Од регионот (општо)

Туристите кои рано утринава тргнале кон јадранското крајбрежје направиле хаос на патиштата. На обиколницата во Загреб, се возело во долги колони, но не и на граничните премини во Хрватска.

Колоната на автопатот кај Лучко, утринава во девет часот била долга 18 километри, јавиле хрватските медиуми.

Според извештаите на Хрватскиот автоклуб (ХАК), утринава на наплатната рампа Запрешиќ на автопатот А2 Загреб- Мацељ, во насока кон Загреб, колоната била долга два километри, како и кај наплатните рампи Света Хелена на излезот на автопатот А4 Загреб- Горичан и онаа во насока кон Загреб.

Колоната на загрепската обиколница од Брегана била долга десет километри, а во смер на Ивања река околу 18 километри.

Патничкиот сообраќај бил засилен на сите поголеми гранични премини со Словенија, во двата правци.

На граничните премини со Србија исто така бил засилен патничкиот сообраќај во двете насоки, а на граничниот премин Бајаково се чекало околу два часа за помин преку границата, пренесува “Мондо”.

Во Хрватска чувајте пари за патарина, а во Албанија за резервни гуми

Тие што заминаа на годишен одмор во првиот бран веќе се на плажите, а на оние што допрва ја бираат дестинацијата за одмор "Вест" им помага полесно да го одберат местото за летување и побезбедно да стигнат до него

Тие што заминаа на годишен одмор во првиот бран веќе се на плажите, а на оние што допрва ја бираат дестинацијата за одмор "Вест" им помага полесно да го одберат местото за летување и побезбедно да стигнат до него.
Со зголемувањето на фреквентноста во сообраќајот, особено кон туристичките места, сообраќајната полиција неколкукратно ја зголеми радарската контрола. Сообраќајните патроли стојат и на автопатиштата и на споредните патишта, а најмногу ги има на опасните свиоци и кај т.н. црни точки. Поради огромната фреквенција на возила кон Охрид и Преспа, на автопатот Скопје - Гостивар има 24-часовна радарска контрола, а на споредните патишта и во урбаните средини сообраќајната полиција е засилена и со полицајци на мотори и скутери.
Сообраќајната полиција со новите специјални камери ги снима сите пречекорувања на брзината, а МВР сега располага и со специјални камери кои се поставуваат на полициските автомобили за снимање на други возила во движење.
Во Македонија се познати 30-ина места каде задолжително стои полиција и лови со радар, но со почнувањето на туристичката сезона такви полициски точки има речиси двојно повеќе, особено на места каде никогаш порано немало сообраќајна контрола.
Во екот на сезоната, бројот на туристи е сe поголем не само кон Охрид и кон Дојран, туку и кон Албанија, Црна Гора, Бугарија и кон Грција. За да ви помогнеме за снаоѓање на патиштата кога се во прашање радарите, казните за брзо возење од 300 евра, како и како да стигнете побрзо и полесно до саканата дестинација за летување без задржување по споредни патишта, "Вест" направи летен туристички водич. Заедно со АМСМ и со МВР ги забележавме радарските контроли, ги собравме најважните информации за туристичко патување и изготвивме карти со најкусите патишта до местото за одмор, а АМСМ ве советува, за да не чекате во колоните на граничните патишта, да патувате ноќе и на премините да бидете најдоцна до пет часот наутро или после 20 часот.
Информациите што ги собравме покажуваат дека Хрватска има најскапа патарина, а Албанија најлоши патишта, освен новоизградените. Црногорците наплаќаат еколошка такса, Бугарите вињетка, Турците примаат само лири, а Грците снимаат со радари на патиштата, ама само домашни туристи.
Во Македонија се познати 30-ина места каде задолжително стои полиција и лови со радар, но со почнувањето на туристичката сезона такви полициски точки има речиси двојно повеќе, особено на места каде никогаш порано немало сообраќајна контрола.

На патниот правец Тетово - Гостивар радарска контрола има кај:

Хрвати ќе градат автопат во Црна Гора

Автопатот е вреден 2,77 милијарди евра, а ќе се гради седум години

Црногорската влада денеска ќе го потпише договорот за изградба на еден од најкапиталните објекти изградени на нејзината територија. Со конзорциумот „Конструктор“ од Хрватска, владата на Црна Гора ќе потпише договор за изградба на автопат од Бар до Болјаре, долг 169 километри, кој ќе го поврзе југот со северот на земјата. Вредноста на проектот е 2,77 милијарди евра, а објектот треба да биде завршен до октомври 2016 година.

Хрватскиот конзорциум во наредните седум години ќе работи на исклучително компликуван проект. Треба да се гради многу комплицирана траса, од чија должина дури 37 проценти отпаѓаат на тунели, мостови и вијадукти. Проектот предвидува пробивање 48 тунели со вкупна должина од 38,2 километра и изградба на дури 107 моста и вијадукти со вкупно 22,5 километри.

Дел од автопатот ќе биде и пет километри долгиот мост преку Скадарското езеро.

Токму комплексноста на проектот ја „ѕида“ и неговата вредност, која достига фантастични 2,8 милијарди евра. Главната црногорска сообраќајница ќе се гради според принципот на јавно-приватно партнерство. Хрватскиот конзорциум формиран од сплитски „Конструктор инженеринг“ и загрепските фирми ИГХ и „Техника“, покрај тоа што го проектира, ќе го гради, финансира и одржува автопатот, со него ќе управува и во наредните 30 години, колку што ќе трае концесијата. Дел од изградбата ќе се финансира и преку патарини, за дел е обезбеден кредит од Загребачка банка, додека дел ќе финансира владата на Црна Гора, која само за изградба на првата делница од автопатот издвои 100 милиони евра.

Со реализацијата на овој капитален проект, сегашната сообраќајница стара повеќе од 50 години ќе му отстапи место на модерен европски автопат. (Б.А.)