Паркирање и паркинзи (општо)

Убаво што ставиле на оваа страна, треба и од другата исто да се среди кај порта.

Originally posted by zabegan фокусот треба да биде на тоа сите тие 5 милијарди станови што ги напикаа во Аеродром, да си ги користат гаражите, и евентуално да се направат паркинзи на критични места ко мичурин и острово, ам апод услов строго да се забранува паркирање насекаде и да се расчистуваат одма возила

Да, но не е само тоа решение на проблемот. Проблемот е и во тоа што не ги користат гаражите, но и тоа што нема доволно паркинг места во однос на тоа колку продавници има, кафичи, мали фирми итн.

Edited by skopskodete - 04-Nov-2021 at 22:06

Originally posted by stef4o Па за 10-15 години освен што се изгради монтажниот паркинг во Ново Лисиче и катната кај Бисер на ова поле речиси и да нема никакви инвестиции а во меѓувреме се отворија стотици локали и се изградија стотици нови станбени згради. Единствено што прават е што додаваат нови сектори под зонско паркирање и акции со пајак служба помасовни 3-4 пати годишно(конкретно за ул.Симеон Кавракиров зборам). А треба само да се изградат 3-4 монтажни паркинзи и целиот хаос значително ќе се намали па ќе има и поголем основ за казнување на сите што паркирале во тревници или на улица и тротоар.

Да, а не знам што е тоа толку тешко. Мислам дека фокусот на општината треба повеќе да се насочи на овој проблем, кој секојдневно станува, за жал, се' поголем.

Општина како Општина Аеродром да има проблем со паркирање е стварно жалосно затоа што сигурно самата општина има средства да направи проект, на ниво на цела општина, чиј цел би бил, на долгорочен план да го реши ова прашање. Под проект не подразбирам ставање рампи и плаќање паркинг. Тоа не се ни краткорочни решенија.

Edited by skopskodete - 04-Nov-2021 at 16:32

Многу честа појава при влез/излез од подземните гаражи во Мичурин во комплексот згради близу црквата(од твитер)
Сите се божем за кратко а возилата ги оставаат минимум 20 минути па се до неколку часа.

Хаосот произлегува од тоа што нема доволно паркинг за станарите од кулите и од зградите кај Скопјанка во тој дел чинам нема подземни гаражи и сите паркираат по партер и по улици и тротоари. Исто така проблем се создава околу ПИОМ кој дневно е посетен од бројни странки а нема обезбедено паркинг места туку оставено е кој како се снајде се пикаат со коли по тесното уличе кон Бизнис Центар Меги... Гледам дел од станарите си ги штитат паркинзите со рампи и слично и со тоа има се повеќе коли по улица.
И мислам се додека има маркети,авто школи во приземјето од секоја зграда хаосот ќе продолжи,во Аеродром во радиус од 1км има 7-8 авто школи конкретно во реонов се следниве Кекец,Шкорпион,Болана,Идол,Нова,М22 кои имаат минимум по 10 возила што значи отприлика 30-40 места помалку за станари.

Во нас.Острово,тротоарите поред улицата која води кон ПИОМ веќе со години служат како паркинг а се доволно широки за комбинација на пешачка со вело патека која би била фин конектор со стазата кон кеј.
Секако неопходна е изградба на подземен или монтажен паркинг
Фотките се од твитер





Решението го гледам на потегов десно од улицата

опција 1(подобра варијанта) изведба на подземен паркинг а горе задржување на зеленилото и изведба на нова градинка на делот кај бараките на северниот дел

опција 2(со губење на зеленило) изведба на градинка на местото на тревникот а на местото на бараките монтажен паркинг





Edited by stef4o - 22-Oct-2021 at 17:31

Originally posted by skopskodete Паркинзи се потребни повеќе отколку било кога.

конкретно за Боемска, не баш... буквално има еден паркинг на крајот од улицава и останатите паркинзи се на пет и помалце минути пеш одење... и тоа го изземам скроз зонското паркирање што го има на улиците во Дебар маало

Паркинзи се потребни повеќе отколку било кога.

Ако згрешите зона при плаќање ПОЦ со СМС, почнува вашата голгота!

„Паркинзи на општина Центар“ или популарно накусо ПОЦ, е фирмата која како стопанственик со паркинзите во оваа општина, се погрижи да нема ниту една улица на која може да се паркира бесплатно. При тоа сумите за еден час паркирање се баснословни, што би рекле граѓаните, но најлошото се случува кога, несакајќи ќе ја згрешите зоната што сте ја внеле во СМС пораката при плаќањето на паркингот. Тогаш ни Господ не ви помага. Токму тоа се случи на екипата на „Скопско ехо“ среде работен ден.

На пример, ако плаќате паркинг на зоната 01 и по грешка впишете само 1 без нулата, почнува голготата за вас. Ако не се освестите дека сте згрешиле, веројатно за неколку минути, додека мислите дека паркингот ви е подмирен, всушност веќе тркалата ви се блокирани со „канџа“ и имате „поздрав“ во писмо на шофершајбната. Но уште поголема голгота е ако во истата секунда ја увидите грешката па сакате да им дојавите на ПОЦ дека веќе сте платиле како за зона 1, а се наоѓате на 01, па за разликата во цената од само 10 денари (60 ден. е за 1 час во зона 1, а 70 во зона 01) да не плаќате казна туку да регулирате преку нив.

Тогаш почнувате да вртите на бројот достапен и на социјалните мрежи и на нивната веб страна, нивниот кол-центар што инаку пишува дека работи 24/7. Оператор ве води низ процедурата што треба да притиснете за да зборувате во живо со агент. И кога ќе дојде до моментот да разговарате со човек, буквално со часови, може да слушате само “сите оператори се зафатени“ или некаква благопријатна музика. Веројатноста да не добиете никого додека седите паркиран, потејќи се да не ве казнат во исто време додека брзате да завршите работа – е речиси 100-процентна. Епилогот е: никој нема да ви крене слушалка.

Ако имате среќа ќе трчате да завршите работа и нема да најдете „канџа“ со казна кога ќе се вратите. Ако не ви се ризикува, ќе си платите дупло пишувајќи нова порака со вистинската зона на која се наоѓате. А најнесреќните се најбројни, за жал. Тие добиваат казна, ем „канџа“ на тркало, ем и паркинг претходно си платиле.

И не е само со плаќањето паркинзи проблемот. Правилото е и дека ако одите на гости кај некој во Општина Центар, имате право неколку часа да не платите паркинг ако се најавите во кол-центарот. И тогаш, веројатно ќе треба гостите да ги поминете стоејќи пред зградата или куќата на резидентот, стражарејќи да не ве казнат, оти на телефонскиот број никој никогаш нема да ви се јави.

Прашањата се: Како во ваква ситуација и кога некој сака да плати бива казнет односно не ја добива услугата која како фирма му ја гарантира ПОЦ? Зошто ПОЦ не одговара за наплаќањето неверојатно високи цени за паркинг, а автомобилите никогаш не се безбедни? Ги читате ли вие во ПОЦ воопшто поплаките и заканите од револтирани граѓани на вашите електронски пошти?

https://skopskoeho.mk/ako-zgreshite-zona-pri-plakane-pots-so-sms-gospod-neka-vi-e-na-pomosh/