Патна мрежа (општо)

Арсен Колевски - Македонско Сонце - 26.9.2008

Патна врска на источна Македонија со Скопје

М-р Љубомир Тодоровски, градежен инженер, Скопје

За поврзување на источна Македонија со Скопје, покрај постојната патна врска преку Велес, подолго време се инсистира за изградба на патна врска преку Свети Николе. На надлежните од општините од источна Македонија како најзаинтересирани, им се давани податоци дека патната врска преку Свети Николе во споредба со врската преку Велес ќе била покуса за повеќе од 20 километри, што е апсурд. Ваков податок е искажан и во дел од печатот.

Меѓутоа, вистинската состојба е многу поразлична. Имено, должината од клучката „Кадрифаково“ до клучката „Хиподром“ (како заеднички за сите варијанти), сега по постојниот пат изнесува 63,63 км. Со изградбата на делот од клучката „Младост“ („Отовица“) до клучката „Кадрифаково“, за која постои техничка документација и која требаше да има приоритет пред поодамна изградената трета лента Велес - Велешко Брдо, и со реконструкцијата на делот Каратманово - Кадрифаково што е неминовно, оваа должина ќе изнесува 56,60 км.

За делницата од Свети Николе до Миладиновци е изработена техничка документација, а должината изнесува 33 километри, односно вкупната должина од Кадрифаково до Хиподром ќе изнесува 55,54 км. Оваа разлика не е повеќе од 20 километри, туку е само еден километар. Ако се има предвид дека превалецот кај месноста „Кула“ (врска преку Велес) е со кота 476 м, а превалецот помеѓу с. Малино и с. Сушица (врска преку Свети Николе) е со кота 600 м, не само што се компензира разликата, но по однос на должината врската преку Велес станува поповолна.

Како друга можна врска од Свети Николе кон Скопје е разгледувана варијантата Свети Николе - Џидимирци (или Крушје) - Катланово. И оваа варијанта е со иста вкупна должина и со слични релјефни услови, но за изградба делот е покус за околу шест километри.

Делницата Кадрифаково - Велес (клучка „Отовица“) е со значително поголем приоритет од врската Свети Николе - Миладиновци или Свети Николе - Катланово, бидејќи, како што е напомнато, се обезбедува практично иста должина, а релјефните услови овозможуваат со помали инвестиции да се изгради пат со подобри технички елементи.

Со изградбата на делницата Кадрифаково - клучка „Отовица“ и со продолжување со изградбата на започнатиот и запоставениот (за сметка на ниту технички ниту економски и оправдана градба на трета лента на патот Градско- Прилеп), пат Велес - Прилеп, се обезбедува најповолна патна врска на источна Македонија и кон Скопје и кон западна Македонија.

Треба да се истакне дека само на градот Свети Николе и на населбите северно од Овче Поле, врската преку Велес им е подолга за околу 20 километри отколку преку Миладиновци или преку Катланово. За да се подобри врската на Свети Николе со Скопје, треба за изградба да се избере поповолната од овие две варијанти, со технички елементи што ќе одговараат на сообраќајните потреби.

Владата почна со програмата за обнова на патиштата во земјава. Вчера е распишан тендер за единаесет регионални патишта Илинден - Калуѓерец, Ржаничино - Овче Поле, Лакавица - Дреново, Давидово - Раброво, конекција - Кратово - конекција М-5, Струга - Дебар, Макази - Долно Дупени (граница со Грција), Прилеп - Кичево и Прилеп - Кривогаштани, потоа Превалец - Смојмирово, како и Струмица - Нов Дојран - Дојран (граница со Грција).

Овој проект е финансиран од Светската Банка со 70 милиони евра и ќе се реализира во следните три години. Во моментов се водат разговори со Европската банка за обнова и развој за обезбедување на 50 милиони евра за реконструкција на други патишта од регионалната мрежа.
Инвестициите за локалните патишта, пак, ќе бидат реализирани во соработка со општините. Во земјава има 8.995 километри локални патишта, а вкупниот предвиден износ од 34 милиони евра ќе им биде распределен на сите 84 општини врз основа на формула и критериуми што се утврдуваат заедно со Заедницата на локална самоуправа - ЗЕЛС.

Катерина Панова Илиевска, портпарол на Агенцијата за државни патишта вели дека има голем интерес од општините и оти за првата фаза (вкупно се пет), аплицирале 30 општини со над 80 проекти.

http://vecer.com.mk/?ItemID=293E95D8486B7E40BE25E38CD7005D75

Веројатно се мисли за и коридорот 10 и коридорот 8 заедно!

А пак за кој проект ќе бидат тие 285 милиони.

Текстов е малце конфузен, но го постирав тука пошто се спомнаа некои цифри и затоа!

ТЕНДЕР ЗА ИЗГРАДБА НА НОВ ПАТ

Манастирот на Тоше "Св. Преображение" ќе се поврзе со крстот

Министерството за транспорт и врски, денеска треба да го објави тендер за изведување на градежните работи за изградба на патот кој што ќе го поврзува манастирот "Св. Преображение" во Крушево со локацијата на која ќе биде изграден крстот. Како што информираат од Министерството, патот треба да биде долг околу 823 метри, широк 3,5 метри и со банкини од 50 метри. Финасирањето на патот е во надлежност на Владата.

Камен-темелник на автопат Куманово-Табановце

Од Куманово до граничниот премин Табановце за 1,5 година ќе се вози по автопат. Камен-темелникот на новото автопатско решение, со должина од 7,6 километри, беше ставен во саботата и него ќе го гради австриска фирма. Парите за делницата во висина од 720 милиони денари се обезбедени од буџетски средства и од заем на Светската банка.

Министерот за транспорт и врски, Миле Јанакиески и директорката на Агенцијата за државни патишта, Наташа Валкановска оценија дека со изградбата на делницата се очекува да се подобри протокот на возила и да придонесе за економски развој.
- Со ова продолжува реализацијата на програмата на Владата за изградба на Коридорите 8 и 10, како и на други приоритетни патни правци за подобрување на комуникацијата не само на домашниот, туку и на меѓународниот транспорт - рече Валкановска.