Коритото и кејот на Вардар низ Скопје

Бев саркастичен, ако не забележа. Како и да е, зафатот што го предлага Давид е обемен и кај нас не постои фирма со толкав финансиски капацитет да урне толкав комплекс и да изгради одново нешто друго.

Ама новите облакодери да се од стакло и челик, никако сив гол бетон, нели? И да се високи едно 500 метри, да бидеме највисоки на Балканот, па и пошироко. И станицата од метрото да поминува баш под облакодерот, за луѓето директно од воз да влезат во Али Тобакото што ќе работи 24/7. Итн. итн.

bravo za odlukava

Ај, да не бидат само лоши вести во нишкава - патки (или што и да се) се сончаат на јануарско сонце Фотнато денеска од мојата маленкост

Нека има кафичи на кејот ама само со најобични столови и маси а не со шанкови, троседи, петоседи, седмоседи...

Толку ли е тешко една подземна да се направи со dig&cover? Па нека се откаже на крај краева Владата од 1% од дивиденда и ќе ја направат. И без парадирањето на идиоти (што ќе биде случај) пак не е мал бројот на службени возила кои се движат од Телеком.

Уште да им текне да го уредат и оној дел спроти плоштад Богородица, од Холидеј Ин до раскрсницата кај Веро Центар...

НА КЕЈ ВЛАДЕЕ ХАОС И БЕЗРЕДИЕ, НЕМА ДА ДОЗВОЛАМ ДА БИДЕМЕ ЗАЛОЖНИЦИ НА НЕКОЛКУ ЛОКАЛИ, ВЕЛИ ШИЛЕГОВ И НАЈАВУВА НОВ ЛИК НА ШЕТАЛИШТЕТО

Град Скопје од наредниот месец ќе почне со градежни работи за целосна реконструкција на Кејот 13 Ноември, со што како што вели градоначалникот Петре Шилегов ќе се реши хаосот и безредието кое владее на овој дел од центарот на градот.

Според проектот ќе се врши партерно уредување на кејот, на потегот од хотелот „Холидеј ин“ до зградата на „Телеком“. Предвидено е отстранување на старите и оштетени плочки, клупите, корпите за отпадоци, канделабрите, како и крајните жардиниерите кои се еден вид ограда. Треба да се отстрани и киоскот кој беше поставен на кејот во времето на претходната власт на ВМРО-ДПМНЕ за продажба на сувенири, но никогаш не проработи. Исто така ќе се изврши демонтажа односно уривање на постоечките летни тераси на кафулињата кои се распослани по речиси целата ширина на кејот и повеќе наликуваат на објекти отколку на летни тераси.

Изминативе денови градоначалникот Петре Шилегов имал состанок со сопственците на кафулињата на кејот на кој им го претставил планот, а дел од нив негодувале дека ќе останат без терасите кои сега го заземаат цело шеталиште.

Градоначалникот Шилегов вели дека нема да дозволи и во иднина на кејот да владее хаос и затоа нема да отстапи од намерата шеталиштето да стане репрезентативен дел на градот како што заслужуваат граѓаните.

„Кејот 13 Ноември е еден од најатрактивните јавни простори во нашиот град кој е сериозно девастиран како простор во кој владее целосен хаос и безредие. Немам намера тоа да го дозволам туку на скопјани ќе им дадам еден репрезентативен јавен простор по светски стандарди. Градот нема да биде заложник на неколку локали од кои три се на еден човек. Разговарам со бизнис заедницата да се најде оптимално решение, но компромис околу слободен јавен простор и репрезентативност на кејот не може да биде правен на штета на граѓаните“, вели Шилегов и додава дека тендерот за избор на фирма бил завршен уште во октомври, но решиле да почнат со работа после Нова година, за да можат кафанџиите да ги искористат празничните денови.

По завршување на реконструкцијата ќе биде дозволен влез само на возила на „Телеком“ бидејќи како што вели Шилегов штетната одлука на неговиот претходник Коце Трајановски не може да се промени.

„Мене ми е жал што мојот претходник дозволи на кејот да поминува улица. По реконструкцијата ние нема да направиме ништо друго освен што таа улица ќе служи само за технички сообраќај, за точно определен број возила и во точно определено време, а не како до сега кој како стигне да влезе и да паркира“, додава Шилегов.

Градоначалникот додава дека веќе неколку месеци се работи на враќање на сјајот на целиот кеј на реката Вардар од Влае до Аеродром, кој со децении бил запоставуван и нечепнат.

https://sdk.mk/index.php/dopisna-mrezha/na-kej-vladee-haos-i-bezredie-nema-da-dozvolam-da-bideme-zalozhnitsi-na-nekolku-lokali-veli-shilegov-i-najavuva-nov-lik-na-shetalishteto/

Тоа бара проект, знаете како е, па тендер треба да се распишува, постапка е знаете...

Чисто доловувам како би изгледал одговор од Град Скопје

ПО 8 ГОДИНИ КОНЕЧНО СЕ ОСЛОБОДУВА ПАТЕКАТА НА КЕЈОТ, КАЈ НОВИОТ ПЕШАЧКИ МОСТ ВО ЦЕНТАР

Екипите на Град Скопје почнаа да го расчистуваат кејот на реката Вардар околу новиот пешачки мост кај зградата на Македонскиот народен театар.
Овој дел од кејот скоро 8 години не беше прооден за пешаци и за велосипедисти поради градежните работи и натрупаниот градежен материјал поради изградбата на „Панорамското тркало“. Изградбата на мостот е готова, „Панорамско тркало“ нема, а сега се работи на конечно ослободување и на оваа делница од кејот, за граѓаните да можат непречено да ја користат.
Од овој потег досега се подигнати 27 кубни метри градежен материјал. Чистењето ќе продолжи и во наредните денови.
Значајно е да се нагласи дека активностите на Град Скопје за чистење на кејот на реката Вардар продолжуваат и оваа година. Се расчистуваат и уредуваат пешачките патеки, се чистат калдрмата, каменот и коритото на реката.
Дополнително, се корнат гранки, треви и грмушки со кои се обраснати делови од кејот, се кастрат дрвјата, се уредува зеленилото и се чисти ѓубрето.









https://www.facebook.com/CityofSkopje/