Жичарница на Водно

Оваа идеа е добра за мрзите и за намалување на загадувањето на Водно

Вероватно проблемот е во експропријацијата а не во парите за самата жичара

Може да завршува тука и да направат најобичен паркинг од неколку илјади метри квадратни. На друго место не гледам каде би завршила и каде би имало место за изградба на паркинзи.
Сега чудна локација е ама не гледам друга, па после автобусите кои одат до средно водно ќе одат до ова место.

Edited by alexsend - 28-Nov-2013 at 20:22

Originally posted by Obedineta Makedonija Ејјј која беда сме ние МАКЕДОНЦИТЕ, пред да почне да се гради жичницата Средно водно - Милениумски Крс, плачевме кукавме плукавме дека не треба да се гради глупост било, дека само пари ќе се трошеле, се уништувала шумата, кој ќе ја користел, пари се переле и ред други коментари и изјави, ЗА ДА ДОЈДЕ РЕД ДЕНЕС ДА КУКАМЕ И ПЛУКА ЗОШТО НЕ СЕ ГРАДИ ДРУГИОТ ПРЕДВИДЕН КРАК?????? Е АЈ СЕГА РАЗБЕРЕТЕ ШТО САКАМЕ?????? ОФ МОРИ МАЈКООО - ГОСПОД НЕКА НИ Е ПОМОШ СО ТИЕ ЛУДИ ГЛАВИ !!!!

Хммм... Воопшто не е точно дека се плукало по жичарава пред да почне да се гради. Баш напротив, впечатокот ми е дека владееше прилично широк консензус дека ова е добар проект, што е и архивирано на форумов во оваа нишка, како и во нишката за Милениумскиот крст каде првично се водеше дискусија за жичарава. Исклучоци можеби имало, исто како и дилеми, размислувања, дебати за одредени аспекти, ама значајно незадоволство немало, а камо ли масовно плукање. Од друга страна овој „аргумент“ дека Македонците многу плукале и дека од ништо не биле задоволни, веќе станува досаден. На Македонците некој редовно им нуди л*јно велејќи им дека е чоколадо и дека е многу вкусно... и очекува да голтаме и да викаме „ммммм прекрасно, сакам уште“ ?!? Јас баш мислам дека плукањето и незадоволството на Македонците е многу умерено и недоволно во однос на планините од причини кои ги имаат за да плукаат и за да бидат екстремно незадоволни. Цел океан плунка не е доволен за да се исплука само она што е во домен на темите на форумов!

Но да се вратам на жичарата. Ваква каква што е сега не смее да остане и мора да се догради. Есенва ми се погоди два пати да одам на Водно преку викенд (се погодија и убави денови со прекрасно време) и бројот на автомобили беше просто неверојатен. Паркинзите на средно Водно беа преполни, а автомобили имаше паркирано покрај и на самиот пат, речиси долу до видиковец. Имаше огромен застој на сообраќајот, автомобили стоеја на место многу долго и загадуваа, а за пешаците и особено за велосипедистите беше уништен ден. Патот беше буквално закрчен. Мислам дека е неспорно дека и самата жичара привлекува многу повеќе посетители на Водно, што од повеќето аспекти е добро. Меѓутоа сите тие сега треба некако да стигнат до средно Водно, и резултатот е таквата катастрофална ситуација која ја опишав. Затоа довршувањето мора да биде приоритетно, особено имајќи во предвид на какви се неверојатни глупости се трошат јавните пари во оваа држава.

За жал веќе не е се така едноставно и голем проблем има околу почетната станица каде што треба да почнува жичарата, ама на тоа господата требаше да мислат пред да ја засерат работата. Првично планираната почетна станица во близина старата железничка станица беше зачудувачки префрлена кај црквата Св.Јован во Капиштец. Сега откако го продадоа цело земјиште во близина на старата железничка станица и Рамстор, нема ни можност да се исправи ваквата грешка. Новата локација во однос на оригиналната пати од следниве проблеми:
1. Недоволен простор за изградба на адекватен паркинг капацитет.
2. Далеку послаба поврзаност со јавен превоз, а и далеку послаби сообраќајни врски воопшто.
3. Изградбата на гаража со каков-таков капацитет кај црквата сепак ќе биде многу понеисплатлива инвестиција затоа што таа гаража ќе се полни само периодично кога ќе има наплив на посетители на жичарата (а тогаш ќе биде сосема недоволна). Од друга страна кај старата железничка станица има и плус се планирани дополнителни паркинг капацитети кои имаат многу поширока намена и кај кои со жичарава одлично ќе се испеглаше искористеноста, со оглед дека навалицата на жичарата настанува преку викенд, период кога гаражите се попразни, за разлика од преку работната недела.
4. Од аспект на толку извиканите туристи, далеку порационално ќе беше почетната станица да биде во централното градско подрачје, а не зафрлена во ќоше до кое тешко можат да дојдат.

