Водовод за Милениумскиот крст Се бара фирма која ќе изработи студија за испитување на подземните води на локалитетот Горно Водно, за да се воведе водовод за Милениумскиот крст Предмет на договорот се архитектонски, инженерски, интегрални инженерски услуги, кои опфаќаат и просторно планирање и уредување на земјиштето, но и научни и технички советодавни услуги, испитување и анализа на земјиштето. Фирмите што ќе се пријават на тендерот ќе треба да располагаат со најмалку еден геодетски инженер, со најмалку три години работно искуство, еден дипломиран инженер-геолог и еден дипломиран градежен инженер - хидросмер, двајцата со минимум пет години искуство. Фирмите се задолжени да изработат студии и истражувачки работи од иста или слична природа, како и предметна набавка. Сите заинтересирани понудите треба да ги достават најдоцна до 31 овој месец во архивата на градот. http://novamakedonija.com.mk/NewsDetal.asp?vest=11011943408&id=14&prilog=0&setIzdanie=22177

Партерно ќе се уредува просторот околу Милениумскиот крст Градот партерно ќе го уредува просторот околу Милениумскиот крст. На интернет-страницата на Бирото за јавни набавки е распишан оглас за избор на најповолен изведувач, кој би бил задолжен за градежните зафати. Најниската понудена цена е главниот критериум за избор на изведувачот, кој ќе се избира по пат на електронска аукција. Времетраењето на договорот што би се склучил со него е 12 месеци. Понудите треба да се достават најдоцна до 15 декември, кога ќе се изврши и јавното отворање на понудите. Градот засега не сака да обелоденува податоци околу начинот на партерното уредување на просторот околу Милениумскиот крст. - Бидејќи веќе е распишана јавната набавка, поради законитоста на постапката не сме во состојба да дадеме повеќе информации од она што е содржано во објавата на интернет-страницата на Бирото за јавни набавки - одговорија од одделението за односи со јавноста во Градот. Неодамна, во една своја изјава, претседателот на Фондацијата за изградба на Милениумскиот крст, Благоја Дојчиновски, обелодени дека партерно треба да се уреди, односно да се поплочи со камен простор од 1.500 квадратни метри околу Милениумскиот крст и да се постават клупи. http://www.dnevnik.com.mk/default.asp?ItemID=6996BEC85A1AA549B650EC902527C7C7

Cloverstack - на пролет ветувам хаха баш ме измотивиравте сите!

Јас баш вчера бев до крстот со кола. Негде околу 23ч. Рампата беше крената. Офтопик (Носев странска туристка на вечерно панорамско разгледување на Скопје) Иначе бев непријатно изненаден од крстот. Имаше проблеми со можеби половина од рефлекторите на крстот. Или не работеа, или пак светеа со помал интензитет. Направив две лоши снимки 

Порано знам(или барем така се сеќавам) преку недела беше отворено а за викенди затворено (нормално има голема фреквенција на возила патот е мал и тн.) За пешки малку сум мрзлив а како што кажа сега го видов теренот на средно водно беше целиот лизгав, така што изгледа ќе треба да ја чекам жичарницата или ако го знае некој рампаџијата... :-) Благодарам на одговорот во секој случај.

Дали некој знае кога и дали може со кола да се оди до самиот крст? Денес бев накај 14:00, рампата беше спуштена. Добро можеби требаше да го побарам рампаџијата да прашам ама ете не го побарав... :-)             

РЕСТОРАНОТ НА МИЛЕНИУМСКИ КРСТ НИКАКО ДА ПРО­РА­БО­ТИ

Со жичарница до празна кафеана

 

 

Надлежните од Фондацијата "Милениумски" крст сe уште не распишале ја­вен повик за избор на концесионер кој ќе го разработи ресторанот, иако жи­ча­рница­та на големо се гради.

