Градежната сезона во Битола трае е уште, а се асфалтира улицата “Стале Попов“, а беа најавени и неколку крупни проекти од инфрастурата битни за битолчани.

Деновиве се асфалтираше улицата “Стале Попов“ во населбата “Недопирливи“, а за тоа како се одвиваат работите лично во ревизија беше и битолскиот градоначалник, кој за тоа како се одвиваат работите рече:

-Имаме уште една улица оваа кај Стрчин е помалку од 400 метра и чини 2 милиони денари и една друга каде заменивме водовод и канализација и чини 2,8 милиони денари значи двете заедно нешто полжмалку од 5 милиони денари.

Работите продолжуваат и на започнатите проекти, односно се подготвува асвалтирање на улиците: “Цар Самоил“, “Девејани“, “Димче Лахчански“, “Крушево“, како и други улици.

-Продолжуваме со Никола Тесла каде сите подготовки се завршени, а работите ќе започнат од кај раскрсницата кај “Гроздот“ се до кај Уредот, каде се ќе заврши со голем кружен, ќе има уште два рече Талески.

Целта била подобрување на сообраќајната фреквенција и безбедноста на возачите и пешаците. Сообраќајната студија е завршена и помината на Совет со што решенијата кои ги нуди студијата максимално биле земани во предвид.

За “Никола Тесла“ во еден дел се појавил проблем во однос на донесување на детален урбанистички план за ценатралното јадро 10 и 16 и да се градта подземните гаражи.Тоа предвидувало реализација на спуштањето на улица под Широк Сокак што значело застој при градењето кружен тек кај Гроздот, отако деталниот план ќе се завршел ќе требало и одводната канализација во центарот да се спушти.

Наредниов период се чекала завршницата на подготовките за старт на проектот влез кај “Довлеџик“ кој би почнал од кај Педагошки факултет и ќе се реализирал до таму до кога временските услови ќе дозволуваат да се работи.

21 September 2011

Локалната самоуправа на Битола продолжува со интензивната  темелна реконструкција и асфалтитрање на битолските улици.

По завршувањето на реконструкцијата на голем број фреквентни сообраќајници во градот, локалната самоуправа, во овие топли септемвриски денови мошне интензивно работи на целосна реконструкција и асфалтирање уште на неколку градски улици од централното градско подрачје.

Деновиве завршија сите инфраструктурни работи на улицата  “Цар Самоил” до “Пецо Божиновски” и  на  потегот од местото викано “Тане бакалот” до ОУ “Стив Наумов “. Преостанува на оваа мошне важна сообраќајница за градот во наредните денови да бидат променети водоводните цевки и потоа истата да биде асфалтирана со нов асфалт.

Со тоа оваа важна сообраќајница за Битола, која претставува дел од “крвотокот“ на градскиот сообраќај целосно ќе биде реконструирана и асфалтирана со нов асфалт.

Паралелно со интензивните работи на улицата “Цар Самоил” се работи и на подготовка за асфалтирање  на улиците “Охридска” до “Пецо Божиновски” во должина од 350 метри, како и на улицата “Стале Попов” на потегот од Студентскиот дом до Стрчин. Со програмата за асфалтирање на улиците на Битола во оваа градежна сезона се одвиваат и активностите за асфалтирање на улицата “Нико Фундали”, “Север-југ” и улицата “Крушево”.

Во локалната самоуправа тврдат дека со асфалтирањето на овие улици нема да застанат активностите за целосна реконструкција и асфалтирање на улиците кои се предвидени со програмата на Советот на Општината Битола. Напротив, ќе се продолжи со активностите за реконструкција и асфалтирање на улиците се додека временските услови го овозможуваат тоа. Планот на локалната самоуправа е до наредната година Битола целосно да биде реконструирана и послана со нов асфалт, со што градот конечно ќе го добие својот вистински нов лик.