Станбена населба Лисиче

Чифлиганец ќе гради три нови згради во Ново Лисиче

Компанијата „АДОРА Инженеринг" ќе гради три нови станбени згради со вкупно 180 станови на три локации во Ново Лисиче, од кои 100 ќе се вклопат во проектот „Купи куќа, купи стан".

Државното земјиште компанијата го доби на јавна лицитација во Министерството за транспорт и врски по цена од 310 евра за метар квадратен. Вкупно компанијата за трите локации ќе одвои 1.300.000 евра.

Ста­на­ри­те во новите згради во населбата Лисиче останаа на улица. Ку­пе­ни­те и исплатени станови, во близина на автобуската постојка за последни 5-ка и 15-ка, зјаат празни, иако според купопродажните договори, во нив тре­ба­ло да се вселат најдоцна до 31 декември минатата година.

Око­лу 80 семејства, кои чекаат дозвола од Општина Аеродром и од ин­вес­ти­то­рот да влезат во зградите, скоро цел месец живеат кај роднини и при­ја­те­ли, селејќи се од едно на друго место. Не можат да се вселат бидејќи згра­ди­те не се поврзани на водоводната и канализациска мрежа и немаат тех­нич­ки прием.
"Ос­та­нав­ме на улица, покрај сопствени станови. Бидејќи требаше да се все­ли­ме до крајот на минатата година, ние ги откажавме претходните ста­но­ви во кои живеевме под кирија, и останавме без покрив над главите. Ста­но­ви­те ни се исплатени сто проценти, и секој ден нe залажуваат дека ќе се вселиме во секој момент, но досега ништо. Со куферите одиме по род­ни­ни и пријатели да преноќиме", се жалат граѓаните што купиле ста­но­ви во зградите на градежната фирма "Настел".

Од фирмата "Настел" се правдаат дека има технички проблеми кои во мо­мен­тот се решаваат, по што станарите ќе можат да влезат.
"Ста­но­ви­те се финиширани, но уште две згради мора да се приклучат на во­до­вод и канализација, што не е наша обврска. Ние плативме комуналии за тоа, и Општина Аеродром треба да ја исполни. Но, во интерес на гра­ѓа­ни­те, очекуваме за една, две недели да го направиме и тој приклучок, и гра­ѓа­ни­те, конечно, ќе може да се вселат", изјавија од фирмата "Настел".
Од Општина Аеродром се оградуваат од одговорност за пробивање на ро­кот за вселување во новите згради.