ПАСКО КУЗМАН, ДИРЕКТОР НА УПРАВАТА ЗА ЗАШТИТА НА КУЛТУРНОТО НАСЛЕДСТВО, НА РАБОТНА РЕХАБИЛИТАЦИЈА ВО ОХРИД

Место црква, три музеи на Скопското кале

Едниот објект е посветен на праисторискиот период, што Албанците си го нарекуваат дека е период од Дарданците

Паско Кузман, директорот на Управата за заштита на културното наследство, по оперативниот зафат кој го имаше неодамна, закрепнува во Охрид, но со неговиот темперамент се одмора работно. Со жар зборува за проектите во археологијата кои се во тек, и за она што следува. Ни најави оти на Скопското кале есенва ќе се градат три музеи.
"Во музејските објекти ќе бидат презентирани движните предмети откриени на Тврдината. Едниот објект е посветен на праисторискиот период, што Албанците си го нарекуваат дека е период од Дарданците.
Вториот ќе биде посветен на средновековниот период - византискиот или, како што си го викаат Македонците, периодот на христијанството, и третиот објект ќе биде за наоди од отоманскиот период, како што тие векови ги нарекуваат Албанците и Турците. Во него ќе има и реконструиран отомански објект", ни изјави Кузман, додавајќи оти овој проект ќе биде негова преокупација оваа и следната година.
Главните археолошки ископувања на Калето ги завршиле уште пред изборите, а во тек се конзервацијата, реставрацијата и реконструкцијата и, како што рече директорот, уште поважно, ревитализацијата, оживувањето на Скопската тврдина.
Во февруари минатата година се случи крвава тепачка меѓу Македонци и Албанци на Калето, кога се обелодени дека на местото на стара црква, која датира од 12 век, а била обновувана во 13 и во 14 век, ќе се гради црква - музеј, како што тогаш ја нарекоа од Управата. По неколкудневна тензична атмосфера, млади од две групи, едните од невладината "Разбуди се", што беа против градење на црквата, и другите, организирани на "Фејсбук" за одбрана на црквата, се судрија на Калето. По интервенција на полицијата, насилството заврши со неколку повредени, беше осудено од властите, и беше запрена изградбата на црквата - музеј.

Закрепнувам на охридскиот Монмартр

Паско Кузман го затековме со колеги археолози од Бугарија и од САД во родниот Охрид, во близина на црквата "Св.Софија" каде што закрепнува по операцијата од минатиот месец.
"Одлично се чувствувам, закрепнувам, одморам, што може друго во Охрид да се прави. Овде е охридскиот Монмартр, овде е најубавото место на Монмартр 'Света Софија', ресторанот, тука си е нашата виа сакра, поубаво место, здравје", ведро ни раскажа археологот.
Како што објавивме на почетокот на јуни, поради проблеми со циркулацијата на крвта, снабдувањето со крв до мозокот било нарушено, имало и затнување на главната артерија, поради што на Кузман му беше вграден стент.

Ѓомлезе и питулици во Заливот на коските

Еден од омилените проекти на Паско Кузман е Заливот на коските, за кој вели оти е целосно завршен проект, но најавува дека во иднина планираат да отворат национален ресторан. Ресторанот, додава Кузман, ќе биде целосно вклопен во просторот каде што туристите ќе можат да јадат повеќе домашни јадења, како ѓомлезе, питулици, гравче.
"Таму има голема посета и интерес, повеќе од странски туристи, оти нашите не разбираат што е тоа, велат селски куќи, тоа го велат оние луѓе што не се доволно едуцирани и образовани. Но интелектуалците од светот запишуваат и се воодушевуваат", истакнува директорот.

http://www.vest.com.mk/?ItemID=45FC23DCFEDC544DA7AF84F0AD65E0DC

Актуелизирајте ја борната дилема со ваши написи по разни форуми - за да го заштитиме можното уништување на археолошки локалитет долен град ...

Eve i od mene nekolku sliki od kale



Ova mi e favorit

15.02.2011. - Реакција на Македонското археолошко научно друштво по повод последните случувања на Скопското Кале

По повод последните случувања на скопската тврдина Здружението на археолозите на Македонија (Македонско археолошко научно друштво - МАНД) е испровоцирано најостро да реагира на низа дејствија и активности, за кои сметаме дека сериозно и штетат не само на сликата за Македонија како цивилизирана европска средина, но и на тешко стекнатиот углед на археологијата во Македонија, како една од ретките дејности чии резултати се почитувани во европски и светски рамки.

