Гасификација

Message Topic Search Topic Options Post Reply Create New Topic Printable Version

малџиски муабет това за мускулите братко, ама за тоа дека америте ќе гледаат се да направат за да го саботираат руското влијание на балканот тоа е сигурно, но не за долго со оглед дека и тие си имаат други проблеми та во дадени околности сите конци неможат да ги држат во раце, а овој со гасовод им е битен геостратешки. но не е се толку во руска пенетрација на балкан колку во осигурана енергетска стабилност на европа од повеќе страни, со тоа европа не само што би се стабилизира енергетски туку и економски што пак го јакне долгорочно еврото а го слабее доларот

23.04.2015 - Турски тек“ ќе се гради во согласност со европските закони Сè поизвесна изградбата на новиот гасовод

Шефот на „Газпром“ по разговорите со грчкиот премиер Алексис Ципрас изјави дека руско-европски конзорциум на бизнисмени ќе обезбеди средства за изградба на гасоводот „Турски тек“. Од друга страна, пак, вчера Европската комисија отвори истражна постапка против рускиот гигант, обвинувајќи го за злоупотреба на доминантна положба на енергетскиот пазар

ГРЦИЈА И РУСИЈА СЕ ДОГОВОРИЈА

Грција и Русија се на чекор до потпишување договор за изградба на инфраструктура на гасоводот „Турски тек“ што од турската граница ќе поминува низ грчката територија. Шефот на „Газпром“, Алексеј Милер, по разговорите во Атина со грчкиот премиер Алексис Ципрас изјави дека руско-европски конзорциум на бизнисмени ќе обезбеди средства за изградба на гасоводот „Турски тек“, кој ќе завршува во Грција со терминал за натамошна дистрибуција на гас во Европа. Русија гарантира транзит на 47 милијарди кубни метри гас годишно до европските потрошувачи преку инфраструктура што треба да се гради.

- Грчката влада го поддржува проектот што вклучува изградба на инфраструктура за транзит на гас од границата со Турција, која би можела да ја спроведе руско-европски конзорциум - изјави Милер по разговорот Ципрас.

ДОГОВОРОТ ЗА ГАС КЛУЧЕН ЗА ГРЦИЈА

Милер за телевизискиот канал Росија 24 истакна дека цената на грчкиот дел од гасоводот „Турски тек“ ќе изнесува две милијарди евра и дека гасоводот ќе биде реализиран во согласност со европските закони.

Според министерот за енергетика на Грција, Панајотис Лафазанис, спогодбата за изградба на гасовод е планирано да биде потпишана во следниве недели.

„Њујорк тајмс“ по средбата пишува дека разговорите меѓу Атина и „Газпром“ доаѓаат во клучен период и во време кога на земјата ѝ снемува готовина.

- Русија и Грција имаат финансиски и политички причини за одржување вакви дискусии. Во случајот на „Газпром“ тоа ќе биде обид да се продолжи да се бара влезна точка во Европа за природен гас што ќе ги заобиколи гасоводите што поминуваат низ Украина, која сега ѝ е непријател на Русија. За Грција, гасоводот теоретски може да генерира милијарди евра годишно во приходите. Но, на пократок рок, Владата на Ципрас продолжува да сигнализира дека може да се сврти кон Русија ако Грција, која е опасно блиску до снемување пари, не може да воспостави нови односи со своите европски кредитори - пишува „Њујорк тајмс“.

Според весникот, дури и да биде постигнат договор, гасоводот што треба да пренесува руски гас за Европа преку Турција и Грција ќе се соочи со голем број политички и регулаторни пречки.

ЕВРОПА ГО ОБВИНИ „ГАЗПРОМ“

Целата ситуација се отежнува по вчерашното обвинение од Европската Унија до „Газпром“ за злоупотреба на доминантна положба на енергетскиот пазар. 

Официјален Брисел тврди дека руската компанија под државна контрола им го ограничува правото на земјите-кориснички на гасот да го препродаваат и дека им наметнува нефер цени на некои земји што се членки на ЕУ. Обвинетиот „Газпром“ сега има право да одговори на ваквите тврдења од Европската комисија во рок од 12 недели.

ЕК уште пред три години навести дека ќе ја истражува работата на „Газпром“ на европскиот пазар и во земјите од ЕУ, но Москва уште тогаш тврдеше дека ваквата истрага е политички мотивирана.

Од Брисел веруваат дека обвинувањата на ЕК ќе предизвикаат натамошно влошување на и онака силно нарушените односи меѓу Русија и Западот, по избувнувањето на украинската криза.

Од руската компанија веднаш по објавата на Европската комисија реагираа со соопштение наведувајќи дека обвинувањата од ЕК кон „Газпром“ се неосновани. Приговорот на ЕК во овој случај е само една етапа од антимонополската истрага и не значи дека „Газпром“ е прогласен за виновен за кршење на антимонополското законодавство во ЕУ.

- „Газпром“ строго се придржува до сите норми на меѓународното право и законодавството во земјите во кои групацијата е активна. Дејствувањето на групацијата на пазарот во ЕУ, вклучувајќи ја и примената на принципите за формирање на цената на гасот, ги исполнува стандардите што ги користат и другите производители и извозници на гасот - се вели во соопштението на руската корпорација.         

САД подготвуваат противпонуда за Грција

Државниот секретар на САД, Џон Кери, најави дека САД ќе направат противпонуда за Грција, која преговара со Русија за гасоводот „Турски тек“ со финансиски придобивки.

