Споменици и скулптури (општо)

Спомен плочата за куќата на Мајка Тереза, со ново, достоинствено решение.
Пристапна од новиот плочник на Плоштадот Македонија.







https://www.facebook.com/petreshilegov

Па може малце е оф топик,ама кога се наметна темава,според мене,проблемот е што имаме премногу политичари,и се тера премногу политика во државава,последниве избори на пример беа добро освежување и шамар за партиите дека се прочитани,неинвентивни,досадни и лажливи. Страшно е што јас не ни знам еден прокет,нешто конкретно што еве овие што пак добија власт "ќе направат" или ќе лажат дека ќе направат Ко во лоша симулација да сме влезени,зомбифицирано е се.
За тоа што спомна 20-30 години некој да владее,па тоа е меч со две острици,посебно за нашиве неизживеани политичари,ако им дадеш премногу моќ забегуваат,и на секое едно добро,прават две лоши,односно штети работи. Конкретно Груевски love him or hate him имаше поддршка кај народот да владее за навек,ама политичките околности го зезнаа,се замери со луѓе со кои што не требаше да се замери,народ му вика доста споменици,тој не,инатот го однесе до крај.Економската политика од негово време се покажува како најуспешна,сакал некој да признае или не тоа си е негов проблем.

Лошото за нас,како македонски народ е што сме премногу поделени,а тек ќе се делиме кога станува збор за политика со оглед на брзо растешката популарност на левица која сигурно ќе им украде на дпмне неколку пратеници,сдс која додека има власт ќе има алатка за подмитување и поткуп,така да ќе си остане пата/пата работава. За владар,ете сега сме во нато и ќе мора да ги слушаме нашите партнери и да делуваме ко едно,нема тука дискусии и шврљање лево десно.

Ако живееме во светот на бајките убаво би било прво да се заврши со крупна политика и бришење на тоа што остана да се брише да се смени власта и ете со нов план за главниот град 2022 кога излегува таму, да се избрише се што е 50+ години старо,згради,бараки,зградичиња и да се замни со ново модерно и квалитетно,да се реши хаосот со јавниот превоз,со не знам подземни улици,жичари,што да не метро,значи било што само да е одвоено од сообраќајот,и да не е БАП...практично нов ск2014 без споменици и пластика,да се најмат странски професионалци да го нацртаат градов ко што треба зошто очигледно нас толку ни е капацитетот. Поентата на тоа би била,слична како и таа на ск2014 привлекување туристи,со оглед на тоа дека ние сме мала држава што нема природни ресурси,нема гас,нафта,море...мора да направи се за да го направи Скопје,Охрид ко модерна туристичка дестинација,дури не знам зошто нашите министри не форсираат:Мериот,Хилтон,Холидеј Ин...да отворат хотели во Охрид,Струга,Преспа,всушност знам ама ајде..

АМА ако живееме во реалноста,најверојатно тоа што е старо и згазено од влага(зградите) ќе добијат некое јакимовски/жерновски фарбање со бомбастични наслови дека сме добиле "енергетски ефикасни" згради ,куќите и дворовите ќе станат 7 катни Хантерси,место Менхетн ќе добиеме нови расадници,маџир маала, 0 отворени фабрики и работни места,и најсигурно од се ќе продолжи исселувањето од овде.

Проблемот е што не знаеме Македонија чива е. Лесно е во други држави што го поминале процесот како на пример Грција или Шпанија како граѓански војни и се знае после тоа на чива политичка страна припаѓа дрќавата и политичкиот живот иако организиран во повеќе партии, пак е на едн линија. Кај нас е премногу пата-пата ситуацијата и затоа е ова. Југославија беше јасно чива е, кој си ја освои и затоа имаше долг период на развој. Кина е јасно чива, Америка, Русија, Германија, Јапонија за сите е јасно. Е за Македонија не е. Мора едната политичка страна да надвладее сурово над другата и да се задржи таа ситуација неколку децении. Друг рецепт нема.