Скопското Кале е еден од водечките археолошки локалитети во Македонија. По обемните истражувања во последните 4 години тој веќе е нашироко афирмиран како незаобиколив пункт во познавањето на балканската праисторија, средновековие и отомански период. Повеќеслојноста на локалитетот, модерниот методолошки пристап во истражувањата, како и севкупните откриени културно-историски вредности, го прават вистинска гордост на македонската археологија, која очекуваме во целост да се експонира по конзервацијата на откриените движни и недвижни објекти и нивната трајна презентација во рамки на финалното уредување на внатрешниот простор на Калето.
Во секој случај, Скопската Тврдина претставува споменик на култура од прва категорија, со што подлежи на строгите меѓународни критериуми за негова заштита и презентација. Во таа смисла, единствено археолозите - истражувачи, на основа неговите карактеристики, потенцијали и откриени културни вредности можат да сугерираат решенија за негово идно уредување и да предлагаат солуции за откриените градби, кои утре ќе бидат јавно презентирани и ставени во идна туристичка, културна и научна експлоатација.

Силно реагираме на можноста секоја една група граѓани, било да се тоа од типот на “Разбуди се”, политичка или етничка група, да решава за судбината и иднината на еден ваков споменички пункт. Без да се познаваат и почитуваат вредностите на споменикот како и меѓународните принципи за негова заштита и презентација и да се изнесуваат неосновани желби потикнати единствено од политички потреби, ја доближуваат нашата земја до некои од азијатските земји, а нашата археологија ја претвараат во слугинка на политиката. 

Идејата за реконструкција на црквата од 13 век, откриена 2007-та година  во југоисточниот агол на тврдината и нејзината намена за изложбен простор, нашето здружение во целост ја подржува и ја смета за оптимално решение. Тоа е без сомнение најдобрата солуција, не само за заштита на оргиналните остатоци на самиот објект, туку и за остварување на потребата за експонирање на откриените наоди и документација, на самата Скопска Тврдина. Уште повеќе, очекуваме и ги охрабруваме надлежните, тој простор да биде наменет за постојана музејска експозиција само на наодите поврзани со Средновековно Кале, така што за останатите два големи периоди на употреба на Калето (Праисториско и Отоманско Кале) да се изнајдат исти такви соодветни објекти, кои по конзервацијата и реконструкцијата би се намениле за изложбени простори за артефактите од праисториските култури и од отоманската култура. Сето тоа, потенцијалите на Скопската Тврдина го овозможуваат, но и го налагаат како неопходност.  

Од 
Членството на Македонско ахеолошко научно друштво

http://www.mand.org.mk

Калето е затворено од безбедносни причини

Калето веќе три недели е затворено за посетителите и пошироката јавност поради безбедносни причини.



http://www.makfax.com.mk/#2%2F248213%2Fjankuloska_kaleto_e_zatvoreno_od_bezbednosni_prichini

Originally posted by Sale SK Дали некој знае колку чини изградбата на тој музеј на Кале?

Мислам дека 1 и пол милиони евра.

Праисторија

Повеќе населби од различно време меѓусебно јасно се издвојуваат според урбанизацијата, архитектонските белези и културните манифестации. Така, праисториското живеење се одвивало во најмалку 3 населби (енеолитска, бронзено временска и железновременска), додека во текот на средниот век и на турскиот период се живеело уште во најмалку 3 последователни населби (првата од X-XIII / XIV, втората од XIV-XVI век и третата од XVII-XX век).

Најстарите остатоци од човековата активност на Скопското Кале директно се врзани за археолошката здравица, во која се откриваат вкопани различни објекти, како и остатоци од иницијалната населба од бакарното време - енеолитот или од 4 милениум пред Христа. Се работи за земјенки или полуземјенки со функција на живеалишта, култни објекти или отпадни и складишни јами. Инвентарот го сочинуваат бројни форми на керамички садови за различна намена, култни предмети, глинени скулптурки, но и алатки и сечива од коска, камен и кремен.

Низ следниот период на бронзеното време или во текот на III и на II милениум пред Христа, праисториското живеење продолжило, но на помал простор, главно, ограничен во североисточните делови на Калето каде, покрај бројните движни наоди и остатоци од печки за керамика од раното бронзено време се документирани делови од стамбени објекти од средното бронзено време и една куќа од доцното бронзено време. Најмладата праисториска населба од железното време (прва половина на првиот милениум пред Христа), значела продолжување на животот. Иако на многу мала површина, сепак откриени се остатоци од вообичаената праисториска архитектура или куќи на правоаголна основа, градени и со дрвена скелетна конструкција од колци и плет.

