Јавен автобуски превоз (општо)

После откажување на линијата кон Струга, од 01.01.2021 Галеб Охрид ги укинуваТ и локалмите линии кон Трпејца/Свети Наум и с.Лакочереј.
После линиите кон селата во Дебарца и овие од локалните кои ги возат останаа уште Пештани (делумно) и Косел (заеднички со друг превозник - со Бале Турс) и Велгошти.

Дивите превозници веќе водат со голема разлика, со поддршка од Ковид 19.

Edited by Тркало - 29-Dec-2020 at 21:02

Скопскиот јавен превоз со преполовен број патници, да се мисли како да се врати довербата по ковид-19 [инфографик]



Ковид-19 пандемијата го преполови бројот на превезени патници во скопскиот јавен превоз. Во периодот јануари-септември 2020 година, со автобусите на ЈСП-Скопје и на приватните превозници се превезени 16,1 милиони патници, што е за 15.434.000 патници помалку во однос на идентичниот период лани, се вели во Извештајот за остварените резултати од работењето на ЈСП-Скопје во периодот јануари-септември 2020 година. Опаѓањето на бројот на патници за 49 отсто кај скопскиот јавен превоз ги загрижи и експертите и граѓанските активисти.

Спроведената онлајн анкета на 1.615 испитаници од „НаТочак“ и „Одржливи иницијативи“ во текот на ноември 2020 година покажа дека од сите 462 испитаници што промениле превоз, мнозински 61,9 отсто тоа го направиле како страв од зараза. Притоа, граѓаните кои го промениле превозното средство, најчесто се одлучиле да користат велосипед (33,77 отсто), сопствен автомобил (24,98 отсто) и пешачење (23,59 отсто).

„Многу (90 отсто) од оние кои споделениот автомобилски или јавниот превоз го замениле со сопствен автомобил, го направиле тоа поради страв од зараза. Може да се очекува дека овие лица ќе продолжат со новостекнатите транспортни навики и после кризата, а тоа долгорочно значи повеќе моторни возила на улиците на Скопје, односно поголеми сообраќајни гужви, повеќе емисии на јаглерод диоксид, зголемено негативно влијание кон климата, повеќе загаденост, и сите проблеми кои следуваат со овој тренд“, велат од „НаТочак“ во однос на спроведената анкета.

Професорот по јавен градски патнички превоз Никола Крстаноски од Техничкиот факултет во Битола вели дека токму јавниот превоз е еден од секторите кои се најтешко погодени од корона вирусот насекаде низ светот, со намалување на бројот на патници во распон од 50 до 90 отсто. Па така, јавниот превоз во Лион забележал намалување на бројот на превезени патници од 92 отсто, додека во Лондон оваа бројка годинава била помала за 90 отсто, вели Крстаноски. Градскиот превоз ја доживува истата судбина во Скопје како и во другите градови, но и тој смета дека од сега треба да се обмислат мерки што ќе ги стимулираат граѓаните да ја вратат довербата кон јавниот превоз по корона кризата.

Професорот Крстаноски напоменува дека треба да се работи на зголемување на квалитетот на услугата на градскиот превоз, која ќе биде проследена со политика за обесхрабрување на користењето автомобил.

„Главен недостаток кој треба да се реши и важен чекор кон подобрувањето на јавниот градски превоз во Скопје е воведување на нов, брз, високо капацитативен превоз (БРТ, ЛРТ, па да се размислува и за метро систем). Воведувањето на нов брз вид на градски превоз, повлекува и целосна реорганизација на мрежата на линии, што денес исто така е една од слабостите на јавниот градски превоз во Скопје, бидејќи постојната мрежа треба подобро да се прилагоди на урбаниот развој на градот и потребите за движење на граѓаните“, вели професорот Никола Крстаноски за „Мета.мк“.

Со овие мерки, заедно со веќе направениот напредок со примена на АВЛ системот и информациите за патниците од јавниот превоз во реално време, примената на наплата со интелегентни картички и најавата за купување на нови возила, тој очекува не само да се вратат патниците од пред пандемијата, туку и значајно да се зголеми бројот на патници во јавниот градски превоз во Скопје.

Од „НаТочак“ и „Одржливи иницијативи“ пак во заклучокот од анкетното истражување велат дека локалните и државните власти мора итно да делуваат и да го искористат намалениот моторен сообраќај во корона-кризата за похрабри мерки во јавниот простор. Корона-кризата е одлична можност да се воведат нови велосипедски ленти, да се ослободат тротоарите и да се донесат политики за јавниот простор кои ќе овозможат зголемено учество на велосипедот, за сите учесници во сообраќајот, без разлика на нивниот префериран начин на движење.

Статистичките податоци и пред корона кризата покажуваат дека во Скопје постоел тренд на намалување на користењето на јавниот превоз во период од минимум шест години наназад. Колку за потсетување, градските и приградските линии во 2014 година ги ползувале 57,2 милиони патници годишно, а постојните очекувања се дека до крајот на годинава скопскиот јавен превоз ќе превезе само околу 20 милиони патници на годишно ниво. За сметка на ова, бројот на регистрирани автомобили во главниот град низ годините расте.

