• Македонија

Премиерот Никола Груевски денеска ја пушти во употреба спортската сала во Основното училиште „Дитуриа“ во општината Сарај.

Салата, за чија изградба од државниот Буџет се издвоени 22 милиони денари, е со капацитет од 500 седишта и е целосно опремена за практикување на повеќе спортови, како кошарка, одбојка, гимнастика, ракомет,...

Премиерот Груевски најави дека Владата ќе продолжи да инвестира во проекти што ќе придонесат кон подобрување на квалитетот на граѓаните на општина Сарај.

- Преку Агенцијата за државни патишта планирана е реконструкција на два патни правци, едниот од Сарај до село Љубин во должина од 2,3 километри, а вториот од село Рашче до село Копаница во должина од околу три километри, информира Груевски.

Тој посочи дека во тек е градбата на две фудбалски игралишта во селата Љубин и Долно Свиларе, а во првата половина на идната година предвидена е и изградба на две повеќенаменски игралишта во селата Шишево и Радуша.

Кај кого е клучот од новата сала во ОУ „Х. Т.-Карпош“?

Деспина Трајковска

Со полчасовна блокада на улицата „Орце Николов“ пред училиштето „Христијан Тодоровски-Карпош“, вчера група граѓани и ученици побараа Министерството за образование да им ја пушти во употреба спортската сала, која како дел од проектот за изградба на 145 спортски сали е готова речиси половина година. Се заканија дека доколку во рок од 15 дена на учениците, конечно, не им биде овозможено користење на спортскиот објект, ќе организираат секојдневни блокади на околните крстосници.

„Министерот за образование, очигледно, не е добро информиран, па вели дека Општината е таа што е пречка за отворање на салата. Напротив, таа ги завршила сите свои обврски во проектот, туку, очигледно, премиерот е тој што треба да закаже термин за предавање на објектот во употреба“, рече вчера Лидија Јеремиќ, од Одборот на родители од осмолетката „Х.Т.Карпош“.

Од Министерството за образование, пак, најавуваат дека салата ќе стане функционална во скоро време. Се правдаат дека иако е изградена пред речиси половина година, досега не била пуштена во употреба, бидејќи чекале Општината да го направи приклучокот на топлификационата мрежа и да изврши технички прием.

„Од Општината се правдаа дека немаа финансиски средства за приклучокот на парно, па одлучивме ние да ја преземеме таа одговорност, иако дефинитивно, тоа требаше да го стори локалната власт. Потоа, извесен период чекавме и за употребната дозвола за објектот, па токму од тие причини работите малку се пролонгираа“, рекоа вчера од ресорното Министерство и најавија дека салата ќе биде предадена во скоро време.

Прозваниот градоначалник, Стевчо Јакимовски, вчера негираше дека Општината била причина за доцнење на проектот. Посочи дека Карпош навремено ги завршила своите обврски, односно ги извела водоводните и електричните приклучоци и ја изградила соодветната канализациона инфраструктура.

„Од Министерството ме изненадија со правдањата и префрлањето на вината, очигледно, заборавиле дека приклучокот за топлификација беше нивна обврска“, рече Јакимовски.

Инаку, со отворањето на салата, едно од најстарите училишта во Скопје, конечно, ќе добие соодветен објект за одвивање на наставата по физичка култура. Учениците во изминативе години вежбаа во импровизирани училници, што за наставниците е поразителен факт ако се има предвид дека токму денеска училиштето слави голем јубилеј, 55 години од постоењето.

Над 2500 ученици од Гимназијата "Кирил ПејчиновиЌ" од Тетово од денеска со надеж  дека наскоро ќе имаат простор за спортување.

Во гимназискиот двор започна градбата на новата спортска сала. Се работи за реализација на уште еден сегмент од проектот на Владата за изградба на спортски објекти.

За оваа намена издвоени се 36 милиони денари, рече претседателот на Владата на РМ, Никола Груевски, кој и го означи стартот на изградбата. На свеченоста присуствуваа и министрите Тодоров, Адеми и Бесими, пратеници и преставници на локалната власт.

До сега во Тетовско нови спортски сали добија  Брвеница и Жеровјане, наскоро треба да биде завршена и изградбата на салата во Медицинското училиште, а како што најави премиерот, секое средно училиште во регионов ќе добие спортски објект. /крај/сс/ач                                                                                                                                            http://www.time.mk/read/NONE/b89f4b04ac/index.html