Значи поради неодговорно планирање жичарава е веќе осакатена. Но сепак стојам на став дека мора да се догради, затоа што дури и со сите фалинки на локацијата кај црквата Св.Јован во Капиштец, сепак тоа е далеку подобра почетна станица од сегашнава на средно Водно.

Е сега зошто господата имаат толку перверзни приоритети, за тоа немам одговор, за тоа богами имам само плунка. И патем вреди да се спомне следново (колку да се побие нивното убедување дека сите имаат кратко памтење): пред некои претходни избори се истопорија дури и со најава дека ќе ја продолжувале жичарава до Матка! Како таквото ветување се трансформираше во „немање пари“ ниту да се доврши веќе почнатиот проект, односно да се продолжи жичарава до предвидената почетна станица долу во градот, за тоа повторно немам одговор, тоа треба некој да ги праша и да ги држи одговорни господата.



Edited by Cloverstack - 28-Nov-2013 at 01:19

Моето мисленје е секогаш тоа што реално го мислам и го пишувам, секогаш може повеќе - меѓутоа кога веќе на некој проект се претходело со премногу негативности од јавноста за да веднаш по реализацијата само со суперлативи во позитивност се коментира (никогаш за ништо не им даваме време и можност на надлежните да докажат и покажат колку вреди и е исплатлив еден проект) - не ми е јасна дискусијата дека треба сега да плукаме и по секоја цена да бараме дореализација на некогаш ветеното - мегутоа ни од далеку не сум за да не се изреализира до крај како што е ветено, затоа дајте и вие бидете малку објективни (како што кажав секогаш се може повеќе, мегутоа во моментот колку е толку - според можностите толку е и реализацијата)

* А андреј правиш компарации кои која не е соодветна-според мене..... (пат Скопје - Куманово со Делница од жичница до која впроцем во секој дел од жичницата имаш инраструктурен пристам и за моторно возило и човек) а за недостаток на аргументи можеби си смешал, врати се во нишката за авиостатистика и авиолинии и направи една ревизија на моите и твоите дискусии.... И незнам зошто мислите и ме перцепирате дека сум нервозен и хистеричен во 99% од дискусиите и коментарите сум нај cool, како што кажавме во интерест на добрата и плодна дискусија во било кој наслов на форумот, поздрав и до двајцата секое добро - никогаш не сум мислел ништо лошо!!!

Редовно во отсуство на аргументи се употребуваат вакви фрази како олабави ме, не замарај или не се пали! Значи тоа е трагично и покажува завидна некултура, но и немоќ на изразување. Јас не сакам да не те читам затоа што нпр. во врска со воздухопловството имаш интересни и корисни постови и информации. Ти давам забелешка со цел да се поправиш кон подобро и читањто на сите да ни стане поудобно. Пак и начинот на изразување и пишување е огледало на културата на еден народ, а барем на овој форум се трудиме да покажеме дека не сме просекот на државата, туку дека отскокнуваме од него!

Иако навистина сомнителна е потребата од жичара на Водно, сепак првата фаза сега се реализирала! Значи ако нешто се започне (особено ваков транспортен проект), подобро е да го завршиш, отколку да го оставиш половичен. Не ми воопшто сватливо како не си во состојба да го разбереш самиот ова! Како да изградиш пат од Скопје до Куманово, но тој да завршува во ништото, наместо да завршува во Скопје на пример.
И ти се молам малку барем внеси култура во своето пишување, оти вака изгледа на хистеричен изпад напишан на неразбирлив јазик!

