Гасификација

Ако знае некој точна локација на настанов да прати координати ,бидејќи гледајќи ги сликиве и видео материјалот презентиран на вестите на канал 5 во 18 часот не успеав да разберам каде се наоѓа. ( го знам прилично добро регионот бидејќи дел од мојата фамилија има потекло од Клечовце и често одев таму, но не разбирам каде е ова иако ми изгледа како југо-западниот дел на атарот од селото).

Да се нашалиме

Не ти ја сваќам поентата

Со заварување на првата цевка беше означен стартот на градежните работи што ќе ги врши руската компанија „Стројтранс гас“. Треба да изгради 61 километар од вкупната должина, проектирана на 96,6 километри. Гасификацијата на градовите треба да почне во јуни следната година, до 2022- тата гасот треба да биде достапен низ целата територија ...

Почна изградбата на магистралниот гасовод Клечовце- Штип- Неготино дел од националниот гасоводен систем. Со заварување на првата цевка беше означен стартот на градежните работи што ќе ги врши руската компанија „Стројтранс гас“. Треба да изгради 61 километар од вкупната должина, проектирана на 96,6 километри. Гасификацијата на градовите треба да почне во јуни следната година, до 2022- тата гасот треба да биде достапен низ целата територија на државава. Оваа делница ќе овозможи продор и ширење на гасоводната мрежа. Македонија добива пристап до стратешки ресурси. Најголемата придобивка ќе ја имаат граѓаните- рече премиерот Груевски.

„Можноста да се користи гас во домаќинствата ќе значи помали сметки за струја и греење што директно ќе се одрази на буџетот на граѓаните. Придобивки ќе има и економијата. Употребата на поевтин енергенс ќе значи поголем профит на компаниите, поголема конкурентност на домашниот производ, подобри услови за водење бизнис, а тоа ќе допринесе и за нови работни места во државата. Користењето на гасот позитивно ќе влијае и во производството на електрична енергија од страна на државните електрани. Нивната модернизација и адаптација ќе значи намалување на трошоците за производство и подобрување на еколошкиот аспект од нивната работа. Со тоа Македонија ќе добие поевтина и еколошки поприфатлива алтернатива на мазутот и сличните енергенси кои се употребуваат во моментот“, рече премиерот Никола Груевски.

Трасата на новиот гасовод од Клечовце треба да биде приклучок на постојниот гасоводен систем Крива Паланка- Скопје. Ќе се движи кон Свети Николе, ќе има крак кон Велес. Ќе минува покрај индустриската зона Штип. За кракот од Неготино до Кавадарци треба да се обезбедат дополнителни финансии. Инвестиција тешка 75,7 милиони долари, од државната каса ќе се финансира со речиси 16 милиони, остатокот ќе се покрие со намирување на рускиот клириншки долг кон земјава.

„Државната каса е во добра кондиција, секогаш има пари за вакви капитални проекти од стратешко значење“, рече вицепремиерот Ставрески.

Владата проектира во следните седум години да се гасифицра цела Македонија. Во фаза е избор на фирма што ќе го работи Скопскиот регион.

„За регионот на Скопје постапката е во завршна фаза иво најскоро време очекувам да се избере компанијата која ќе ја гради дистрибутивната, гасоводна мрежа низ Скопје. Во тек е и постапката за избор на компанија која ќе ја гради секундарната мрежа и во останатите региони низ држава“, рече министерот за транспорт и врски, Миле Јанакиески.

Природниот гас ќе обезбеди и стабилност во снабдување со енергија на државава. Ќе ја раздвижи и градежната оператива, ќе обезбеди нови вработувања, проектот ќе ги зацврсти и економските односи меѓу Македонија и Русија.

„Проект кој ќе ја донесе енергијата во секое домаќинство и ќе им овозможи на граѓаните да живеат во подобри услови,истакна дека тоа ќе овозможи развој и зацврстување на економските деловни и политички односи меѓу Македонија и Русија“, оцени Ширајев, заменик- директорот на „Сторјтранс гас“.

„Пониски сметки во домовите, природниот гас како конкурентен енергенс е придобивка на целокупното стопанство, ќе обезбеди стабилност во снабдувањето со енергија на државата, заштита на околината, а со ова ќе се раздвижи градежната оператива“, нагласи Крсте Миладинов, директор на МЕР.

Се отвора нова ера во енергетскиот сектор во Македонија со која ке се подобри квалитетот на живеење на секој граѓанин и ќе биде поттик во зголемување на енергетските индустриски и инвестициски потенцијали.

