Соб.храм Успение на Пресвета Богородица - Струмица

Презентација на новиот Соборен Храм во Струмица

Во недела на првиот ден од големиот Христијански празник, Велигден, градоначалникот на општина Струмица, Зоран Заев, преку новиот “лед бим“ на плоштадот во Струмица, ќе го презентира идејното решение на новиот Соборен Храм “Успение на Пресвета Богородица“, на кој уште пред 18 години беа ставени темелите.

Градоначалникот Зоран Заев, како граѓанин на Струмица се вклучува да ја води целата организација околу изградбата на Соборниот Храм, заедно со бизнисмени, донатори и самите граѓани на општина Струмица.

“Самиот проект само по себе значи обединување на сите. Се работи за огромен христијански објект, Божји дом за кој што сите треба да дадеме свој придонес внатре“ – рече градоначалникот Заев.

Радио СтрумицаНет ексклузивно ви презентира три фотографии на мал дел од идејното решение, бидејќи како што ни рече градоначалникот Заев, презентацијата на целиот проект пред струмичани премиерно ќе биде претставен во недела во 20:00 часот на плоштадот во Струмица.

Соборниот Храм “Успение на Пресвета Богородица“, планиран на просторот спроти главната пошта во Струмица, ќе започне и официјално да се гради по Велигденските празници, од 23-ти април. Храмот е проектиран на тромеѓето на булеварите во централното градско подрачје, со крајна цел да пушта порака на верата, до Цариград, Белград и Атина. Овој Божји Храм ќе сведочи за вредноста на струмичани која егзистира со векови на оваа подрачје.

Во забавниот дел од презентацијата на Соборниот Храм, ќе настапат: Дуле и Коки, Интервали и Силви Бенд. Бидете дел од Велигденскиот собир во недела од 20:00 часот, на сам ден Велигден... (Р.Ѓ.)

http://www.strumicanet.com/europe/item/2571