Тоа е тоа, има 12 милиони евра за панорамско тркало, нема пари за жичницата...

МИНИСТЕРСТВОТО ЗА ТРАНСПОРТ И ВРСКИ ГО БАТАЛИ ПРО­ДОЛ­ЖУ­ВА­ЊЕ­ТО НА ПРОЕКТОТ

Нема пари за жичница до Средно Водно

Министерството за транспорт и врски, во соработка со Ми­нис­терс­тво­то за финансии, ќе ја разгледа можноста да се предвидат финансиски сред­ства за оваа намена во буџетот за 2015 година

Вод­но ќе си остане парк-шума низ која е дозволено да се возат и коли и ав­то­бу­си. Планот жичницата од Средно Водно да се продолжи до под­нож­је­то на планината, сите го баталија.

"Во буџетот за 2014 година не се предвидени средства за изградба на дру­ги секции на жичарницата на Водно. Дополнително, од Министерството за тран­спорт и врски, во соработка со Министерството за финансии, ќе биде раз­гле­да­на можноста да се предвидат финансиски средства за оваа на­ме­на во буџетот за 2015 година", велат од Министерството за транспорт и вр­ски.

Спо­ред првичните замисли, жичницата требаше да се гради од ТЦ "Рам­стор" до Милениумскиот крст. Потоа се размислуваше почетната станица да биде во близина на црквата "Св. Јован" во Капиштец, но на крајот поч­на да се гради само еден дел од жичарницата, односно делот од Средно Вод­но до врвот. За да им се доближи жичницата на посетителите, но и да не се загадува парк-шумата со возила, беше воведена автобуска линија до Сред­но Водно. Но таа не помогна да се намали бројот на возила. Се­кој­днев­но, а посебно за викендите, Водно е преполно со возила.

"За време на викенди паркинзите на Средно Водно се преполни со пар­ки­ра­ни возила. Кога ќе се наполнат паркинг-местата, посетителите поч­ну­ва­ат да се паркираат по патот, и тоа од двете страни, па кога ќе наиде ав­то­бу­сот се случува и по половина час да не може да ги помине последните 200 мет­ри до последната станица. За пешаци таму нема место. Така е од пред две години, откако е изградена жичницата. Жално е тоа што $ се слу­чу­ва на парк-шумата каде што одевме за да се надишеме чист воздух", се жалат планинарите што се постојано на Водно.

Од Министерството за транспорт и врски потсетија дека во текот на из­ра­бот­ка на проектот за жичницата, изработена е и студија за влијание врз жи­вот­на­та средина. Таа е одобрена од Министерството за животна сре­ди­на, а освен тоа, од Министерството за транспорт велат дека бројот на ин­ди­ви­ду­ал­ни возила треба да го намали автобуската линија која нуди ор­га­ни­зи­ран превоз.

http://www.vest.mk/default.asp?ItemID=323CD58BFACCA146A34EEF2DBAAFBE21

Edited by Џоле - 27-Nov-2013 at 11:16

Mишо Николов: Скопската жичница ги надмина очекувањата


На наше огромно задоволство, жичницата ,,Милениумски Крст” постигнува одлични резултати за што говорат и бројките на посетители од околу 700.000 патници во овие 2 години од нејзиното отварање. - oва во интервју за Скопјеинфо го открива Мишо Николов, директор на градското јавно сообраќајнот претпријатие.
"Денес жичницата претставува гордост на нашиот главен град, а тоа што особено ме прави среќен е што секој странски турист кој го посетува Скопје во неговата агенда најчесто е присутна и жичницата. Сите овие податоци и информации ги побиваат скептиците на проектот кои верувајте ги имаше во голем број пред да се реализира проектот." - додава тој во интервјуото.
Во oпширното интервју зборува за проектите на кои работи ЈСП, соработката со централната и локалната власт како и за новините кои следуваат во иднина.
Целосното интервју може да го прочитатетука

http://www.skopjeinfo.mk/gradot/1196698659/miso-nikolov-skopskata-zicnica-gi-nadmina-ocekuvanjata

Edited by gjoko - 17-Aug-2013 at 19:13

Се надевам дека ќе ја продолжат барем до Матка =)