Министерот за надворешни работи на Грција, Никос Коѕиас, во интервју за агенцијата АП изјави дека веќе за неколку дена на разговори во Атина ќе дојде Амос Хохштајн, специјалниот претставник од Стејт департментот за меѓународни работи за енергетика. Министерот Коѕиас во интервјуто позитивно го оценил предлогот на Русија таа да инвестира во гасоводот во Грција и рекол дека преговорите за гасоводот „Турски тек“ се од економска, а не од политичка природа. Грција, според спогодбата со Русија што ја навестува, во кеш би добила аконтација од идниот профит од гасоводот и со тоа десет години би добивала гас по повластена цена.

- „Газпром“ ни направи многу добра понуда - изјави Коѕиас.

http://novamakedonija.com.mk/NewsDetal.asp?vest=42315937478&id=10&prilog=0&setIzdanie=23451

инаку сега со најавата за резервирање поголеми количини гас и за грците освен турците, веројатно и повеќе цевки да пуштат русите паралелно, всушност првата цевка за Турција е со капацитет од 16 м.м3 [1] 

откако турците не се пишманат, а грците ги поткупуваат тоа америте со контра понуда, единствено ние им остануваме како последен адут за некаква предвремена саботажа, а за ота им треба мекотелна власт во земјава која доколку неможат да ја обезбедат со внатрешен куршлус многу веројатно да пробаат да ја бркаат преку надворешен, но реално сега нема особено поволнји услови за тоа и да бидне случај, иако се надеваат дека комбинација од двете би довеле до пресврт, но освен нови избори на кои очигледно е дека повторно дпмне ќе победи немаат да добијат друг резултат, а ним пак бидејки јасно им е дека штом турците и грците би прифатиле да се фатат на оро логично е дека и ние тоа ќе го направиме, во најмала рака како адут за ценкање околу евро-интеграциите та посекако нема безрезервно да поолтрончат пред америте, иако мошне веројатно во небрано ќе ретерираат но сепак не се истрчуваат ко сдсм во минатото да на секој ишарет приклонуваат глава иако ко надворешна политика легитимен начин на преживување, во принцип и да проааѓа тука некоја цевка та и да имаме добра количина гас на располагање за потрошувачка немаме никаква гаранција дека утре некој тоа нема да го саботира 

Мирослав Лазански, српски воено-политички аналитичар

23.04.2015 - Гошинце е прв чекор во дестабилизирачката стратегија зад која стои Америка

САД сакаат дестабилизација во Македонија, Aлбанците во земјата не можат да направат ништо сами без поддршка од Вашингтон, а и немаат потреба по потпишувањето на охридскиот Рамковен договор, вели за „Дневник“, српскиот воено-политички аналитичар, Мирослав Лазански.

Инцидентот на караулата кај липковско Гошинце, според Лазански, е почеток на дестабилизација на Македонија, која стратешки е испланирана од Америка, а причината е гасоводот „Турски тек“.

Тоа е логиката: ако гасоводот од Русија дојде до Турција, ако поминува низ Грција, Македонија е таа што треба да пресече, и да ја одобри идната траса на гасоводот. Ова на Вашингтон не му одговара да успее. Затоа сака да ја дестабилизира Македонија за да не може проектот да се спроведе. Му испраќаат порака на Скопје да пази што одлучува - смета Лазански.

Се` се случува поради „Турски тек“

Ова негово тврдење се поклопува со неодамнешната средба на грчкиот министер за надворешни работи Никос Kоѕијас со американскиот државен секретар Џон Kери, на која Kери му рекол дека САД се подготвени да направат контрапонуда на таа на руски „Газпром“, за инвестирање во гасовод во Грција. Ова го изјавил самиот Kоѕијас во интервју за Асошиетед прес. Грчкиот министер рекол и дека претставник на Стејт департментот за меѓународни енергетски прашања ќе дојде во Атина во некој од следните неколку дена, со цел да ја објасни понудата на САД. Инаку Kоѕијас ја оценил понудата на руски „Газпром“ како „многу добра“. 

Познавајќи ја добро и постојано следејќи ја состојбата во Македонија, според Лозански, не е можно иницијативата за предизвикување меѓуетнички конфликти во Македонија да потекнува од Албанците, оти сите права им се гарантирани со договорот по војната во 2001 г. Од кој агол и да се гледаат причините, вели Лазански, никако не водат кон Албанците во Македонија, тие едноставно немаат потреба да ја дестаблизираат земјата сега.

Но Вашингтон има причина. Јасно е како ден кого избраа Американците за свој стратешки партнер во Југоисточна Европа. Тоа не се ниту Србите, ниту Бугарите, ниту Македонците, а најмалку Грците. Просто речено САД ги одбраа Албанците, оти преку нив може многу лесно да ја дестабилизираат и Србија, и Македонија, па и Грција, објаснува српскиот аналитичар.

Брисел е помалиот брат на Вашингтон

Според Лазански, изјавите што изминативе недели ги повторува албанскиот премиер Еди Рама, во кои нагласува дека неминовно ќе се прецртуваат граници на Балканот, а при тоа нема реакција од Брисел,уште помалку од Вашингтон, се само потврда на неговите тези.

Молкот од Брисел сe` кажува. Секому е јасно дека Брисел е помладиот брат на Вашингтон, и секогаш го слуша што овој зборува и како треба да се однесува. Затоа ЕУ не реагира на пораките на Рамаи на крајот се води кон базата: дека преку стратешките партнери во ЈИЕ и Балканот - Албанците, Западот ги остварува сите свои цели - завршува Лазански.