Милениумски Крст

Нетреба тендер за таков локал?
Имало некаде во некој оглас понуда дека го издаваат за таква намена? Ете пример јас го сакам и би дал 1.700 евра месечно!?
Повторно договор во 4 очи.

БАШКА зошто one of a kind локал би го дале на 10 години? Нема никаква логика ова.

Како и да е се надевам цените на пијачките нема да бидат безобразни.

МИСТЕРИЈА НА ВРВОТ НА ВОДНО

Крстот доби кафеана без газда

Надлежните од Фондацијата "Милениумски крст" тврдат дека со ресторанот ќе стопанисува "Воденица", која веќе приспособила кафуле на приземјето, но нејзиниот сопственик негира дека договорил таква работа

Врвот на Водно конечно доби кафуле, но не се знае чие е. Веќе неколку дена на платото пред Милениумскиот крст се пие кафе и сок, а кој е вистинскиот газда е тема на шпекулации. Надлежните од Фондацијата "Милениумски крст" тврдат дека овие услуги ги нуди ресторанот "Воденица" со кој неодамна склучиле устен договор да стопанисува со ресторанот на Крстот, но сопственикот на ресторанот негира дека договорил таква работа.
"Јас немам никаков официјален договор, согласно кој можам да работам горе. На Крстот сè уште нема вода и јас не можам да отворам ресторан. Вистина е дека сме во преговори, но кога ќе биде и дали јас ќе бидам избран да стопанисувам со ресторанот ќе се одлучи допрва. Немам врска со продавницата која сега работи на Крстот и од неа се нудат кафиња, пијалаци и храна за посетителите", изјави Стојан Филиповски, сопственик на "Воденица".
Од Фондацијата "Милениумски крст" со контрааргументи.
"'Воденица' инвестираше на Крстот, лепеше плочки и постави маси и столчиња за граѓаните да не седат на клупи кога ќе се качат горе. Ние имаме договор, кој засега е устен, но до крајот на август ќе биде и црно на бело.Не знам зошто сопственикот негира, но ние сме договорени на највисоко ниво и тие веќе работат. Ексклузивниот ресторан кој треба да биде сместен на катот ќе биде готов до крајот на годинава и во него цените ќе бидат повисоки од оние во продавничката ", изјавија од Фондацијата.
Додека надлежните се договараат чиј е ресторанот, приземјето на Крстот веќе е уредено во кафуле. Посетителите пијат вода за 20 денари, кафе за 30 денари и купуваат храна по цени како во продавница.
За неколку недели од Фондацијата најавија пуштање и на летната бавча на Крстот која ќе биде над ресторанот.
Ресторанот на Крстот се издава на десет години, а месечната кирија за него е 1.500 евра. Со тие пари, велат од Фондацијата, ќе се одржува Крстот, односно ќе се плаќаат сметките за струја. (М.Ѓ.)

http://www.vest.com.mk/?ItemID=6424992F0E3AE14DB7978540DBB6E15F

Каде е просторот на кој ќе се натпреваруваат концесионерите. Ова 1500 треба да е почетна или фиксна цена па да се наддава на други параметри.

haha pa mislis NE?!...A posle site ke se vozat zs ke se otvori i kafanata ili kafic sto i da bide

Во неделата бев на ноќно возење со жичарницата, со надеж дека и крстот ќе биде отворен. Џабе... Не знам дали сеуште им е заглавен лифтот или едноставно дури и во недела работат неколку часа и само преку ден, ама навистина штета - имаше доста луѓе и добар дел од нив беа разочарани што не можат да се качат.

Две фотки за утеха...