Промоција на еко-автобуси за превоз на работниците на „РЕК Битола“ [19.12.2020"> by Влада на Република Северна Македонија, on Flickr

Промоција на еко-автобуси за превоз на работниците на „РЕК Битола“ [19.12.2020"> by Влада на Република Северна Македонија, on Flickr

што би рекле на трвитер, монти пајтон чоече... или В у к о ј е б и н а ...сеедно

1, 5 милиони денари за автобуски потстаници – транспортот го нема никаде, Арифи: Автобусите ќе стигнат за нова година



https://mk.tv21.tv/1-5-milioni-denari-za-avtobuski-potstanitsi-transportot-go-nema-nikade-arifi-avtobusite-ke-stignat-za-nova-godina/

А што направи најнеспособното претпријатие за патниците? Дали овозможи тие да се возат на нормален начин? Дали овозможи редовен возен ред?

Најпрвин, за време на најтешкиот период од пандемијата („прв бран“) возеа двосменски, со што по неколку часа во денот не ни имаше автобус.

После тоа возеа како за викенди, па луѓе се тискаа(т) во автобусите, па уште излегуваат со изјави дека нивниот систем не видел гужва.

ЈСП се едно идиотско претпријатие, па така јас целосно си се префрлив на точак, а во ова време и со електричниве тротинети, луѓево нека си бараат чаре и нека си се снајдат, само нека не влегуваат во ЈСП.

Идиотско претпријтие, идиотска градска власт, па сега уште да ги жалиме што биле во загуба и тоа со тон, како ние граѓаните сме виновни што не се возиме.

ДАЛИ ЌЕ СЕ ВОСПОСТАВИ РЕД ВО ЈАВНИОТ ПРЕВОЗ?КАРАЏОСКИ ПРЕДЛАГА ДА ИМА КОНДУКТЕР ВО СЕКОЈ АВТОБУС



https://tv21.tv/mk/dali-ke-se-vospostavi-red-vo-javniot-prevoz-karadhoski-predlaga-da-ima-kondukter-vo-sekoj-avtobus/

ЈСП „СКОПЈЕ“ СО 4 МИЛИОНИ ЕВРА ЗАГУБА ПОРАДИ КОВИД-19, 62 ОТСТО ПОМАЛКУ ПАТНИЦИ ВО АВТОБУСИТЕ

За 62,5 отсто е намален бројот на патници во јавниот превоз од почетокот на пандемија на ковид-19 до сега. Од март до септември во автобусите на ЈСП „Скопје“ и на приватните превозници се возеле 12.064.455 патници, а истиот период лани бројот бил 32.148.854. Поради намалениот број на патници загубата на претпријатието досега е околу 4 милиони евра.

Според бројот на валидации во месец март со јавен превоз се возеле 2.731.699 патници, а истиот месец во 2019 бројот бил 5.685.383. Најголем пад на бројот на патници има во април годинава и тоа за 88.5 отсто односно лани во април се автобус се возеле 5.237.154 патници, а годинива само 597.374. Големо намалување на бројот на патници има и во месеците мај, јуни, јули и август. Во септември во спроредба со другите месеци, најголем е бројот на граѓани кои користеле јавен превоз, но и таа бројка е за околу 50 отсто помала во споредба со истиот период лани.

Број на валидации во автобусите на ЈСП „Скопје“ и приватните превозници

Месец            2019                                   2020

Март            5.685.383                            2.731.699

Април          5.237.154                               597.374

Мај               5.143.870                            1.064.518

Јуни             4.260.896                             1.634.768

Јули             3.946.298                             1.868.372

Август          3.398.976                             1.783.904

Септември 4.476.277                                  2.383.820

Вкупно        32.148.854                             12.064.455

Во овој момент според препораките на Комисијата за заразни болести автобусите возат со капацитет од 75 отсто. Но, по зголемениот број на нови случаи на ковид-19, министерот Венко Филипче најави дека како дел од новите мерки ќе препорача до Владата да се ограничи капацитетот на јавниот превоз до 50 отсто.

Градоначалникот Петре Шилегов вели дека ќе го адаптираат возниот ред на автобусите согласно препораките на Комисијата за заразни болести.

Од пред десет дена пуштени во сообраќај беа повеќе автобуси и сега тие возат според летен делничен возен ред. И покрај поплаките на граѓаните дека долго чекаат автобус, градоначалникот Петре Шилегов изминативе 6 месеци велеше дека не може да се зголеми бројот на автобуси и да се врати вообичаениот возен ред бидејќи е намален бројот на патници и јавното сообраќајно претпријатие работи со загуба.

https://sdk.mk/index.php/dopisna-mrezha/jsp-skopje-so-4-milioni-evra-zaguba-poradi-kovid-19-62-otsto-pomalku-patnitsi-vo-avtobusite/

ЈАВНИОТ ПРЕВОЗ - ОПАСНОСТ ЗА ШИРЕЊЕ НА КОВИД 19 - ГРАЃАНИТЕ БАРААТ ПОГОЛЕМ БРОЈ НА АВТОБУСИ



https://www.24.mk/details/javniot-prevoz-opasnost-za-shirenje-na-kovid-19-gra-anite-baraat-pogolem-broj-na-avtobusi

Мораше ли прво да биде со месеци ваков хаос и гужва па сега со задоцнување да зголемуваат капацитет







https://www.facebook.com/groups/145337166272043