Археолошки Музеј / Архив / Уставен Суд

Нов објект на Уставниот суд

Близу хотелот „Стоун бриџ“ покрај кејот на реката Вардар ќе се гради нова зграда во која ќе бидат сместени три државни институции: Уставен суд, Државниот архив и Археолошки музеј. Премиерот Никола Груевски вчера го постави камен-темелникот за изградба на објектот, а со свечениот чин што беше проследен со света литургија чиноначалствуваше архиепископот на МПЦ г.г. Стефан. Објектот ќе биде изграден за 26 месеци.

Инвестицијата е околу 1,5 милијарда денари, а средствата ќе бидат обезбедени преку три годишни буџети. Новиот административен државен објект ќе биде во готски стил и е идејно решение на архитект Слободан Живковски.

„Приоритетен интерес е државата да располага со ефикасни, современи и успешни институции. За да очекуваме вистински резултати од нив, еден од неопходните услови е државата да инвестира во задоволувањето на просторните и инфраструктурни потреби на институциите“, рече премиерот Груевски. (Сн.К.)

@ clo 

па да де мостот на цвеќето, како и да е, многу веројатно е да станува збор за овој мост, и во таа дискусија таму предложив исклучиво монтажен висечки мост како прифатлива опција за такво нешто...

ПОСТАВЕН КАМЕН-ТЕМЕЛНИКОТ НА ЗГРАДАТА НА ДРЖАВНИТЕ ИНСТИТУЦИИ

По повеќе од половина век зграда за Уставниот суд

Идејниот архитект на зградата на државните институци, вели дека местото како и композицијата на објектот произлегува од урбанистичко просторните можности на локацијата која соодветствува со самата намена на објектот

Административна зграда со досега некарактеристично забележана идејна архитектонска изведба ќе биде објектот кој ќе го краси левиот дел од престолнината поточно кај Стопанска банка, изминатиот ден започна да се гради од другата страна на плоштадот Македонија. Зданието во кое за две и пол години ќе се сместат и трајно решат просторните проблеми на Уставниот суд, Државниот архив како и Археолошкиот музеј на Македонија, со пригодна манифестација и богослужба, камен-темелник вчера постави премиерот Никола Груевски во присуство на претседателот на Уставниот суд Трендафил Ивановски, г.г. Стефан, идејниот архитект Слободан Жифковски и други присутни претставници од Владата.

Премиерот Никола Груевски пред присутните изрази задоволство, но и ветување на испочитување на градежните рокови околу финалниот производ.
- Наш приоритет е државата да располога со современи и успешни институции. Институции кои ќе бидат вистински државен репрезент во вистинска смисла на зборот. Органи кои ќе можат правилно и соодветно да одговорат на сите нивни задачи и цели.

Со ова ќе се реши еден сериозен проблем кој верувам со инвестирање на државата во просторно решение ќе се подобри и нивната ефикасност, изјави Груевски.
Претседателот на Уставниот суд Трендафил Ивановски рече дека конечно ќе се реши просторниот проблем на судот. Тој напомена дека Уставниот суд, конечно, по повеќе од половина век функционирање ќе добие своја зграда.

Слободан Живковски, идејниот архитект на зградата на државните институци, рече дека местото како и композицијата на објектот произлегува од урбанистичко просторните можности на локацијата која соодвестува со самата намена на објектот.
- Стилот е последица на некоја методологија, која ние несвесно сме заборавиле дека е присутна. Цела западна цивилизација има токму методологија да се градат вакви значајни објекти на стратешки позиции. Главната тема на овие објекти е да се направи државна индетификација. Непосредната близина на Камениот мост, Калето, како и некои други зданија симболи на градот кои ја потврдуваат токму оваа теза која ја применив при изведбата на овој објект, историцизмот. Имено, Живковски досега има вмешано свои идејни решенија во повеќе архиктектонски објекти низ Скопје. Еден од побитните, според него, е и Бизнис центарот Соравија, до Градскиот трговски центар.

Инаку, изградбата на Административната зграда ќе биде финансирана од Владата со 1,5 милијарди денари, средства распределени од три буџети, која според градежните планови ќе треба да биде завршена за 28 месеци.