California Resort Gevgelija

Светски брендови ќе градат хотели во Гевгелија

Сузана Тасева

Вака треба да изгледаат хотелите на светски познатите брендови „Шератон“ и „Калифорнија ресорт“ во македонскиот Лас Вегас, во близина на граничниот премин Богородица.

Брендот на „Шератон“ го откупила турската компанија „Принцес“, која веќе има одобрение за градба на хотел со казино.

Во хотелско трговскиот комплекс на „Калифорнија ресорт“, ќе инвестира австралиски бизнисмен со грчко потекло.

Словенечката „Терма Олимија“ е новото инвестиционо име во бањскиот туризам.

Трите инвестиции тежат вкупно 100 милиони евра, а ќе обезбедат нови 1.000 работни места.

Како локалната власт го реши проблемот со земјиштето, каде треба да се градат хотелските комплекси?

„Бидејќи се судривме со проблем, како да се дојде до државно земјиште, еден дел од инвеститорите веќе поседуваат, купија приватно земјиште и на тие локации се врши урбанизација“, изјави Драги Делев, градоначалник на Гевгелија.

Низ македонската јужна порта годишно транзитираат околу 4 милиони патници. Сегашниот хотелски капацитет од 700 легла е недоволен да ги задоволи потребите на гостите, меѓу кои најбројни се Грците.

Околу 5.000 од нив неделно го полнат гевгелиските казина и ресторани.

Хотелскиот комплекс Калифорнија Ресортс, чиј инвеститор е компанијата Гитони ДОО Гевгелија, ќе се гради на почетокот од идната година на крајбрежјето на реката Вардар, на влезот во Гевгелија, дознава дописникот на Нетпес.

Комплексот ќе располага со хотел од 400 соби, казино, шопинг центар, бања, тениски и голф игралишта, базен и други придружни објекти.

Инвеститорот од страна на индивидувални земјоделци и сопственици на земјиште, веќе  откупи 45 хектари на кои ќе биде реализиран проектот.

Во тек е израбоотката на урбанистичкиот план кој во нацрт верзија наскоро ќе се најде и пред Советот на општината, со што ќе биде отпочната постапката за обезбедување на потребната урбанистичка документација.