Edited by mackomk - 14-Mar-2015 at 19:17

Originally posted by Џоле Во сабота почнува изградбата на гасоводот кон Штип Руската компанија „Стројтрансгас“ денеска најави дека проектот за изградба на гасоводот од кумановското село Клечовце до Штип ќе започне за два дена. На церемонијата на поставување камен – темелник на магистралниот гасовод во должина од 60,8 километри веќе е објавено дека ќе присуствува македонскиот премиер Никола Груевски. Дијаметарот на гасоводните цевки изнесува 508 милиметри, а вкупниот капацитет за пренос на гас на годишно ниво не се соопштува. Ако се спореди со дијаметарот на цевките со други гасоводи во светот, тогаш може да се констатира дека тој ќе може да пренесува неколку милијарди кубни метри природен гас на годишно ниво. Според информациите од официјалниот веб – портал на „Стројтрансгас“, изградбата на магистралниот гасовод до Штип ќе се заврши најдоцна до јуни 2016 година. Вредноста на проектот е 75,7 милиони долари, од кои 60 милиони долари произлегуваат од подмирувањето на клириншкиот долг од страна на Руската федерација. Изградбата на овој инфраструктурен објект побудува огромно внимание од светските медиуми. Глобалната новинска агенција „Ројтерс“ во денешниот текст напоменува дека гасоводот од Клечовце до Штип може да биде искористен за реализација на рутата на проектот „Турски поток“. Агенцијата со седиште во Лондон наведува дека сопственикот на „Стројтрансгас“ е еден од најблиските сојузници на рускиот претседател Владимир Путин и е еден од првите деловни луѓе од Руската Федерација кои беа ставени на листата на санкции од Соединетите Американски Држави за време на кризата со руската окупација на полуостровот Крим. За овој проект денеска извести и водечката руска новинска агенција „РИА Новости“. Рускиот дневен весник „Комерсант“ пишува дека гасоводната мрежа може да се прошири кон Грција, и тоа најпрво кон ТЕЦ „Неготино“, а потоа и кон границата со Грција. Авторот на текстот дополнува дека магистралниот гасовод од Клечовце до Штип може да дозволи Македонија, Србија, Унгарија и Австрија да се снабдуваат со природен гас преку проектот „Турски поток“. http://www.build.mk/?p=43568

А каков ке е капацитетот на цевкава и има ли предвидена компресорна станица?

Edited by ink - 13-Mar-2015 at 13:52

Овој гасовод е дел од националната примарна мрежа. Не е предвиден за меѓународен проток, премал е за тоа. Не знам зошто ги мешате двете работи. Низ овој гасовен ќе течи гасот за втората и третата фаза од гасификацијата, односно Источна Македонија + Прилеп (фаза 2) и Западна Македонија (фаза 3). Првата фаза е Скопскиот регион.

Dali koga kje se izgradi ovoj (ovie) gasovod(i) ke procvetame konecno, i se ke bide vo red?

Originally posted by Bojan10 25 години самостојност и нескшнат европски пат, и никаква корист. Еден проект кој им боде очи на Американците, а е од корист за народот, веднаш бура од реакции. Не се буните што 25 години се загубени во крајно перверзно уценувачко клацкање кон ЕУ, за нешто конкретно што може да ја размрда позицијата на Македонија, да напредуваме, веднаш контра.

а зошто па да не се иде контра? вака ко сега што се збори за Русија, се збореше пред долго време и за ЕУ и Американците... тоа е проблемот
не е работава дека имам нешто против русија, туку ме фрустрира општиот менталитет и став кон работите во земјава


Edited by zabegan - 13-Mar-2015 at 01:28

Originally posted by kultuzin Originally posted by Џоле Originally posted by kultuzin Така се игра кога човек е патриот и на прво место му се државните интереси. Ако може аргументирано да го објасниш овој дел, те молам. Искрено незнам што би аргументирал мислам дека е доволно јасно дека само со САМОПОЧИТУВАЊЕ можеме да бидеме почитувани и надвор. Влижување , самоподценување, ставање на туѓи пред државните интереси не води никаде. Реков и погоре гасоводот е одлична можност Македонија да добие статус на неутрална земја. Јас се надевам дека изразот Швајцарија на Балканот покрај природните убавини ,планините и езерата ќе го добиеме и поради евентуалниот неутрален статус кој би бил резултат на судруваење на интересите токму на нашата територија.

а нели е исто дали ќе се влижуваш на Германците, или на Кинзеите, или на Русите, или било кој друг... типичен квази патриотски момент е да се чукаш во гради дека си нашол нов пријател откако друг ќе те разочара...
...али нема везе, прав патриот гледа да создаде некоја квалитетна внатрешна економија, а не да зависи од туѓи пари (чии и да се) кои кад тад, на ваков или онаков начин ќе треба да ги враќа...
значи покажи кичма на самостојност, дали ќе зависиш од една или друга туѓа национална економска политика, сеедно ти е

ама нашето време за покажување кичма одамна е поминато
замена за кичмата се популистички власти кои мењаат мислења и стремежи ко чорапи... немој жити све, 20 и кусур години ветената земја беа ЕУ и НАТО, а сега ќе бидат некои Кинези, Руси и останати монолци, кои ќе тераат политика преку кутри земји како нашава, како што се терало досега од разни страни...

не ми беше филмот да попувам економија и политика, само мислам дека треба да разграничиш што е патриотизам, а што е продавање и грабање на трошки леб

Originally posted by kultuzin Така се игра кога човек е патриот и на прво место му се државните интереси.

Ако може аргументирано да го објасниш овој дел, те молам.