Маџир Маало

Ајде дај боже да тргне веќе работава, ми се темни од шталиве...

СУПСТАНДАРДНИОТ ЦЕНТАР ЌЕ ЗАЛИЧИ НА УРБАНА ЗОНА

Инвеститори го одврзаа ќесето за нови згради во Маџир Маало

Состојбата во старото јадро, Маџир Маало, конечно се помрднува од мртва точка - инвеститори преговараат со жителите за изградба на станбени објекти. Општината Центар во јули минатата година го донесе дета`ниот урбанистички план за овој градска кварт, и тоа по шест децении тапкање во место, сопрен развој, што за жителите значеше статус кво во однос на доградби, надградби, проширување на живеалиштата и нивна евентуална продажба.

Но, сега веќе с` поинаку, не само што инвеститори ги посетуваат сопствениците на старите трошни куќарки за изградба на колективни објекти, туку веќе и се договориле со некои, потврдуваат жителите на Маџир Маало со кои разговаравме, но и претседателот на месната заедница „Раде Јовчевски Kорчагин“, Драган Атанасовски.

За непречена реализација на планот, по наредба на инспектори од Општината Центар, биле урнати диви гаражи и шупи на улицата Ѓуро Ѓоновиќ.

Најинтересен потегот

на кејот 13 Ноември

- Според мои информации, веќе е планирано да се гради на улицата Вардарска, над кејот 13 Ноември. Таму треба да бидат урнати околу 20 трошни куќи. Сметам дека со донесувањето на планот, доаѓаат подобри денови за сопствениците - луѓето ќе се спасат. Ќе добијат соодветни услови за живеење, односно станови наместо трошните куќи или, пак, ќе бидат обесштетени, како што ќе се договорат - вели Драги Kостовски, кој живее на улицата Вардарска.

И Ениса Сулејман, со куќа на „Прилепска“, потврди дека веќе имало заинтересирани инвеститори за потегот на „Вардарска“.

- Kај мене с` уште не дошла ниедна градежна фирма. Kако и да е, редно беше по 50 години нешто вакво да се случи. Јас сум родена во ова маало, а исто и мојата мајка. Ова е центар на градот и срамота е да има никакви парталави куќи. Треба што побрзо да се изградат нови објекти и да се смени ликот - смета таа.

Претседателот на месната заедница, „Раде Јовчевски Kорчагин“, Драган Атанасовски имаше повеќе информации - изјави дека се потпишани договори со луѓе за градба на улиците Ѓуро Ѓоновиќ и Светиниколска, а се преговара со некои сопственици на улицата Маџир Маало.

- Пред с`, инвеститорите се заинтересирани за левата страна на потегот од Железничката станица до Народна банка. Тој потег е чист, има повеќе празни простори, а за десната страна кон Вардар интересот е помал, бидејќи е густо населен и е со нерешени имотно-правни односи - информираше Атанасовски.

Дел од жителите што немаат никакви понуди се разочарани. Чекаат. Сметаат дека планот е добар, но се скептици дали и кога ќе се реализира целосно. Стравуваат дека уште долги години ќе останат со септичките јами.

Ерол Kерил, со живеалиште на „Преспанска“, раскажа дека пет децении доаѓаат инвеститори, се интересираат, но дека тешко оди склучувањето спогодби. Според него, во една куќа живеат повеќе луѓе, па сопствениците бараат и по 800 евра за квадратен метар.

На него се надоврза Мира Петровска од улица Kеј 13 Ноември, според која, оние што имаат куќи во маалото, имаат и станови во други делови од градот.

- Овде ги издаваат под кирија. Сакаат да ќарат повеќе станови и дуќани за трошните куќарки. Народот е алчен - смета таа.

Проблематични

имотни односи

Жителите од Ново Маало, пак, во делот спроти Маџир Маало, поконкретно околината кај Олимпискиот базен, с` уште немаат никакви понуди од инвеститори. Сметаат дека е рано да се зборува за такво нешто бидејќи планот бил донесен пред два месеца. Некои граѓани раскажаа дека половина од куќарките се празни, сопствениците живеат во други делови од градот, па не им се брза да се пазарат за малите парцели за да добијат што повеќе квадрати или пари.

Од друга страна, урбанизацијата може да оди тешко, поради нерешените имотно-правни односи, смета Ј.Ј, жител на Ново Маало. Со денационализацијата, се појавиле многу генерации наследници, по пет-шест сопственици, па секој очекува да ќари повеќе, а инвеститорите нудат багателни цени.

Од Општина Центар изјавија дека по усвојување на планот, немаат никаква обврска за понатаму. Им овозможиле на граѓаните да излезат од супстандардните услови, да изградат станбени згради или куќи, па натамошната урбанизација на маалата зависи од нив.