Рес­то­ра­нот на Милениумскиот крст на Водно никако да проработи. Над­леж­ни­те од Фондацијата "Милениумски крст" сe уште не распишале јавен повик за из­бор на kонцесионер кој ќе ја разработи кафеаната. Иа­ко веќе на големо се работи на изградба на жичницата, која треба да биде го­то­ва до Нова година, како што стојат работите, граѓаните, сепак, нема да има­ат каде да пијат кафе, откако ќе дојдат до Крстот. Нема абер ни од хор­ти­кул­тур­но уредување на просторот отколку Крстот, кој сега е преполн со ѓуб­ре, трева, без ниту една клупа за седење или канта за отпадоци. За­бо­ра­ве­ни се малата црква, конаците и продавниците за сувенири, кои требаше да се гра­дат на Крстот.
Од Фондацијата "Милениумски крст" пред неколку месеци тврдеа дека чекаат да почнат
градежните работи за изградба на жичарницата, па да распишат тендер за концесионер, оти тогаш интересот на заинтересираните кафеанџии ќе биде по­го­лем. Но жичницата се гради веќе две месеца, а ресторанот зјае празен, без газ­да.
Од Фондацијата не објаснуваат зошто уште немаат избрано концесионер ни­ту, пак, почнале некаква постапка. "Зна­ме дека се доцни со постапката и не можеме точно да ви кажам кога би се избрал концесионерот кој ќе го добие на користење ресторанот", вели Бла­го­ја Дојчиновски, претседател на Фондацијата "Милениумски крст".
Ми­ле­ни­ум­ски­от крст на Водно, според најавите на Министерството за тран­спорт и врски, треба да заживее до Нова година. Тогаш ќе биде пуштена жи­ча­рница­та од Средно Водно до Крстот, која ќе биде долга 3,4 километри. Ќе има зат­во­рен тип гондоли, во бело-портокалова боја, со слика од македонското зна­ме до долниот дел. Двете ВИП кабини, пак, ќе бидат во црна боја и со капацитет за четворица патници, двојно помалку од обичните. Жичарницата ќе има можност за пренос на 1.200 патници за еден час.
Из­град­ба­та на жичницата почна во мај годинава и чини 6,7 милиони евра. Ја гра­ди австриската фирма "Допелмаер", чија понуда беше избрана како нај­по­вол­на на тендерот.

Edited by Swimmer - 21-Sep-2010 at 12:55

СИМБОЛОТ НА СКОПЈЕ НИКАКО ДА ЗАЖИВЕЕ

 

Милениумскиот крст 8 години зјае празен

 

 

Од Фондацијата велат дека надеж за заживување на Крстот гледаат во изградбата на жичарницата, која минатиот месец почна да ја гради Министерството за транспорт и врски

Милениумскиот крст на Водно никако да заживее. Симболот на Скопје, кој требаше да прерасне во туристичка атракција на главниот град што секој ден ќе го посетуваат туристи, остана само на зборови. Но од туристи на Крстот нема ни трага ни глас, а бројот и на скопјани што го посетуваат врвот на Водно е минимален. Иако пред една година беше пуштен во употреба лифтот за возење до краците на Крстот, во пракса се докажа дека тоа не е доволно за привлекување нови посетители.
Осум години откако Крстот е изграден, зјае празен, опкружен со ѓубре. Не е уреден ниту просторот ниту зеленилото околу него. Нема изолација на ѕидовите, железните конструкции се 'рѓосани, подовите распукани. Ресторанот, малата црква, конаците и продавниците за сувенири сè уште се неизградени и досега ниту еден сериозна фирма не се нафатила да инвестира.
Од Фондацијата "Милениумски крст" велат дека надеж за заживување на Крстот гледаат во жичарницата, која минатиот месец почна да ја гради Министерството за транспорт и врски.
"Ние немаме пари за уредување на просторот околу Крстот. Ќе бараме концесионерот кој ќе го земе на стопанисување ресторанот на Крстот, да го уреди со зеленило, со клупи и со видиковци целиот простор. Набрзо ќе распишеме тендер за избор на концесионер, но чекаме да почнат градежните работи за жичарницата, за да видат инвеститорите дека проектот е сериозен и оти ќе се реализира", вели Благоја Дојчиновски, претседател на Фондацијата "Милениумски крст".
Милениумскиот крст на Водно беше свечено пуштен во употреба на 28 август 2002 година, на христијанскиот празник Голема Богородица. Крстот е висок 76 метри, а неговата изградба чинеше околу 1,5 милиони евра. Најголем дел од парите, околу 1,1 милион евра ги обезбеди Владата, а останатите од донации на граѓани и од иницијативниот одбор за за изградба на Крстот.

 

 

http://www.vest.com.mk/?ItemID=51A9172AF7473A4597644D994F5ED7F5

Од изградбата: