнала лани: делница Радовиш-Струмица (Сурдулци-Радичево) во должина од 10 км, делница Коломот- мост село Близанско (Порече) во должина од 8.4 км, делница Коњско (Смрдлива Вода) - Ски центар Кожуф во должина од 17.4 км, делница М-5 Обиколница на Охрид во должина од 2.4 км, додека изградбата на автопатот Табановце – Куманово, кој е дел од Коридор 10, во вкупна должина од 7.3 км, почнала кон крајот на 2008 година.

Сите овие проекти, според Катерина Панова Илиевска, заменик директор на Агенцијта, се очекува да завршат во текот на 2011 година.

Во изјава за „Журнал.мк“, Панова Илиевска објаснува дека лани целосно биле изградени 34.7 километри нови патишта, односно биле реализирани проектите Обиколница на град Скопје со вкупна должина од 26.5 км автопат, Делница Куклиш – Банско во вкупна должина од 8.2 км и Клучка Прдејци.

Исто така, минатата година, почнал проектот за реконструкција и на 11 најоштетени регионални патни правци, во вкупна должина од 288 километри.

„Дел од нив, односно 4 делници се завршени годинава, а останатите 7 делници се очекува да бидат завршени до крајот на 2010, односно почеток на 2011 година. Во текот на оваа година, исто така, почна и проектот за реконструкција и рехабилитација на локални патишта во Република Македонија“, објаснува Панова Илиевска.

Во моментов, според евиденцијата на Агенцијата, потпишани се договори со изведувачи за изградба на 97 локални патишта низ целата држава во вкупна должина од 218.44 км. Од нив веќе се завршени 39 во вкупна должина од 81.41 км, а во моментов се работи на 25 локални патишта со вкупна должина од 62.13 км.

Минатата недела, српски „Блиц“ објаси дека Србија гради 22 километри годишно, што е за 8 километри помалку од Романија или за 78 километри помалку од Хрватска.

Во последните шест години, Србија го гради Коридорот 10 со интензитет од 22 километри годишно.

И покрај тоа што изградбата на Коридорот 10 доцни со 20 години, српскиот министер за инфраструктура Милутин Мркоњиќ изјави дека не прифаќа кога некој тврди дека се работи бавно.

„Кога дојдовме на власт во 2008 година не затекнавме ниту еден километар изграден пат, немаше дури и главен проект, а од тогаш се изградени вкупно 50 километри“, вели Мркоњиќ.

И Романија многу малку посветува внимание на патната инфраструктура.

Таму се градат по најмногу 30 километри пат годишно, а според медиумите, потребно е во наредните 15 години да се изградат 1.200 километри магистрали или по 80 километри годишно.  / Журнал МК /

http://zurnal.mk/mk/cont.asp?k=21208181242&s=251209112732&ID=209109469

Ќе се асфалтира регионалниот патен правец од селата Рајчани до Турско Рудари

Пробиштип, 17 септември 2010 (МИА) - Со потпишување на договорите за реализација на проектот за асфалтирање на патниот правец село Пантрелеј, село Рајчани-Кочанско со село Турско Рудари во општината Пробиштип, започнаа активностите за регионално поврзување на овие две општини од Источниот регион.

Се планира поставување асфалт на 1,5 километар на делницата Пантелеј-Рајчани и еден километар помеѓу Турско Рудари и Рајчани. Средствата во висина од 7,6 милиони денари се обезбедени од Бирото за регионален развој, со учество на општините Кочани и Пробиштип.

Според градоначалникот на Пробиштип Тони Тоневски, се прават напори за обезбедување на дополнителни 3,6 милиони денари за да се заврши целосно делницата меѓу овие две општини.

Асфалтирањето на патот е од регионално значење за над 300 семејства кои сеуште живеат во овие планински села и кои гравитираат кон општинските центри Кочани и Пробиштип. кг/дма/12:56

http://www.mia.com.mk/default.aspx?vId=76998373&lId=1&pmId=

Е ајде де, нека каже некој нешто.... се бутнавте во офф-топик, ме заборавивте.

