Јавен автобуски превоз (општо)

Советот на град Скопје одобри 50 милиони денари како субвенции за Јавното сообраќајно претпријатие „Скопје“. Во образложението стои дека финансиската помош е потребна поради тоа што претпријатието врши превоз по бенефицирани цени на патници кои се социјални категории, како студентите, учениците, пензионерите и корисниците на годишни билети од буџетските институции. На тој начин ЈСП не може да ги покрие реалните трошоци од редовното работење и затоа постојано бележи загуби, се вели во образложението. Градоначалникот Трифун Костовски смета дека во субвенционирањето на ЈСП треба да се вклучи и централната власт. - Наместо ветувања за 300 или за 100 автобуси, треба системски да се реши прашањето со јавните претпријатија - нагласи Костовски.

http://www.vreme.com.mk/DesktopDefault.aspx?tabindex=2&tabid=1&EditionID=1544&ArticleID=101726

ЈСП ќе побара повисока цена за 28 отсто

Барањето за поскапување на превозот идната недела ќе се најде пред УО на претпријатието

Јавното сообраќајно претпријатие „Скопје“ ќе побара зголемување на цената на јавниот градски превоз за 28 отсто и тоа линеарно на сите билети. Барањето уште идната недела ќе се најде пред Управниот одбор на претпријатието, кој ќе треба да го разгледа и да одлучи дали да побара поскапување од Советот на Скопје. По ова прашање, УО еднаш веќе одлучувал, кога го одбил барањето за зголемување на цената за 31 отсто. Сегашното барање, кое е за 3 проценти помало од претходното, се појаснува со последното поевтинување на нафтата.

Александар Бошковиќ, првиот човек на ЈСП, вели дека, независно од актуелниот пад на вредноста на нафтата, претпријатието цели две години не е променета цената на билетите. Последното поскапување се случило кога цената на нафтата изнесувала 38 денари за литар, што значи дека со сегашните 74 денари за литар за нив нафтата е поскапена за 100 проценти.

„Цената на нафтата влегува со 38 отсто во цената на билетот, а од вкупниот приход што го остварува ЈСП, 97 проценти се од билетите. Од нив, 40 отсто оди на плати. На колективните билети отпаѓаат 70 проценти, а токму од нив како од привилегирани билети годишно губиме од 250 до 300 милиони денари. Таа разлика треба некој да ја плати, а во светот практика е тоа да го прави државата. Така би требало да биде и кај нас, бидејќи ЈСП не може да биде носител на социјална политика. Како претпријатие кое работи врз принцип на самофинансирање, ние сме единствени во светот“, објаснува Бошковиќ.

Тој додава дека благодарение на субвенциите од Градот во висина од 60 милиони денари навреме биле обезбедени и платите на вработените кои засега се редовни и не доцнат. Но, со стар возен парк се потребни средства и за многу други намени, како за резервни делови, за средства за подмачкување, а сега во зимски услови и за антифриз.

http://utrinski.com.mk/?ItemID=CF0608EAE2B0D841AD385CFE6FB5673E