Според истражувањата констатирано е дека поинтензивни остатоци од живеење во следните векови од втората половина на првиот милениум пред Христа, засега не се откриени но поедини наоди потврдуваат одредени активности на Калето во текот на IV век пред Христа. Во таа смисла, откриен е култен простор, една ритуална јама со остатоци од животински жртви, ритуално јадење, керамика, вообичаена за IV век пред Христа во Скопско, заедно со една бронзена монета на Александар III, досега најстарата откриена монета на Калето.

Среден Век

Повеќе населби од различно време меѓусебно јасно се издвојуваат според урбанизацијата, архитектонските белези и културните манифестации. Така, праисториското живеење се одвивало во најмалку 3 населби (енеолитска, бронзено временска и железновременска), додека во текот на средниот век и на турскиот период се живеело уште во најмалку 3 последователни населби (првата од X-XIII / XIV, втората од XIV-XVI век и третата од XVII-XX век).

Најстарите остатоци од човековата активност на Скопското Кале директно се врзани за археолошката здравица, во која се откриваат вкопани различни објекти, како и остатоци од иницијалната населба од бакарното време - енеолитот или од 4 милениум пред Христа. Се работи за земјенки или полуземјенки со функција на живеалишта, култни објекти или отпадни и складишни јами. Инвентарот го сочинуваат бројни форми на керамички садови за различна намена, култни предмети, глинени скулптурки, но и алатки и сечива од коска, камен и кремен.

Низ следниот период на бронзеното време или во текот на III и на II милениум пред Христа, праисториското живеење продолжило, но на помал простор, главно, ограничен во североисточните делови на Калето каде, покрај бројните движни наоди и остатоци од печки за керамика од раното бронзено време се документирани делови од стамбени објекти од средното бронзено време и една куќа од доцното бронзено време. Најмладата праисториска населба од железното време (прва половина на првиот милениум пред Христа), значела продолжување на животот. Иако на многу мала површина, сепак откриени се остатоци од вообичаената праисториска архитектура или куќи на правоаголна основа, градени и со дрвена скелетна конструкција од колци и плет.

Според истражувањата констатирано е дека поинтензивни остатоци од живеење во следните векови од втората половина на првиот милениум пред Христа, засега не се откриени но поедини наоди потврдуваат одредени активности на Калето во текот на IV век пред Христа. Во таа смисла, откриен е култен простор, една ритуална јама со остатоци од животински жртви, ритуално јадење, керамика, вообичаена за IV век пред Христа во Скопско, заедно со една бронзена монета на Александар III, досега најстарата откриена монета на Калето.

Археологија

Скопското Кале претставува еден од најпривлечните,  и најпровокативни, но во исто време и најконтроверзни и најсложени локалитети за археолошко истражување. Иако се неспорни и сосема доволно документирани неговите големи археолошки потенцијали, сеуште се непознати неговите основни културни и историски параметри. Иако претставува локалитет на кој се вршени најголем број археолошки - конзерваторски интервенции сеуште е третиран како обично излетничко место, многу повеке  отколку како вистински археолошки локалитет.

Археологијата, конзервацијата и ревитализацијата на Скопското кале е повеќегодишен проект на Владата, планот е следната година да се конзервираат бедемите кои ги гледаме од сите страни на градот, а со поголема археолошка акција ќе се продолжи во 2009 година.

Во досегашните археолошки истражувања меѓу најзначајните предмети се земјанки од 4 милениум пред Христа, печки за керамика од раното бронзено време, најстарата монета од стотиците пронајдени, со ликот на Александар Трети од 4 век пред наша ера. Според наодите од 12 век и византиското време, на Калето се живеело во благосостојба и мир. Пронајдени се луксузни трпезни садови кои се вистински уметнички дела. Почнале да се градат цркви, а се претпоставува дека во 13, 14 век таму имало 4 цркви, меѓу кои е и крстообразната или соборна, од каде што се фрагментите од фрески.
Средновековниот период бил со најбогат живот на Калето. Со доаѓањето на Турците, се градат бедемите кои сега ги гледаме, и Калето е повторно во воена функција.

Без разлика што требало да биде, дали црква, музеј или само заштитна конструкција мене естетски некако не ми се допаѓа. Мислам дека ја нарушува визурата на ѕидините и дека ако веќе мора да има некаква заштита врз тој простор тоа да биде доволно ниско за да не штрчи барем гледано од главните правци на движење во тој дел.

Доволно е некој да отвори профил и да стави еден пост - отиде све у мајчину...убаво си беше затворена темава...

Беше заклучена неколку дена и вчера со текстот ја отворив да видиме колку паднале страстите. Сега за сега добро иде смирено.Ако треба брзо ќе реагираме.


Edited by lslcrew - 17-Feb-2011 at 11:34