Секако, зборувае и за 200-те локални патишта и за регионалната мрежа... Тука запомнив скоро ништо, освен дека регионалната мрежа напредува побрзо, најверојатно затоа што станува збор за помал број делници.... нешто ми се превртуваат во глава 2011 и 2013, но не сум сигурен, која беше за што...

Имаме се регистрирано, архивирано. Прочепкај ги нишките ќе најдеш се што те интересира.

Да знам, дел е од Светската Банка, дел е од Владата, ама кои делници се од регионалната мрежа? Може некаде да се ископа ваков податок?

Дечки, за потребите на ССЦ, сакам да изработам една карта, на која би биле обележани сите патни делници кои се моментално во изградба и реконструкција. Би било пожелно и ако знаете, да кажете колкава е нивната должина и финанскиска тежина. Јас ги знам само:

Куманово-Табановце, Штип-Радовиш-Струмица, Ресен-Битола...? Се работи ли нешто околу удово и Смоквица, пред патот да навлезе во Демиркаписката клисура, или тоа е дел од останатиот сегмент, од околу 25км? Ајде ви благодарам однапред.

Originally posted by alexgizh Јас би бил и пресреќен кога би била ревизираната варијанта на мојата идеја од страна на Андреј. Имам само неколку забелешки и предлози: 1. Не ми ја чепкајте Мијачијата со автопати Гледам дека од Дебар има права линија кон Кичево, но директно преку Лазарополе. Со оваа делница не би се сложил. Како варијанта може од дебар да се оди малку на југ, па да се спои некаде кај Белчишта. Ова е и поверојатно бидејќи автопат преку Бистра, Крчин и Стогово е повеќе од утопија. 2. Можен ли е граничен премин таму некаде кај Конопиште, во правец кон Воден? 3. На Кавадарци му се скратува брзиот пат кон Прилеп. Можеби е добро оваа делница да остане. 4. Немам четири )

Извини не го видов постот, гледам дека имаме слични забелешки...
1. Немам појма, не го знам тој дел.
2. Таму граничен премин од Око не ми се фаќа... кога терав по тие планините бајааги остро е... незнам... штом можат до ски центарот на кожуф да направат пат зошто да не и таму... само кој ќе го користи? Дали Кавадарци и Неготино се доволно капацитет за да тргуваат со Воден? Може ќе има ќар не викам не...
3. Да и јас со ова се согласувам. Нема потреба патот да оди од долу, нека оди преку Плетвар.

Јас би бил и пресреќен кога би била ревизираната варијанта на мојата идеја од страна на Андреј. Имам само неколку забелешки и предлози:

1. Не ми ја чепкајте Мијачијата со автопати Гледам дека од Дебар има права линија кон Кичево, но директно преку Лазарополе. Со оваа делница не би се сложил. Како варијанта може од дебар да се оди малку на југ, па да се спои некаде кај Белчишта. Ова е и поверојатно бидејќи автопат преку Бистра, Крчин и Стогово е повеќе од утопија.

2. Можен ли е граничен премин таму некаде кај Конопиште, во правец кон Воден?

3. На Кавадарци му се скратува брзиот пат кон Прилеп. Можеби е добро оваа делница да остане.

4. Немам четири )

Се сложувам со тебе околу тие патни правци, кои јас малку би ги изменил и би ги интегирал во еден и би додал уште еден. Точно на картите се забележуваат дупките во покриеност на патната мрежа. Сепак доколку населението на Македонија не стане некои 6 милиона, како и стандардот да се крене едно минумум 5 пати, тоа го гледам како утопија и дааалечна иднина. Покрај фактот што сите овие патни правци минуваат низ исклучително тежок планински терен, навистина во догледна иднина (3 декади), ние немаме потреба за АВТОПАТСКО поврзување на овие правци. Еве како тоа би го извел јас, под утопистички околности:

СО ПОРТОКАЛОВО: гп. Дебар - Дебар -Кичево -Крушево - Кривогаштани(Прилеп) -Конопиште - Миравци -Валандово -Струмица -Берово -Кочани -Кратово -гп нов со Србија.

СО ВИОЛЕТОВО: Скопје - Мак. Брод- Кичево (за што постоел првичен план за поврзување со Охрид, не преку Тетово и Гостивар).



Edited by Andrej_LJ - 02-Sep-2010 at 23:29