За вака да се испокрши и усере треба труд, не е ова случајно. Не можам да го сфатам поривот кај некои луѓе да уништат, да усмрдат, зарем хаосот им е помил од среденото, чистото.. И не е ова од политички опоненти, шиптари или грци, едноставно менталитетот на народов кој живее тука е одвратен. Го имам ова забележано насекаде, не само во Скопје и не само на споменици, туку и на клупи, скали, ѕидови, огради, мостови, на сите јавни површини. А ќе кажеш се работи за настрогиот дел на Скопје, па каде е таа полиција да реагира, што не стават камери па на баграта да и наплатат десеткратно, лесно е да се фрли вината на тој што треба да ги одржува објектите, но вандализиран објект не се одржува, туку треба да се поправи, па после тоа чува и одржува.

Не може да очекуваш здраво општество кога навидум успешни луѓе се палат на идеите на Слободан Милошевиќ (дали злосторничкиот водач се презива Туѓман, Изетбеговиќ, Јашари, Тарчуловски, Мелас или Згдугго е небитно). Кога таквите идеи имаат поддршка од голем број луѓе, а од самото општество од кои потекнуваат нема сеопшта осуда (каква што има кај други општества), освен пропаст и поделби ништо друго нема.

За автохтоната музичка ѕвезда зборам (ама не оди на Косово да праи пари, у Англија праи), ме мрзи да ставам скриншот. И не сфаќаат дека нема разлика помеѓу нив, Милошевиќ и Мусолини. Сеа Косово ќе стане богата држава зашто стаила етно-националистичка сепаратистичка назадна слика на твитер.

Дискусијава не е за тука, моето мислење си е јасно и јас убаво се однесувам со моите сограѓани Албанци, ама ова е моја критика до нив, иако очигледно не смее ниту тоа повеќе, одма си прогласуван за екстремен националист.

Џоле убаво кажа, соживот треба од двете страни, а јас убаво напишав, ако едната страна си ги критикува и сопствените грешки, а другата не го прави тоа, тогаш очигледно некој нешто не сака.

Originally posted by ehrlich Мене изјавата дека сум на исто рамниште со другиот народ од 25,17% нема да ме навредува кога ќе видам припадник на тој народ за макар една работа во државава наша или глупост искажана од страна на нивен лидер (верски или политички) да даде КРИТИКА за тоа.

И дури се однесуваш така, ќе те мразат уште повеќе твоите сограѓани од таа друга националност кои СЕ НА ИСТО РАМНИШТЕ. Што предлагаш? Војна? Масовно протерување? Ти ако чекаш нивната свест да проработи, нема да дочекаш цел живот. Паметни лидери кројат тактики како да се справат со вакви нешта, а не само да делат тендери меѓу себе.

Originally posted by zabegan не ви ја следам целата дискусија на темава, ама во контекст на првичните коментари на гитар: кога се прави споменик базиран на поранешен воен конфликт, а треба да е посветен на жртвите, тогаш треба да е лишен од било какви национални симболи на било која од страните инволвирани затоа што акцент треба да се стави на човечката загуба, а не на загубата на една страна... тогаш и ќе нема вакви распалени политички дискусии, туку фокусот ќе биде на тоа никогаш да не се повтори... се друго е само распалување на политички тензии, од кои профит имаат само политичарите

Сосем сум согласен. Јас не можам да кажам дека ги сакам Албанците, и затоа ниту ги бранам нив, ниту ОНА, ниту 2001, арно ама мора да сум реален. Од коментари како погорниот, и тие другите дека двојазичност во Пехчево ќе ја растури државата (или ќе ја суреди), не одиме никаде. Тој воз замина, и освен соживот друга опција нема. Тоа што можеме ние да го направиме е да го направиме соживотот пријатен, а не да шириме бајки дека Македонија била на Македонците, и дека народностите морале да зборуваат на македонски. Имате емпириски докази собирани преку 30 години дека не е точна теоријата.

За споменикот (кој за мене е само симбол на лагите на политичарите, кои не изградиле ништо од тоа што им рекле на своите гласачи), тој не мора да е орле, еве добра идеја подолу:

Originally posted by Staro Skopje Орле во чест на ОНА не треба да има, но обичните луѓе (не водачите кои работеле само за себе!) може и треба да бидат комеморирани со спомен-плоча во нивните родни или погибни места, напишана на македонски, албански и англиски јазик и со знамето и грбот на Република Северна Македонија и знамето на нивната етничка група.

Никаде не беше спомнато орле, туку беше ставена слика од орле од друго село веројатно (затоа што овој споменик не постои, не знаеме каков е). Не дека немаше да биде орле, но ќе испадни дека сум го бранел орлето на крајот.

Final disclaimer: Ниту ги сакам, ниту ми требаат. Ама без разлика дали ги сакате или не, некогаш мора паметно да се игра за својот опстанок. Тактиките на ВМРО, на СДСМ и на Милошевиќ не работат (видовме во последните 30 години). Може да се проба нешто потолерантно за промена.

Edited by гитардемон - 14-Jul-2020 at 08:07

не ви ја следам целата дискусија на темава, ама во контекст на првичните коментари на гитар:
кога се прави споменик базиран на поранешен воен конфликт, а треба да е посветен на жртвите, тогаш треба да е лишен од било какви национални симболи на било која од страните инволвирани
затоа што акцент треба да се стави на човечката загуба, а не на загубата на една страна... тогаш и ќе нема вакви распалени политички дискусии, туку фокусот ќе биде на тоа никогаш да не се повтори... се друго е само распалување на политички тензии, од кои профит имаат само политичарите

In b4 lock/->Меана. Набрзина нафрлени мисли и реплики, ме мрзи да ги спојам во течен напис.

Една од поголемите грешки на државава е поклонувањето на миЛошевиќ со Уставот од 1989 и неуспехот формално и политички да се создаде граѓанска мултиетничка држава во 1991, во која секоја индивидуа на прво место ќе биде еднаква, а на второ ќе ужива соодветни права како дел од одредена етничка група (како примарен основ на поделба и омраза кај нас), а потоа пол, ориентација, религија и сите други карактеристики. Ова доведе до 2001 и терористички напад од планинската банда на Ахмети која, вообичаено за сите слични движења, ги злоупотреби и перверзираше нерешените општествени проблеми, а потоа ги измами оштетените да се борат за продлабочување на џебовите на припадниците на планинската банда на Ахмети мислејќи дека се борат за нивните права.

До Рамковен договор воопшто не ни требаше да дојде, зашто одредбите кои од истиот произлегоа требаше да бидат дел од Уставот и законите носени со независноста во 1991. За жал, властите немале слух за создавање вистинска држава, на дел од мнозинството им одговара етношовинистичка и ретроградирдирана Маќедониа на Маќедонците, а зад најголемата немнозинска заедница застанаа злосторници (на кои речиси секогаш ги заболе таквото за проблемите на „нивните“ луѓе; ако Шкурте нема што да јаде денес ќе ѝ ветат двојазичност во Виница, а ако Илир не може да пополни документ на неговиот мајчин јазик, ќе го манипулираат дека сите него го мразат наместо да му пружат добар закон за јазици) и настанаа проблеми кои сѐ уште ги држат граѓаните во беда и назадност, но сепак многу помали и многу поодбиени од населението за разлика од остатокот од Балканот (и тоа не само во екс-Ју).

Слупчанчани нема да добијат леб ако стават орле сред село, и доколку тоа им е приоритет никогаш нема да создадат општество во кое ќе има леб за сите. Самите мора да се избават од удолната спирала на национализмот, а тоа ќе биде кога ќе му го свртат грбот на ДУИ затоа што самата кауза на ДУИ е ѓубре, а не затоа што не останале верни до крај на никаквата кауза! Од таквите никогаш нема да добијат леб (освен ако не станат партиски слуги). Сѐ додека се задојуваат со национализам нема да имаат леб, поради што повеќе ќе запаѓаат во национализам, па социјално и економски ќе тонат уште повеќе, па уште повеќе национализам и така до недоглед.

