Патниот правец Валандово – Струмица и обратно поради изведување работи на пат, денес ќе биде целосно затворен за сообраќај.

ПАТОТ ОД МАРКОВА СУШИЦА ДО ДОБРИ ДОЛ СО ОГРОМНИ ДУПКИ

До кога ќе чекаат жителите да се направи патот?

Патот е два метри и е претесен за две коли. За да се разминат две коли, едната треба да застане за да може да помине другата. А некогаш се случува и да мора да се врати едната кола во некоја уличка за да може да помине другата. Целиот пат е катастрофален. Од општината мораат под итно да најдат начин за негово поправање, а не само да ветуваат за време на избори, па после никаде да ги нема. Ниту еден проблем што го имаме не е решен од нивна страна. Се е празно ветување, вели жител

Патот што ги поврзува Маркова Сушица и Добри Дол е целосно во дупки. Жителите велат дека повеќе од пет години се движат по раскопан пат. Тие додаваат дека многу пати имаат реагирано во Општина Студеничани и покрај ветувањата дека патот набрзо ќе биде направен, се уште нема ништо. Тоа се само лажни ветувања, велат граѓаните кои секојдневно се движат по овој пат и си ги кршат колите.
- За време на поројните дождови не можеш да се движиш како што треба, бидејќи патот се рони пред наши очи. Дупките секојдневно се зголемуваат и колите ни пропаѓаат во нив. Пред извесно време кога беа дождовите, колата ми пропадна, па морав да викам шлеп-служба да ми ја извади. Предниот дел од колата ми беше оштетен, а нормално штетите самите си ги плаќаме. Не знам уште колку пати треба да ургираме во општината за да го направат патот за да можеме нормално да се движиме, рече еден жител.

Тој додава дека освен што патот е со огромни дупки тој е и претесен и не можат две коли да поминат.
- Патот е два метри и е претесен за две коли. За да се разминат две коли, едната треба да застане за да може да помине другата. А некогаш се случува и да мора да се врати едната кола во некоја уличка за да може да помине другата. Целиот пат е катастрофален. Од општината мораат под итно да најдат начин за негово поправање, а не само да ветуваат за време на избори, па после никаде да ги нема. Ниту еден проблем што го имаме не е решен од нивна страна. Се е празно ветување, вели жителот.

Се обративме и до Општината Студеничани за да ги прашаме за проблемот со патот за кој се жалат граѓаните. Но, оттаму не добивме никого за да добиеме каков било одговор. Останува само да видиме до кога ќе чекаат жителите да им се направи патот за да можат нормално да се движат и да не си ги кршат веќе колите.

Пуштен во употреба локалниот пат од село Раштак до општина Бутел

Локалниот пат Раштак - Бутел е во должина од три километри, а за него Владата преку Агенцијата за државни патишта издвои околу 11 милиони денари.

- Владата преку Агенцијата за државни патишта во изминатиот период реализираше бројни капитални инвестиции  во областа на патниот сообраќај и изградба на патишта. Таквите инвестиции се од големо значење за подобрување на бизнис климата и привлекување на домашни и странски инвестиции, но пред се изградбата на патиштата значи подобрување на квалитетот на живот на граѓаните и непречена и брза комуникација меѓу населените места, рече Груевски.

Со овие средства, истакна премиерот, жителите на Раштак и околните населени места добиле пат кој за овој регион е од големо значење, пред се поради тоа што, посочи тој, преку него драстично ќе се намали времето кое е потребно да се стигне од Раштак до центарот Скопје.

Покрај свеченото пуштање во употреба на овој пат, денеска во Раштак се одбележа и пуштањето во употреба на филтер станицата со помош на која граѓаните добиваат чиста и проверена вода за пиење, инвестиција на Владата вредна околу осум милиони денари.

- Што се однесува до другите инвестиции во Гази Баба, преку Агенцијата за патишта веќе го завршивме и локалниот пат Јане Сандански - Инџиково, а за многу скоро ќе започне да се гради и патот Брњарци - Стајковци. Паралелно со овие проекти преку кредитите на Европската инвестициона банка и Европската банка за обнова и развој ќе се финансираат и повеќе проекти за санирање на водоводната и канализациска мрежа, а ќе се продолжи и со изградба на локалните патишта во Гази Баба, потенцираше премиерот.

Паралелно со овие проекти, според директорката  на Агенцијата за државни патишта Наташа Волкановска се започнува и со имплементација на нов проект за реконструкција на локални патишта, финансиран од Владата, преку заем од Европската банка за обнова и развој.

- Агенцијата досега има отпочнато реконструкција на 60 локални патишта низ целата земја, од кои дел се веќе заврешени и пуштени во употреба, рече Волкановска.

Груевски на денешниот настан беше придружуван од  скопскиот градоначалник Коце Трајановски и градоначалникот на општина Гази Баба Тони Трајковски.