Пешачки зони и помали плоштади (општо)

Со ослободувањето на концентрациониот логор на смртта од Втората светска војна, кампот Аушвиц-Биркенау во окупирана Полска, започнува крајот на едно од најмрачните историски поглавја.
По повод одбележувањето на Меѓународниот ден на сеќавањето на Холокаустот, Фондот на холокаустот на Евреите од Македонија на Општина Центар ѝ донираше 20 садници од типот Prunus Serrulata ‘Kanzan’ (тн. Јапонски цреши).
Декоративните дрва веќе ги засадивме на Сквер Јадран, а по целосно завршување на проектот околу реконструкција на скверот, општината ќе постави и спомен-плоча во знак на благодарност за донацијата, но и за сеќавање на најстрашниот период од 20-тиот век.







https://www.facebook.com/sasha.bogdanovikj

Сквер Јадран(12.01.2021)од фб

Корзото во Ѓорче Петров уште малку, па готово

Во Ѓорче Петров, веднаш до реонскиот парк, се оформи нов јавен простор, односно корзото, чија изградба градоначалникот Александар Наумоски ја најави уште во својата предизборна програма. Целта според него беше, со враќањето на корзото, со современ изглед и содржини, да се врати стариот дух на Ѓорче.

Деновиве од Град Скопје информираа дека граѓаните на Ѓорче Петров добија ново корзо со економично улично осветлување, поплочено со павер елементи и калдрма, со бетонски жардиниери, нов амфитеатар, како и деловни објекти наменети за угостителска дејност.

– Ова е уште еден нов јавен простор во Скопје за секојдневни прошетки на граѓаните и квалитетно поминато време со најмилите – објавија од Градот.

Граѓаните се со поделени мислења околу изведбата на овој проект – едни сметаат дека просторот е убаво уреден, пријатен за прошетки, но други велат дека во Ѓорче Петров има многу поприоритетни проблеми за решавање отколку изградбата на корзото.

Сепак, корзото сѐ уште не е докрај завршено и не е пуштено во официјална употреба, иако последниот рок за тоа измина во март минатата година.

– Корзото е голем капитален проект, со кој се зафати Општина Ѓорче Петров. Поради корона-кризата, роковите за негово официјално пуштање во употреба се пролонгирани и продолжени, но очекуваме наскоро да биде целосно во функција. Корзото и сега е функционално, поплочено, средено и урбано место, како што доликува за една урбана општина – велат од Општината.

Оттаму објаснуваат дека реализацијата на овој проект се одвива во три фази. Досега се завршени две, а во тек е третата, односно осветлувањето во концентрични кругови што ќе бидат распространети на централната плочка во должина на целата улица, по што од Ѓорче Петров очекуваат корзото да биде официјално пуштено во употреба.

Изградбата на корзото е реализирано со средства од буџетската каса и со заем од Светска банка.

– За првата фаза се вложени финансии од општината во износ од 4.981.939 денари, втората фаза е заем од Светска банка во износ од 14.262.153 денари, а за третата исто од општинскиот буџет во износ од 5.078.945 денари – прецизираат од Ѓорче Петров.

Општина Ѓорче Петров уште во 2018 година објави конкурс за избор на идејно решение за шеталиштето, за дизајнирање четири типски монтажни објекти, за дизајн на улични светилки и канделабри и за дизајн на клупи, корпи за отпадоци и заштитни столпчиња. Една година подоцна започна изведбата на првата фаза во која се расчистуваше теренот, се отстрануваше калдрмата и бетонските елементи од тротоарите, а се постави и подземна инсталација и се нивелираше земјиштето. Минатата година во рамките на втората фаза просторот е поплочен и раззеленет и ставена е урбана опрема, па сега останува уште предвиденото осветлување во концентрични кругови.

https://www.slobodenpecat.mk/korzoto-vo-gorche-petrov-ushte-malku-pa-gotovo/

Со кој памет вака ги заробуваат дрвјата?

ОПШТИНА ЃОРЧЕ ПЕТРОВ ДОБИ НОВ ЈАВЕН ПРОСТОР – МОДЕРЕНО И СОВРЕМЕНО КОРЗО
Граѓаните на Ѓорче Петров добија ново корзо со економично улично осветлување, поплочено со павет елемнти и калдрма, со бетонски жардиниери, а во склоп се изгради и нов афмитеатар, како и деловни објекти наменети за угостителска дејсност.
Ова е уште еден нов јавен простор во Скопје за секојдневни прошетки на граѓаните и квалитетно поминато време со најмилите.









https://www.facebook.com/CityofSkopje

Е да бе, да нема после анекси и нови тендери за поправка на истата улица по 2 години. Многу паметни се правите

Ќе се издвојат 1.400.000 евра за уредување на кеј „13 Ноември“

Градот ќе издвои 88.652.221 денари или околу 1.400.000 евра за уредување на кејот „13 Ноември“, на потегот од хотелот „Холидеј ин“, до Градскиот плоштад.

Како што информираат градските власти, со овој проект е предвидена реконструкција и менување на изгледот на пешачката патека, која е во катастрофална состојба и не е реконструирана повеќе декади.

-Со проектот се предвидуваат подготвителни работи (отстранување на постојниот партер, столбови од осветлување, дел од тераси и киосци…), земјени работи, поставување на нов партер со пет типови на плочки, ново остветлување, урбана опрема, жардиниери, хидраулични столпчиња, реконструкција на атмосферска, канализациона и водоводна мрежа и слично – одговорија од Градот.

И скопскиот градоначалник Петре Шилегов, на прашање од новинари, какви активности ќе се преземат, со оглед на тоа што ќе се даде голема сума пари и зошто е неопходно да се реконструира Кејот „13 Ноември“, образложи дека целосно ќе се смени изгледот на пешачката патека на потегот од хотелот „Холидеј ин“ до градскиот плоштад и ќе се преземе целосно ново уредување, со тоа што ќе биде целосно изваден партерот, ќе се постави нова опрема, а просторот хортикултурно ќе се уреди.

-Овој кеј не е уредуван повеќе од 25 години и ќе биде во полн сјај, онаков каков што скопјани заслужуваат – дециден е Шилегов.

Градежните работи ќе ги реализира Друштво за градежништво и градежно занаетчиски работи „Спектартермо“ ДОО Скопје.

Рокот на изведба е 120 дена, од почетокот на градежните работи.

https://www.vecer.press/ќе-се-издвојат-1-400-000-евра-за-уредување-на-к/

ај па здравје после 5 години пак нов Сквер Јадран да правиме

Скверов беше реновиран пред нема 9 години...сега пак нов лик

Koj bese gradonacalnik (Kradonacalnik) na opstina centar vo 2015?