Единствено прифатлив е среднотраен граѓански етно-фокус (обиди кон таков помеѓу албанските политичари имаа претседателските кампањи на Селмани и Река) чиишто политички претставници ќе ги пронајдат вистинските проблеми кои (1) ги мачат луѓето од одредена етничка заедница поради нивната припадност на истата и (2) ги мачат сите граѓани на РСМ, вклучително (но можеби повеќе) и оние од етничката група која е нивен фокус, притоа обрнувајќи внимание и на постапките на одредени лица на таа етничка група или на навиките кои се распространети помеѓу нејзините припадници, а придонесуваат кон проблемите; ќе понудат конкретни решенија како тие проблеми да се решат, притоа почитувајќи ги правата на сите останати групи и државноста, градејќи мултиетничка (а не етно-националистичка сегрегирана) држава и избегнувајќи паралелизам (проблемот со новиот Закон за јазици).

Орле во чест на ОНА не треба да има, но обичните луѓе (не водачите кои работеле само за себе!) може и треба да бидат комеморирани со спомен-плоча во нивните родни или погибни места, напишана на македонски, албански и англиски јазик и со знамето и грбот на Република Северна Македонија и знамето на нивната етничка група.

Доколку ДУИ и ним сличните навистина се грижеа за Албанците, ќе изградеа улици и канализација во местата каде што живеат, ќе го подобреа јавниот превоз, јавната администрација (ништо добро не носат 1000 паразити!), ќе носеа фабрики, ќе градеа театри, ќе ја подобреа бизнис климата. Во отсуство на идеи и капацитет како тоа да се стори, не им преостанува ништо друго освен празни и штетни националистички слоган. Исто така тажни се реакциите на можноста Албанец да стане премиер, небаре само Македонец може да седи на Илинденска! Има стотици Албанци кои подобра работа ќе завршат од сегашниве владетели. А има многу што да се подобри (покрај инвестиции и подобрување на економијата, правдата, образованието, екологијата, инфраструктурата итн...): (1) Воведување на задолжителен предмет „јазици на немнозинските заедници“. Секој државјанин на РСМ треба да го знае македонскиот јазик, како општо средство за комуникација и англискиот јазик, како примарен светски јазик, а покрај тоа, треба да има познавања и од барем еден светски јазик (германски, француски или некој друг) и јазиците на немнозинските заедници (албански, туски, српско-босански, влашки и ромски). Зашто 7 јазика се многу, истите би се изучувале површно, а на учениците би им се овозможило изучување вон редовниот образовен процес доколку истите пројават интерес; (2) Остранување на поделбата во образовниот процес со мешани паралелки, размени на ученици и други иницијативи, како и ослободување на програмите и наставата од лаги и невистинити стереотипи; (3) Развој на мултиетничка култура. Колку Македонци слушаат албанска музика (освен светските ѕвезди Дуа Липа, Реџа, Ора и сл, кои и онака пеат на англиски)? Колку македонски драми има во театарот во Гостивар? Турските серии се синхноризирани, па јазик не може да се учи; нека ТВ куќите дадат алтернатива помеѓу синхноризација и превод; (4) Рамномерен регионален развој; (5) Промени во медиумите; (6) Намалување на насилство и хулиганизам, особено од млади навивачки групи; (7) Промени во партиите, вклучително и употреба на државното знаме од секоја партија и многу други работи. Владата донесе Стратегија за едно општество и мултикултурализам, но засега не гледам големи плодови од неа.

