Административна зграда на ЕЛЕМ на ул. Македонија

Еве како треба да биде според предложениов Мал Ринг (за кој не треба да има никаква дилема дека ќе биде усвоен). Ова се сообраќајниците кои доаѓаат во контекст на дискусијава

Со ЖОЛТО се обележани деловите кои одат по површина

Со ПОРТОКАЛОВО се обележани деловите кои понираат

Со ЦРВЕНО се обележани подземните делови

Проблемот е кај тесниот дел на Даме Груев (сегментот бр.1 на мапата) и особено кај зградата што сосема навлегува во трасата (стрелка бр.2 на мапата). Тротоар со ширина од 1,5 метри таму е апла несериозно. Исто така несериозно делува порано спомнатиот план за рушење на столбовите на пролазот на зградата што пречи и нејзино потпирање со некаква си конструкција. Сето тоа за сепак да завршиме со тесно грло?

Не знам зошто не можат да сватат дека со спуштање под земја на еден краток сегмент ем ќе го решат проблемот со тесното грло, ем нема да мора да се прават глупости кај зградта, ем ќе се реши пешачкото преминување на Даме Груев кај Улица Македонија и пошироко (што ќе биде особено важно бидејќи во иднина ќе биде булевар со 4 ленти). Ако веќе им текна за Димитрија Чуповски, требаше да им текне и за Даме Груев!

2.

Еве како мислам дека е повеќе од логично да се реши Даме Груев (плус малку вон границите на Мал Ринг). Дел од Даме Груев се спушта под земја и со тоа се решаваат проблемите со „протнување“ на 2х2 профил на критичниот сегмент. А за обезбедување на континуитет на Улица Македонија како пешачка зона, создавање на плато/плоштад пред стара железничка и поврзување на главната пешачка зона со идната пешачка зона зад и околу стара железничка (Рамстор, Еквест Мол, Радисон, други комерцијални и деловни содржини...) ќе треба истото да се направи и со дел од Мито Хаџивасилев Јасмин и нејзината врска со Даме Груев (сега трет сегмент на Улица Македонија, а тогаш кратка подземна улица со две ленти, под пешачката зона). Сето ова речиси целосно може да се изведе "cut & cover".

Доколку сето друго се реализира како што треба, немам нешто посебно за или против задржување на врската кај Рекорд (се разбира денивелирана, како што ја зацртале). Има и позитивни и негативни аспекти... мислам дека не е грешка ниту едното ниту другото решение. Дури мислам дека нејзино задржување е за нијанса подобро решение отколку укинување. Но повторно нагласувам, не смее да биде пречка или оправдување за нереализација на Даме Груев со 2х2 по цела должина и со подземен сегмент под Улица Македонија.

Патем јас не сум воопшто оптимист. Градоначалникот ќе мора да игра како што му свири владата која ја интересираат претежно глупости, а не вакви инфраструктурни проекти. По се изгледа овие сообраќајни решенија (сите подземни, не само ова) ќе мора да ги оставиме за некои подобри времиња. Но важно е и сега да бидат правилно испланирани.