1


2

Originally posted by OCB Половина од крстот на Водно во темница Поради грмотевиците, кои го исклучиле осигурувачот за електрична енергија, веќе десетина дена не свети левата страна на Милениумскиот крст. Од Фондацијата „Милениумски крст“ велат дека проблем биле невремето и грмотевиците, кои пред неколку дена предизвикале исклучување на еден од осигурувачите за струја. - Левата страна не свети и деновиве ги замоливме надлежните од „ЕВН Македонија“ да го вклучат осигурувачот. (демек ) Тој се исклучил поради грмотевиците, па чекаме од компанијата да се погрижат за тоа. Има и некои прегорени светилки, но тоа е помала штета и не се забележува оддалеку. До сега ние бевме одговорни за одржувањето и за осветлувањето на крстот, а трошоците се намируваа преку некои донации и дел со средства што ни ги префрли МПЦ. Сега немаме средства и понатаму да го одржуваме објектот, па се надеваме дека со давање на ресторанот и на дуќаните под концесија ќе може од киријата да се покриваат трошоците - вели Благоја Дојчиновски, претседател на Фондацијата. Тој најави дека за една недела ќе се распише јавен оглас за давање на просторот под крстот наменет за ресторан и за продавници под концесија. Според Дојчиновски, има заинтересирани инвеститори кои би ги земале просториите и би ги уредиле, особено сега откако се изгради првата траса од жичницата, и со тоа се зголеми атрактивноста на локацијата. http://www.vreme.com.mk/DesktopDefault.aspx?tabindex=0&tabid=1&ArticleID=162601&EditionID=2340

Originally posted by OCB ... - С` уште не се знае колку пари ќе чини изградбата на храмот и манастирскиот комплекс. Но, ќе се користат средства од Фондацијата за изградба на Милениумскиот крст и донации - веалт од Скопската епархија. ...

Немаат средства, а ќе градат црква и конаци Бар кога лажат, нека бидат усогласени!

да се надеваме со жичарницава ќе се средат многу работи.

„Архитектот“ Жан ги живее своите 5 минути и во недостаток на конкретни проблеми копа по цртежите од тетратките од 3то одделение...така да, нема потреба да навлегувате во некаква темелна анализа во смисол што треба да се изгради на Водно, дали воопшто треба да се гради таму и такви слични суштински прашања затоа што тоа се зони од паметот во кои „мајстори“ од негов калибар многу тешко допираат...

Прво и основно прашање е дали се качил во последниве 10 години на врв на Водно и да го види објектот што му го „подари“ на Скопје - да види како се функционираат неговите бујни фантазии во реалниот свет...дали луѓето што одат на Водно, одат таму за да гледаат во некакви камења, бетони и железа или одат да се релаксираат во зеленило - многу тешка работа за сфаќање, нели!? Посебно ме нервираат комбинациите ресторани-свадби-венчавки во манастири, цркви со некакви изговори атракција, традиција, одржување - која продуховеност е таа!!!??? Кои се тие попови од МПЦ што паѓаат на овие малоумни идеи?!? Да не му текне и рингишпилот од кеј да го мултиплицира во дворот на манастирот за да ја дооплемени целата атракција...

Очигледно е дека од него и потекнува идејата воопшто да се гради нешто и тоа е до толку вулгарен да инсистира на нов објект покрај крстот во кој ако се сеќавам добро требаше да има некаква мала капела, црквичка - ама на кого му е гајле за тоа - 10 години крстот буквално дреме како објект и така повеќе покажуваме колку не ни е гајле за црквата, отколку што многу сакаме да покажеме дека се испотресовме за неа...еве на пример, веќе 2 недели навечер не свети еден крак на крстот, лифтот редовно се заглавува и „фондацијата“, (ако воопшто постои такво нешто) многу се потресе...

Финансирањето не сакам ич да го коментирам, ама нехуманиот пристап кон Водно никако не сакам да го премолчам...наместо да се заштити планината од досегашното силување, читаме секојдневно за вакви „маестрални“ идеи кои доаѓаат од луѓе без добра намера...стварно штета....

Originally posted by zabegan сеуште не ми е јасна потребата од црква за објект кој се користи во туристички цели и пази... услужните објекти се во придружба и функција на црквата и ќе се направат како помалку приоритетни и споредни...меѓу другото, која е потребата од сместувачки капацитети на врвот на Водно? па еден планинарски дом има и не функционира ко што требазначи ништо од потребното не е средено, а се потепаа црква да напрват, објект, кој нема никаква врска (освен самиот крст де) со тамошната локација и нејзините потребии не ни кажуваат ништо како и обично, само онака, колку да не речеме дека не ни кажале... а пренатрупано е со коментари од стил како нешто ќе прераснело во туристичка атракција