Според планот за Маџир Маало, на местото на старите и трошни куќарки, предвидени се седумкатници. Освен станбени објекти, на улицата 59, планерите предвиделе црква, а и споменик со фонтана на аголот на раскрсницата на булеварот Kузман Јосифовски-Питу. Веднаш до фонтаната има можност за изградба на хотел, десетина метри повисок од останатите објекти, бидејќи излегува на главна улица.

Тоа што остана проблем за 70-ина сопственици на парцели е идејното решение за булеварот Kрушевска Република, кој поминува во средина на ова маало. Тие немаат право да градат и да доградуваат, туку да чекаат некој да реши да го изгради и да ги обесштети. Булеварот е зацртан во Генералниот план за Скопје уште од 60-тите години на минатиот век, но досега никој не го реализира. И покрај барањата на жителите да се тргне, тој остана и во новата верзија на ГУП со важност 2012 - 2022 година.

Што се однесува до Ново Маало, таму се предвидени шесткатници. Планот дозволува спојување на парцелите за на нивно место да се подигнат колективни згради. Kатноста е различна, во зависност од површината за градба -16,20 метри, а некои и 19,20 метри. На две деловни згради кои излегуваат на булеварот Kочо Рацин им е дадена висина до 35 метри. Зад „Веро центар“ е вцртана катна гаража, за која веќе е издадена градежна дозвола. За 70 евра за квадратен метар, земјиштето пред две години го купи компанијата „Оил продукт“, за која се вели дека е фирма-ќерка на „Макоил“. Таа ќе биде наменета исклучиво за паркирање, без деловен простор во неа. На местото на старото балетско училиште ќе се гради турски театар. Од овој објект, 51 отсто е со намена за култура, а 49 отсто - комерцијален простор.

www.dnevnik.com.mk/?ItemID=86F755178F1B0242AC06167C7F4A9F91

Originally posted by Dexter26 Е па, бидејќи станува збор за нивни приватен имот, имаат право да одлучуваат што ќе прават со него, на крајот на краиштата, тоа право им следува со самото право на сопственост врз тој недвижен имот, нема ништо лошо во тоа да имаат приватност и мир во централното градско подрачје, бидејќи имаат право на тоа. Твојот став е твој став, но нивниот став на мене ми делува поиздржливо. Јас мислам дека компромисно решение на овој проблем би било општина Центар или градот Скопје или Владата на Република Македонија (не знам кој конкретно го плаќа менувањето на фасадите опфатено со проектот Скопје 2014) од буџетот да им ги обноват улиците и фасадите на куќите, за да заличат на куќи, а таму каде што може да се градат згради, нека се градат, доколку нема никакви имотно-правно спорови. Ако може во Центар да се менуваат фасадите на зградите со народни пари, тогаш нека биде така и во Маџир Маало, за да заличат куќите на куќи, а не на шупи, а кога сме кај кокошките, нека се воведат казни за тоа доколку досега не се воведени, а ако се веќе воведени, нека ги зголемат за да ги научат на ред, инаку и Керамидница еве ја од другата страна на Вардар, малку пооддалечена од Центар, но сепак блиску, таму се планира да се руши Санос за да се градат станбени објекти, но сепак ќе останат куќите, и што сега ? И тие ли треба да се откажат од своите вековни огништа за да се урбанизира Керамидница ? Зошто не се фокусирате повеќе на местата на кои навистина им треба урбанизација за да се оттргне гужвата од Центар, како на пример Маџари и Лисиче ? Не велам дека не треба да дебатираме на оваа тема, но некако не ве гледам заинтересирани за дебатирање на теми кои се подалеку од Центар, што е работава, никој не живее надвор од Центар, или, тие кои живеат надвор од Центар не се луѓе ?

Види вака. Си има правила на однесување во град. Исто како што имаш правила на однесување во театар, кино, школо. Не можеш ти сеа, да отидеш у Стокхолм и у центарот у стан да земеш свиња да чуваш. Не можеш. Си има некои правила. Ама не може мир да имаат во центар на град, во урбана џунгла. Као да бараш мир на плоштадон у Загреб бан Јелачиќ. Се знаат некои норми. За мир си постојат населби со куќи, такви си се Козле, Лисиче, Пинтија, Црниче и сл. Не може Маџир Маало да ја дава првата слика за Скопје. И ја можда сакам 6 свињи доле да чувам, или да тресе мајка ми тепих пред зграда, ама не може. Си има регулативи, правила.

Ако вековното огниште пречи на развојот на градот, ќе се откажеш од тоа. Не може градот да трпи ради единка. Види каков ужас е со воз да идеш од Београд према Скопје, странец ако си. Слика као да си у заостанат град. 

И да, се согласувам дека градот треба да дае пари за реновирање, ама само на неколку куќи во Маџир Маало, не може на сите. Има десетици куќи кои можат ако ништо друго на оној барок да конкурираат.

Само чекај коа ќе им дојдат инвеститори со понуда од 3 стана, да видиш како одма ќе дозволат да се гради, ќе молат ако треба за тоа.