Јавен превоз во Скопје (линии и возен ред)

Originally posted by гитардемон Долж Партизанска си работи нормално зелениот бран, не знам од кај ви се овие информации... Со автобус нормално дека нема никогаш да го фатите, кога вози со застанување, или со такси кога возат со 80-90.

Значи не ме зезај. Како што пишал и членот погоре, добри примери ти дал, кои се очигледни со голо око. Јас не викам дека автобусите ќе го фатат целиот зелен бран, но тие не ги фаќаат ни два семафори кои се на 20 метри, а не пак за друго. Еве го кажувам како редовен патник на двојка скоро секој ден. На пример, вчера со двојка патував 40 минути од Порта Влае до Бит-пазар, време за кое порано двојка стигнувала и до Автокоманда, така да ова што го зборам, не го вадам од ракав.

Поради несериозноста на градските власти со воведувањето на Центарот за контрола на сообраќај, кој освен за партиски вработувања, јас не видов да функционира, ние си патиме без зелен бран веќе подолго време, а него го најавуваа мислиш Америка ја откриле. Бар времево се стопли, па сега со велосипед стигнувам за 20-25 минути на истата релација

Долж Партизанска си работи нормално зелениот бран, не знам од кај ви се овие информации... Со автобус нормално дека нема никогаш да го фатите, кога вози со застанување, или со такси кога возат со 80-90.

целосно се согласувам!!!

Ќе знае ли некој да ми каже кој автобус вози до село Орман или уште поубаво до малите фабричиња од северната страна на селото покрај Лепенец на Качанички пат?

Edited by phenomenon - 01-Apr-2014 at 23:06

Edited by marko.kostoff - 29-Jan-2014 at 20:12

Автобуска линија од Визбегово до Транспортен центар



Јавното сообраќајно претпријатие вчера ја промовираше автобуската линија „118“, која ќе сообраќа од Визбегово до Транспортен центар и обратно. Автобусот ќе вози преку булеварите „Кузман Јосиповски-Питу“, „Крсте Мисирков“, „Гоце Делчев“, „Партизански одреди“, „8 Септември“, а потоа преку улица „Скупи“, „Магистрала“ и булевар „Словенечка“, преку индустриската улица ќе стасува до крајната станица во Визбегово. Во обратна насока автобусот ќе се враќа по истата траса.

Од ЈСП информираат дека новата автобуска линија ќе сообраќа 8 до 9 пати во текот на денот почнувајќи од 6,15 минути, па се' до 18 часот.

http://www.utrinski.mk/?ItemID=BBFBCD966244D848B3EA0795949EBE2F

Originally posted by BOJAN Запознав еден дечко од Радуша и бев непријатно изненаден дека ова село од скопскиот регион нема автобуска линија кон Скопје, иако спаѓа под територијата на општина Сарај. Ми објасни како се снаоѓаат со превозот до Скопје, но јас не можам да ја разберам несериозноста на ЈСП. Знаете ли за некои други поголеми села околу Скопје што не се поврзани со директна линија до градот и многу ме интересира зошто.

Навистина до Радуша не оди ниту една линија на ЈСП, иако селото има околу 2000 жители. Исто така, градски превоз немаат ниту жителите на Чајлане и Семениште од општина Сарај, иако и двете имаат по 600 жители. Превоз немаат ниту жителите на Крушопек и Грчец. Е сега ним им беше битно да влезат во зоната на Град Скопје, а тоа што немат превоз не им беше гајле.

Ако самиот не си ги знаеш приоритетите, илузорно е од една фирма каква што е ЈСП, да очекуваш самата да ти излезе во пресрет.

Јавен превоз немаат ниту Танушевци и Брест и затоа не треба да чуди што очите им се свртени кон Витина.

Истиот го немаат ни жителите на Држилово, Црн Врв, Горно Нерези, Патишка Река и Палиград.



Edited by BOJAN - 31-Oct-2013 at 10:56

еве што кажуваат другите портали:

Награда за Скопје – има најдобар јавен превоз за туристи во светот?
http://faktor.mk/archives/78318?utm_source=rss&utm_medium=rss&utm_campaign=nagrada-za-skopje-ima-najdobar-javen-prevoz-vo-svetot

Скопје добитник на меѓународната награда „Градски трофеј 2013“
http://24vesti.mk/skopje-dobitnik-na-megjunarodnata-nagrada-%E2%80%9Egradski-trofej-2013%E2%80%9C


Скопје добитник на наградата City trophy 2013
http://makfax.com.mk/320766/skopje_dobitnik_na_nagradata_city_trophy_2013

17.10.2013, 12:42
Скопје добитник на меѓународната награда „Градски трофеј 2013“



ОНЛАЈН ВЕСТИ
    
17.10.2013, 12:42
Скопје добитник на меѓународната награда „Градски трофеј 2013“



Наградата, која секоја втора година ја доделува Меѓународната унија за патен транспорт (ИРУ) се доделува за јавен транспорт и групен туризам

Град Скопје ја доби престижната награда „Градски трофеј 2013“ за јавен превоз и за групен туризам. Признанието денеска во Кортрејк, Белигија го прими градоначалникот Коце Трајановски. Наградата, која секоја втора година ја доделува Меѓународната унија за патен транспорт (ИРУ) им оддава признание на локалните власти кои имплементираат проактивни политики за одржлив транспорт, мобилност и ефикасен јавен превоз.

Во конкуренција со Малме, Ковентри, Ливерпул и Виена, Скопје ја доби наградата за севкупната политика за одржливи мерки за мобилност на граѓаните и посетителите, современа сообраќајна инфраструктура и промовирање како атрактивна туристичка дестинација.

„Интернационалното жири за ’Градски трофеј‘ ги препозна напорите на Град Скопје за организирање квалитетен јавен превоз и за комплетна замена на возниот парк на ЈСП ’Скопје‘. Градот во последниве неколку години интензивно работи на подобрување на патната инфраструктура и на јавниот превоз, на збогатување на туристичката понуда, на промоција на организирани туристички посети со водичи, како и на приближување на сите туристички дестинации во Скопје и во неговата околина до посетителите“, рече Трајановски.

Ив Манерт, потпретседател на ИРУ и член на жирито потенцираше дека интернационалната жири комисија била импресионирана од сеопфатноста на досието доставено од Скопје и смета дека иако се' уште има простор за подобрување, Скопје е пример на којшто треба да се угледаат европските метрополи.

Меѓу досегашните добитници на оваа престижна награда се градовите Дрезден (Германија), Честер (Велика Британија), Стокхолм (Шведска) и Саутпорт (Велика Британија). (С.Р.)


http://www.utrinski.mk/?ItemID=247C13054A94A8478F9CA1EF07E749EF

Здраво нас сите, јас сум нов на форумот, но и во Скопје, па ќе ве молам да ми помогнете околу автобусите. Дали може да ми кажете кој автобус осве 2ка и 2а оди од Технички факултет, бул. Партизански одреди до земјоделски факултет? Дали има приватни некои?

(се извинувам доколу постот не е во соодветна тема постиран)