Како што знам таму се планира црква од првиот ден + голем крст... мислам чисто информативно ако не си приметил има крстови на крововите на црквите.
Друго нешто е што незнам во кој свет (освен каде што се пијанчи, ред лајт дистрикт, итн... се коси црква со туристички цели?
Можеби црквата не треба да е главен и доминантен објект а всушност неможе и да биде, бидејки... крстот де.
Трето, нормално дека во текст и во контекст кога се зборува со црква, секогаш црквата е централно место и се друго е направено „споредно“. Тоа е само црковен жаргон и во суштина така можеби ќе изгледат работите, ама е само изговор да се изградат „услужните објекти“.
Последно околу црквата е тоа што најверојатно таа ќе биде мала црква (ака Параклис) бидејки навистина се согласувам дека таму нема да доаѓаат верници на литургија со жичарата. Сепак ќе има црква колку да се помоли некој, да запали свеќа, да види што е Македонска црква, фреска... знаеш такви мали македонски работи.

Од друга страна пак, сместувачки капацитети не смее да има во никој случај. Водно не треба да се претвара во некаква хотелска зона. Кој сака да спие еве го Скопје или Горно Соње од другата страна.

Кажете ми дали крстот е всушност под надлежност на МПЦ? Ова не ми е никако јасно?

НОВ ОБЈЕКТ ДО МИЛЕНИУМСКИОТ КРСТ

Ќе се гради црква на Водно



Според проектот на архитектите Јован Стефановски-Жан и Ивана Стефановска, околу црквата ќе се градат и манастирски конаци со околу 12 соби, како и ресторан

На стотина метри десно од Милениумскиот крст, на местото наречено Крстовар, на 27 септември ќе биде поставен камен-темелникот на црквата посветена на празникот „Воздвижение на чесниот крст-Крстовден“.

Според проектот на архитектите Јован Стефановски-Жан и Ивана Стефановска, освен црква, ќе се градат и конаци.

Од Скопската епархија информираа дека камен-темелникот на црквата требало да биде поставен на 23 мај, но почетокот на изградбата е одложен заради дооформување на проектното решение со манастирските конаци.

Авторот на проектот за комплексот, архитектот Стефановски-Жан, вели дека се работи за мала црква, која ќе биде во средина на манастирскиот комплекс.

- Најпрвин ќе се почне со изградбата на црквата, која ќе зафаќа површина од околу 200 квадратни метри. Манастирскиот комплекс, пак, ќе се состои од неколку конаци со околу 12 соби. Конаците ќе имаат големи чардаци од кои ќе може да се ужива во убавата глетка. Комплексот ќе биде од затворен тип - објасни Жан.

Освен тоа, ќе има и придружни објекти, како и ресторан.

Засега с` уште нема детали за тоа каков ќе биде иконостасот на црквата ниту, пак, кој ќе го изработи фрескоживописот.

Од Скопската епархија информираа дека црквата нема да има камбанарија, но дека во неа ќе се одржуваат богослужби, венчавки и крштевања.

- Црквата нема да функционира како парохиски храм, туку во рамките на некој од храмовите. Во неа секако дека ќе се одржуваат богослужби, а по желба на граѓаните и венчавки и крштевања - изјавија од Скопската епархија.

Оттаму велат дека објектот би можело да се очекува да биде готов за најмалку шест месеци, а најмногу до една година.

Ниту од Скопската епархија ниту архитектот Јован Стефански-Жан не открија колку ќе чини изградбата на црквата.

- С` уште не се знае колку пари ќе чини изградбата на храмот и манастирскиот комплекс. Но, ќе се користат средства од Фондацијата за изградба на Милениумскиот крст и донации - веалт од Скопската епархија.

Со изградбата на жичницата од Средно Водно до Милениумскиот крст, како и со давањето под закуп на ресторанот во Милениумскиот крст, за што е во тек постапка за распишување конкурс, во иднина и со изградбата на манастирскиот комплекс овој дел од Скопје ќе прерасне во вистинска туристичка атракција, но и привлечно и лесно достапно место за прошетка и за релаксирање на скопјани.

http://www.dnevnik.com.mk/?ItemID=9C1F9F92B8057E489AF680CBB0D2D6A3