Разни помали проекти

 Викенд зона - со новиот Генерален план на град Крушево предвидена е Викенд зона на терените источно и западно од браната на вештачкото езеро и во непосредна близина на Спортско Рекреативен Центар - Гумење и зафаќа површина од 7.32ха. За истата е изработен Детален урбанистики план со кој се пристапи кон продажба на локациите и изградба на објекти. Викенд зоната со своите содржини, објектите за повремено живеење, одмор и рекреација, објекти за пансионско сместување на туристи и објекти за комплементарни дејности се очекува да ја збогати туристичката понуда на градот. Зоната има можност за приклучок на градската водоводна , канализациона и електрична мрежа, а до неа води асфалтен пат. Огласот за продажба на локациите тече и продадени се вкупно 20 локации за викенд куќи.

 

- Ски центар Мусица - скијачките терени на врвот ,,Мусица,, се наоѓаат на 1850 надморска висина, овозможуваат прекрасни услови за развој на зимски туризам. Теренот го образуваат наизменично гребени и котлини кои се во најголем број пошумени, но кои кријат и неколку убави ледини. Падините се протегаат главно кон исток и со својот пад од околу 30% тие се пристапни скоро за сите категории на скијачи. Тоа се најинтересните терени на три километри од градот. Денивелацијата на терените се движи од 200 до 600 м. со должина од 600 до 2000 м. и пад од 24% до 38%. Во тек се подготовки за изградба на асфалтен пат во должина од 6 км до манастирот Св. Преображени и 110 kw тарфостаница со електричен далновод. Овие два инфраструктурни зафатии се очекува да се реализираат во текот на летниот период