Објект на Мајка Тереза на плоштад „Македонија“

Originally posted by Staki Последниве години владата се фокусира да донесе повеќе туристи во Скопје. Еве хипотетички да размислиме. Како би се задржале туристите повеќе од ден два ако сите знаменитости на градот се централизирани во еден дел од градот!? Не е само да дојде да види и да си отиде, како на поминување. Треба малку подалеку да се размислува.

ако добиев пет денари секој пат кога ќе го прочитав овој аргумент во врска со спомениците и Ск2014, сега ќе бев премиер...

Точно е Стаки се што е премногу станува дури и смешно. Плоштадот е заситен и добро е малку да се згоеми радиусот. Исто така заситени се и знаменитостите кои го носат името мајка Тереза.

Originally posted by xnx btw ima posebna niska za objektov zoso se zbori tuka ne znam.

Модераторски превид што е поправен.   

spomenikov e za da se skrie san marko, koj ne im se vklopuva vo zamislata za barokno skopje. prvo probaa da go barokiziraat, otkako ne uspea resija da go skrijat duri i po cena spomenikov da bide na sred ulica i da go blokira prolazot kon plostadot.
btw ima posebna niska za objektov zoso se zbori tuka ne znam.

Edited by xnx - 11-Dec-2014 at 11:34

Аман бе споменик,спомен куќа,одбележано местото на плоштад со плоча што уште треба да се изгради??Не ги оспорувам делата на Мајка Тереза но доволно се испромовира и достојно го одбележавме нејзиното дело.
Нека им се земе парцелата на Сахара и чао пријатно.Доста е веќе со споменици.

а зошто па мора да се постави споменик било каде? секако дека ќе биде помалку болно да биде дислоциран споменикот, ама зошто па мора да го има?
не ме теши ни тоа што ќе го правела Валентина, не намеравам нејзе да ја кредитирам само затоа што споменикот на Александар не и е катастрофа од невидени размери, како некои други споменици...

Барем да ја сменеа локацијата. Во градов не е само централниот плоштад. Има и други места кај што може да се вметне овој проект. Урбан парк, парк на новинари и други места што повеќе би одговарале од сегашната локација.

Мислам дека ќе добиеме споменичен комплекс од типот на Прометеј во паркот Жена-борец. Страшно, навистина страшно... Прочитајте го целиот текст, ќе ви стане јасно зошто.

Култура потврди дека ќе го подигне споменикот на Мајка Тереза

Министерството за култура потврдува дека ќе подигне нов споменик на местото каде беше најавено дека ќе се постави скулптура посветена на хуманитарката Мајка Тереза, а која требаше да биде донација од индискиот бизнисмен Субрата Рој. Откако Владата ги прекина врските со индиската фирма на милијардерот, проектот за поставување спомен обележје на Мајка Тереза го презеде Министерството.

Масивната споменична целина ќе се најде на пешачкиот коридор помеѓу хотелот во изградба „Мериот“ и градилиштето на грчкиот бизнисмен Димитрис Кондоминас, каде исто така во тек е изградба на хотел. Дека станува збор за монументално дело говори маркичката, која предвидува изградба на објект во висина од 32 метри, иако се претпоставува дека нема да биде искористена целата дозволена висина.

Од Министерството се уште ги кријат деталите за овој споменик. Најверојатно ја вратиле контролата врз оваа парцела, која претходно му беше доделена на Субрата Рој, но не откриваат ништо повеќе.

„Министерството за култура планира изградба на Објект со скулптурална композиција во централното градско подрачје на Град Скопје. Скулптуралната композиција е наменета за граѓаните како место за релаксација со овозможување соодветна просторна визулелизација на целиот плоштад со околни објекти“, велат од таму.

Освен што посочуваат од таму дека граѓаните ќе можат да се релаксираат во рамки на споменикот, од Министерството нема одговор колку ќе чини оваа инвестиција, кога ќе почне да се гради и како ќе изгледа. Цитираниот одговор го добивме откако испративме барање за пристап до информации од јавен карактер каде побаравме и увид во документацијата, но не ги добивме податоците, ниту пристап до нив, иако се од интерес и значење за јавноста.

Инаку, за сега е познато само дека идејното решение го осмислила скулпторката Валентина Стефановска во соработка со Кирил Мукаетов. Стефановска е позната за македонската јавност како автор на Воинот на коњ, Триумфалната порта и композицијата од скулптури на плоштадот „Филип Втори“. Пред извесно време таа за „Плусинфо“ изјави дека споменикот ќе биде понизок од оној што го најави Субрата Рој, дека станува збор за композиција со скулптури и фонтана, но со помала површина, а дека тематски треба да ги преслика христијанските вредности на Мајка Тереза како вера, надеж и љубов. Нејзиното идејно решение било избрано во 2012 година на јавен конкурс.

Министерството прави чекори за да ја реализира оваа идеја и пред неколку недели склучи договор со „Градежниот институт – Македонија“ за изработка на основен проект според кој ќе се изработи обележјето, а во износ од 45.000 евра.

Еден од збунувачките моменти е сопственоста на парцелата со површина од 651 квадратен метар каде треба да се подигне овој споменик, а која Владата и ја подари на компанијата „Сахара глобал“ летото 2013 година. Сега, одеднаш, Владата ја враќа во своја сопственост подарената атрактивна локација, која ќе го препречи пешачкиот коридор помеѓу плоштад Македонија и плоштад Јадран.

http://plusinfo.mk/vest/7386/kultura-potvrdi-deka-kje-go-podigne-spomenikot-na-majka-tereza

Мене ми се чини дека ова „ремек-дело“ ќе биде врвот од сето она што досега сме го виделе. Особено што ќе биде „скулптурална композиција“, башка висока 32 метри. Само замислувам...