Зошто Шекеринска се сликала со симболи на кои не им е место во канцеларија на државен службеник не знам; тоа може да ѝ однесе подоста гласови, но нема да ѝ донесе ништо, зашто тие кои се палат на такви работи и онака ќе гласаат за ДУИ кримофашистичка, а не за нејзината партија, и ова нема да ги натера да заокружат друг број на гласачкото ливче. Но, дури и со таквиот потег СДСМ да биде гласачки во плус, истиот е недоличен зашто не треба да се калкулира со идолопоклонство и истиот е спротивен на заложбите кои нив ги донесоа на власт, па покажува дека или не веруваат во истите, или тотално не знаат како да ги исполнат. Правдањето на носителката на ИЕ5 е одлично и би било уште поодлично, најодлично, ако и самата се води по напишаното и ги прекорува партнерите кои не се водат по тоа: „2001 е далеку зад нас.Ја надминавме воената криза на демократски и траен начин, за што сведочиме денес,по 19 години,кога сме членка на НАТО. Во 2020 најважно е дали политичарите им служат на граѓаните. Иконографиите не се репер за добро управување, служењето на граѓаните е репер.“

Најдобро за Македонија би било Ж, Аца Антиќ, Бачев, Села и нивните националистички здруженија да бидат убедливо одбиени од граѓаните (по што тие би исчезнале или целосно би се реформирале, сигурно кај ВМРО-ДПМНЕ и Алијансата има таков потенцијал), а политичките ентитети како СДСМ кои тврдат дека се борат против национализмот да не слугуваат на националистичките испади на другите и да создаваат општество во кое индивидуата е на прво место (има интересни точки во нивната програма, пр. еднакви права и обврски за сите, кои мора да бидат повеќе од букви на хартија). Ама поголема веројатност има премиерот Љупчо Ристовски да го лансира првиот македонски сателит од Криволак. Или сепак не?

Можеби не би било луда идеја да се воведат етнички квоти на изборните листи. Ем ќе се отарасиме од етнички партии, ем ќе се види колку навистина ги интересира рамноправност. Се разбира, подобро би било да се организира опсежна дебата и да се увиди дали би било подобро етнички партии да бидат забранети со закон. А пореално е да се надеваме на промена во сегашниот систем - влез на Самоопределување и чистка од Ж во ДПМНЕ може да придонесат кон добро.

Македонија може да просперира само доколку се оттргне од етничкото; сегашнава стагнација не е чудо имајќи предвид дека скоро сите партии, неспособни да направат нешто се дерат националистички глупости. Наместо да бараат исправање на одредени проблеми кои ги засегаат етничките заедници преку ограничени етно-базирани решенија (како позитивна дискриминација) чијашто цел е создавање надетничко, а не етно-сегрегирано општество, тие (од сите етницитети) до бескрај излегуваат со нови глупости! Исто така, не може проблемите вечно во другиот да се бараат. „Неаме улици у Виница зашо шиптарите многу бараат“, „Албанците финансиски стојат полошо зашто критикување на споменик на ОНА е национализам“ и слични невистини само придонесуваат кон раздор и тапкање во место.

Тоа што Македонците немаат друга држава, не значи дека оваа е на Македонците. Just because you want something to be true, doesn't make it true. Првиот чекор за решавање на еден проблем е да се признае постоењето на истиот. Пак ќе речам, и со лажирани пописи, Македонците пак не с(м)е повеќе од 70% во државава. Сингапур е држава на сите (иако Кинезите се мнозинство), зошто да не и Македонија? Јас знам зошто. Оти сме племе балканско, и ние, и Албанците наши.

Поентата ми беше дека не е крив човекот што очекува споменик. Небаре не е изграден оти имаме правна држава и не дозволуваме ние патриотите споменици на УЧК... Не, не е изграден оти ДУИ лапа тендери наместо да гради тоа што ветило. Не е само споменикот, и патот и училиштето и канализацијата се. Е кога ќе ги нема тие таквите како Али на власт, кога малцинствата во Македонија ќе имаат подобар живот (наместо да се демонизираат на секој чекор од обичниот Македонец) тогаш ќе престанат да мислат на пушки и сецесии.

Edited by гитардемон - 13-Jul-2020 at 19:42